المحتاره طمنينا عنك ؟؟!! شو صاير معك

يسعدك ربي يا "الاولى" ومشكوره حبيبتي على اهتمامك.
اليوم بدايه الشهر ومن حماسي جبت كشكول وسجلت فيه كل النقاط اللي انذكرت هنا وطبعا بما اني بعد اعاني من"هوس نتف الشعر" دخلت البارحه على موقع فيه خطوات العلاج السلوكي للي اعاني منه وجلست اسجل كل شي..
عاد اليوم كان التحدي ويارب لك الحمد نفذت كل اللي انكتب هنا وباقي باذن الله قيام الليل الليله باذن الله رايحه ابدا .بالنسبه لسوره البقره كل ما تجي في بالي اتعجز واحس بضيقه بس تغاضيت عن هالشعور وقبل شويه حفضت الى الايه 16 ادعوا لي استمر على هالنشاط والحماس.
على فكره مااحد جنبي يشجعني او حتى حاسس بمعاناتي كل ما أدخل هنا احس اني بين عيلتي اللي بجد احس لهم اكبر تأثير ايجابي على نفسيتي
ادعوا لي ولكم بالشفاء ويارب نشوف الدنيا بايجابيه ونعيشها مثل بقيه الناس .
على فكره قبل شوي امي تعمدت اتضايقني ماادري "الله يسامحها" ليش تسوي فيى كذا من وقت لوقت تذكرني بأني بعدني مااتزوجت وكل بنات العائله اللي اصغر مني اتزوجوا وشافوا حياتهم و بأسلوب سخريه تقول "بعذرهم بنات ناصحين اجتماعيات ما بيخافوا يقابلوا الناس"....
بالعاده الجأ الى تفريغ غضبي ب"نتف الشعر" بس اليوم الحمدلله سويت كونترول ويارب اكمل على كذا..
طولت عليكم ويا كثر هذرتي ...
يالله اتشجعوا و اتحمسوا و حمسوني وياكم...
ايه على فكره انا بقوم الليله اي احد يوصي على دعوه معينه ..بالنسبه لي لا تنسوني من دعائكم لي بالشفاء وراحه البال والزوج الصالح..
دمتم بحفظ الله...

keep going mohtara
هاذي أنا بتشجع نفسي .

اولا اسأل الله لك الشفاء ثانيا عليك بالرقيه الشرعيه اقرأي في زيت زيتون الفاتحه سبع مرات واية الكرسي واخر ايتين من سورة البقره والمعوذتان والاخلاص وانفثي في الزيت ثم ادهني به كل يوم لمده لاتقل عن الاسبوعان متواصله وستلحظين باذن الله الفرق
ثالثا امك اعذريها واطيعيها فهي باب سعادتك وراحتك وببرها تنالي رضى الله تعالى واجبري خاطرها وتقربي منها قدر المستطاع ..
رابعا اجعلي اعمالك خالصة لله تعالى وجاهدي نفسك وسيوصلك الله الى مبتاغكِ باذن الله تعالى
خامسا أسأل الله لك الزوج الصالح والاستقرار الهاديء ..

السلام عليكم ..........الاخت الاولى انت اخصائية ................

يسعدك ربي يا الاولى ان شاء الله ابي سوي ...
مشكوره حبيبتي:)

ما الذي دفعك لهذا السؤال ؟؟ ما الملاحظ ؟؟

المحتاره وين وصلتي ؟؟!!!

كيف احوالك وكيف امورك تمام ..؟؟

أهلا أختي الاولى.............حسيت انك اخصائية من ردودك ..........أقرب مايكون لما يقولة الاخصائين .........أقصد بة ردود........جميلة .........زوتدل على ان الذي يكتب شخص يعي ولة معرفة بعلم النفس .............

اهلا اخي الكريم انا لست اخصائيه ودراستي بعيده عن هذا الجانب لكنها فضل وعلم من الله وحده ...

كل الشكر لك اخي الساكن .

انا ماشيه تمام ..بس سوره البقره ما قدرت اكملها نهائي حتى الجزء اللي حفظته نسيته و احس بضيقه صدر اذ قريته..
بديت الحين بسوره يوسف ..
بالنسبه لصلاه الليل الحمدلله هي ملاذ روحي ..
بعدني ي بدايه المشوار ...وان شاء الله مكمله للنهايه..
مشكوره عزيزتي الاولى :)

طيب لاداعي لان تحفظيها عندي طريقه... عندك استعداد تجيبي الي اقول لك عليه وتستخدميه واكون متابعه معك كل يوم ونشوف شوي شويه النتائج هي مجربه ...

اكيد ..بس شو؟

شوفي عزيزتي روحي عند العطار واطلبي منه عشبه اسمها شذاب انقعي منها قليل في كميه ماء واقرأي عليها سورة الفاتحه سبع مرات طبعا سواء انتِ قرأتي او غيرك لابد ان يكون طاهر على وضوء اقرأي وانفثي في الماء واتركيها منقوعه لنصف ساعه الى ساعتين الكميه تعمل بقدر استخدام واحد يومي يعني كل يوم بيومه واشربي منها بقدر فنجان شاهي واغتسلي بالباقي ...

من اول مره بشريني بالنتائج الملاحظه ...ثم استمري عليها لمدة اسبوعين وراح تشوفي الفرق باذن الله هذا الصداع راح ينتهي باذنه تعالى ..

تسلمين قلبي ..من بكره رايحه للعطار :)