نفساني - بعد انقطاع طويل زارني الضيف الثقيل

نفساني (https://www.nafsany.cc/vb/index.php)

- ملتقى أصحاب نوبات الهلع (https://www.nafsany.cc/vb/forumdisplay.php?f=58)

- - بعد انقطاع طويل زارني الضيف الثقيل (https://www.nafsany.cc/vb/showthread.php?t=135147)

اقتباس:

المشاركة الأصلية كتبت بواسطة قطرات الندا (المشاركة 1372323)

مرحبا بالجميع ..
حبيبتي اميره راقبت نفسي فترات طويله لقيت ان بعض الاعراض تتكرر في حالات معينه مثلا يحصل اليوم شي مزعج ويصيبني بالقلق والتوتر ويجي بكره وينتهي لكن بعد يومين اشعر بالدوخه والضيق في البدايه كنت اقول ماصار شي عشان تتكرر الاعراض لكن لما راقبت نفسي لقيت ان كلوعارض مزعج اكون قبله مريت بتوتر .
جربي مراقبة نفسك هاليومين او استرجعي ذاكرتك وش حصل معاك قبل اسبوع مثلا من الدوخه .
اجسامنا صارت حساسه جدا من اي توتر او خبر مزعج والعقل الباطن يخزن كل حدث عشان يعطي ردة فعل .
لاتخافين ابدا ولا تنزعجين صحيح الدوخه شي مقرف تعيق الانسان لكن اذا عرفتي ليش تكررت راح تخف بالتدريج .
سلامتك حبيبتي

الله يسلم قلبك ياااارب
اتوقع انها من اعراض الانسحاب بدا جسمي يتخبط من يوم بديت بال ٥ مل يعني اخذ نص حبه من ١٠
اول شهرين ماصار شي لان العلاج تراكمي
بدت بعد الشهر الثاني
والله يصبرني

اقتباس:

المشاركة الأصلية كتبت بواسطة مبتلاه بالهلع (المشاركة 1371202)

اوصفلك اميره وصف دقيق كيف جاني وانا اتقهوى واشوف مسلسل حسيت بحراره وتنمل طنشت وعادي مكمله قهوتي شوي حسيت ما اسمع كذا سيطر علي الهلع وش سويت حطيت يدي على قلبي وبديت اقرأ واسمي والله والله ان اختي جنبي ما حست فيني وهذا الي ابيه وإنجاز عظيم الين راح الله لا يرده

ولا اول امشي فالبيت كامل تقولين مهبوله واسمي واقول ياربي وش فيني يارب بموت اسوي حالة استنفار يالله ودني الطوارئ بسرعه ودوني واذا دخلت الطوارئ ابدا اصارخ قلبي تكفون قلبي بموت 😂😢

فالعلاج له دوره فالتغير الي حصل معاي فا لا تخافين ولا تقلقين اموره

السلام عليكم هههههههههههه مثلي قبل اول ماجتني نوبة الهلع ماكنت اعرف اي شي عن الهلع ابداء ابكي وانا رجال بنهاية العشرين بموت وتشهد عن اهلي وع طول ع الاسعاف وابكي وحالتي حاله لانه مع النوبات يجني خفقان قوي والمستشفى يعطيني اندرال وابكي اقول لدكتور مابي اطلع طبعا بعد ياخذون تحاليل شامله و تخطيط قلب واطلع سليم الحمدلله كنت اروح للمستشفى باليوم 3 مرات خصوصاً اخر الليل كانت تكثر في نغزات قوية بالقلب ايام ياوووه كل م تذكرتها اخر شي قالي دكتور لو بتموت مت من زمان وقالي بحجز لك عن دكتور نفسي المهم رفضت ورجعت البيت وقراء الا هلع واعراضه كلها مرت علي الصدق حرمني فرص وظيفيه وحرمني من السفر وكل شي للحين والعلاج لاباس فيه بس صرت مااحب اسافر شي عجيب

وكنت ادق ع اخوياي سامحوني بموت ويجون لي بالطواري كل يوم يهدوني|||

انا كنت ارتاح فالطوارئ احب اتكي عندهم 😂 الين جاني مستشار طوارئ قال دورنا انتهى وانت تاخذين مكان مرضى فعلا هم يحتاجون للطورائ مو انت تحسبني بعد هالكلام تبت لااااا طبعا اجي اليوم الثاني 😁

اقتباس:

المشاركة الأصلية كتبت بواسطة مبتلاه بالهلع (المشاركة 1373534)

مبتلاه طمننينا تركتي الدواء ؟

حياك الله اخوي احمد لا والله ما تركته وبانتظار الفرج من الله

اقتباس:

المشاركة الأصلية كتبت بواسطة مبتلاه بالهلع (المشاركة 1373830)

حياك الله اخوي احمد لا والله ما تركته وبانتظار الفرج من الله

اسال الله ان يفرجها علينا وعليك يارب

اقتباس:

المشاركة الأصلية كتبت بواسطة احمد لؤي (المشاركة 1373886)

اسال الله ان يفرجها علينا وعليك يارب

الله يجزاك خير اخوي احمد على سؤالك ودعائك لي
وكل سنه وانت طيب وصحه وعافيه يارب