|
اقتباس:
و رب العزة و الجلال عارفة إيش يعني إكتئاب .. عارفه إنو الإنسان في جهاد في كل لحظة .. و الأشياء الي تبدو سهلة بسيطة للكثيرين .. إحنا نجاهد أنفسنا جهاد عظيم علشان نبدو طبعيين و يمشي يومنا .. أنت ما شاء الله لك سنتين تشتغل .. و أكيد مرت عليك أوقات ربما أشد من هذا الوقت و مع ذلك عدت و مشت و لله الحمد .. شوف وظيفة إيكيا شد على صاحبك و حرصه أشد الحرص و ألح عليه علشان تنتقل لها بأقرب فرصة .. و إن شاء الله راح تكون مرتاح أكثر .. طيب ليش ما تفتح لك مشروعك الخاص طالما أنت هاوي النجارة و تعشقها .. فيه كثير جهات حكومية و غير حكومية ممكن تمولك .. ماديا و تساعدك حتى في الإدارة و التسويق و يوجهوك كيف تدير شغلك الخاص .. صراحة أحس بتنجح ناجح جميل لو أنت شديت على نفسك حبتين .. بعدين يالطيب إيش تجيب عشرة الآلاف في ذا الوقت .. راح يطيروا زي الهواء و بلمح البصر .. الله يخليك أنتبه و أحرص على وظيفتك .. و إن شاء سحابة صيف و بتزول .. أنت كم لك مكتئب .. ؟ و الله يشفيك أخوي عمر و يسعد قلبك و يسر لك أمرك .. و يوفقك و يرزقك ربي كل الي تتمناه بلا حول منك و لا قوة .. |
اقتباس:
بس انتي عارفه المكتئب في سبيل راحه نفسه يسكت عقله اهم شي راحته النفسيه و الوظيفه البديله بأذن الله مضمونه عشان كذا بستقيل من عملي وغير كذا انا ابغا اجازه وفتره نقاء بين عملي و وظيفتي الجديده ما ابغا استقيل من هنا و اداوم من هنا المشروع مفروغ منه عزمت افتح متجر الكتروني لبيع التحف اللي اصممها و التحف المستورده القديمه و الجديده هذا في البدايات بعدين ان الله فتحها عليا افتح محل في الواقع اول ما افتحه لك تحفه هديه يا كوين ان شاء الله $$$ ليا تقريبا 8 سنوات مكتئب 8 سنوات من الالم و الهم و الغم لكن بأذن الله تزول و الدنيا تبتسم لنا ويشفيك اختي تباشير و يشرح قلبك و يريح فؤادك |
امس ع العشا فتحنا موضوع زواجي وكيف راح نقسم البيت قسم لي و قسم للوالده
دار نقاش عميق بيني وبين امي و اختي و اخويا بيزوجوني واحده من اختيارهم لكن القلب يأبى ان ينصاع لهم في مثل هذي المواضيع فالقلب وما يميل و يختار نطت اختي وقالي تزوج عن حب امي عارضتها و ملزمه اتزوج عروسه من اختيارها لكن انا بخليها على الله ما تفرق معاي اتزوج عن حب او زواج تقليدي اشعر فيوم اننا راح نلتقي |
اقتباس:
وكدعاء اسال الله ان يرزقك مافيه الخير لدينك ودنياك آمين ويأتي به لك اينما كان فلاحد يعرف اين يكون الخير .. |
اقتباس:
الله يستجيب دعائك يا دجى الجميله و يرزقك حبه و رضاه ويحقق كل احلامك يا رب |
اللهم آمين ..
طيب يا الطيب .. أنا ما أحب أكون لحوحة أو أضايقك في موضوع الوظيفة .. أنت أعرف طبعا مني بوضعك و ظروفك .. هديتي إن شاء الله نجاحك .. و أسأل الله أن يبارك لك في رزقك .. و يجعل فيه خيرا كثيرا لك و لأهلك و من تحب .. |
الله يوفقك يا عمر
في العمل ، و في الزواج و في التغلب على المرض ، امين ان شاء الله سيغير الله من حال الى حال افظل ، انه القادر على ذلك وحده الدعاء الدعاء يا عمر ... هو السلاح سلام |
بالعكس استعدتني نصيحتك يا تباشير و رأيك سديد اميل له بقوه
بس النفسيه مو راضيه تتحمل كمان زياده الله يحفظك الله يسمع منك يا سائل و يرزقك الخير و الصحه و السعاده |
اليوم العصر اخدت البزوره لشاطئ السباحه لمن شفت البحر اتحمست اتسبح بس قهر ما جبت الشورت معايا
قعدت العب ع الرمل مع بنت اختي https://c.top4top.net/p_455gkv3q1.jpg شوفوا غروب الشمس يا سلام كان منظر خورافي و مريح للنفس ويبعث السكينه و الطمأنينه و يفجر طاقات الخيال الى ابعد حد https://d.top4top.net/p_455k1u8u2.jpg https://e.top4top.net/p_455e60pm3.jpg https://f.top4top.net/p_455b8zpp4.jpg |
تبغى الصدق ..
كل شيء ممكن إنو الإنسان يجامل فيه أو على قولة يمشية و مو فارقه معاه .. إلا الزواج .. هذا مشروع العمر .. هذي حياة بإكملها إن قدر الله لها بالإستمرار .. كثييير ناس يقولون .. نختار عن حب و لا نختار زواج تقليدي ؟ بالنسبة لي .. أختار عن عقل و عن حب .. كل الأمهات تعتقد و تظن أنها أعرف من أبناءها .. و هي الأقدر على اختيار شريك حياتهم .. لكن الحياة تغيرت .. و الناس و الشباب تغيروا .. الأمهات تبغى بنت ناس و ست بيت مثل ما يقولون تطبخ و تنفخ و تعرف ترتب و تنظيف البيت .. بس الواقع هالحين غير .. هذاك زمان أول يوم كانت الحياة بسيطة .. الآن فعلا تختار شريك حياتك .. و الزواج إما يرفعك أو يتعبك و ينزلك إلى أسوء حال ممكن تصير له .. و كثيير ناس لما يفكرون يتزوجوا .. تلقائيا يفكروا في الشكل أبغاها كذا طولها كذا لونها كذا .. شكله كذا فلوسه هالقد .. الخ .. بس هذي ما تدوم .. إذا الشخص الي اخترته .. ممكن يفهمك .. ترتاح له .. تفكيره من تفكيرك .. تصير الحياة صعبه .. يعني صعب واحد يأخذ بنت متفتحة و هو إنيان منغلق يحبها بس تجلس في البيت و لا تقدم أي شيء لنفسها لا شهادة لا تعليم .. لا عمل و لا شيء .. أو إنسان حنون ياخذ إنسانه قاسية .. أو شخص مثقف و يحب يناقش و يتفكر و يأخذ وحدة دوبها دوب قدر الطبخ .. إذا هم مو متفاهمين و تفكيرهم يشبه بعضه صعب ينسجموا مع بعض ممكن تسير الحياة بس بصعوبة .. و ممكن واحد يغير الثاني .. لكن دائما يبحث عن الأفضل .. عن الحياة المستقرة .. أجل ليش هو متزوج .. إذا الشخص ما اختاره عقلي .. مستحيل أحبه .. و علشان يصل لقلبي .. لازم يدق باب عقلي قبل .. لا تجامل أخوي عمر .. هذي حياتك انت .. لا تقول كيف ما جات .. تجي .. فكر كويس و استخير .. و عسى ربي يرزقك الزوجة الي تطمئن لها نفسك و تسعد قلبك و تريحك .. و توقف معاك .. و يرزقك ربي الذرية الطيبة .. الي تبر فيك .. |
اقتباس:
ودايما الصفات الجميله هذي تجي مع الزواج عن حب و الزواج الموفق من الله لأنو يكون في فرصه يتعرفون على بعضهم !^ ولك بالمثل من الدعاء اختي تباشير الله يسخرلك الزوج الصالح اللي يحطك بعيونه و يحفظك يا اميره |
افضل سويته فحياتي اني فتحت قناتي على اليوتيوب اضفت معنى لوجودي في هذي الغابه التي يأكل فيها القوي الضعيف و الرجل المرأة و المستصح المريض
|
ودي انزل جده اغير جو
التقي بالاحبه هناك على جلسات القهوة و الشاي و الحكايات الممتعه و لعب الورق |
الفترة هذي صرت ما انام الا لمن اشغل كتاب صوتي اتسمع له في سكرات النوم
جربوها متعه والله |
سلام يا عمر
كيف الحال ؟ واش عامل في الحياة ؟ |
اقتباس:
الحمدلله بخير و نشكر ربنا ع النعمه الحياة ماشيه تمام بشرنا عنك كيف النفسية حبيبنا سائل |
متعجب من العرب عدم اهتمامهم بالنجارة مع انها حرفتنا احنا احترفناها قبل الغرب
وين فن الارابسك الاسلامي المندثر عن ساحات النجارة وين القنوات العربيه على اليوتيوب الخاصه بالنجارة ابغا منافسين و معلمين اتعلم منهم الغرب اكتسح اليوتيوب بقنوات النجارة الكل يمارس الحرفه هذي رجال و نساء كبار و صغار حتى التلفاز اكتسحوه حاليا يوجد قنوات و بثوث مباشرة على النجارة القنوات العربيه ع اليوتيوب اثنين اللي شفتها و ليست متخصصه بالنجارة فحسب قناة لرجل و الاخرى لأمرأة قنوات عامه فيها شويه فديوهات تصاميم بالخشب نريد ان نعيد مجدنا في هذي الحرفه |
قريت خبر عن بنت سعوديه محتاجه الفلوس عشان امها المريضه و دراستها الجامعية
فقررت تشتغل في مصنع في جده وفعلا التحقت بالعمل وكان عملها بسيط مجرد تعبئة بس وطلبت منها المشرفه المتشدده بعمل غير عملها و هو خطير و النتيجه كانت مأساويه حيث انبترت يدها بسبب هذا المهمه الخطيره انبترت كاملة من الكتف بسبب مكينه السير عالم كلبة |
اقتباس:
صابر و انتظر فرج الله حبل الامل في الله هو الي مخليني عايش |
|
بكره الصباح عندي شغله ضرورية في حبيبتي مدينة رسول الله المدينة المنورة
محتار بين اني انام و يمكن اصحى الصباح ويمكن لا و الاغلب لا او اني اروح مواصل ارجح الخيار الثاني اواصل بالمناسبة ليه يحس الشخص بالراحة و الطمأنية و السكينه لمن يدخل المدينه المنورة شعور مستحيل تحس فيه اذا دخلت مدينه غيرها |
كنت و ما زلت عاشق لصحفة السماء ليلا
كثير اتمنيت يكون عندي تليسكوب ودي اراقب هذا العالم العجيب عالم السماوات اريد ان اجعل لنفسي نظره خاصه للسماوات العلى تخصني وحدي سوف اراقبها كأديب وليس كعالم سوف اغازل القمر و اعاتب الشمس و اشرب العنب المخمر مع النجوم بأكواب من جوهر اتخيل ما بداخل الثوب السوداء و اطير بخيالي داخله حتى اصل الى اللاشئ الى العدم سوف اخلو مع الارض و اسألها كيف تتحملين من عليكي كيف تتحملين حماقات بعض البشر كيف ؟ كيف تتحميلن هذا القدر الهائل من الغباء الموجود على ظهرك كم انت حنونه ايتها الارض |
احلى اوقات اليوم الفجر
اللللله نسمة ما بعد صلاة الفجر تجيب الهدوء و راحة البال راح ينزل احلى فطور |
الاكتئاب آياته ليست مشاعر داخليه فقط و انما له علامات خارجيا ايضا
يتجسد في عيون المكتئبين و في ملامح وجوههم النظره و يأكل الوجه كما تأكل دودة القز الورق فيصبح باهتا لا لون له .... ذابل مثل التابوت المدفون تحت الارض مئات السنين اذكر مره سقطت عياي على المرآه فدمعت عيناي وبكيت كما الطفل ايعقل هذا عمر الذي لم يعرف بكاء يوما فهذا هو بكى من هم الزمان فأخرجت صورة لي عندما كنت مراهقا فكدت اقسم بالله ان الصورة ليس لي فزادت دموعي انا ابكي ! |
هم فجأة طرأ
بنزل ورشتي اصمم يمكن يخف |
اليوم شكلو حخليها سهره نوم مافي
والنفسيه عالي العال الحمدلله اتمنى لكم المثل |
|
اقتباس:
تعرف احب صفحتك فيها اخبار متنوعه وشبه خالية من الحزن والكآبه ياربي يوفقك ويسعدك والله صفحة مشوقة كثير دمت بكل خير وسعادة آمين . |
اقتباس:
احساس فيها غير اي مدينة رحتها، مرة طمأنينة وراحة عجيبه الله يعيدها من ايام . |
اقتباس:
يسعدني انو يقرأني ناس انقياء القلب زيك يا رائعه |
اقتباس:
|
اقتباس:
|
اقتباس:
|
http://www.asset1.net/tv/pictures/mo.../Lion-KA-1.jpg
من اجمل الافلام اللي اتفرجتها يستاهل الاوسكار الف مره امس الليل اتفرجتو فيلم درامي بطل الصراحه يحكي عن طفل ضاع من امه و اخوه اللي كانو عايشين بقريه في بيت متهالك اللين ما لقى نفسو في ملجأ للأطفال بعدين جات عائله استراليه جدا محترمه و حنونه اتبنته و ربته زي ولدها و راح استراليا و عاش هناك 25 سنه ولمن صار شباب بدأ يدور عن قريته اللي فيها امه الحقيقيه لا يفوتكم الفلم |
مين يعرف يصمم بالفوتوشوب احتاج تصميم ضروري
|
اعيش لحظه صمت و وحده عجيبه ما مريت بيها من قبل
|
السلام عليكم يا عمر
كيف الحال ؟ واش عاملة فيها النجارة و الخشب ؟ ان شاء الله تكون بخير يا عمير هههههه اظن انك من محبي الافلام ... لي اوقات اتابع الافلام التي تستهويني ايضا هل شاهدت فيلم. 300 ؟ الذي يتحدث عن ملك اسبارتا ؟ احببت هذا الفيلم و شاهدته كثير من المرات ، و لم امله ابدا |
اقتباس:
اتفاعلت معاه و اخذني لعالم ثاني من اكثرالافلام اللي لعبت بمشاعري .... عيوني كادت تدمع اتفرجت 300 مقاتل فيلم جسد الكرامه الشجاعه بكل معانيها حلو و ممتع |
اقتباس:
قرات عن طفل هندي اخذته اسرة استرالية و ربته و تبنته ، و لما كبر جسد قصته في فيلم مع الممثلة الامريكية نيكول كيدمان سانظر ان كان لدي وقت ساشاهد هذا الفيلم الذي تتكلم عنه ان شاء الله صحيح فيلم 300 مقاتل يشد اهتمامي كثيرا ، و اعجبني الذي مثل دور الملك ، قائد المقاتلين اليونانيين معروفين تاريخيا بشجاعتهم و قتالهم ( لا نعدمهم حقهم ) لنكون عادلين ، لذا العالم الغربي يسمونهم عرب اروبا فيهم ميزة كالعرب ( الشدة و الباس حين القتال ) المهم تستهويني الافلام التي تحكي البطولات خاصة افلام السيف و النزالات البدائية لا احبذ افلام الرصاص و القنابل هههههه اتمنى تكون بخير اخي عمر |
عمر الدنيا في كتاب الله ساعه ... ساعه واحده بس
خلونا نتصبر و نصبر و نعيشها بحلوها و مرها ساعه بس سويلك قهوه و فرفش |
| الساعة الآن 05:23 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا