|
اي والله ليتني أخوكي لكن ان شاء الله اخوكي مايقصر بس استعطفيه وصدقيني بيوقف معاكي ماعندي غير الدعاء لك يارب ياكريم يفرج كربك ويصلح أمرك ويجمع شملكم على خير ويكتب لك الخير ويسهل طريقه..... آمين |
شكرا ياخوي يكفي وقوفك معي ما راح انساه لك
|
السلام عليكم
د رعد كلمت اخوي اليوم قلت له اقدر توقف معاي لما تشتد الظروف ويجي اي احد لي احد كان يضغط علي ويفرض رايه قال من غير زوجك قلت له ممكن لما تتصعب يدخلون اخوانه وانا مصممه هذي المره اني اتخذ موقف قوي علشان لو برجع اي وقت يحسب لي حساب بس ابغي اتساندني. قال ولا تخافين ولا تفكرين بشي انا معاك اليوم واحد واحد حسيت براحه واني باماان ق |
طيب الله يبشرك بالخير ويقويه يارب
إيوه لازم أحد يوقف معاكي يارب تتحقق امنياتك |
ربي يسمع منك
|
السلام
ارسل مسج يقولي رجعي البيت وهو بيطلع لا تثقلين على اهلك اكثر ولا تفرجين علينا العالم وانا خايفه اذا صرت بيتنا يطب علينا اي وقت لانه مستحيل بياجر له فندق او شقة قلت له ما برجع قال رجعي وانا اطلع قلت له انا ما اتحمل صرخه او عصبيه اكثر تعبت واعرف يومين وترجع وبعدين شدعوه حتى اعيالك ما تسال عنهم ولا تدري عنهم ولا ترسل مصروف تبي غيرك يصرف عليهم قال انا ما اشوف اعيالي الا ببيتي وانتي طلعتي بروحك ترجعين بروحك قلت له ما تذكر كم مره تطردني كل هوشه وانا اقولك ما بطلع واخر شي تطردني من الغرفه واقعد ادور مكان انام فيه واخجل من اعيالي كبار ويفهمون يوم الي طلعت خلاص احس بختنق بالبيت بتطلع روحي وغير ان عصبيتك صارت ترعبني موووت قال رجعي لحالك وما رسل غيرها |
تو الناس لازم تكوني قوية وتفهميه انك مو راجعة مرة وتبين الطلاق يعني مو قاعدة تتغلي عليه علشان يقنعك والا يترجاكي وقولي له بيت اهلي يوسعني، وعيالك خذهم واهتم فيهم والا ارسلي مصروفهم وانا اعرف اهتم فيهم لازم تكوني جاهزة اختي للطلاق التكتيكي ماراح يطلقك 3 لاتخافي |
والله انا قوية ومرتاحه بيت اهلي
حاسه بالامان والاستقرار اقول لامي احس الهوا والجو عندكم غير الجو عندنا مكهرب وتوتر عالي>>>> طاقة سلبية منتشره بالجو بالبيت هو ارسل مسج واحس وترني وعفس عقلي وترتيباتي بقولك شي بصراحه كنت انتظر يتصل او يسأل عني او عن العيال يوم ارسل مسج فرحت يوم شفت اسمه بعدين جاني احبااااااط وقهر حسيت ودي ابكي هذا هو ماراح يتغير اذا رجعت بنذل اكثر |
علشان كذا أقول لك اصمدي ولا تتأملي فيه حاليا صدقيني الوقت والفراق يحل مشاكل كثيرة أحسن من النقاش والعصبية ولا تفقدي الامل ، والله الجبال تتغير لاتقولي |
انا حسيت من كلامه ا نه مغلطني فيه كل شي صار
قلت له اخر مسج فكر في تصرفاتك معانا في عصبيتك في اهاناتك .. في ضربك للعيال ولي اشلون حنا مرعوبين منك ما رد علي |
ولا راح يرد اتركيه عند هالمسج وخليه يفكر فيها واذا ارسل لك لا تردي ، طولي عليه اثقلي ع الآخر |
احس قلبي يعوووورني بقوة
مخنوقه ودي اقعد لحالي ودي ابكي ودي اصرخ والله ما انام واذا نمت احلم كوابيس |
ارجعي للفلوناكسول 1 ملجم مساءا الله يكون بعونك |
ربي يعين
ذكرتني بالعلاج برجع له مشكور على مساندتك الدايمه احس اني الحين افضل سويت تمرين التنفس والحين توني اقعد اتعشى :) |
صباح الخير يا وجه الخير
اخر الاحداث ... عواصف رملية عاتيه جويه وعائلية :) اتصل علي ولدي البارحه الساعة 2 الفجر يقولي ابوي معصب حده وبيجي يا خذ العيال غصب عنك>>>> هذا مختصر الكلام بكره بيت اهلي بيسوي لك مصيبه وفضيحه قلت له هذا اول السيناريوا المتوقع وانا صامدة |
صباح النور والسرور ياطيبة عادي خليه ياخذ العيال ولا تقاومي اهم شي انتي لا ترجعي ولا تستجيبي لأي ضغوط عياله ومن حقه ياخذهم |
عياله ومن حقه ياخذهم طيب فهمتها
وانا مالي حق هو ما يدري عنهم انا الي تعبت. فيهم انا الام اتوقع كلمة ام تكفي بس هو يبي يضغط علي واذا صار الي قال عيالي الي بيتعبون. وبيتبهدلون وبعدها تصير الضغوطات من العيال مو منه واصير انا الغلطانه في وجه عيالي وانا الي عاندت وقاسيه ولا اهتم بهم ولاحظ بيصيرون معاه يعني. الكلام القاسي عني. بيسمعونه كل وقت ياربي ايش هذي العيشه ثاني معاه في حرب والعيال الي بالنص |
لا لاتخافي شغلة مؤقته العيال ماراح يضيعون، يتحملو 6 شهور انا قايل لك طلاق تكتيكي مو نهائي اذا ناوية فراق نهائي فانا مو معاكي، معليش هذا مو حل لازم تضحيات ، مافي شي يجي بسهولة |
لا انا مو مع النهائي وحتى التكتيكي خايفه منه
ما اتحمل تدخلات الناس وخاصه اهلي معارضين وجودي الان وتركه مع اني في عشرين سنه ومع هذي المعامله ما طلعت من بيتي الا مرتين مره هو الي طلعني غصب وهذي المره تصرفه البارحه ما خضعني بالعكس عطاني عزيمه اكثر وتصميم اكبر مع انه وحشني واكتشفت اني احبه لكن تصرفه البارحه مسح كلشي وكلمت العيال اليوم قالوا ما نبي نروح لانه لو رحنا بدونك بيقتلنا عصبية وصراخ وضرب الى الحين ما صار شي لكن فكرت اول ما يقرر يجي بيت اخوانه قريب من بيت اهلي .. اتصال يخليهم يجون له هو خايف اخوانه يعرفون علشان كذا يضغط علي رجعي قبل لا احد يعرف وتكبر او يدخلون اخوانه انا الحين مرتاحه وهاديه لاني بعد كلمت اخوي وقال لا تخافين |
لا تخافي اختي لو الطلاق مشكلة ماكان حلله الشرع وانا أصلا معارض للإنفصال النهائي لأني ماشوفه حل لكن الشرع حط 3 طلقات لهالسبب ، يقدر الواحد يعدل وانا وافقتك على رغبتك والا انا اصلا من انصار الصبر والتحمل لكن مو مشكلة اذا كان طلاق تكتيكي ولا يلوي يدك بالعيال، اذا يبيهم خليه ياخذهم حتى لو كانوا مايبغون ماراح يصمد كثير، انتي بس اصمدي |
صاااامدوووون
حركته البارحه زادتني صموود واثبتت ان خطوتي الي اتخذتها صحيحه |
اعيالي مسيطرين على تفكيري
خايفه على نفسياتهم عايشين بضغوط وسااااكتين خايفه يلموني بعدين مع اني شارح لهم كل الاوضاع وهم شايفين وصاير جدامهم كلشي بس دايم احس بالذنب تجاهم |
زنبقة، وينك؟ طمنيني عليكي ايش آخر المستجدات؟ |
هلا د كتور اعذرني انشغلت الكم يوم لي راحوا
ونفسيتي ما ادري شقول لكن الحمد لله على كل حل واعتذر لاني ما قدت اسوي الي قلت لي يوم السبت طلب مني عن طريق ولدي الكبير اطلع معاه كوفي نتفاهم هناك علشان نكون براحتنا وما احد يدخل ترددت كثير لكن اعيالي كانوا تعبانين عندهم امتحانات وجو بيت اهلي مو مؤهل رحت علشان اتفاهم هو يطلع من البيت يدبر نفسه وانا اكون مع العيال طول الطريق بالسياره وانا ادعي ربي يقويني ويسهل امري لكني من شفته و قال ها وش طلباتك ؟؟ومو عيب بعد هذا العمر تضحكين علينا الناس؟ وتفشليني جدام اهلك ؟؟ انصدمت !! خلاني انسى كل الي مخططه اقوله قلت له هذي الرساله الي فهمتها من طلعتي ونسيت كل الي سويته انت قال ما سويت شي انتي طلعتي بكيفك المهم دار حوار طويل انا حاولت امسك نفسي لكن ما قدرت قمت ابكي ابكي ابكي لما حسيت انفاسي بتوقف وقلبي عورني >> بس تقول انهز او تاثر و لا شي قلت له مافي فايده نتفهم انت لسه على ارائك دايما انا الغلطانه مهما شرحت ما تبي تفهم ا الي تبيه بعدها خلاني اتكلم وتفاجأ من اسلوبي والي قلته اول مره اقوله له سكت ما لقى شي يقوله تأسف وقال انا بطلع بس انتي رجعي البيت مع العيال كفايه بهدله قال كذا وانفجرت ابكي ثانيه >>>> من زمان ما حسيت اني احبه ومتعلقه فيه كثر ذاك الوقت قال انا ابغي انفذ طلبك مو هذا الي تبين؟؟ سكت مالقيت كلام كثر ما كنت ابغير اتركه واشوف راحتي بالانفصال قد ما حسيت اني ما اقدر استغني عته وابيه وانه وحشني كثير >>> القط يحب خناقه :) المهم تصالحنا وتاسف لي ورجعنا البيت مع بعض بس في شي كدرني وضايقني كان عندي تطبيق يوم ثاني بالمدارس تخيل بعد هذي المواجهه والتوتر والتعب اسبوع ما انام كيف كان تقديمي ؟؟! خبصت كثير ونسيت كلشي انحرجت بقوة تمنيت الارض تنشق وتبلعني الى الان محبطه جدا جدا جدا كرهت حالي |
ماشاء الله تبارك الله والله ياأختي ان اللي صار حلو حتى لو كان غير الخطة وصدقيني ان هالكم يوم اللي ابتعدتي فيها أثرت تأثير إيجابي بس هو يكابر والا أكيد أثرت فيه وكلامك أثر فيه عموما والله ماأتمنالكم الا كل خير وان الاجواء تصفى بينكم صدقيني هو محتاج لك وانتي محتاجه له تحملو بعض عاد، مافي حل ثاني وبالنسبة للتخبيص في التطبيق لا تكبريها غلطة وعدّت وسامحي نفسك عليها عشان تبدعي المرة الجاية ووضحي للمشرفة ان كان عندك ظروف اسرية وانك كنتي تعبانة اذا ماسامحتي نفسك وحبيتيها مين بيسامحها ويحبها؟ |
حالة احباط من كلشي
مو من التطبيق بس كلشي حوالينا يحبطنا يالله اشكثر حياتنا صعبها ولازم نوطي كثير علشان تمشي مافي حل غير الصبر لما ربي ياخذ امانته |
ليه أختي؟ قوي قلبك واغصبي نفسك واصبري أغلب الاحباط هي افكار وهمية بروسنا ولحظة استسلام منا لازم مانستسلم لهالمشاعر والافكار هذي الافكار تيجيكي وتيجيني وتيجي لكل واحد يعاني وجايز تيجي لكل الناس ومهم جدا مقومتها وعدم الاستسلام لها |
والله يا خوي ضغوووط كثيره علي
والتزامات كبيره ولا بد من المنغصات هذه هي الحياة بدونه حياة متعبه وقلقه ومعاه حياة كلها توتر واعصاب مشدوده وقهر الحمد لله على كل حال انا بخير |
تصبري ياأختي العزيزة كان الله في عونك والانسان خلق في كبد وهذي سنة الحياة كل واحد عنده شي منكد عليه لكن ايش يسوي؟ ماله الا الصبر والرضا بقدره كنت اتمنى انك تصمدي عند أهلك لكن المشكلة على العيال مثل ماقلتي وانتي تحبيه وهو يحبك، مابقى طريقة غير انك تقولي ربي خلقه كذا صدقيني هو مايتعمد، وانتي تقدري تكيفي نفسك على هالحالة مو قلتي انك زمان قبل الاكتآب كنتي متحملته وماشي الحال؟ المشكلة الحين هي في ضيقة الصدر عندك، ركزي على انك تعالجيها وراح تقدري تعيشي معاه مثل الماضي لازلت اقول لك لاتتهميه بأنه هو اللي تسبب في حالتك ترى هذا هو اللي يخليكي شايلة عليه ولايمكن تتصالحي معاه أو تتحمليه دايما كوني على يقين ان الاكتآب كان جاي جاي به والا بدونه وانه مو هو السبب، ولو كان هو فانا مسامحته من قلبي لوجه الله، فكري بهالطريقة وتعاملي بها وبتشوفي نتيجه افضل أختي زنبقة: سامحيني على حديث الطائفيه اللي كان بذاك المقال فوالله اني اعرف انك شيعية ولكنك معتدلة واعرف مذهب وسلوك المعتدلين تماما ، وأغلب أصدقائي في الجامعة كانوا منهم ولا زال لي صديق بمقام الأخ في مجمع الأمل وهو طبيب ولكن قلبي يحترق كلما أججت ايران الطائفية ووجدت من يستمع لها من ابناء بلادنا أعرف أختي انك لستِ منهم ولهذا لازلت أكن لك كل الود والتقدير والإخاء |
د رعد اخي العزيز
انا صابره لكن الوضع ما تغير بالمره ولا نسبة 1% طول اليوم اقول الحمد لله على كل حال علشان يزيد صبري وبالنسبة للموضوع ياخوي انسى الموضوع انت شخص غالي وعزيز وتعرف مكانتك هذي المواضيع دايما ابتعد عنها وما احب مناقشتها لاني عمري مافرقت بين الطوائف يمكن المشكله في الجهل بالاخر هي المشكله كل الي قلتوه او اسمعه او اقراه اتفاجأ منه ولا شي صحيح من هذا الكلام ولا يجوز التعميم اذا احد الجهلاء عمل شي منافي مو معناها الكل وانا اثق في عقلك الراجح المهم خل ننسى الموضوع ياخوي ما صار شي :) |
خلاص ننسى وأشكر ثقتك بي وعقلك الراجح
وأسأل الله ان يرزقك صبر لاينفد وأن يطمئن قلبك ويشد من أزرك وأن يأجرك وأن يحفظك من كل مكروه انتِ وأبنائك وأن يحنن قلب زوجك عليك ويسخره لك انه على كل شيء قدير ، ولازلت أسألك هل انتهيتي من قراءة كتاب العلاج بالمعنى؟ اختي الكتاب هذا مو زي اي كتاب، واثره كبير جدا لابد ان تقرأيه ربما اكثر من مرة لأنه سيغير حياتك بطريقة لاتتخيليها فيما يخص الصبر والكفاح والحفاظ على الامل |
نسيت أسألك عن العلاج حاليا ايش تاخذي؟ وكم الجرعات؟ |
اهلا اخي الدكتور رعد
مبروك عليك الزيادات المفرحه مع ان انا وزوجي ما شملنا شي من المكرمات لانه صاحب محل تجاري لكن الخير الي يطول البلد يطولنا ويفرحنا المهم الكتاب لا ما اكملتها من زمان انقطعت عن القراءة وحشتني الكتب كثييير لكني مشغوووووله كثير ما عندي وقت والله حتى نومي اقصره علشان اقدر اخلص اشغالي وخاصه الحين تطبيق ياخذ وقتي كله مع شغل البيت توه اليوم زوجي معصب ليه طول الوقت بين الدفاتر والكمبيوتر بالنسبة للعلاج بعدني اخذ سيبرالكس 20 فلوناكسول لي اسبوعين ما اخذته والظاهر اني راح رجع له واطحن حبتين واحطهم في كاس اللبن لزوجي ههههههههه يمكن تخف النرفزه الدايمه الي هو فيها >>> بس قلبي ما يطاوعني اغشه :) |
هههههههههههههههه الله يقطع شيطانك ، ضحكتيني الين دمعت عيوني تصدقي فكرة خطيييييييرة والله مانتي بسهله ، جربيها مرة واحدة ، ماراح تضره بس انتبهي لا تعلميه لا يخرب بيتك خخخخخخ أشكرك ع المباركة وان شاء الله يلحقكم خير الاسكان وخير ابو متعب ماينتهي ، شوي ويطلع لك بخير جديد بالنسبة للفلوناكسول ارجعي له خذي نص ملجم واذا ماارتحتي خليها 1 ملجم انا عني ماأقدر اوقفه ومستمر على 1 ملجم من سنين |
اضحك الله سنك دوووم :)
وراح ارجع للفلوناكسول علشان نقدر نواجه االصعوبات بس خوفك اصير هبله اضحك وبس خخخخ |
هههههه لا لاتخافي عزيزتي لو بيهبلك كان هبلني قبلك، لي سنين استخدمه كوني بخير دائما |
اقول دكتور ارسلي لي علبة فلوناكسول بالحمام الزاجل
العلبه الي شريتها من الرياض ضااااعت تعبت ادورها والله قهر ..لا وشاريه 100 حبه اهي اهي ......... انا بخير دامك بخير :) |
انا نفسي اخذ زناكس مره ثانيه
الشعور الي كنت فيه لمدة عشر ايام كان ممتع جدا الحياة مع زناكس غيييير متاكد انه مو مسكر هههههه |
لاااااااااااا لاترجعي لزاناكس بعدين تصيرين مدمنة لكن فلوناكسول والله ممتاز وماله مشاكل ابشري والله، ارسل لك بـ فيدكس على جوال أحد من أهلك أخوكي مثلا، بلاش زوجك لايدخل في شكوك، هو مو ناقص |
ههههههه خلهزيدخل بشكوك اقوله انت اخوي من الرضاع
يصير فلم هندي بعد هذا العمر يطلع لي اخ ضايع ولقيناه بموقع نت ههههههه |
| الساعة الآن 12:04 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا