ياجماعه انا النوبه خفت حيل حيل الحمدالله بس صار بدالها ضيقه وملل ومالى خلق انتو شرايكم فيدونا

ما هو ضروري الضيقة والطفش

أقول لكم بأختصار الأعراض الجسدية لمريض الهلع كثيرة جداً يفوق التصور فا أي شيء تحس فيه ولا توسوس وتقول يعلم الله أيش السالفة

السلام عليك
عبدالله والشباب انتو اهنيه : بصراحه انا احسدكم علي الوسواس والخوف من المووت او الهلع من الامراض 00 استغفر الله 00 ياجماعه انا مشكلتي اني ميت وانا حي مالي خلق اطلع ولا اروووح اصلن حتا غرفت نومي مااطلع منها لاعت جبدي من القعده بروحي وكله فيني النوم انام اكثر من 12 ساعه احس حياتي مالها طعم ملل ودي اشوف الناس ودي اطلع مشتاق حق ربعي اعوذ بالله من الكسل 00 ياشباب والله مدري شنو اسوي

السلام عليكم

شاركوا ولو بالقليل من الأسئلة في موضوع : أستطلاع نوبات هلع عن طريق الشفاء

اخوى حسن شلونك عسى تكون بخير رحت للدكتور الى قلتلك عنه لازم تروحله صدقنى بتدعيلى والله بعد ماتروحيله طريقته غير وتعامله غير روح والله الشافى

حاضرين للغالين (:

هلا صلاح الدكتور الي ذكرته لي دورت عليه في جوجل وبالجرايد عساس القا عنوانه بس مالقيته 00 ما ادري صلاح متردد ودي اروح لدكتور كويتي لان مشكلتي ودي اقعد بالدوانيه ودي اروح لربع 0 احس اذا الدكتور كويتي راح يفهمني ويساعدني علي هالخوف والمشاكل 00 انا دكتوري الي ذكرته لك من جنسيه عربيه وجزاه الله الف خير بس والله احس موفاهمني او انا مو فاهمه 00 مااقول غير الله يفرجها يارب

صباح الخير للجميع واتمنى ان الكل بخير وكيفك اخوي صلاح ان شاء الله احسن

صباح الخير على الجميع ابشركم انا احسن ولله الحمد وشكرا على سؤالك اخت فجر
اخت همس والله لو بالكويت جان عطيتج اسم دكاتره بس قطر ماندى فكر الله يعينج ويشافيج يارب
اما بخصوص النوم انا قبل النوم اخاف انام ولما اصحى على طول افكر بالحاله بس شوى شوى اهدى والله شوى
بس مو كل يوم ايام وايام وعلى فكره انا ما اخذ دواء قاومت وشفت ايام سوده بسبب ما اخذت دواء بس استحملت وتعالجت سلوكى بس والحمدالله جابت نتيجه

هلا اختي الهمس
الله يعينج اختي حاس فيج والله بس الله المستعان 00 ونفس ماقال اخوي صلاح والله مااعرف احد في قطر انا من الكويت بس اكيد عندكم هناك دكاتره فيهم الخير والبركه انتي دوري بالجرايد عندكم ان شاء الله تلقين 00 انا عن نفسي بروح عند دكتور ثاني بس قاعد ادور والله كريم

صباح الخير اخوى بوعلى شلونك عسى تكون بخير اتمنى تلقى دكتور يفهمك يارب وكذالك لاختى همس

اخوى الشاكر صباح الخير كيف احوالك ومشكور على جهودك ياخوى

اخوي صلاح شكلك تخاف من الادوية،انا كنت كذا وانا مدرسة لغة انجليزية وكنت من غير الدواء مهمومة وحزينة واتذكر اشياء قديمة ولا احب اطلع من البيت اغصب نفسي علشان اجيب اغراضي من براء وقاطعت الناس لكن الحمد الله بعد الدواء تحسنت كثيرا وباشرت اموري ورجعت لاهلي وصديقاتي وصرت اقدم على الوظائف وا تسلى بالدروس الخصوصية واطلع واتمشى واتابع الموضة واشتري كل جديد ورفهة عن نفسي وابوي صار حيل فرحان فيني ويشاورني بكل شئ حتي اهو خليته يغير قناعاته وصار ما يرفض لي طلب كاني بعد الدواء جيتهم بعد غيبة طويلة0

شكرا لك مسيره احد بس هم انا رجعت اطلع وامارس حياتى بشكلها الطبيعى ولله الحمد وكل شى كنت اسويه رجعت اسويه ونفسيتى تعدلت وصرت اكل مثل اول انا الدكتور قالى ماتحتاج دواء وراح تتحسن انا ما اخاف من ادواء بس اكرهه بس لو قالى الدكتور اخذه كنت اخذته بس والله الحين انا بحاله ممتازه ولله الحمد النوبه خفت حييييييييل والخوف قل وكل هذا بفضل الله سبحانه مو كل حاله مثل الثانيه فى حالات تحتاج دواء وفى حالات لا واتمنى الشفاء للكل

معك حق اخوي انا ما اقصد اضايقك بس حبيت اوضح لك حالتي قبل وبعد الدواء والحمد لله ان الدكتور قالك ما تحتاج دواء ان شاء الله يارب ماتحتاجه طول عمرك انا سبب حالتي وفاة عزيز علي علشان كذا استخدمت الداء ما قدرت اتاقلم لكن الحمد لله 0

دام الله عليك الصحه والعافيه يارب

اللهم آآآآآمين

والله ياجماعه حاس بملل وزهقه وضيقه مادرى ليش مساع حاشتنى النوبه بس خفيفه الحمدالله وراحت بس بعدها حاشتنى الضيقه

ما تشوف شر أخي صلاح

أيش تحس بالظبط

هلا اخوى الشاكر والله حاس بملل وزهقه ومثل التايه بس يدت تخف لما بديت اتكلم معاكم

هل عندك شعور بضيق شديد وحساس نفسك طفشان ومنت داري من أيش

صباح النور والسرور ابو عبدالله انا اليوم زين احسن من البارح الحمدلله طلعت اهلي ورحت وجيت وتوني راد البيت يعني اشوه 00 وعن الدكتور والله قاعد ادور مافيه احد براسي والله كريم 00 انت شلونك اليوم عساك بخير

هلا بوعلى دوم ان شاء الله احسن انا نصحنى الدكتور قالى الشى الى تتضايف تسويه سوه وراح تتضايق اكثر لما تسويه وهذا يكون العلاج وفعلا الحمدالله يارجل انا امس رحت السينما ورحت السوق مع الاهل وكنت مرتاح ولله الحمد بس مثل مانصحتك ياحسن روح للدكتور الى قلتلك عليه

الحمدالله يجماعه الدوخه والتوهان خف الحمدالله وبديت اصحصح يارب ديم علينا الصحه والعافيه

اى اخوى الشاكر بس مو طفش شديد لا عرفت الملل وتضارب افكار بس خفت الحمدالله تصدق اخ الشاكر الكلام يخفف حيل

وحبيت اعلق علي كلام اختي ميسرة صح العلاج النفسي نعمه من ربي بس بنفس الوقت نقمه 00 طبعا قبل سنوات اول ما استخدمة الدواء كانت فتره رااااائعه احلا فتره بحياتي بصراحه لاكن بعد سنتين الدواء معاد يجيب معاي نتيجه نفس قبل وصرت اكل جرعات مضاعفه عشان اصيطر علي المرض 00 قبل كنت اكل حبه وحده باليوم وحالتي ممتازه الحين اكل نوعين من العلاج ومعدل 6 حبات ولازم اوزعها علي اليوم كله 00 تخيلو مااقدر اطلع او اسافر لاني راح اكل الحبوب بكذا وقت يعني اللي ماكان يدري راح يدري مشكله 00 وغير الاثار الجانبيه نووم كسل حياتي تلخبطت بالمره 00 الحمدلله صلاح انك ماتحتاج تاخذ علاج وبنفس الوقت الي بحاجه للعلاج هم العلاج من فايده ونعه 00
سامحوني اتمنا مااكون ضيقة خلق احد بس هاذي تجربتي و وجهة نضري الشخصيه وحبيت انقلها لكم

الله يشافيك يارب ياحسن ويرفع عنك حسن صدقنى انت لازم تروح للدكتور الى قلتلك عنه جرب يا اخى شخسران

خلاص ابو عبدالله احس اقتنعة فيه الدكتور مالك 00 بس اخلص الكورس معا الدكتور مالي وباخذ عنوان دكتور سيد منك بس مو الحين ان شاء الله اخلص واقولك 00 عزيزي ابو عبدالله

بالتوفيق يارب

ياجماعه منوسوا تنظيف لثه عند دكتور الاسنان انا صارلى جم يوم اروحاسوى ضروسى وتعودت وراح الخوف بس قالى الدكتور تنظيف لثه وراح ينزل دم كثير خفت الصراحه وموعدى بعد ساعه فيدونى يرحم والديكم

اتمنى ان يكون الجميع بصحه وعافيه ...

اختى الهمس الله يشافيج يارب كلنا مثلج نفكر بالموت وخلاص ماكو مستقبل وبس هاليله بموت كلنا جذى بس انا بطلت هالمشكله لسببين الاول انى اقول حق نفسى شلى يخلينى افكر ان انا بموت محد يعرف بالدنيا الاعراض الى تصير قبل الموت لانه محد قالها كل الى حسو باعراض الموت ماتو الله يرحمهم والشى الثانى بطلت احط ايدى على النبض واشوف سرعه ضربات القلب والله نص الخرعه راحت لما بطلت احط ايدى واشوف سرعه ضربات القلب اما بخصوص الدواء انا ما اخذت دواء وقالى الدكتور لاتاخذ دواء حالتك مو قويه بس شفت ايام سوده تمنيت اخذ اى شى عشان اطلع من الى انا فيه بس الحمدالله تحملت وعديت المرحله بدون علاج والحمدالله لانه والله الدكتور الى اعالج عنده جدا ممتاز للعلم انا من الكويت اتمنى لج الشفاء وللمسلمين يارب

مرحبا

أن شاءالله الكل بخيييير:)

حبيت أسأل بخصصوص شي أحس فيه ؟؟

احيانا احس بشششي يطلع من الصدر للحلق مثل الهواء أحيانا يكون خفيف يعني عابر ومرات قوي ؟؟


واطراف خصصصوصصا رجليني على طول بااارده؟؟


فهل هو من من أعراض الهلع وكثرة التفكير؟؟؟



:)

انا قمت من النوم اجاركم الله جسمي بيرتعش والكحة شفاله علي ودنه وزوري حاسة فيه حاجه وقلبي واجعني كل ما اخلص من حاجه تجي تاني شفتوا اللي انا فيه الحمد لله علي كل حال

صباح الخير عليكم جميعا شلونكم اليوم ان شاء الله بخير