بندق وينك؟؟

رد علي تكفى

بغيت الدوا وماراح اقصر معاك

توكل على الله ان شاءالله مافيك الا العافيه لاتخاف

حبيبي ان شاء الله سليم طمنتني والله عفسني دكتور رعد الله يسامحه كلنا نحس بنفس الأعراض لا وانا مسوي قبل شهر تقريبا فحص وظائف رئة وقال عندك ضعف بالوظائف وضيق بالقصبات الهوائية ومشاني على بخاخ والحمد لله رحت لطبيب ثاني قال لي اللي عندك عند كل المدخنين تقريبا وحاول تترك تصير احسن المهم تطمنا عليك أنا ماعرفك الا اليوم بس كان ودي امر عليك ووديك بنفسي لطبيب قلب علشان نتطمن بعد كلام د رعد الغريب انه اكثر من واحد شكا ورد عليهم بردود مطمئنة ومهدئة مادري ليش استن عليك الله يسامحه مادري يمكن واحد ثاني منتحل اسمه كل شئ يصير المهم مادام سويت ايكو وتخطيط مجهود اللي عندك هلع مع حتة دلع شوف حاول تكتب موضوع ثاني تكلم فيه عن مواقف صعبة حصلت معاك قبل الهلع او خبر سمعته اثر فيك غالبا تكون الاخبار او المواقف الصعبة هي المحفزة للنوبات وملائما شر ان شاء الله

اخوي رونالدو سامحني والله اني رحت ثاني يوم وطلبت من الدكتورة تكتب لي الدواء وفعلا ما قصرت وكتبته بملفي ورحت اصرفه قالت لي الصيدلانية خالص والطلبية الجاية هالخميس ان شاء الله من غير ما ادخل على الطبيب بس أخذ الملف واصرفه من الصيدلية لانه كتوب بالملف من الاسبوع اللي طاف وسامحني على التأخير الخارج عن الإرادة ان شاء الله الخميس اروح وتصرفه وحاول تدش الخميس علشان ارتب معاك موعد أعطيك الدواء لأني مسافر السبت ان شاء الله

تحياتي واكرر أسفي .....

اشكرك اخوي بندق وما ادري شقول

رايتك بيضا وما قصرت ....وشي ماهو غريب علينا

وعسى الله يوفقك دنيا واخره ....لا ما في اسف ولا شي

المهم الحين عطوك المنتدى ايميلي ولا لا؟؟

انا بعطيهم ايميلي وانشالله يوصلونه لك

ومشكور يالغالي وانشالله تروح وترد سالم

رونالدو شتقصر معاي والله من الحين اقول لك اذا بتقول لي احاسبك ومن هالكلام شوف غيري أنا ماراح أخذ منك شئ ولا أرضى أخذه من الحكومة ببلاش وآليته عليك يعني أنا نصاب و تاجر هلع لا يارونالدو الله يسامحك انت برازيلي ومابين البرازليين حساب لا تقول رونالدو البرتغالي أزعل منك صح لاعب بس أنا حسبتك رونالدو داليما البرازيلي هو اللي يطلق عليه رونالدو فقط من غير تعريف الثاني اسمه كريستيان رونالدو قول بس ان شاء الله يكون وصل المستوصف وعلى فكرة أنا سالت صديق وهو طبيب نفساني وقال لي عنده البديل للسيبرالكس وممكن تاخذه الى ان نحصل على السيبرالكس سالته نفس الدواء قال لي نفس الدواء بس اسم ثاني شرايك اكلمه باكر وابلغك

تحياتي......

في كلمة غلط ترى قاعد اكتب بالاي باد وساعات يالف على كيفه وللحين ماعرف له عدل بس صراحة فله الكلمة ابيعه طلعت اليته مادري شنو معنى الكلمة الغريبة المهم قصدي ابيعه عليك امر مرفوض وشيل من راسك هالافكار لان هذا نوع من الوسواس القهري

مشكووووور أخوي على طيبك و إهتمامك و الحمد لله ريحني كلامك و صحيح الدكتور رعد كلامه خوفني و إنشاء الله يدخل و يعطينا رأيه بس الحمد لله أنا الحين تطمنت بعد كلامك
الله يعطيك العافية يالغلا و الله يشافي كل مريض

يالغالي لا نصاب ولا شي....افا عليك ... هذا حقك واقل من حقك بعد

والله افضل السبرالكس لكن اذا رحت الخميس وما لقيته عادي جيب اي شي ...واذا اعراض الدوا بالبدايه قويه اتمنى لو حبوب زانكس 10 حبات

وشاكرلك يالغالي ...وعسى الله يوفقك ويجعله بميزان حسناتك

حاضرين عندي زانكس ابشر بسعدك

مشكور و الله يعطيك العافية أخوي رعد الغامدي و الي فهمته

إن أعراض نوبة الهلع مشابهة لأعراض القلب صح؟؟

فعلا هذا صحيح

و أبي أعرف إذا أنا جالس في سيارة مثلا و الالام و التنميل زادوا عندي بدون توقف و ابتديت ادوخ و يثقل جسمي و أنا مكاني ما تحركت وش ممكن يصير لي هل توصل إلى إغماء أو شنهو ؟؟

يأتيك شعور بأنه سيغمى غليك ولكن لايحصل إغماء
لأن أعصابك تكون في قمة التحفز. ولكن لماذا لاتستخدم
العلاج الدوائي، فهو ممتاز ويخفف عدد النوبات وشدتها
مثل سيبراليكس 20 ملجم صباحا ، فهو علاج ممتاز جدا

و مشكورين على مساعدتكم يالغاليين

دكتور رعد الغامدي يقول الرسول صلى الله عليه وسلم ...بشرو ولاتنفرو
ليش تقول للعضو نوبة هلع ان فيك ذبحه صدريه متعرف ان هلمنتداء اسمه نفساني يعني اي شي غير طيب يوسوس فيه ,,,,اعتقد انك يبيلك دكتور نفساني يكشف عليك او شيخ يقراء عليك الرجو منك مره ثانيه اذا تبي ترد علي احد ان ترد بي شي يريح البال ...قل خير او اصمت,,,,,

شدعوة شدعوة00قلم حبر00ليش كل هذا ع الدكتور رعد 00هذا جزاة خايف عليكم00ولا انتم تبوون الواحد يطمنكم بالكذب00