تعبك الحالي وشو

ماشاءالله استمر 👏🏻
انا اتمرد نص ساعه وابطل 😅
على فكره انت تدرس والا تشتغل ؟

وانا بإذن الله بتمرد على الهلع والوسواس 👏🏼

بس والله احس بغصة بحلقي اقوى من قبل
وبصعوبة ابلع ريقي لي 3 ايام على هالحال
الله يعين💔

اعرف إحساسك زين
هذا من التوتر تشتد اعصاب الحلق
قوي نفسك بالكلام الإيجابي
واقنعيها بأنها مجرد شي نفسي ماراح يضرك

مثال انا كنت ماتحب اهلي اذا نامو وبشكل عام بعد الساعة 2
وكنت اتوتر وأقلق وأوقات يجيني نوبة هلع بسيطه
لكني واجهت وعاندت الأحاسيس
والحين مع الوقت كل مالها وتخف
قرر المواجهه يكفي الوقت اللي ضاع

مثال اخر انا كنت اكره الصبح بشكل ماتتصورونه
فقررت ماانام الا بعد ماتشرق الشمس
وفيه ناس العكس تحب النهار وتكره الليل
تمرد وعاند هلعك ووساويسك

مثلي والله منحرمه من نوم الليل افتقده وودي انام فيه لو ساعتين عالاقل

ماتهنى لي النومة الا اذا شفت شروق الشمس ??

ودي بحل او طريقة تخليني انام الليل
عجزت طفلي ينام ويقوم وانا لسى مانمت وانام ساعات
بسيطة ولاقمت خمول وارهاق بشكل فضيع😟😢

دايم عودي نفسك على كلمة الحمد لله
غيرك ماينام الا بالمنومات
إنتي تحبين النهار وانا ماحبه
لكني راضي وأقوي نفسي بالحمد لله
هل تستخدمين علاج ؟

اللهم لك الحمد والشكر

ايوه استخدم حبوب رياسيرتال لي ثلاث شهور

رياسيرتال هو دواء مهدئ او علاج ؟

علاج

من لما صار لي الموقف اللي خوفني ولسى احس متأثره منه
شعور الخوف والقلق والضيق لسى فيني
وكمان اللاواقعيه
احاول اطنش و اشغل نفسي
بس مو عاجبتني فكرة اني اطنش وفيني ذي الاعراض

[QUOTE=بن دايم;1197550]والله ياجماعة الخير الحل تحويل الأفكار السلبيه
الى أفكار ايجابيه
صدقوني ضيق الصدر والامه والكتمه نفسيه
ن ف س ي ه
برمج عقلك انها نفسيه
اسأل نفسك كم مره جاك الام بالصدر او كتمه او ضيق
جاك شي ؟ أكيد لا
لذلك برمجة العقل على انه هذا شي نفسي شوي بيروح راح يحسّن


نعم كلام صحيح مائة بالمائة،وللاسف انا اكتشفته بعد سنين من معاناتي ورغم تناولي للدواء الا انني كنت اتوقع ان التزامي بالعلاج سينهي هذه الوساوس والافكار واكتشفت مؤخرا انني كنت مخطئة كان مترسخ بعقلي ان اعراضي عضوية وليست نفسية وهذا مايعرضنا للانتكاسات وتأخر الشفاء.

طنشي اختي هذا العرض عانيت منه معاناة شديدة ولكن مع العلاج والتطنيش خف كثيرا.

اغلبنا متشابهون في المخاوف والوساوس، كنت اعتقد اني وحدي اعاني من هذه الافكار، تصدق بن دايم اول نوبة هلع جاءتني في رمضان من سنوات وكانت الساعة بين ال٢ و ال٣ ظهرا، وبقيت اكثر من سنتين اخاف من قرب قدوم تاريخ اول اصابة وكرهته بشكل لا يوصف وهذا التوقيت احاول قدر الامكان ان اكون نائمة فيه حتى يمر بدون خوف وتوجس، فانقلبت حياتي ليلي نهار ونهاري ليل وكنت داخليا غير راضية عن ذلك ، وعانيت كثير، الله ا لمستعان.

انا مثلك اول نوبه تقريبا جات هالوقت
وصرت أكرهه مرررره ومقدر انام الين تطلع الشمس
بس صرت اجبر نفسي على النوم في الليل والله المستعان

كرري داخلك ان التطنيش عاجبك
وان الأعراض نفسوجسديه
وليست عضويه

ان شاءالله
ويارب اقتنع
الله يسعدك شكرا لتواجدك هنا 💐💕

اليوم من صحيت وجنوبي خلف ظهري تعورني من ايش تتوقعون من دال لاني اخذ علبه كل اسبوع فهمتو علي الكلى من ورا الظهر يارب فهمتو

اذا ارتفع دال باْذن الله ماراح تشتكين من هالالم
انا لي شهر ونص على فيتامين دال خفت اللآلام

في موضوع لواحد كاتب الادويه النفسيه تقتل الاعصاب هل كلامه صحيح

اللي يسبون الادويه هل هم مجربينها ولا متعافين وبصحتهم ومو حاسين فينا

انا عندي حاله غريبه احس جسمي في حالة طيران مافي ثبات بِسْم الله

داعيه قوقل يقتل الاعصاب والنفسية بعد !

اي والله مالعب فينا الا قوقل 😫

اخباركم :)

اممم ودي اسالكم طمنوني
صحيت اليوم و شفت يديني وصدري وظهري مليان
بقع حمراء وتحكني مرهه وكثير كنت قبل انام احس بعطش ودوخه
جاء على بالي على طول ان معي سكر :( وحاتك بحث بقوقل وضاق صدري
لاني صايره اكثر تشوكليت هالايام كثير الله يستر

اروح اسوي تحليل واالا اتوكل على ربي لاني الحمدلله خذت عهد
على نفسي مااروح مستشفيات بعد شوروا علي تكفون😟

اولا لاتركزين على جسمك أبدا
ثانيا بالله عليكم وقفوا بحث في قوقل
ماجنن الناس الا قوقل أفندي :)
اختي شوية تفائل
اي فكره تقول روحي يمين عانديها وروحي يسار

وش اخباركم اليوم
عسى أيامكم كلها ورد

اليومم ضيقه و طفش
وخخخوف غريب 😔

اليوم قمت واحس بتعب نفسي وجسدي
فيني ضيقه وكتمه وبكى بدون سبب
جلست افكر وش السبب اللي خلى هالمشاعر تجي ؟
مافيه سبب طبعا
تحاملت على نفسي وغيرت مكاني وحاولت شغل نفسي
وعاد نزلت كم دمعه لأن بخاطري اطلع ذا الضيقه 😅
وقاعده اقاوم واشغل نفسي والله يعيننا
بن دايم انا متأكده راح يجي يوم وتتخلص من كل اللي فيك اللهم بارك
دايم احس بالامان لما اشوف ردودك 💐
شوية تفاؤل عادي هالبقع وكثري مووووويه
بس اذا استمرت اكثر من يومين راجعي المستشفى
ممكن حساسيه من التشوكلت او الحليب اللي فيها لا تخافين

وش علاجك انعكاسات

انا في حاله طيران مابقى الا اركب جنحان وأطير 😂

غريبه دوختي مالها تفسير

معليش ياوجدان
لازم تتقبلين مشاعرك
ليش ماتخلين هالاحاسيس كأنها مهرج ؟!
اول ماتجي اضحكي عليه وقولي له هات ماعندك !
وكل مازاد قولي هذا اخرك ؟
حقري الإحساس يصغر

لا لها تفسير
تحسين رأسك وكأنه موج
وكأنك راكبه قارب
عالجي المصدر اللي هو القلق النفسي
تطيبين باْذن الله

تسلمين انعكاسات
لازم تتعالجين بااي طريقه

قد م اقد اتقبله ي بن دايمم
الله يعين و يعطيك الف عافيه 🌹

اعرف وانا اخوك انه شعور مؤلم
وشعور متعب ويهد جبل
بس لازم نحاول لازم نكافح
لاتتوقعين أني مااعاني
انا وانا جالس أحاربه يتعبني وبستمر لين اهده

اخواني واخواتي
يوم الثلاثاء باْذن الله
راح أسوي موضوع اسمه
التحديات
كل شخص يطلب مني طلب أسويه سواء هو خايف منه
او انا
واللي يحب يشارك يكتب لي في الرد
خلونا نساعد بعض

البعض منا
ماعنده اخ او أخت او احد يقرب له او صديق
يوقف معه ويسانده
انا مستعد أوقف مع اي شخص منكم
واسانده وادعمه
يمكن البعض يقول وش تستفيد ؟
لأني احس باللي تحسه
وابي أكون سبب بعد الله سبحانه انك ترتاح