شكراً لك اخي الكريم على هذا المشاركة

اخي المفتاح احبك الله الذي احببتني فيه

والله ياخي يشرفني ويزيد من سعادتي ان تكون صديقي ...

أتمنى من الله العلي القدير الذي جمعنا في هذا النادي ان يجمعنا واياكم في دار كرامته على منابر من نور آآآمين يارب العالمين

مادري وش تقصد اخوي حمد بس انا اذا جلست في البيت فترة طويلة ثم طلعت مباشرة للشمس يجيني عطاس متكرر وحتى ولدي عبدالرحمن نفس الشي خخخخخخخ

ياجماعة الخير ابوحفصة هذا راايق من جد

وش رايك نقلب الموضوع إلى ( نادي نوبات الهلع والإنترنت ) خخخخخخخ

عموما ولايهمك حبيبي

تحتاج لوصلة تسمى (وصلة بلوتوث) وتلقاها في المكتبات مثل جرير ( مع اني أعتقد ان الزلفي ما فيها مكتبة جرير ) << ولو الولد مستخف دمه بزود خخخخخ

تقوم بتركيب هذه الوصلة في منفذ اليو اس بي في الجهاز

وبعد ذلك تذهب للملف الذي تريد نقله للجهاز وتضغط عليه بالزر الأيمن ثم تختار ( ارسال بواسطة بلوتوث ) او عبارة مقاربة لها

بعد ذلك سيبدأ الجهاز بالبحث عن اجهزة القريبة وسيجد جوالك كما قمت بتسميته

اختار اسمك ثم اضغط على زر ارسال

ستأتيك رسالة في جوالك كأنك تستقبل ملف من جوال اخر اختر موافق واستقبل الملف

ولكن هناك بعض أجهزة الجوال لاتدعم صيغة الريل بلير خصوصة اذا كانت ملف فديو

اما الملفات الصوتية فلا توجد مشكلة معها

وأي استفسار او خدمة انا حاضر للحبايب

اخي المفتاح اعذرني على اللقافة ..

انا من وجهة نظري الزواج من أجنبية ليس عيبا اذا كانت أمرأة ذات خلق ودين ومن عائلة طيبة

أحد زملائي في العمل متزوج من فلسطينة وماشاء الله تبارك الله مبسوط على الآخر وعنده ستة أبناء وماشاء الله بعض عياله جذابينهم الخوال وطالعين شقران مهوب مثل خوينا ( الأشهب ) خخخخخخخخخخخ

لكن هناك نقطة مهمة يجب ان تضعها في الأعتبار

وهي ثقافة وتفكير المجتمع الذي تعيش فيه من أقارب ومعارف

لأنه للأسف احيانا البعض يعتبر ان البنت اللي امها اجنبية فيها نوع من النقص او العيب

وهذا قد يؤثر سلبا على بناتك في المستقبل من ناحية الزواج

انا اقول احيانا وفي بعض العوائل وهي ليست قاعدة

عموما وكما قال الأخ عبدالله استشر والدايك واخوانك

وقبل هذا وذاك

ارفع يديك لرب السماء بعد ان تصلي ركعتي الأستخارة وقل (( اللهم اني استخيرك بعلمك واستقدرك بقدرتك وأسألك من فضلك العظيم .... الخ دعاء الأستخارة ))

أسال الله العلي القدير ان يوفقك لخيري الدنيا والآخرة

أهم شئ اذا توكلت على الله وعزمت على العرس لاتنس تعزمنا ... :)

السلام عليكم ورحمة الله وبركاته
اخي مقاتل من الصحراء الله يبيض وجهك دنيا وأخره ...والله اثلجت صدري... ومشكور على الرد
وسوف استخير واتكل على الله

يااخواني انا رحت للدكتور وقلت اني اعاني من مراقبة دقات القلب ومراقبة عملية التنفس صرف لي علاج اسمه الفولفلين مدري اسمه صح
المهم وش رايكم في هاذا العلاج.........استخدمه
يااخواني والله اني ارتاح لما الدكتور يعطيني وجه بس الضاهر الي رحلته مدري وش فيه..غير انا قلتله وش حالتي...يعني انا اسال بدال ماهو هو يسأل
قريت كتاب للدكتور عادل صادق يقول ان المريض يرتاح كثير اذا الدكتور سار مهتم فيه

اخوي المفتاح ما الدكتور صرف لك علاج ونت رحت له واشتريت العلاج لازم تستعمله
الدوران حول المشلةلا يحلها وان تبقى خايف من العلاج برضه مو حل لازم تواجه ...
انت ما صرفت الدواء ؟؟؟؟
هل الى الان ما استعملته ؟؟؟؟؟
انت ايش تبغى بالضبط ؟؟؟؟
اسالة اتمنى تجاوب عليها بينك وبين نفسك وبعدين خير يكون ان شاء الله

طبعا من نافلة القول انه اللي ما يبغى الله يشفيه ويرجع مية مية ولا يبغى يسمع الا لخوفه وما يغامر ولا يفكر بعقله مو بعواطفه ........... راح يبقى قلقان ومتوتر وعنده نوبات خوف وهلع واكتئاب وكل شي .....................
وحاجة مهمة جدا العلاج ليس سحرا وليس معجزة مع عدم انكاري للسحر والمعجزة والكرامة العلاج يحتاج وقت اي علاج في الدنيا تترك الوقت يمر الين ما يدي مفعوله ......
هذا الكلام ينطبق على العلاج الحديث بالادوية والعقاقير الطبيه او القديم الاعشاب او ارقية او العلاج السلوكي او المعرفي كلها تحتاج وقت لذا ....
ارجو من كل مريض ان يلتزم بخطة العلاج كاملة وللمدة المحددة وبعدين يحكم يواصل والا يقطع
اما يقطع كذا بعد يومين وقبل لا يبدا هذا غلط

اخى الغالى عبد الله وش اخبار البرشومى هالسنه

اخى عبد الله انا جلست مع نفسى جلسه مصارحه واكتشفت انى ضاءع كل هذه المده منذ بدايه المرض


-- الدواء صبرت عليه كل هذه السنين وعلى اعراضه الجانبه الاكثرسوء

ولم اقم بالرقيه الا مره واحده لمده بسيطه جدا


وقررت فى النهايه ان استمر على الرقيه الشرعيه الى نهايه هذا المرض ان شاء الله ولو استمر الى سنين ساصبر ان شاء الله تعالى

شكر يامقاتل على المعلومات

اولا الراى الاول والاخير لك ولوالديك


انا اعرف شباب تزوجوا من مصريات والحمد لله سالكين معهن وعشره على عشر ونا ارا اذا كانت ذات خلق ودين فاستخر الله وتزوجها والله يوفقك

اخى الغالى عبد الله ابشرك استطعت الذهاب اليوم الى رحله بريه ولم اشعر الا بقليل من الخوف ولكن بهذلنى الدوار وعدم التركيز والله يجزى ولديك الجنه

اخى مقاتل الصراحه تخيلت ولدك الصغير وهو يعاطس الله يخليه لك ويحفظه


فيه كلام سرى ابقوله لك انتبه تدرى المدام عندى لك عروسه ثانيه من الزلفى وبعد كان عبد الله يبى مستعدين

بسم الله الرحمن الرحيم
قصتي البارح لحد يضحك المهم طلعت من البيت والله وبع شوي جاتني الكتمه المهم رجعت ولبست الثوب وقلت لاخوي الصغير هيا خاوني ماحسب ههههه
بعدين ونا في السياره زادت ...رحت لدكتور قال انتا معك قالون عصبي ..الدكتور يبيله علاج ههههه...المهم بعدين تهاوشت مع موضف الاستقبال علشان اعطاني الورقه وهو ينفخ ...بس معاليك لمل مشيت من عنده قلت له الله يهديك المهم خفت شوي ...رحت حق البروست اخت بروست وبطاطس لاخوي
رحت البيت ريحت شوي ...قمت العب مع عيال اختي الصغيرين والله انهم ينسون الحاله كلها...هاذه قصتي البارح ههههههههههههههههههههههههههههههههه
الاخ مقاتل من الصحراء لك مني اعضم تحيه ياخلوق افتخر ان اكون صديقك واخوك الصغير كلامك مره حلو ومتفائل شكراً لك اخي
اخي عبدالله ياخي انا سالتك عن العلاج هاذا الفولفلين ...حق ايش ..غير اعيد السؤال يااخي ارجع للموضوع الي كتبت عن حالتي ...وجزاك الله خير