استلمت النتيجه دوبني طلع عندي خلل بفيتامين د و الكوليسترول
قام الدكتور صرف لي فيدروب للفيتامين و ليبتور للكوليسترول

فيتامين ب 12 رح اسويه بعدين

جزاك الله خير اختي وشم

صبري لاتيأس ولا تقنط وكنت حاسه انك معدلاتك كلها طبيعيه لاني مثلك ورحت سويت كل هالتحاليل وكلعا ممتازه من فضل ربي .
لو اسوي لك برنامج بتطيعني ؟ منت بطايع خابرتك لكن نصيحتي لك الفجر مع طلعة النور اهدأ وقت اطلع امشي على رجولك مشي بطيء تبي تبكي ابكي وناجي رب العالمين امشي حول ٢٠ دقيقه وبكره ٢٥ دقيقه وكل يوم زيد خمس دقايق لين توصل الى ساعه .
هذا من العلاجات المهمه جدا في كندا بعلاج الاكتئاب الحاد .
المشي والهدوء تعمل عجايب في كيمياء المخ .
الشي الثاني النتيجه تبدأ تبان بعد ٦ اسابيع ومثل ماصبرت على الدواء اصبر وكبر املك بالله وماتدري ياصبري يمكن ربي قاعد يزيد المك لأنك يأست وقنطت من رحمته .
طيعني وغير اسلوب حياتك فقط بالمشي ماطلبنا شي كايد .
تدري اكبر نسبة انتحار بالعالم وين ؟ بالسويد مع انهم اكثر الدول رفاهيه ولكن اسلوب حياتهم نمطي جدا وممل .
جرب اليوم تمشي لو عشر دقايق وعلمني وش يصير معاك .
لاتنسى تتنفس بطريقه صحيحه شهيق وزفير بهدوووووء وقليلا من التفاؤل

وياك يارب و ماتشوف شر وقدامك العافيه ،
معناتها الخلل عندك بسبب نقص الفيتامين
وبس يرتفع بتشوف انو نفسيتك بتتغير بإذن الله

معك بكل كلمه قلتيهآ ليته يسمع بدال مايتذمر ويقول لنفسه كلام
يتعب نفسيته زياده ، مشكلته احسه مستسلم مايحاول ابدا ،
اسمع كلام قطرات ياصبري والله تراها ايام وبتعدي بس اصبر ياصبري

ياااارب

صراحه ماعندكم سالفه الرجال مكتئب ومتحطم
وانتو تقولون امشي ؟الموضوع دماغه فيه خلل مزاجه سيئ ومتكدر ونازل الموضوع مو غير جو واطلع وتمشى وراح ترجع طبيعي ماهذا الجهل يااحبايبي
واصلا المكتئب يكون ماله خلق وانا واحد مالي خلق لان مزاجي هاابط هبوط شنيع ودام أن الموضوع طلع مو عضوي معناها أما روحي أو نفسي ماقول الا ابتلشنا لاكن بحاول اركز عل العلاج الروحي والعلاج النفسي

عمر عبدالله بكم عملت التحاليل هل شامل ولا الي ذكرت بس

دامك كل دقيقه والثاني تكرر على نفسك انك مكتئب ومقتنع في هالشي
وماتحاول حتى تساعد نفسك أقلها بالكلام طبيعي ماراح تتقدم ولا خطوه
انا مريت بأسوأ ايام وأسوأ نفسيه حتى شكلي تغير بسبب اكتئابي
طلعت وحده ثانيه كنت اذا طلعت من البيت احس الشوارع ظلام وكل شي
كئيب ويجيني زي ضيق تنفس واذا رجعت البيت نفس الشي لا وانا قاعده
مبسوطه ولا وانا نايمه مرتاحه ست شهور كل يوم أسوأ الثاني لدرجة كنت
اقول ياليت لو الحياة تخلص لاني تعبت من تفكيري واكتئابي بس بنفس الوقت
اخاف أموت لحالي ،، تعبت لدرجة اني اقعد بزاوية غرفتي انطوي فيها ابكي طول
ليلي وحتى اذا بكيت ما ارتاح كانت تجيني مشاعر وأحاسيس غريبه احس بسببها
راح اكون مجنونه او راح اصرخ فجأه ، ست شهور أعاني تعب نفسي وتعب جسدي
وتركت وظيفتي بس مايأست كنت كل يوم ادعي بالوتر وعندي ثقه ان ربي بيخلصني
من هالشعور وفعلا دعيت ودعيت وكل يوم مامليت ولا اسأت الظن ولا استسلمت ودلني
ربي على طريق العلاج ، كل شي يحتاج صبر يكفي الأجر وتكفير الذنوب اللي نلقاه بس
نصبر على هالبلاء ، ادري انك متضايق وأعرف شعورك مررره زيين لانو نفس ردة فعلي يوم
طلعت الغده سليمه عندي ، بس ابي منك جد تحاول تطلع نفسك من اللي انت فيه لاتقول
ابتلشنا قول الحمدلله على كل شي ولا تقول المشي مايسوي شي والرياضه ماتسوي شي
لا يسوون ونص ، الرياضه و نوم الليل والاكل الصحي لها علاقه بالنفسيه ، اذا ماسويت رياضه
ونومك غلط واكلك غلط طبيعي بتكتئب واذا انتظمت بتشوف كيف تتغير ، ساعد نفسك وحاول

قصدنا نساعدك ياصبري واسفين على التدخل .
ملاحظه : اظن العلماء والابحاث بكل دول العالم مو حكي فاضي وثبت ان المشي يغير كيمياء المخ وبابحاث علميه مو خرابيط .
الله يفرج همك ويشفيك هذا اللي لك علينا ياخوي

أنا أمشي بس مويوميا اصلا انا تابعت حلقه لدكتوره تقول المريض بالي مايتسمى وده يمارس الرياضه والمشي ووو بس موقادر هذا موكلامي كلام دكتوره

قطرات ليه خذتيه ادويه وانتي محافظه على الصلاه وقلبك مطمئن صراحه غلطتي اشوف انك مو بحاجتهم ولا شرايك

وشم انا فرقي عنكم انا شاك فيني شي روحي لاني دايم يأس ومحبط وسلبي
شوفي انتي تقولين كنت واثقه بربي وكان عندك امل انا العكس وغصبن عني لان كل الامور ضدي

لاكن المصيبه أن المرض الروحي صعب اذا ماكان مستحيل علااجه جربت والله البقره يوميا والكرسي والفلق مكرره مافيش تحسن

اخذت الدواء النفسي لان ابغى اطلع من حالة النص نص هذي ابغى ارجع لطبيعتي تخلصت الحمدلله من نوبات الهلع لكن بقى عندي نوع من القلق والملل وان شاء الله ربي يكتب لي ولكم العافيه

الله يرزقك الشفاء والعافيه يارب
والله صدق الي قال الصحه تاج على رؤوس الاصحاء لايراه الا المرضى مانبي الا العافيه

امين يارب اجمعين

الان لي اسبوعين على مكمل فيتامين د
الدنيا نبّتت و الالوان اتضحت الحمدلله
باقي افحص فيتامين ب 12

غفلت على الموضوع اعذرنا اخوي صبري نعم شامل بـ 550 ريال في مستشفى البحر الاحمر في ينبع

سبحان الله حاليا الاسبوع الثالث لي , نصف عمر القديم رجع

ماشاء الله ان شاء الله ياعمر كل حياتك تكون الوان وسعيده
الله يتمم عليك يارب ..