|
فالاول ماكنتش باغية نخلعهم لكن مللي شفت هادشي ماشي ساهل قلتها ليهم
|
مزيان هاكة غادي ترتاحي
قرتت ندير تحاليل للغدة و فحص للقلب و القولون من بعد نشوف مع طبيب نفساني ان شاء الله تيسر الامور . |
ان شاء الله تكون النتائج سليمة اخويا مهدي الله يسر الامور
الاعضاء المغاربة مزال مابانو ياك |
امين يارب اختي
لا تا حد ما بان . يمكن موجودين فشي منتدى اخر ؟ |
زعمة مافراسيش هادي المهم اللي قرر ينضم لينا مرحبا بيه هادشي اللي كاين
|
السلام اخ مهدي كيف حالك لاباس عليك اش درتي مزال فالتحاليل كنتمنى يكون خير ان شاء الله
|
اهلا اختي ياسمين درت ايكو الحمد الله كلشي مزيان
عطاني طبيب الكينة لكن قبل دلك أكدت عليه واش نبقى مدمن عليها . قاليا لا وبديت بجرعة خفيفة 5 mg فاليوم |
الحمد لله على سلاااامتك الله يحفظك من كل سوء اخويا مهدي تبع الدوا ديالك وان شاء الله يجيب الله الشفاء
|
امين اختي ليا ولك وجميع المسلمين
ايوا انت شنو ناوية ديري ؟ تمشي عند الطبيب ولا تبقاي هاكة ؟ |
مزال تالفة وماعرفت ماندير الله يدير شي تاويل ديال الخير
|
ابشرى بالخير يا نجود
اختى نجود اريد ان اطمئنك انك ممن اختارهم الله عز و جل للابتلاء و هذا بكل تاكيد لان الله عز و جل يريد لك كل الخير و يختبر صبرك و لا تنسى ان الله عز و جل احن علينا من امهاتنا كما اخبر الرسول صللى الله عليه وسلم و اعلمى انك لست وحدك فى هذه المحنة التى باذن الله عز و جل الكريم المجيب للدعاء انك حتتخلصى منها للابد و تصبح انشاء الله ذكريات .انصحك بالعلاج السلوكى المعرفى فهو مفيد لابعد الحدود.و اذكر منه :
1-المشى لمدة نص ساعة يوميا 2-الاكل الصحى (الخضروات و الفاكهة) 3-الابتعاد عن المنبهات قدر الامكان 4-تنظيم ساعات النوم و الاستيقاض 5-تمرين الاسترخاء :و هو مفيد الى ابعد الحدود و ستلاحظين نتائجه بعد تطبيقه باسبوعين. 6-البتعاد عن المنبهات الصوتية و المرأية قبل موعد النوم بساعة على الاقل. 7-الاشتغال بالذكر و الاستغفار .وقراءة الرقية ولو لمرة واحدة يوميا امل انى قد افدتك و اتمنى لك و لكل مبتلى بالشفاء العاجل |
الله يشافيك اختي ويشافي جميع المسلمين
|
اللهم امين يارب الله يشافينا ويفرج همومنا
|
السلام اخوتي هاني معاكم حتى انا مغربية انا كنت تهنيت من هاد المرض كامل غير بتغيير الافكار وضبط النفس ولكن الزهر ماكاينش هههههه جاني واحد العرض غريب هاد العام عاوتاني جبدلي القلق ورجعت كيما كنت تاني العرض هو انني كلما نبغي نمشي للحمام اكرمكم الله خاص بعدا قلبي يدق بسرعة عاد تجيني رغبة باش نمشي للحمام ومرات واخا نكمل ونخرج من الحمام كيزيد قلبي يدق حتى نجلس شويا عاد يرتاح وحاجة اخرى حتى في الهضم كلما ناكل شي وجبة غالبا خاص قلبي يدق بعد الانتهاء من الاكل يعني عن الهضم ولا اعرف لماذا يعني سبحان الله طول عمري وانا ناكل وطول عمري وانا نمشي للحمام وطول عمري وانا عندي مرات امساك مرات اسهال وغازات وحمضة عادي متكيفة معاهم وما عمرهم دارولي هاد التاثير فقلبي واش ما مرتش عليكم هاد الحالة الغريبة ؟؟ مع العلم درت كل الفحوصات والتحاليل والتخطيط وما عندي والووو فقط غازات وماجاورها
|
اهلا وسهلا بيك اختي رحماك ربي ها واحد بنت البلاد بانت نهار كبيير هدا ،اه كيوقع داكشي اختي و بالنسبة للحالة ديالك مادام درتي الفحوصات وطلعت سليمة فأكيد السبب هو النفسية الله يشافيك اختي ومرحبا بيك مرة اخرى معانا نورتي الملتقى
|
ههه اهلا اختي
وي نفس الاعراض عندي حتى انا لكن عادي بعد دقائق قليلة يرجع النبض عادي لكن ايلا بقيت داير بالي معه يبقى يضرب بقوة اختي حتى انا بحالك كتجي النوبة ولكن ما طولش صافي ولفتها حتى كنساها وتغبر عليا مدة . لكن هاد المرة طولات معايا وكانت اشد قوة |
غريب والله انا هاد الهلع كنت تشافيت منو بالتجاهل فقط وباكتساب مناعة يعني كنقول المرة اللي فاتت ما مت ما وقع لي حتى شي حاجة اذن لماذا اخاف الان وهكذا حتى تخلصت منها لكن هاد المرة ما عرفت اش علاقة هاد الجهاز الهضمي بالقلب هو اللي عاود هيجلي هاد النوبات وهاد القلق لعجب ما فهمت مالوو هههه الله يشافي الجميع
|
الله يبارك فيك اختي ترحب بيك الجنة غير متبقايش تفكري في الاعراض حقريها وتجاهليها وقولي فراسك علاش نخاف من الموت الموت بيد الله وحتى او مت و من بعد الناس تموت بالملايين في العالم انا ماشي الاولى ولا الاخيرة وهاكا حتى يتعود عقلك على هذه الافكار وان شا الله ربي يجيب الشفاء
|
اختي رحماك ربي شحال تقريبا باش بداك الوسواس واش مدة طويلة
|
اختي انا هاد النوبات القلق والهلع والوساوس كانو يجيوني في فترات مختلفة يعني كل مرة يكون سبب مرات نسمع غير شي خبر ديال الموت كيجيوني ولكن بعد مرور الوقت وبحالي نقولو اكتسبت معرفة وتجربة على هذه النوبات صافي شفيت منها لاني كل مرة اعلم انها ليست الموت واني اخيف نفسي فقط واني حتى لو مت وبعدين ما حد رح يهرب من الموت وخلص حتى ارتاحيت على هذه الافكار وتخلصت من الهلع ,, ولكن هاد المرة انا حاسة فقط بقلق بسبب الاعراض التي ذكرت سابقا المتعلقة بالجهاز الهضمي هاذي هي مشكلتي حاليا
|
عرفو لنا عليكم البنات
المهم معكم مهدي من سلا مريض جسديا و نفسيا طالب في كلية الراحة و السياحة ههههه |
مرحبا بيك خويا الله يشافيك انا ساكنة فطنجة حاليا ,, الى مقدرتوش تمشيو لطبيب نفسي استشيرو فقط الدكتور محمد عبد العليم في موقع اسلام ويب وان شاء الله غادي يوصف ليكم الدواء والنصائح راه مزيان وغالبا كنشوفو كينصح اصحاب نوبات الهلع بدواء سيبرالكس المهم ها هو الموقع واكتبو استشاراتكم هنا http://consult.islamweb.net/consult/...sting&pid=2836 ولا قراو تجارب ديال ناس اخرين هناك
|
بارك الله فيك اختي
كندخل لداك الموقع وشفت حالات مشابهة ليا لكن كيما كتعرفي دواء لا يعطى إلا بوصفة طبية انا بديت الدواء من الاربعاء الماضي . قريت عليه فالموقع اسلام قالو مزيان وفعال واهم شيء لا يسبب الادمان والشفاء بيد الله سبحانه |
ان شاء الله باذن الله ربي يجيب الشفاء للجميع ,,
|
اهلا مهدي واختي رحماك ربي تشرفت بيكم انا ساكنة فنواحي دمراكش سبحان الله كل واحد فينا فقنت ههههه المهم الله يشافينا جميعا
|
بصراحة ما زعمتش نمشي عند طبيب نفسي انا اصلا ماعندي صحة ماقدرت على دوك الدوايات خفت منهم
|
امين اختي متشرفين ,, ماشي مشكل تقدري تعالجي الهلع ووسواس الموت غير بعلاج سلوكي يعني تغيير الافكار تبقاي دايما تقولي لراسك ياك المرة اللي فاتت تخلعت وقلت غادي نموت وخلعت راسي وارتفع هرمون الادرينالين ودارلي اعراض غريبة بحال دوخة ضربات قلب سريعة نشفان الريق شعور بالوهن والتعب وان الموت قادم والشعور بشيئ عالق في الحلق والعديد العديد من اعراض القلق الغريبة التي يسببها ارتفاع هرمون الادرينالين بسبب تخويفك لنفسك اذن المرة الجاية لا تستجيبي لتلك الافكار وقولي لنفسك انا لست حمقاء المرة اللي فاتت خوفت نفسي وفي الاخير ما متت اذن هذه المرة ايضا كذب وهكذا حتى يرحل عنكي الهلع بدون رجعة لان الهلع ووسواس الموت من اسهل الامراض التي يمكن علاجها بالتفكير الايجابي فقط غير تشجعي وتوكلي على الله وديري هاد الطريقة راه غير كتخوفي راسك على افكار كاذبة وغادي يجي واحد النهار عندما تشفي ان شاء الله غادي تضحكي فيه على نفسك
|
ربي يخليك اختي رحماك ربي على النصائح المفيدة الله يجازيك بالخير اختي وكنتمنى تكوني بيخير وعلى خير نتي والاخ مهدي ان شاء الله
|
امين اختي بارك الله فيك الحمد لله هاد الساعة الله يشافي الجميع يارب
|
السلام عليكم
الحمد الله اختي ياسمين هناك تحسن ولله الحمد كيف دايرة انتي و الاخت رحماك ان شاء الله تكونو لباس |
وعليكم السلام ورحمة الله وبركاته الحمد لله مللي كاين تحسن ماشاء الله الله يزيد فراحتك اخويا مهدي اما بالنسبة ليا انا الحمد لله كنحاول نتأقلم مع الوضع الله يشافينا ويفرج همومنا يارب
|
سلام عليكم ..
بدخل على طول .. بعد استخدامي لسبرام لمدة 7 شهور حبه ونص تحسنت خمسين بالميه او ستين لكن الهلع موجود اذا طلعت هل ارفع الجرعه الى حبتين يومياَ .. :d |
السلام عليكم
اخي قديم نصيحة لك لا تزيد من الجرعة الا باستشارة طبية الله يشافيك اخي ويشافي جميع مرضى المسلمين |
اختي ياسمين لباس عليك
ان شاء الله تكوني بخير |
السلام خويا مهدي فين كنتي غابر هاد الايام ياك لاباس مشيت كتبت سميتك فصفحة الاعضاء الغائبين عن الملتقى ،كيف بقيتي كاين شي تحسن فالحالة النفسية
|
اهلا اختي ياسمين
الحمد الله ياربي هناك تحسن كبير و لله الحمد بديت نخرج مع صحابي وغيرت الروتين اليومي وحتى الدواء اعطى مفعوله و لله الحمد |
الحمد لله ، الله يزيد فراحتك اخويا مهدي ماشاء الله ، الله يتمم شفائك بيخير وعلى خير
|
السلام عليكم
اهلا بكم اخواني كيف حالكم |
اختي طوق لباس عليك
كيف بقيتي شوية فين وصلتي و شنو الجديد دبالك ؟ |
مالي الا صفحة الفضفضه
الواحد يضعف هنا شوي عادي ههههههههههههه اقسم بالله اني تعبان جدا من وقت رفع الجرعه حسب كلام الطبيب والاعراض جايتني الان كأني اول مره اتعرف عليها لكني ماسك نفسي بشكل مو طبيعي ...... احيان الانسان يضعف فجأه وانا شكلي وصلت لمرحله من التحمل مو طبيعيه لكن لا بأس كل هذا لأجل الشفاء وان شاء الله رح اتحسن اوك اروح انام وان شاء الله يوم جديد غدا وبإذن الله تنشحن طاقتي وارجع كول على طول |
| الساعة الآن 06:16 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا