حبيبتي شخص ما تذكرت شي مهم ابغاك تكتبي وتكتبي وتكتبي كل اللي تشعرين فيه ويرعبك وابيك ترجعين للطفوله قد ماتقدرين واكتبي كل احداث حياتك سواء سلبيه او ايجابيه وراح تطلع لك اشياء ماتوقعتيها مخزنه بعقلك الباطن .. تخلصي منها بتمزيق الورق حرري افكارك ومشاعرك لاتظل حبيسه لانها احد اسباب الامراض النفسيه بالكبر .. طيعيني واعتمدي هالطريقه لمدة اسبوع وبتشوفين تغيير رائع .
بشرط ماتحتفظي بالورق ولا احد يطلع عليه

يارب يارب اتمنى من الله ياااارب
واكيد حاسه ان فيه شي موطبيعي فيني شي فوق المعقول
ونعم بالله توكلت عليه وفوضت امري اليه
انا حاليا اخذ جلسات سلوكيه مع اني مو مقتنعه فيها كثير لكن بكمل
اشكرك اشكرك من كل قلبي قطرات على ردودك وعلى اهتمامك
اسعدتيني وطمنتيني الله يطمن باااالك
ويسعدك ويلبسك العاااافيه والراحه ياااااارب

ابشررري ان شاءالله بطبقها بإذن الله
حبيبتي الله يسعد قلبك نصايحك ذهب

رجعت لك اقولك عن حالتي عشان تطمني .. اول مشاركه لي كانت شكوى من الهلع والخوف والدوخه ونوبات بشعه واعراض مابعد النوبه من قلق حاد و توجس شي مخيف بيحصل الدوخه تقريبا طول الوقت عدم توازن رحت لطبيب نفسي من كم شهر وكتب لي سيبرالكس وما اخذته لأني امرأه بالخمسين وفيني ضغط مع انه اكد لي سلامة الدواء لكن ماحبيت ادخل بدوامة الادويه سعيت وبحثت عن طبيب اخر لقيت دكتور سلوكي و دوائي استشاري وعنده مركز متكامل ورحت له وقعدت معات ساعتين كان مستمع رائع ويوجه اسئله ذكيه جدا قالي خطوه جيده انك ما اخذتي دواء واعطاني كم تمرين فقط للتنفس والاسترخاء انا بصراحه قلت وش هالسخيف كل اللي احس فيه بيروح باسترخاء ؟ عملت كل اللي قالي خف عندي الهلع لكن الدوخه مستمره بالزياره الثانيه قالي ابغاك تمشين ٢٠ دقيقه كل يوم مشي تأملي يعني مشي بطيء وقلت له تجيني دوخه قال حتى لو جتك طنشيها وامشي وبالفعل صرت امشي وازود كل فتره عشر دقايق لين وصلت بالمشي ساعه خفت الدوخه بفضل الله ٧٠ بالميه نفسيتي تغيرت الخوف تلاشى .. رجعت الدوخه بعد فتره وكمان في زيارتي له قلت جتني دوخه غريبه ماعمرها جتني قال القلق الحاد قذر يهاجمك بجميع الاعراض والاشكال وكل ماسيطرتي على شي يجيك باعراض جديده ومختلفه ودخلت هنا سألت الاخوان وماقصرو الجميع طمني وبالفعل طنشت واختفت .. الوسواس شي بشع ادري ويختلف عن الهلع لكن شيء سهل اذا مشينا بخطوات صح بعلاجه لانك اصبحتي من تصحين من النوم لين تنامين انتي قلقانه من تكرار الافكار السيئه وهلم جرا انتي تقاومينها لكن بقلق تقوم تجي وتجي حاده كمان .. عالجي القلق الحاد عندك وتختفي الافكار والوساوس .. جربي طريقتي اول ما اصحى من النوم اقول انا اليوم افضل الحمدلله واي فكره بتجي بطنشها وراح اتحدى نفسي والشيطان .
الاهم من هذا كله ان لي شهر اقرأ سورة البقره كل يوم مره واذكار الصباح والمساء وايات السكينه ولله الحمد والمنه انا تجاوزت ٨٠ بالميه من حالتي اللي كانت قبل .
انتي تحدي نفسك كتجربه وعلميني وكل ماجيتي تستسلمي تذكري كلامي وحاول تسيطري اول مره ١٠ دقايق وكل مره زودي الوقت واكتبي انجازك بنجاحك وكم المده .الله معك

كل شوي اتذكر شي وارجع لأني اتمنى من كل قلبي تشوفين السعاده وربي ☺
عند جرير كتب تلوين هذي للتوتر والقلق تلهي العقل عن الافكار السلبيه جيبي واحد منها وابحري بعالم الالوان الجميل ادري طريقه بسيطه لكن مفعولها جدا جميل .

ماشاءالله تبارك الله الله يتمم لك العافيه يارب
بإذن الله اطبق اللي قلتيه
خصوصا سورة البقره انا ما استمريت عليها
وبحاول ما افكر اطول مده
الله يسعدك جد استفدت كثير منك
مشكوره قطرات حبيبتي

بالسلامه حبيبتي وتأكدي كل مازاد عندك التوتر وقدرتي تسيطري كل ماقربتي من النجاح والشفاء .. اعتبريها حرب قولي يا انا يا هالوسواس 😀 وكل مامريتي بشي سواء سلبي او ايجابي اكتبيه هنا عشان نسخف الفكره وتتلاشى

ابشري ان شاءالله
الله يعين على هالوسواس
الله يسعد قلبك ماقصرتي ياقلبي