الله كلامك جميل الله يكتب اجرك يحمس اللي يدخلهه ان يتخلص من وساوسهه ...بس عندي سؤال انت حاط لنفسك خطه علاجيه
او انك ماشي ع سستم معين >> لحول وش نظامه برآ
المهم شسمه ليت تكثرو من هالمواضيع التشجيعيه وتسذا.. وبس

ايه سيستم فل HD |##
الحمدلله انا حاليا شفيت تماما من الحاله ورجعت
طبيعي مثل ماكنت بفضل الله ..
طبعا العلاج له دور بعد الله طبعا استخدمت الفافرين
لكن اللي اهم من العلاج هو اني قررت فعلا اخرج من
هذي الدوامه فصرت اسوي نفس اللي كنت اسويه اول
اروح عملي اروح عند اصدقائي سجلت بنادي رياضي
كنت ما اقدر اسافر بالسيارة سافرت وكسرت الحاجز
طبعا كل اللي كنت اسويه ما كنت حاس فيه ولا كنت
حاس اني انا اللي اسويه لكن قلت مع التكرار بيصير
سلوكي وابني شخصيتي من جديد وفعلا مع الوقت
صرت اروح الدوام واطلع واروح اي مكان وانا
في اصعب حالتي مع الوقت صرت احس ان الحاله
بدءت تختفي شوي شوي الين ما اختفت نهائي
لاني عارف ان الموضوع مسالة وقت وبيدي
اطول المدة او اقصرها ..
جلوسي بالبيت او خروجي مارايح يصير
فيني شي لو بيصير شي يصير انا بالبيت او برا
بيصير وانا بالبيت او برا ..
لاحظت ان الفراغ بيخليني انشغل بنفسي
وتزيد الوساوس ومع الانشغال تخف شوي
اشغلت نفسي ع مدار اليوم ..
والحمدلله اختفت الوساوس حتي وانا مو مشغول
ما تجيني ورجعت مثل ماكنت..مع ان بداية الحاله
قلت خلاص هذي القاضيه مستحيل ارجع مثل ماكنت
كيف ارجع وانا اصلا ناسي كيف كنت هذي وساوس
اللي يخليني اقدر ادخل المنتدي واكتب يخليني
اسوي اي شي خارج المنتدي لان العقل موجود
صح مليان وساوس لكن الايمان انها وساوس
وتاخذ وقتها خلاني اتغلب عليها..
والله الموضوع بسيط لكن يحتاج ان الشخص
يقرر انه يرجع مثل ماكان ..

الله يصبرك

الله يوفقك