شكرا لك غالي الأثمان قصدك بطله وليس بطل ...الله يعينا ويكتب اجرنا

الشكر لله ، الله يعافيك ، مو مشكلة بطلة ما اخذت بالي من الاسم .

ميوس ياقلبي وش اعراضك ؟ الله يشفينا جميعا

أهلا مكرووبه. .الأعراض الآلام متفرقة قلب وكيف وكتمه شديده ودائما مستمره وضعف وخمول وتنميل والآن جفاف فالحلق ..وغالبا كل الأعراض اللي ذكرتوها معي والحمدلله كل شي بأجره. .

انا جتني نوبة الهلع وماكنت ادري وش هي
المهم اني دخلت بعدها بدوامة اكتئاب لايعلم فيها الا الله عانيت شهور لا نوم ولا اكل ولا راحة ونسيت ان عندي بنت ومااتذكر من اهلي الا امي وزوجي عشت معاناة عساها تكفير يارب كل يوم بالطوارئ ولا عرفوا وش فيني ولا واحد من الدكاترة الفاشلين قال لي انها نوبة هلع! معقولة مايعرفونها او مادرسوها؟ وفي النهاية قلت لازم اصحصح واعرف وش فيني وبحثت وقريت كثير حالات تشبه حالتي وعرفت اللي فيني والحمدلله راح نص المرض بس الوسواس استمر معي الى الآن والاكتئاب ايضا والنوبات تجيني من فترة لفترة

أسأل الله العظيم رب العرش الكريم أن يشفينا جميعا

اهلين فيك اختي ام نوره .

السلام عليكم ورحمة الله وبركاته ، شي طبيعي كل واحد جاته نوبات الهلع ماكان في باله اولا انه شي نفسي الشي الوحيد اللي كان في باله انه راح يموت او ان فيه مرض وتبدا رحلت المستشفيات و الفحوصات و صرف المبالغ الطائله على الفحوصات ، والحمد لله في الاخير بعد قرايت النت الواحد يكتشف ايش فيه . بس يبي لنا نكافح الوسواس لان كيده ضعيف وان شاء الله من احسن الى احسن ومن تحسن الى تحسن حتى نرجع لحياتنا الطبيعيه ان شاء الله . دمتم بصحة وعافية

انا بدت معي يوم شفت حادث في الطريق و الحمدلله على كل حال

اكيد لها سبب كل واحد له سبب ، بس تروح النوبه وتترك وراها الخوف و التوتر و الاعراض المزيفه

كل اللي تمروا فيه اكتبوه هنا حتي يستفيد الجميع

وكما هي الحالة في نوبات الهلع مابين نسيان وحضور ولكن ، الحمد لله الذي عافانا

موضوعك يا اخوي جدا ناجح ورائع يا غالي الأثمان .. اتوقع استفاد منه الآلاف الله يجزاك خير ويفرج همك .استمر وحافظ عليه

حياك الله اخوي اتمني هذا واشكرك علي مرورك الرائع