المشاركة الأصلية كتبت بواسطة ام سما (المشاركة 1126447)

طيب ايش المشكله بعلاجي الاول ليش ماطلعني من الحاله ورجعت طبيعيه 100%ليش وقفني عند حد معين ليش سيطر على الهلع وخفف من الافكار وقدرت اطلع من اختلال الانيه وخصوصا احساسي بنفسي بعد ماكنت فاقدته تماما لكن ولا مره حسيت اني رجعت طبيعيه مع اني احس بالفرح واحس ان الفرح اللي احس فيه كان من مضادات الاكتئاب لان من تركتها ماصار يفرحني شي بعد العلاج خلاني اصير جريئه حبتين وصرت اختلط بالناس بعد ماكانت علاقتي محصوره باهلي واهل زوجي والاقارب المقربين صرت اقابل الناس عادي حتى لو اول مره واندمج معهم مع ان قبل اخذ العلاج لما اتعرف على احد كان بعد فتره يصارحني انه ارتاح لي واني ادخل القلب مع اني كنت خجوله قبل العلاج وارتبك اول ما اقابل احد غريب
مدري وين المشكله هل مدة العلاج ماكانت كافيه مع اني مثل ماقلت احس العلاج وصلني لحد معين ووقف ماصرت احس بتقدم ومع هذا كملت الكورس والحين خايفه اخذ علاج تتكرر نفس السالفه يوصلني عند حد معين وماينهي الحاله تماما

المشاركة الأصلية كتبت بواسطة ام سما (المشاركة 1126448)

معليش اخوي احمد تحملني ادري كتبت واجد وشكيت واجد لكن احس اني جالسه افضفض وكل ماكتبت شي ارتاح

المشاركة الأصلية كتبت بواسطة مترجم احاسيس (المشاركة 1126454)

اعتبر نفسي ماشفت الكلام هذا

المشاركة الأصلية كتبت بواسطة مترجم احاسيس (المشاركة 1126453)

شوفي بالاول فعلا يمكن ما كملتي العلاج والفتره المفروض
تاخذين فيها العلاج وعلى حسب الجرعه..
خذيها قاعده مع اي علاج لو العلاج سبب تحسن عند اي شخص
يدل ان هذا علاجه المناسب لكن يبقي الجرعه والوقت المناسب..
وعلى فكره انتي خرجتي من اصعب شي اللي هي اختلال الانيه
وباقي عندك بس الاحساس انك مو طبيعيه يمكن تكوني
فقدتي الثقه بنفسك انك طبيعيه وهذا مسبب لكي كل الدوامه
اللي انتي فيها..
اي شخص يمر بتجربه صعبه تزيد جرائته والخجل اللي بداخله
يكون اخف من اول كثير وهذا طبيعي ..

بجد انا حاس ان باقي لكي خطوة وحده للشفاء انك بس
ترجع ثقتكي بانك طبيعيه مجرد فكره وحده هي اللي معك
مخليه وضعك متذبذب ...
انتي كل شي بحياتك طبيعي يعني انتي طبيعيه
كل اللي معك مجرد احساس غير حقيقي
وكان احساسك يكذب عقلك وهذا وسواس

المشاركة الأصلية كتبت بواسطة ام سما (المشاركة 1126461)

فعلا احس هذا اللي صاير معي تصدق لما قريت ردك احس اني رجعت طبيعيه لثواني يازين هالاحساس بس اعتقد اني احتاج علاج سلوكي

المشاركة الأصلية كتبت بواسطة مترجم احاسيس (المشاركة 1126468)

العلاج السلوكي مره ممتاز وطبعا هو عباره عن حوار عادي
وفضفضه بين الدكتور وصاحب الحاله ..
في الدكتور عمار التميمي بخدمة تعزيز الصحه النفسيه
اطلبه بالاسم يتصل عليكي هو دكتور سلوكي معرفي بامانه
مبدع بتخصصه ..
ما اتصلتي ع الخدمه نهائي اكيد

المشاركة الأصلية كتبت بواسطة ام سما (المشاركة 1126477)

الصراحه انا كلمتهم عن طريق المحادثه وبعدين عن طريق تطبيق قريبون وردوا عليه لكن ما اقدر اعطيهم رقم تلفوني
اذا تعرف معالجه سلوكيه من الجنس اللطيف يكون احسن لان مستحيل اتواصل مع رجل عن طريق التلفون حتى وان كان للعلاج

المشاركة الأصلية كتبت بواسطة مترجم احاسيس (المشاركة 1126482)

اعرف دكتوره بجده بس لازم تروحي لها العياده
انا كلمتها تلفون بس بصراحه متفلسفه ع الفاضي
ماعندها سالفه ..

لكن بكره باذن الله بشوف حقين الصحه واسالهم اذا
عندهم دكتورة او لا واعطيكي خبر

المشاركة الأصلية كتبت بواسطة ام سما (المشاركة 1126488)

تسلم
جزاك الله خير

المشاركة الأصلية كتبت بواسطة مترجم احاسيس (المشاركة 1126622)

ربي يسلمك

ابشرك تواصلت معهم وعندهم مجموعة طبيبات
لعلاج معرفي سلوكي وبرضوا عندهم طبيبات نفسيين
خاصين للتواصل مع النساء فقط ..
انتي ادخل ع الخدمه الشات بتكلمك الاخصائيه
سوي طلب واطلبي دكتوره علاج معرفي سلوكي
بيرفعون الطلب وخلال48 ساعه تتصل عليكي الدكتورة
طبعا تقدري تحددي الوقت اللي تقدري تستقبلي فيه الاتصال
مثلا قولي لها من الساعه كذا الى كذا خليها تتصل عليا
وع فكره اذا ما اقتنعتي بالطبيبه بعد الاتصال ارجعي ثاني
وكلميهم ع الشات واطلبي طبيبه ثانيه غير اللي كلمتك
من حقك لو كل يوم تطلبي التواصل معهم

المشاركة الأصلية كتبت بواسطة ام سما (المشاركة 1126628)

اشكرك اخوي واشكر لك اهتمامك وان شاء الله راح اتواصل معاهم باقرب وقت لاني حاليا بحاجه لدعم نفسي كبير