|
يا زمان الجور وش باقي بعد
|
عيون متفائله بتفرج بإذن الله مسئله وقت ماوصيك بالدعاء خاصه أوقات الاجابه
انا اول ماكنت استشعر هالشي لاكن تخيلي أن الله ينزل كل يوم للسماء الدنيا ويقول هل من سأل اعطيه وتكمله الحديث نسيته فهذي فرصه كبيره مع الاستمرار لابد تفرج انا من متابعتي للمشايخ يركزون على الدعاء وجابو قصه النبي أيوب عليه السلام يوم التهمه الحوت جلس يسبح يسبح ليما طلع منه نسيت الايه وآلله الذاكره انعدمت لاكن المقصد ان التسبيح برضو له مفعووووول كبير باستمرار طبعا سبحان الله وبحمده سبحان الله العظيم باستمرار وبتشوفين كل خير عمر عبدالله الله يسعدك ياليت تكتب بتفصيل أماكن الحجامه وين كانت وهل من حجامه حسيت بفرق ام أكثر مره عقل جميل الله يسهل الأمور وينزل الشفا علينا جميعا عاجلا ابونجلا هلا بالبطل والله يابونجلا المعاناه كبيره بس الي اعرفه من خلال قراتي أن مريض ثنائي القطب إذا جرب علاج وطلع مناسبله يصير وكأنه شخص طبيعي وأفضل وهذي حقيقه والله فأنت شف العلاج إلى يريحك وتحس انك تقدر تعيش الحياه وانت مرتاح بدون تحلطم هنا هذهو الشفا أن الواحد مايقعد يتشكى ابدا اسأل الله ان نوصل هالمرحله فاقرب و ووقت |
طبعا هذا الشيطانالخنزير كافر يعني يثقل عليك اي شي فيه عباده
تخيلوا انا زمان قبل ماعرف هالشي لما اسمع صوت الأذان ابي اسكره يزعجني طبعا كله منه اليهودي يتحكم فيني زي الكره يلعب فيني لعب فأنت لو شديت عليه بالعباده راح تزيد الأعراض لاكن بعد فتره لابد يصير تحسن هو طبعا راح بينهيك بيوصلك لمرحله اليأس وممكن عصبيه وممكن سب يخلي أخلاقك زيرو فالموضوع بالعربي كأنك فحرب وتجاهد وسلاحك كلام الله إلى مستحيل يصمد أمامه انتو سوو هالشي وشوفو لاكن لازم باستمرار مو من مره وحده لاكن هذا الشيطان الخنزير عشان احطك بصوره قوي وبيلعب فنفسيتك لعب فأنت لازم تكون مجهز روحك له ولازم يوميا عشان تهلكه ويطلع منك الخنزير وياليت إذا فيه شخص جرب يعطيناتجربته تدرين ياعيون والجميع وش المشكله ان الواحد يبي ينبسط يبي العافيه يعني من حولك الناس سعيده وكذا فأنت ودك تصير مثلهم طبيعي بعض الأحيان هالشي يكسلك عن الرقيه لاكن الأهم ال٥ صلوات فوقتها الأذكار الصباح والمساء وقول لا إله إلا الله وحده لا شريك له الملك وله الحمد وهو على كل شيء قدير بعدد كبير ايه الكرسي بعدد كبير ١٠٠ وطالع الفلق برضو الفاتحه يعني حط وقت يومي خاص تفرغ لنفسك فيه ساعه ونص ساعتين كفايه وباقي اليوم خذ راحتك والدعاء فاوقات الاجابه كذا انت تقريبا سويت كل شي مع الاستمرار ماراح يتحمل كلام الله وبيطلع لعنه الله عليه بحطلكم رابط الشفاء إلى اه ياقلبي ابيها عاجلا غير اجل لي ولكم وعطوني رايكم |
شوفو مو يتمنى الواحد هالشي عاجلا غير اجل
اسمعو بكل دقه https://youtu.be/Wou8_Lkyeps https://youtu.be/Wou8_Lkyeps ياليت المشرفين يحطونه رابط يويتوب مباشر ماعرفت |
اذا ما لقيت مركز خاص للحجامة في مدينتكم
اشتري كاسات الحجامة من الصيدلية و دق على حجام يسويها لك في بيتك انا سويت ثلاث كاسات في الراس و كاسه في الكاهل اتحسنت لدرجه لقيت صعوبه في التأقلم في البدايه مع الحاله الجديده اللي دخلت فيها |
الحديث أخرجه البخاري ( 5 / 2157 ) ومسلم ( 4 / 1729 ) كلاهما في الصحيح من حديث جَابِرِ بن عبد اللَّهِ رضي الله عنهما قال : سمعت النبي صلى الله عليه وسلم يقول :
(( إن كان في شَيْءٍ من أَدْوِيَتِكُمْ خَيْرٌ فَفِي : شَرْبَةِ عَسَلٍ ، أو شَرْطَةِ مِحْجَمٍ ، أو لَذْعَةٍ من نَارٍ ، وما أُحِبُّ أَنْ أَكْتَوِيَ )) . واللفظ للبخاري وأخرجه البخاري أيضاً ( 5 / 2152 ) من حديث ابن عباس رضي الله عنهما مرفوعاً ولفظه : (( الشِّفَاءُ في ثَلَاثَةٍ : في شَرْطَةِ مِحْجَمٍ ، أو شَرْبَةِ عَسَلٍ ، أو كَيَّةٍ بِنَارٍ ، وأنا أَنْهَى أُمَّتِي عن الْكَيِّ )) . السلام عليكم فعلا الحجامة يا اخوان شي خيال يحس الواحد بعدها إنه خفيف و طاير غير ان الرقاة يحثون عليها لما لها اثر في الامراض الروحية مو بس الجسدية حتى في راسي كنت اتحجم فوق من منطقة الاذن تشيل الصداع بأمر الله الله على ذاك الزمان يوم كنا انا و الوالدة نحتجم سنويا ، تجي المحجمة للبيت و كلن بعلبتها و أدواتها مدري وش جانا عليها من زمان ما احتجمنا اما بالنسبة للامراض الروحية من سحر و حسد و غيره و الدعاء طرت علي قصة تشافت بفضل الله امرأة بعد صلاة المغرب يوم دعت بصدق و تضرع و دموع فأحست برجفة قوية و شي خرج جسدها الذي انهكته الاسحار و الحمدلله من بعدها تعافت و قصة اخرى لوالدين اكتشفا ان ابنتهما البارة الجميلة مصابة بسحر قديم و كان سبب في هروب الخطاب و عدم عودتهم مرة أخرى ، فاتفقا أن يصليان القيام كل ليلة و يدعوان لابنتهما و سبحان من الله من يوم افتتح الاب قيامه بترديد لاحول و لا قوة الا بالله و الاكثار منها قبل الصلاة حتى صابه النعاس و غفا و رأى أن ماردا يخرج من جسد ابنته و سبحان الله بالفعل تعافت و تزوجت و انجبت تبارك الله كرم الله لا يتأخر انما يأتي في الوقت المناسب و ربي يوم يريد شفاءك يسوقك للسبب سوق بدون وعي منك او ارادة قد يكون السبب صدقة او دعاء او صلاة او ذكر و أخيرا : عسى من غفا و هو مكسور الاحلام يصحى على فرحة تجدد .. حياتــــه |
انا يا اخ صبري مصابة بشيطان الحسد والمس العاشق ومثل ماقلت ع الصامت لايتكلمون ولاشي
بس اشوفهم في احلامي على هيئة ناس من اقاربي وناس ما اعرفهم وكلهم يضايقوني ومن ٨ سنوات وانا من رقية لرقية تشافيت وطلع مني اكثر من شيطان وباقي منهم وللاسف رجعت اسمع الاغاني في يوم واحد فقط ورجعوا لي الشياطين وحاليا على رقية ونفسيتي تعبانة واكتئاب ووسواس وسابقا كان معي خوف شديد بدون سبب جلست سنوات مع الخوف وبعدها استخدمت العلاجات النفسية وراح الخوف وبقى الاكتئاب والوسواس القهري والى الان اعالجهم والحمدلله خف الاكتئاب معي نوعا ما والوسواس خف بشكل كبير ولله الحمد على الله ثم على الرقية والعلاجات النفسية نصيحة مني لك ارجع للعلاج النفسي واستخدم بروزاك لانه ينحف مايسمن حتى انا راح ارجع له واستخدامي له لانه زال عني الخوف وان شاءالله الاكتئاب والوسواس بالطريق للشفاء ان شاءالله وحتى الرقية استمر عليها انا ولله الحمد اتعالج بالعلاج النفسي وبالرقية بنفس الوقت والله يارب يكتب الشفاء لي ولك وكل مرضى المسلمين يارب العالمين |
اقتباس:
مثل الام الظهر والكتف والصداع وحتى الاكتئاب بمجرد اني احجم بمنطقة وسط الصدر تخف الضيقة بشكل كبييييير بنفس اليوم بس مع اليوم الثاني للاسف يرجع الاكتئاب وحتى حجمت لرفع المناعة عند منطقة فوق الصدر وماشاءالله تبارك الله ماكنت امرض ولله الحمد حتى اللي بالبيت تجيهم انفلونزا ويجلسون جنبي وماينتقل لي المرض ولله الحمد كل هذا مع الحجامة جدا رااااائعة وانصح فيها |
عمر عبدالله
الراس يعني بيصير راسي كنه مفلوق ٣ فلقات صح والكاهل وين موقعها الضهر يعني انا من زمان ابي اسوي حجامه بس هل تكفي وحده للتحسن ولا لازم كذا مرره انا ابيها حق صداع والاكتئاب والكسل وتنضيف الدم من الادويه اللعينه بكم يسوونها وهل تضمنلي التحسن يابو عبدالله عيون الدعاء سلاح قوي وخاصه فوقت اجابه يالله انك تسهل الأمور هالايام صراحه الوضع صعب لاكن بصبر وبشوف اخرتها بس مستغرب مافي الا عيون تفاعلت مع الموضوع هل معناه ان الكل ماييد انه يأخذ ادويه ويترك القرآن والرقيه؟ الظاهر الأغلب هنا يبي ادويه |
مرحبا اختي يارب اشفني
ياليت تخبريني كيف كان برنامجك العلاجي بتفصيل وكم اخذ وقت وماهي الرقيه إلى فادتك وايش إلى كنتي تعملين انا الي اعرفه ان لما تتشافا من المرض الروحي يروح المرض النفسي تلقائي يعني مايحتاج ادويه لأن إلى تسبب الإكتئاب والوسواس والخوف هو المرض الروحي |
اقتباس:
والادهان بالزيت وقراءة القرآن ٥ أجزاء كل يوم وختمه خلال ٦ ايام والاستمرار على الختم والاذكار وقراءة سورة البقرة ٣ مرات في اليوم لمدة ٣ ايام او ٧ ايام واركز على الاذكار والدعاء واكثر منها واستمريت مع المعالج لمدة سنة وخفت حالتي شوي وطلب مني اروح لطبيب نفسي عشان يعالج الخوف اللي كان ذابحني كنت اخاف اجلس لحالي واخاف من الظلام والحمدلله مع العلاج النفسي راح الخوف والاكتئاب خف عن اول والوسواس كذلك المهم اني تركت المعالج وقررت انه ارقي نفسي بنفسي وفعلا صرت اختم القرآن كل ٦ ايام واقرأ الاذكار طوال الوقت والحمدلله مع الايام صار كل مرة يطلع مني شيطان ولكن للاسف مو كلهم طلعوا لكن حالتي خفت عن اول بكثيييير والاكتئاب خف مرررة والوسواس بعد لكن مازال المس موجود حسبي الله عليه ولكن جاء يوم من الايام قبل فترة بسيطة نغزني الشيطان وخلاني استمع للاغاني في ليلة من الليالي وحسيت باشياء تنبض بجسمي وقشعرييييرة وفي وقتها عرفت انه الشياطين رجعوا لي وتركت الاغاني ورجعت لربي وكل هالفترة وانا من رقية لرقية كلها عن الحسد والمس اخذتها من قوقل لكن حسبي الله عليهم مايخلوني استمر فاضطر اقطع كم يوم ثم ارجع للرقية بس تدري انه في كل مرة انوي اقرأ قول لا إله إلا الله وحده لاشريك له له الملك وله الحمد وهو على كل شيء قدير او قول لاحول ولاقوة الا بالله او الاستغفار يمنعوووني لكن مع رقية الحسد والمس يكون الوضع نوعا ما عادي فعرفت ان الاذكار قوووية عليهم وتحرقهم حرررق وبالاخص لا إله إلا الله وحده لاشريك له وايضا الحوقلة بس ان شاءالله بحاول قدر الاستطاعة اني التزم فيهم هذا كل اللي عندي يا اخوي صبري ويارب ياااااارب انه يعيني عليهم ويهلكهم ويشفيني منهم واياك وكل مرضى المسلمين يارب العالمين |
حجامه واحده تكفي الكاسه بحدود 25 ريال و زي ما قلت ثلاثه فلقات رح تظهر و رح تختفي بسرعه
الكاهل اعلى الظهر تحت القفا على طول ما اعرف تنظف الادويه او لا يفضل تعطي الحجام خلفيه عن حالتك و ان شاء الله تتحسن |
يارب اشفني
الله يجزاك خير على ردك الوافي المشكله البرنامج العلاجي صعب ومكثف يعني مو اي احد يقدر عليه هذا غير التعب الشديد إلى بيجيه ورب البيت بس يبي يعيش مثله مثل غيره لما اشوف الغير فكل مكان عايشين مبسوطين العن اليوم إلى انصبت به واخربت حياتي يعني لو انه بس مرض روحي كان عادي لاكن يسببلك اكتئاب وقلق وتوتر والبلاوي الباقي يعني الواحد ناقص خلني ساكت لاسترسل واجيب العيد نار فقلبي عمر عبدالله الله يسهل ونسويها ونشوف يمكن تفيدنا |
اقتباس:
معليش ودي انصحك بس لاتزعل علي تكفى تكفى تكفى اعتبرني اخت لك تتمنى لك الخير 😬 انا لاحظتك تلعن وتلعن باليوم ... واليوم من هو؟؟؟..... اليوم هو 👈 ( الله) ⁉️⁉️ انتبه انتبه انتبه وانا اختك ترى اللعن حرام واللعان مايدخل الجنة والله عندي بالبيت ناس يلعنون على كل شي ونصحتهم ولا حياة لمن تنادي صاروا يعاندون وأشد من اول وكأن النصيحة صارت مثل السبة مو نصيحة وتوجيه الله يهديهم ياااارب اتمنى تتقبل نصيحتي بصدر رحب يارب اشوفك مبسووووط وسعيد ومرتاااح فحياتك ويشفيك من كل علة يارب العالمين الله يشفيك عاجلا غير آجلا وييسر أمرك ويوفقك هذا ما اتمناه واياي وكل اخواني اللي هنا وجميع مرضى المسلمين يارب العالمين 🌹🌷 |
الله يحفظك اختي يارب اشفني
نصيحتك عالعين والراس وكلامك صح مافيه شك بس مشكله انا عصبي ومانلام تقريبا ٢٠ سنه من المعاناه شبابي راح كله ابتلاء طول المده تتعب النفس وشيطان الزفت مومقصر الله ياخذه هالكني نفسيا لاكن اتمنى انه تفرج على وعليك. وعلى كل شخص يعاني بعد إلى شفته ماتمناه الا للاعداء واستغفر الله على الكلام على فكره دايم لما العن وكذا استغفر بعدها بس تطلع فلحظتها بعدين تعالي ابيك تعطينا كذا نفحات وتشجيعات عشان استمر يعني ايش الأشياء الي فادتك هل التسبيح أكثر شي او الاستغفار أو ذكر لا إله إلا الله وحده لا شريك له الملك وله الحمد وهو على كل شيء قدير أو ايه الكرسي مكرره أو الفلق أو الفاتحه يعني حاولي تعطينا من خبرتك الله يحفظك ماشالله تبارك الله ويحقق لك كل ماتتمنينه |
| الساعة الآن 03:43 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا