اخوي ابو لتين

تبي الجد اشهد بالله كلامك على العين والراس وتحليلك عين العقل وانت متفق معنا وتدري أن اللي يشعر به كل شخص ما هو شي نفسي بس الدكاتره الفاشلين اللي ما يخافون الله على طول الشخص ما فيه شي مرض نفسي وما دروا ان المعده بيت الداء هي العقل الثاني للأنسان شف الشخص السليم اذا قام الصبح وهو ما افطر نفسيته وش تكون فما بالك بالشخص اللي يعاني من اللتهابات كيف تصير نفسيته غير الاعراض اللي تصير له دوخه نغزات الم بالكتوف حرارة بطن كتمة ضيق تنفس خفقان بالقلب وسواس الموت الم باليد اليسار ورهاب خوف اكتئاب وواواواوا بسبب اللتهابات والتقرحات .

وغير ذلك شف اي شخص ما فيه اي مشاكل في المعده والقولون نفسيته الله بس لا ينكد عليه مستانس واللي عنده مشاكل خطر يذبح نفسه من التعب لولا ايمانه بالله .

اخوي ابو لتين لي بعض الملاحظات بعد أذنك يمكن انك نسيت وراح اذكرك اخوي ابو لتين ابر فيتامين ب12 لو ياخذها الواحد والله ما كأنه اخذ شي اسأل مجرب ما راح يحس اخوي مباشر بفايده ما دام انه ما عالج السبب الرئسي ما راح يحس بنتيجه
ولو يعطونه حبوب كاليسوم بعد مشكله ان كثر منها راح تجتمع بحوض الكليه اذا تحللت بالجسم لازم ياخذها بحذر .

يعني إذا راح اخوي مباشر وفحص بالمنظار وشيك على نفسه وتأكد وش اللي عنده بالضبط اللتهابات او تقرحات المفروض يعوض جسمه مع العلاج بالأكلات اللي فيها فيتامين ب12 بإختصار يمر اخصائي تغذيه ويعلمه الاشياء اللي فيها فيتامين ب12 او يبحث بالنت ويشوف الاشياء الغنية بالفيتامين هذا ومع الوقت ترمم المعده والامعاء ويكون الامتصاص طبيعي ويرجع لمعدله الطبيعي

وفيه فيتامين حليب مكمل غذائي يصرف للي عندهم سؤء تغذيه ونقص عناصر اسمه "انشور بلس " ابرك من الابر والحبوب اللي راح تلعب بجسمه مع الوقت والمكمل هذا بأذن الله ما فيه خطر راح يفيد اخوي مباشر بس يشرب منه مقدار فنجال ثم واذا ناسبه يستمر عليه وكانه يحس بحموضه منه يخففه بالميويه وان صلح له لو يشربه كامل عادي والمكمل هذا يباع بالصيدليات هذي صورته

http://www.eshopgate.net/products_bi...s/P1010442.JPG


اتمنى ما اكون ضايقتكم
اسال الله العظيم رب العرش الكريم انه يشفيني ويشفيكم وكل مسلم اللهم آمين ،،،،

اخوي مباشر

1- لاتروح لتايلند ولا لغيره رح لدكتور مشهور ومعروف وللمره المليون ولا تخليه ياخذ عينه من المعده صدقني راح تعذب بس خله يشوف فيك اللتهابات وتقرحات بالمعده والقولون او لا
وبعدين اتمنى ما تروح لتايلند اخاف اذا خدروك تخدير كامل يخدرونك ويبيعون شي من جسمك وانت غاط في سابع نومة يعني خل معك احد من ربعك .

2- انا اخذت منظار بدون تخدير جاء الدكتور وقال راح اعطيك بنج كامل قلت ماعليش يا دكتور انا راح اتدخل ابغى بس بنج اسنان قال خلاص بس ابلع كمية شوي منه بعلت وقال ليه ما تاخذ بنج كامل قلت يمكن تجرحني وانت ما انت حاس واذا راح البنج راح اتعذب لذلك من يوم تحاول تجرحني تشوف يدي اذا تحركت معناها تراك جرحتني قال خلاص تعبت والله بس عاد الواحد لازم يتحمل والدكتور فعلا الله يذكره بالخير شاطر كنت اتمنى انه عندنا كان اقولك تروح له لكن سافر لبلده .

3- بالنسبة لمنظار القولون سهل بس الصعوبه اللي فيه انهم يعطونك محلول يفضي بطنك وتقعد اربعة ايام متوظف بالحمام حتى لو بطنك ما فيه شي راح يلويك الماغص وانت عاد اذا كنت ضعيف ما راح تحمل لأن الامتصاص عندك ضعيف لذلك اذا حسيت انك نشيط خذ منظار القولون .

4- فيه حبة كبسولة المنظار سمعت عنها ابرك من المنظار نفسه تصور جميع ما في بطنك تبلعها وتطلع عن طريق الاخراج وهي افضل من المنظار لأنها تصور الاشياء اللي يعجز المنظار يصورها مثل الامعاء الدقيقة وتعرف طول الامعاء الدقيقه عند الانسان 7 الى 8 متر يعني مستحيل يدخل المنظار للمناطق هذي والكبسوله راح تدخل لجميع ما في البطن وهي موجوده في جميع البلدان الخليجية والعربية على سبيل المثال بالسعوديه موجوده في جده والرياض سمعت انها في مستشفى سليمان الحبيب وما ادري والله ولو تدخل في النت راح تلقى ناس يعلمونك وينها وفيه اكيد بعد في ديرك بالضبط والدول الثانية اسال عنها في النت مثل ما قلت وهذا فديو راح يوضح لك طريقة استخدامها

واعذرني اخوي راح انسخ ردي عليك وارد فيه على احد الاعضاء لأني تعبت من كثرة ترديد الكلام ولك كل محبة وتقدير ،،،

أسال الله العظيم رب العرش الكريم انه يشفيني ويشفيك ويشفي كل مسلم ،،،،،،

https://www.youtube.com/watch?v=nPV8wEE9Gbc