انتظر ردك اخوي الوردي

ايه نفس حالتك , صحيح فيه ناس ما تحسنوا لكن مو معناته انه ما راح تتحسنين , اصبري و باذن الله هالعلاج راح يكون سبب للوصول للحاله المرجوه

شوفي اعرفي انك ما راح تتعافين ميه بالميه -الا اذا اراد ربي غير ذلك- يعني راح يكون بنسبه تخليك قادره نوعا ما للقيام بالمهمات الحياتيه , طبعا درجات التحسن و الانتكاسه وارده يعني مره مثلا وصل التحسن 70 وبعده 50 وبعدا 75 مثلا

هنا تحتاجين بعض الهمه و شدة الحيل

بالنسبه للعلاجات ادري يمكن لو علمتك يمكن يقول عني الدكتور اني ملقوف و ان هذا عمله , عالعموم اقترحي ع الطبيب هالاشياء يمكن يكون من اللي يستمعون للراي الاخر

الساليباكس يرفع ل 60 ملج
ريكسال 10 ملج
الميرزاجن يتغير لعلاج اخر لانه من وجة نظري فاشل هالدواء
اضافه ليريكا او نيورنتين راح يساعدك باذن الله في ترييحك نفسيا , طبعا كل اللي قلت لك اقترحيه على طبيبك , والامر اولا واخيرا يرجع لطبيبك

بإذن الله لاتنسووني من دعواتكم والله تعبت تعب مايعلم به الا الله صرت اتمنى الموت على الحياة مليت من حالتي كذا كل النعم عندي وللاسف ماقدرت اطلع من هذي الحاله والله مليت من نفسي كرهت نفسي كره صارت تراودني فكرة الانتحار بس اتذكر العذاب اعيش في عذابي كذا ولا اعيش في الاخره في النار والله تعبت تعب شديد غثيان ملل زهق تفكير مستمر مليت والله العظيم ما ادري وش اسوي بنفسي

ثقي تماما انك منتي لوحدك وكثير تراودهم افكار الانتحار

ما احد يشعر بالمريض النفسي الا مريض نفسي مثله ولهذا نشجع بعض وهذس خطوه كبيره للشفاء

اهم شي حطي ببالك ان الدواء بإذن الله نافع ولا تراقبي نفسك وتنتظرين مفعوله لانه بطئ نوعا ما

وابد احنا هنا عشان نخفف جميعا على بعض وكل الي مريتي فيه مر فيه غيرك، مو شخص ولا شخصين، بل الاف يعني لا تقلقي ابدا

ولهذا نحن هنا اعضاء وزوار متجمعين هنا عشان نكون مع بعض ونساعد بعض وقت الشدائد

قدامك العافيه اختي

طيب وش اسوي تعبت من الانتظار والله اني احاول ما انتظر مفعوله بس ماقدرت انتظر مفعول الدواء انتظر متى لشفى وارجع طبيعيه حاولت الانشغال عن هذا المرض بس صاير شاغلني والله تعبت احيانا ادعي على نفسي بالموت من شدة القلق اللي انا فيه ثم ارجع استغفر

لا تقلقي اختي ، انا سبق قلتلك اني بعد شهرين من استخدام الجرعه المناسبه حسيت بتحسن

العجله هي الي تأخر بالشفاء،، يعني انتي عانيتي طويلا ما بتفرق انتظار كم اسبوع زياده اختي

وشغله ثانيه ، الدواء احيانا يزيد الحاله، وتحسين انك اسوء من قبل وهذي علامه طيبه ان الدواء مفعوله صحيح

مثل الجرح، تحطي عليه مطهر يزيد الالم بشكل افظع لكنه يطيب

انا مشكلتي العجله والله ماودي اتعجل بس احس شي غير ارادي حتى في تنظيف بيتي واذا رحت للناس ابي اطلع منهم بسرعه واذا جاني احد متى بيروح ويطلع والله العظيم اني تعبت من هذي الحاله ومليت منها اذا رحت للسوق ابي اخلص شغلي واطلع بسررعه ابي الليام تخلص بسررعه ويروح مني الاكتئاب والافكار السلبيه والله العظيم اني في حاله اعتقد مافيه احد مر عليه مثلي

بني ادم اصلا عجول وهذا شي طبيعي

وفي احد الاقوال للايه ( كان الانسان عجولا ) ان ادم عليه السلام لما نفخ فيه الروح ووصلت لبطنه ولم تصل لرجليه شاف جسده ف اعجبه وحاول النهوض، ولكنه لم يستطيع بسبب العجله.... وهذي احد اقوال العلماء

ف ابونا ادم عليه السلام كان عجولا فما بالك احنا!!؟

كلنا عجولين اختي لكن الانتظار واجب والصبر تؤجرين عليه وانتي تصبري لمفعول العلاج ف لا تقلقي

والله اني مليت من نفسي ومليت من بيتي وكرهت الدنيا كلها اشوف بنتي يتقطع قلبي عليها مااقدر استمتع معها اجلس مع اهلي دمعتي بتطلع من خدي وراني كذا ماقدرت استمتع معهم اذا شفت احد اقل مني ومستمتع ابدأ الوم نفسي ليه انا كذا عندي كل النعم ولاقدرت استمتع بها ليه والله صرت اعذب نفسي بنفسي اذا قرأت عيش يومك وتوكل على الله وفوض امرك الى الله تبدأنفسي تلومني انا ليه كذا والله اني خايفه اني اعيش عمري كله كذا والله اني خايفه خووف شديد ماقدرت اتحكم في ذا الخوف سيطر للاسف علي

من قال بتعيشين كذا طول حياتك؟

بس هذا هو المرض النفسي يحاول يحبط الانسان وهذا الي يؤخر الشفاء

انتي بترجعين مثل اول وافضل ايضا بس الصبر هذا شي اساسي ولا تنسين ان كلنا هنا ايضا نبي نرجع طبيعي وهذا حالنا كلنا والبشاره اننا رح نرجت غصب عن الجميع افضل من اول وانتي رح ترجعين ايضا مثل اول

ابدا لا تقلقي ولا تنسي انك ام ، والام دايم قويه ما شاء الله عليك

طيب عندي كم سؤال ابي اتأكد هل الكل مثلي اولا

انا افضل تفتحي موضوع وتكتبي اذا في احد مثلك باسألتك عشان يشوفونه الي مثلك ويجون وبتحسين منتي لوحدك ابدا ، وانا ان شاء الله اول من يجاوب عليه بعد وش رايك ههههههههههه

لا تيأسي ، كل الي هنا اخوتك واخواتك

السؤال الاول:هل التفكير عندكم مستمر يعني لو تحاولون انكم تبعدونه عنكم ماتقدرون ؟؟
السؤال الثاني: هل مرت بكم حاة يأس من الشفاء ؟؟
السؤال الثالث :هل القلق متمكن منكم تمكن شديد ومع العلاج تمكنتوا منه؟؟
السؤال الرابع ؟؟وش بيخليني انشغل عن هذا التفكير

السؤال الخامس:
اذا تذكرتوا مناسبات قادمه تفكرون هل بنكون سعداء اذا جت هذي المناسبه اولا
السؤال السادس
اذا جيت بسوي اي شغله او اي شي يحتاج مجهود في التفكير انتظر نسيان التفكير هل احد منكم مر بهذه الحاله

1- اي نعم المرض اصلا بالتفكير ولا يزول الا مع العلاج والوقت
2- طبعا يأست لدرجه اني فعلا كنت مقرر اموت مو افكر
3- نعم القلق متمكن بعنف علينا حتى لو بدون سبب ومع العلاج اخف بنسبة خمسين بالميه ولكني لسه ما خلصت كورس علاجي
4- انك تقنعي نفسك انه مجرد افكار وانك بمرحلة العلاج والتفكير بيخف تدريجيا اقصد التفكير السلبي وهذا الي رح يحصلك باذن الله