|
اقتباس:
|
اقتباس:
لا كلامك مو صحيح .. أنا الحمدلله بخير بفضل الله انتي قراتي ردي وكنت اشكي صح لكن اتضح ان السبب من معدتي مو خلل في علاج الاخصائي ابدا ومازلت الى الان أشجع اللكل باان يتعالجو بطريقتي اوعدكم بتشوفو فرق ومضمون بعد ..ان شاء الله أنا نفسي صاحبة الموضوع لكن بمعرف جديد , فقدت معرفي الاول .. سجلت بس عشان ارد عليك يـااختي و أتمنى مره ثانية تتأكدي قبل ماتكتبي .. |
الحمدلله على سلامتك اختي
نفسي اقتنع بالبرامج والتقنيات والبرمجات العصبيه لكن احسها ماتسوي شي واحس اني بحالتي هذي ماراح استوعبها فماراح تفيدني |
اشعر بملل شديد انتظار قلق تفكير مستمر اتعبني التفكير جل تفكيري متى سارتاح واعيش مثل ماكنت اول اريد الراحه اريد السكينه جلست اقرأ قرآن استغفر اكثرت من لاحول ولاقوة الابالله اريد الشعور بالسكينه اثناء استغفاري اشعر بالانتظار احاول ان اسلي نفسي واغير روتين يومي ولكن القلق مستمر الضيقه مستمره اريد نسيان ان عندي اكتئاب وقلق ماقدرت?
تراودني فكرة الانتحار بس الخوف من الله يمنعني ارى ابنتي تخطو خطواتها الاولى تخنقني العبره اني ماقدرت استمتع بها وهي تخطو اريد الرجوع لحياتي قبل الاكتئاب اريد السعاده اريد الراحه يأتيني شعور غريب اني ساأجلس طوال عمري هكذا اريد تجاهل هذه الفكره اريد ابعادها عن رأسي مااستطعت استخدمت ادوية كثيره خالطت الناس طلعت من البيت ملل شديد وبدون فائده خرجت مع اهلي لنزهه بريه اريد الاستمتاع ولكن الاكتئاب يمنعني من كل شي اجلس اعدد النعم اللي عندي كل شي جميل موجود ولكن الاكتئاب والقلق متمكن مني تمكن صرت اخاف ان افقد عقلي بسبب هذا الاكتئاب كيف اتخلص من هذه المشاعر السلبيه اخذت جلسات تعديل سلوك والله مانفعت معي والله اني خايفه اجلس كذا ولا اشفى الآن قدمت على وظيفه دعواتكم اني اقبل فيها لعلها تكون عونا لي من الخروج من هذه الأزمه اود كل من يقرأ رسالتي هذه الدعاء لي بالشفاء من هذا المرض والخروج منه عاجلا غير آجل اختي عل حالتك مثل حالتي هذه وتحسنت |
غاليتي ياليت تردين علي
|
اقتباس:
اختي راجية هذا هو الاكتئاب حالتك مألوفة حالتي كانت أسوأ عشت اعراض كثير مو حابة اسردها لكن تذكري انو هناك مخرج هناك نور هناك امل الله خلقنا وسخر لنا الاسباب مهما كان وضعك الله لن يتركك الله لطيف رحيم يحبك فقط ابذلي الاسباب ، اعقلها وتوكل انا أعطيتك الحل والباقي عليك شدي حيلك |
طيب وش الحل والله مافهمت هل اتصل على الاخصائي ويعطيني حلول
|
عزيزتي راجية هذي تجربه ناجحة لااخت تعالجت عند الاخصائي شادي
نقلتها لك من موقعه حياتي ملئت بالفواصل والأحداث, صاخبة كانت وللغاية ,لم أعش تلك السكينة المجزية لأنسانيتي.. من سن 20 وحتى 25 عرضت نفسي لـ 8 محاولات انتحــار.. تراكمات في ظل انعدام الدعم الأسري المناسب لأحساسي والمُرضي لروحي , لم يعد لي عن العزلة بديل أحببت وحدتي كانت ملجئي المريح لفترة إلى أن أيقظتني اتهامات من حولي لي أني مصابة بالعين والحسد أو ربما السحر, عدم زواجي إلى الآن وأنا قاربت 28 كان مؤشر قوي على مايدور في عقولهم , رغم أني وبكامل قواي اخترت عزلتي ووحدتي عن الارتباط بمن يرونه بعالمهم فرصة مربحة لفتاه مثلي,, انغمست بعملي لدرجة جنونية قررت أن أكون أنا وأنا فقط .. لحظات اليأس والكآبة والوحدة قاسية كلما مرت الأيام أشعرها .. احتجت المساعدة لأعرف من أنا ومن أكون وكيف أكون سعيدة هادئة مبتسمة راضية . في أحد لحظات الاختناق بُحت لإحداهن عن ضيقي الشديد وحزني ، حدثتها عن وحدتي القاتلة , وأني كرهت زيارة المشايخ والرقاه .. بعد أن وجدت نفسي في دائرة ضيقة معهم .. نصحتني بزيارة المستشار النفسي شادي مكي و لم أشعر حينها بأي حماسة ... لأنه بالنسبة لي ، الحياة لم تعد حياة بل متوقفة ساكنه ..بدون معنى..لكن لحسن حظي أن تلك الزميلة وبالاتصال بالمركز حددت لي موعد لزيارتهم .. كلما اقترب الموعد زاد فضولي لمعرفة وما الجديد؟؟ وأي خيوط أمل سيمدني بها المستشار النفسي .. استخرت الله وأجريت بحث صغير عن هذا الشخص .. أخصائي نفسي على علم كافي بما يخص الرقية الشرعية ,على علم ودراية كافية ، حافظ لكتاب الله هذا ماأردته رابط ديني وروحي ونفسي ... لن أجده ربما في مكان آخر .. فعلا زرت المركز لأول مره في حياتي ،أتكلم بأريحية أمام شخص ، تجرد تام من أي أحرف كاذبة لم يكن في تلك السويعات إلاّ أحداث صادقة تحكى تبحث عن مايريحها .. لخصت كل ما أشعر به بنقاط بفضله: 1- كيف أتعايش مع الناس ولم أنا وحيدة ؟ 2- انعدام دعم أسرتي؟ 3-غياب ثقتي بنفسي ؟ 4-توتري الدائم؟ 5-جسمي الهزيل؟ 6-ابتعادي عن الله ؟ 7- صلاتي وأنا بوضع الجلوس دون القدرة على القيام ؟ 8-انهياري و عصبيتي ؟ 9-صور ذهنية قاسية عن الماضي لا تذهب عن مخيلتي ؟ 10-ألم معدتـــي الدائم ؟ 11- صداعي المميت ؟ 12- أرق أو النوم مع عالم من الكوابيس المؤذية؟ 13- إغماء وتشنج أطرافي ؟ وغير ذالك الكثير.... شخص وضعي بعد أن أجريت معه أكثر من اختبار و وجدت أني مصابه بـ (اكتئاب شديد جدا وقلق شديد جدا ) لم تكن تلك النتيجة مفاجأة لي .. لأني حقيقة لم أكن أرغب بالحياة ... فوضع لي بعض النقاط التي كنت أجهلها تماما .. و البرنامج الشمولي لإعادة التوازن النفسي كتطبيق للعمل به لمدة أسبوع .. كانت إجابتي له بكل بساطـة (إذا لم يُحدث هذا البرنامج أي نتيجة سأصاب بخيبة أمل كبيرة .. ) أجابني بثقة : (طبقيه وستشعري الفرق بإذن الله).. ثقته كبيرة أمدتتي بطاقة ايجابية ودفعه لتطبيقة .. طبقت البرنامج لمدة أسبوع ... فماذا وجدت ؟ أنا مختلفة .. تماما هادئة ساكنة بعيدة عن كل الصراعات النفسية التي تسكنني كل يوم .. شعرت أن البرنامج امتص رحيق أوجاعــــي كاملة .. رغم أن الظروف لا زالت نفس الظروف حولي... سنوات طويلة لم أنم بهدوء سنوات طويلة وأنا أعتمد على وجبة غذائية واحدة باليوم .. سنوات طويلة كل ردات فعلي تكسير جميع ما حولي بكائي يوميا ... فجأة توقف كل شيء ..... الحمدلله كثيرا على ما وصلت إلية .. ربما هي خطوة أولى وأول سلم سعادتي هدوئي .. وأنا صعدتها بفضل الله ثم بفضل الأستاذ شادي ... ولا زلت سأكمل هذا الطريق لأني أستحق السعادة ... جلساتي القادمة ستحمل لي الكثير من الخير بإذن الله التى لم أشعر يوم أني أستحقها قبل تطبيق هذا البرنامج .. همستي لكل وحيدة وحزينة ... هنا خيط أمل لا تضيعيه .. بيد الله ثم بمساعدة هذا المكان الذي أراه من نعم الله علينا ستحصلي على ماتستحقي .. |
تحمست للاستاذ شادي بس كيف اتواصل معه دخلت على موقعه ىفض الىابط يفتح
|
اقتباس:
اكتبي موقع الاخصائي شادي مكي ادخلي اول رابط وفي الموقع اضغطي على ( طلب جلسة استشاره ) ادخلي البيانات وحولي مبلغ الجلسة راح تعرفي كل شي بالأيميل اللي يترسل لك وبعدهااتواصلي واتس اب مع الاستاذ في رقمه بالموقع هو بيحدد لك موعد للجلسة وانتي تتصلي بنفس الموعد ،، بس كذا |
اقتباس:
ليش رفض !! انا توني دخلت عادي حاولي مره ثانيه |
اقتباس:
|
انا اخذت رقمه من الموقع وارسلت له مباشره عن طريق الواتس هل ممكن يشخص حالتي من خلال الاعراض لاني ابغى تشخيص مابغى جلسات
|
ممكن تحطين الرابط لانه رفض يفتح معي نهائيا
|
ام سما ارسلي لي رقمه رفض الموقع يفتح معي نهائيا
|
ممنوع هنا احط ارقام واي رابط تقصدين اللي مافتح الموقع شغال تمام اكتبي في قوقل شادي مكي وبيطلع موقعه واذا كان مايفتح ممكن خلل مؤقت حاولي مره ثانيه
|
حاولت كم مره رفض يفتح نهائي
|
اقتباس:
الله يشفيك ويشفي المرضى اخواني الي بالقروب هنا ويشفيني مبروك شفائك والله يزيدك صحه وعافيه |
اختي الغاليه انا تواصلت مع الاستاذ شادي وباقي الموعد مابعد عطاني وودي اسأل هل حالتك مثل حالتي او اسوأ او أقل
|
اقتباس:
|
لان ودي اتطمن
|
اناةمابعد عطاني الموعد سددت الرسوم وباقي الجلسه
|
هذا الموضوع كله هدفه تطمينك لاتشيلي هم
|
مشكله لما تأخذ رأي أحد يوديك السماء .. مشكله و هي لا سماء و لا بطيخ
|
اقتباس:
انتي بردودك اللي مالها معنى تخلي الناس تتردد انها تتعالج بطريقتي المضمونه تقطعي املهم وانتي ماعندك سالفه اتقي الله ولاعاد تردين الله معك |
اقتباس:
بس عفوا رأي ما راح أحتفظ فيه لنفسي .. لي حق التعبير عن رأي و حتى لو ما ماكان مثل أو يتوافق مع رأيك .. طالما طرحت الموضوع فتقبلي جميع الأراء .. إتقي الله ... لا هذي قوية .. وش كتبت لك علشان تردين علي كذا !!!! قالت ما عندي سالفه هههههه طريقتك المضمونه !!!!! ما أدري من وين تجيبون التقديس للأراء ودي أفهم .. متى ملكت الشفاء .. !!!! و سبل الشفاء !!! طريقتي المضمونه .. ضحكتيني و ربي .. أنت تتحمسين و جدا لاراءك .. عطي فرصة لغيرك يا حلوة .. و تعدينها هي و ما في غيرها بس هالطريقة هذي هي العلاج الشافي .. نسيتي موضوع الرقيه ؟؟؟!!! تكلمتي فيه بحماس مبالغ و و إنه و إنه و ما فيه زيو ... بعدين بعد سنه تعبتي زود و لا جاب معاك نتيجه ... طيب ووين المدحححح و الأو ليليه و الزحمة الي سويتها ؟؟؟ بعدين جبت لنا هالمعالج و طرت فيه ... و وصلتيه للسماء و ما كان خلق مثله ؟؟؟؟!! و بعدين تتشكين من التعب و الحال التعبان جدا و الذي لا يحتمل !!! أنا فقط أعيب عليك ... الحماس المبالغ و نارد و ما فيه زيه و تشطحين بأي تجربه لك و كأنه علاج نازل لك من السماء .. طيب إطرحي تجربتك بشوية موضوعيه .. خلي الشخص يكون بالصورة .. أنا فاهمة و أقدر حبك لنفع المسلمين .. بس مو كذا .. بكرا تجيبن لنا علاج أعشاب و تطيرينا فيه ... هدي .. و إكتبي التجربة بكل صدق و شفافية .. علشان فعلا غيرك يستفيد ... و برجع بعد بكتب لك رأي في المعالج .. لأني جربته .. أنا عندي سالفه و لله الحمد .. و ما راح أختفظ برأي للنفسي .. تدرين أنت أوحيت لي بموضوع بطلب من الإدارة تثبته علشان الفائدة تعم الجميع .. سلااااااااام .. |
اقتباس:
تقولي رايك اذا كان منطقي وصح اما راي مافي منطقية وخطأ وتصغري من تجربتي مااسمح لك سوا عجبك كلامي او لا حتى لو جربتي المعالج ع كلامك مايهمني تجربتي ناجحة 100% وماارضى تقيمي وضعي على كيفك وانتي ماتعرفيني حتى ! ولعلمك فيه اشخاص جربو طريقة المعالج وذموها هنا بنفس موضوعي ماناقشتهم او قلت انتو خطأ وانا الصح , كل انسان حر برايه بس لما يكون يتكلم عن (التجربه نفسها) مو عني وعن تاريخ تجاربي والمشكله كلامك خطأ ضحكتيني بس هههه بعدين انتي مو جايه تقولين اراء كل ردودك تحللين وضعي وتقولين اني مازلت تعبانه ومدري ايش , والسبب ايش ؟ رد واحد لي ع موضوع ثاني ماكنتي تعرفين سبب تعبي اصلا ع طول جيتي هنا وقيمتي حالي وخليتي تجربتي اللي هنا كلها فاشله مو الصح تساليني قبل ماتكتبين رايك العظيم ؟ وقد تراسلنا خاص مو صعب الموضوع اذا مصره تكتبي ردك اقلها اسأليني وتأكدي واكتبي الصح . وطبيعي اي تجربه استفدت منها ونجحت معي بكتبها وبوصلها للسما لأنها تستحق سوا تجربه مع الرقية او معالج واي شي اتأكد منه واجربه ع نفسي بكتبه طبعا ! انتي وش عليك مني ؟ من موكلك علي ! وممكن بكرا اكتب تجربتي مع اعشاب ليش لا مسوية تستهزئين ؟ انا اكتب اي شي ابغاه بحسابي ومالك علاقة فيني بلاش تطفل ومابغى نصايحك اللي مالها اي مبرر منطقي .. اما سالفة انو اجرب علاج واتعب واجرب علاج ثاني واتحمس ع كلامك طبيعي كل مرحله جربتها فهي جباره وتستاهل الحماس اللي واضح بكتابتي لها وكثير تواصلو معي واستفادو من تجاربي وتغير حالهم لله الفضل المنه . طبعا لما اجرب علاج واتعب هذا مو معناه ( انو العلاج فاشل ) وجهة نظرك قاصره جدا , انا وقتها اكون استفدت لكن التعب محتاج سبب اخر مو عند السبب الاول وهذا مايلغي نجاح التجربه بالعكس ناجحة 100 % كلامي هذا وشرحي عشان الاعضاء اللي تقرا ردك الغبي مو عشانك لأني مو مستعده اناقشك او اقنعك ماتهميني , خاصه بعد ردي عليك في ردك الاول ووضحت انو سبب تعبي معدتي مو شي ثاني ووضعي زي الفل بس حضرتك ماعجبك وجايه تقييمين تجاربي وتعطيني نصايح فاضية وبااسلوب تافه .. فعشان كذا اعيد واكرر احتفظي برايك ونصايحك لنفسك في تجاربي ماابغى لك رد طالما ردودك كذا مجحفه وكلها تحليل فاشل .عفوا هذي مو اراء هذا تقييم لوضعي فقط لو عندك رد على تجربتك اللي تخص موضوعي قوليها اما رد يتكلم عني انا كـ بكرا احلى وتقييم خطأ بخطأ لوضعي ومافي ادب بكلماتك مااسمح فيه . وحضرتك متكيه وتقييمين وضعي وحماسي ومتى تعبت بدون سبب منطقي ولا حتى تعرفين وضعي اصلا هذي قمة الفضاوه واللقافة . |
و الله يا أنت حمقه .. (: جايبه كل طبلونك هههههههه الله يهديك بس ..
فيني نوم هالحين ارد عليك بكرا إن كنا من الحيين .. سلاااااام |
حمقه ؟ ههههه ضحكتيني اليوم كثير .. انا مروقة بالعكس بس اكره الناس الهمجية واللي تدخل عرض بالسالفه وتقييم وتحلل ع كيفها .
ولاتردين مانتظر منك رد كلامي معك انتهى ..من قال اني انتظر ردك ؟ اسلوبك وقح مايشجع الواحد يرد عليك لو فيه ذره احترام افكر اكمل معك .. باي :) |
اقتباس:
|
صباح الورد .. رفع
|
............
|
يا أخوات ما ينفع اللي تقولونه ع الملأ
تصافوا تحابوا صحيح مالي دخل بالموضوع لكن الرجال خربتوا عليه موضوعه الله يهدي الجميع |
اقتباس:
%^%>>,,*& |
اقتباس:
بالعكس حبيت نصيحتك رسوم ومعك حق نورت |
ماشاء الله. قريت الموضوع. يحمس
ان شاء الله راح اسوي بحث عن الدكتور شادي واشوف ايش التقنية اللي يمشي عليها اتمنى لك دوام الصحه والعافيه |
اقتباس:
التقنيه هو يقولها لك لما تتواصلين معه بس جزاك الله خير اجمعين يارب |
| الساعة الآن 11:26 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا