المشاركة الأصلية كتبت بواسطة emad5966 (المشاركة 524972)

الاستاذ صلاح

الاستاذة عطر الياسمين

الاستاذ الشاكر


ولا تزعلوا سنكون متفائلين بس لو كنا متفائلين مكنانش رحنا للدكتارة النفسيين واشتركنا فى منتدى نفسانى

واخدنا السبرالكس والزانكس ......... نعم انا عترف انى عندى نظرة تشائمية وانى امر بنوبة اكتئاب شديدة شوية


لكن مش مشكلة نحاول نفكها ونقول ان مصر لسة بخير وهتفضل علطول

وارجع واقول بحبها بحبها ياناس ياهوووووووووووو بحب مصر حب شديد


وصعبان علية ست الحسن وهى من غير الشاطر حسن ووقعت فى ايد الاربعين حرامى


لكن كلامك صح ياستاذ صلاح لازم يكون فية امل ولو بسيط


ونرجع ونقول رجالة وطول عمر ولادك ............مش قادر اكمل حبستنى الدموع


لكن مصر هتفضل غالية علية وهشتغل وهلم الزبالة وانظف الشارع

وهعلم اولادى ميرموش من شباك العربية وهحط صندوق قمامة امام شقتى

للطالع واللى نازل وهأعلم الاولاد فى المسجد القران والانجليزى والفرنساوى مجانا كما كنت افعل من قبل


وهعمل مجاميع تقوية فى وقت الفراغ واعلمهم ان الادب وحسن السلوك مش بالكلام بالفعل وادور فى العائلة على

ناس محتاجة بجد واساعدهم بقدر الاماكن وبدون هيصة

هاحاول اكون ايجابى كما كنت وسأقاوم من اجل اولادى فهم زرعة المستقبل والامل الجديد

المشاركة الأصلية كتبت بواسطة ساسوكي (المشاركة 525784)

بالنسبة لي لا يهم من سيكون الرئيس طالما انه سيكون من خارج الحزب الوطني الصدأ

ولايهم من سيكون الرئيس طالما انه سيكسر الرعب من التوريث لدى البعض

ولايهم من سيكون الرئيس طالما السلطة سوف تتداول بالانتخاب الحقيقي



لن تقوم لمصر قائمة ان لم تخرج السلطة من عباءة الحزب الوطني الحاكم


هذا رأيي والله العالم مابالنفوس ,,,