اي صح ماسترو نسيت اقولك سر !!

ماقلت كم مقدار الطاقه تبعك 110 والا 220 فولت <<<<<<

يقطع سوالفك يالغاليه والله انك رائعه بمواضيعك نبغا مواقف اكثر

الموضوع أخذ منحنى الجد

يقطع سوالفك ياام عبدالله :)

ام عبدالله تغيب تغيب و تطلع بقذيفة
حمد الله على سلامتك طولتي الغيبة المرة دي

تسلمي اختي مفتاحه عالكرم وانت الاروع بردك .............وتبغين مواقف اكثرررر ياويلي هههههههههه اخاف تصير المواقف غير قابلة للتشفيرررررر ......

تعرفي في واحد ليلة دخلته حاول انه يقول كلام معسول لزوجته ويوم شاف عروسته تلخبط وماعرف ويش يقول ...قال لنفسه : ليش ماكتب الكلام في ورقه صغيره وارميها بالسرير ،، قام عاد وسوا الفكرة ........المهم شافتها زوجته وضحكت ضحكة خفيفه وقالت : شو هالرومانسية طلع متل افلام هوليود اللي يؤمن بالحب وباقات الشعررر ههههههههه ،، المهم يوم شافها وهي تقرى خرعها وقال : ويش تسوين ؟!............

سوت نفسها خجولة وقالت : اللي شفته عجبني مررررررره .!!!؟؟.........فتح عيونه وقال في نفسه : ويش اللي عجبهااااا ؟! .........يعني قصو علي وغشوني فيهاااااا وشافت غيري ....اقولك يافلانه : تعرفين رقم بيت اهلك ؟ ..قالت : ايه وليش مااعرفه ؟! ...قال : اجل دقي على ابوش خل يجي ياخذك مابغاك تنامين عندي الليله ؟ ....طبعا البنت شهقت شهقة قويه وقالت : ويش علامه ؟!...اظنه خجول ومستحي .....صرخ بوجهها وقال : انا ماخاف من ابو اللي جابك عشان اخاف منك ....اقولك : مع الف سلامه ...........




<< طبعا اطمنو انحل سوء التفاهم وعاشو بسبات ونبات وخلفو صبيان وبنات

هههههههههههه ميرسي يامقاتل يابطل الصحراء على مرورك <<<<<<< والله انك مهندس ،، بس للاسف مابشتغل خطابه خخخخخخخ

الله يسلمك اخي العزيز خالد والله اني اشتقت لكم .....بس معليش لظروف صحية خارجة عن ارادتي

اتمنى لك التوفيق في حياتك

يقطع ابو الحيا عاد برق خلوها مافيه تطور شوي يعمي ههههههههههه بس حلوه منك يسلم بوقك ربنا خلونا نحكي مصري شوي وبحريني شوي وحساوي شوي نبغا لهجات دروس بالهجات

السلام عليكم ورحمة الله وبركاتة
عزيزتي ام عبدالله انا ناسي منهو 110 ومنهو 220 الي حنا نقصدها بس لازم اوصل لكي المعلومة لأن بصراحة انا بعد كنت اريد اعرفها منك بس اذا عرفتي الحقيقة ما تقولين اه اه طلع مش منا زيـــــــــــــن كيف اوصلها مثل ما قلت لك انا ناسي الفلت منو هو المهم بقولها 110ش مش 220 س بس بصراحة انا احس عجزت شيبت كبرت ابغي مرة اهلي مش راضين يتحركون لي ابدا ويريدون البنت هي الي تجي لبيت ويوم قلت لهم ترى باخذ لبنانية ولا سورية امي زعلت وقالت والله ما جي عرسك وحتى اهلي كلهم مش راضين يعني المشكلة صارت من الطرفين لاا براضين يدورون لي ولاا براضين يخلوني اخذ من برة لا بس صدقيني يأم عبدالله اذا انت تعرفين بنت اخلاق وبيت نظيف واخلاق وناس وااعين وفاهمين وفي نفس الوقت البنت جميلة بس لاتجيبين لي وحدة في المتوسطة اريدها اقل شيئ في الثانوية
وفي شيئ مهم انتي قلتي ممكن الفولت مختلف مش ممكن احس ان اكيد الفولت مختلف قبل لاتقرين رسالتي
الى اللقاء نراكي لاحـــــــــــــــقا

يااهليييييييين ازيك وازاي العيله وحشتينا اخت مفتاحه ،، الا بسئلك سؤال انتي زرتي مصر ؟ <<< يعني ملاحظه عليكي تحكي مصري كويس ههههه

اما عاد بحريني لاء بارده اللهجة وكلها مياعه قريبه شوي من بعض مناطق الشرقيه .......... لا مشكنم ولا مقدنم " لاضعيف ولا متين " خخخخخخخخخ ،، ومحلقم " مدور " <<<<<< بالله عليك شفتي اللهجه عشاها تعجبك !


سلام وروده حمراء ليك

اهي اهي اهي .......وجعت قلبي وخليتني ابكي ذكرت اخوي اللي بيحن وبيزن على الزواج طفش حياتي كني امه مو كني اخته ههههه ،، بط راسي وارسلته للرياض والله العظيم يكمل دراسه وعمره 25 سنه مدري ويش الدراسه بس المهم يطلع بره وبعيد ويعيش قلبي سعيد ههههه ،، وياما صفيت 10 بنات وماشاف الا وحده الصراحه طبعا بالعباءه وعجبته التدين والمشيه والاخلاق والصوت المنخفض !!!!...يوم بقول لولوليشششششششش ،، وقف وقال : دقيقه لحظه ..ابغى اقيس نبض اهلها " اخوانها وابوها واعمامها يعني " وبس خلال اسبوع وهو مشغول بالحسبه وبقياس النبض انخطبت البنت وعرست وهو بنفسه وداني للحفله ....وخبرته وانا بالطريق من صاحبة الحفله بس الظاهر مافهم علي او انه غبي !..المهم يو رجعنا قلت له : ايه سخنه الماء وطارت الدجاجه ......لقيت فجأه يصرخ ويقول : ويش تقولييييين ؟ ..قلت له : البنت عرست خلص الله يستر عليها وخبرتك وانا بالسياره بس شكل دماغك سارح !!.........والله لقيته يذرف الدمع وضل اسبوع منعزل " ماتوقعت تصير له هالصدمه او يتعلق فيها " يعني ماكلمها ولا شاف وجهها حتى ...بس سبحان الله الهوى غلاب !!!!!..........
والبنت ماقصرت يوم خبرتها اتصلت وقالت : ترى في فلان خاطبني ويش اقول ؟!...قلت لها : الله يسعدك وين ماتكوني ...وبصراحه اخوي بيدرس وعاطل مو حال زواج حرام تتعطل البنت مو ويمكن ذاك الانسان يسعدها اكثر من اخوي !...

وان شالله عقبالك يارب وتفك اهلك وترتاح وتشوف اولادك ..........بس ياطويل العمر اخاف اخطب لاحد او اشير لاحد لانه يمكن البنت تطيح بكبد المعرس وتوهق اناااااااا ويقعد يصبح ويمسي بدعاوي علي هههههههههه ،، لاءء حقيقه حتى اخوي اكتبه ورقه اذا دخلني المشروع تبع زواجه ان ماتحمل اي شي وهو يتكفل بكل المسؤلية << سواء زينه والا اهلها شينين """"""" لان بصراحه احيانا البنت حلوه مافيها شي بس يطلع العيب في الاهل واحيانا العكس تطلع البنت شرسه ولاعندها اخلاق ولاضمير بجد .......
اخيرا " اطمن اختك ام عبدالله اهم شي عندها الامانه وماتخاف من احد مايستروووووووووووو وارفع راسك وانت سعودي " خخخخخخخ " 110 وسلامتك

من الزهق والله انا قلت لش دوري لي وحدة لاأنش انتي ما تدرين اهلية باردين حيل ويبغون البنت هي الي تجي لهم
فتعبت معاهم كثير قلتلهم ياجماعة الحين صار لي سنتين من توظفت او ماشفت بنت الحلال
ترد تقول ليه ما بتاخذ الا نصيبك طيب روحي دوري تقول ليه هذا رحت العرس ما فيهم زود
طيب روحي سالي تقول مين اسأل اطق على بيوت الناس واقولهم عطونة بنتكم
بعدين قلتلها سمعينية زين خلااص انا مليت بروح انا وابوية نروح ندور لنا سورية ولا لبنانية وكنا في ذاك الوقت كنا جادين في ذلك
والله امية ماسوت اسوى فينية اولا ازعلت من جد حتى صاحت قالت خلاص انا ما عرفك
قلتها ليش ايش فيش شذي صرتي ما اتوقع اني انا قلت شيئ يزعل ولاا قلت شيئ عيب قالت انت بتسوي شيئ كبير وانت ما تدري خفت انا شكيت في نفسي قلت افا انا بسوي شي كبير وانا ما ادري قالت اي قلتلها شنو الي بسوي انا
قالت بتخلي ابوك بيتزوج علية قلت لها يا يمة ايش هالخرابيط قالت انت الخرابيط بيشوف هاالشقر والبييض وبيخليهموالله لشان تجون كل وحدة له اكثر من مرة انا سكرت الموضوع وخلصت من لاأن بصراحة انفتح شر يوم طرحت هالفكرة وبعدين تخانقو امية وابوية على هالسالفة بتتزوج الاا لاا ايش دخل انا بخطب حق ولدية تقول لاا انت بتخطب حق نفسك بعدين هدات الوضع قلت لا انت ولاا انا بنزوج خلااص ما حنا رايحين لا سوريا ولبنان هونا والى اليوم بصراحة الأم لا برضية تتحرك ولاشيئ امس اسألها هاااا يمة جات العطلة بتخطبين ليه قالت بروح العرس كالعادة مع اني لي اكثر من سنة واوديها العرس او ماحصل منها شيئ بعدين اقولها طيب خلينا نروح اعراس غير هالأعراس تقول لاا يا سلام تبغيني اروح عرس ما عزموني وهكذا مشوار ي

الطريق الى الخــــــــــطوبة
فيا ام عبدالله تخيلي سنتين وانا على هذا الطريق ياليت حصلو وحدة ومثلا انا رفضت او الأهل رفضو لاا خير شر حتى مو راضين يحصلون وحدة وانا اقول مدري ايش هالبنت الي بتطلع مدري ايش الصعوبة في ذلك مدري انا باخذ حور العين الي حتى مو راضين حتى يقتنعون في وحدة والله نهايتها حدي 3 اشهر وبصبر ان ما حصلو لي وحدة بروح سوريا انا وابوية ولاا علينا منها ان شاء الله يتزوج اهم شيئ انا اتزوج
معليش طولت شوية ...........

ههههههههههههههههههههه
الله يعطيك العافيه ام عبد الله على هذه القصص الحلوة
فعلا تصير مع اكثر الناس

برضو انا صارت لي قصة يوم زواجي احكيها لكم

بعد اداء رسوم الزواج من رقص وزغاريد انتهت الزفه
وانا رايحه لشقتي جسمي ينتفض ودموعي تنسكب وحالتي حاله ماني شايفه طريقي
غير هو اللي ما سكني وممشيني
المهم وصلنا الشقه اول استفتاح عند طلوعي درج العماره يعني الدرج اللي في الشارع
قبل درج العمارة اتعنقلت في فستاني واطيح على وجهي والراجل جنبي يقول يا ساتر على مهلك
هو انا مشيت حتى اصير على مهلي هههههههههههه المهم فتح الباب وطلعت وانا اتالم من رجليني وبدا الزراق فيهم وانا طالعه في الدرج الداخليه برضو اتعنقلت واطيح
المهم علبال ما وصلت للشقه طحت ثلاث مرات كله من شدة الخوف والارتباك
طلعت لقيت جسمي مزرق ومحمر من الطيحات راح الصيدليه وجاب لي مرهم الجزال
وصار يدهن لي هههههههههههههههههههههه وانا في غاية الخجل والارتباك