ودي انام بدري واصحى مع العصافير جربت كل الطرق بس ماش
حتى الحليب اللي مااحبه شربته ودبل تسسبدي ولا نمت(: شالحل غير الصدمه الكهربائيه )'

الحل بسيط جدا ، لما يجي وقت نومك نامي ساعتين فقط واصحي وقضي السوم وقاومي النعس لين بعد العشاء ثم نامي ويكون نومك تعدل بكل بساطه

تسسسسلم والله بسوي اللي قلته يالله ينفع لو يتعدل نومي تتعدل أمووري كلها):

امين يا رب،، الصحيه الصبح والنوم بالليل بتساعدك جدا جدا

اليوم 4 يناير 2016


استيقظت وكالعاده قلق خفيف لكنه لم يستمر اكثر من ربع ساعه. قضيت اليوم بشكل طبيعي مع بعض القلق ( الي يجي من هنا وهنا وحتى من دون سبب ) لكن اخف وطئه مما كنت اعاني سابقا بشكل كبير. حاليا انا امر بمرحلة التذبذب وهي المرحله حسب ما يقال انها الاخيره وبعدها سيتضح هل علاجي نافع او لا. استطيع بثقه القول الان بأن بعض معاناتي خفت جدا ويمكن القول

الوسواس : انتها كليا الحمد لله
القلق: تقريبا اخف بكثير عن قبل بنسبة 60 الى 70 بالميه

طبعا لسه في رهاب الساح والي ببدأ فيه قريبا والهلع ما ذكرته لانه يرتبط بكل امراض القلق ف دام باقي رهاب الساح معناها لسه ما اقدر اقول تخلصت منه.

طبعا القلق اخف مثل ما قلت لكن ليس شرطا اخف بقوته، بل ايضا مدة القلق... في السابق قلق دائم اما الان على فترات متقطعه وبعض الاحيان خفيفه .... وقد يأتي قوي لكن الحمد لله مقارنه بالسابق افضل بكثير. ما زلت متحضرا بكل الاحوال في حالة اتتني نوبه قلقيه قويه فلننتظر.

قد يجعلني القلق اخاف وهذا طبيعي او ان افقد السيطره لكن اهم صديق له وهو الوسواس انتها نهائيا ولم اعد اقلق بشأنه، لكن حبيية القلق نوبة الهلع مدري عنها بتشرفنا او لا ههههههههههههه.


الان حان وقت النوم، سنراكم غدا


نصيحه: اكثر من السوائل وخصوصا الماء لان القلق يجعلك تذهب الى بيت الراحه كثيرا وجسمك يحتاج ان يكون متوازن.

اليوم 5 يناير 2016

والله مدري وش اقول يا جماعه ، من صحيت من النوم لين قبل ساعه كنت طبيعي جدا جدا، وكنت بكتب ان الامور تمام. لكن من ساعه تقريبا او اكثر شوي بدت معاي نوبة قلقيه قلت انها عابره وبتروح مثل قبل، لكنها تزيد تزيد كل شويه والان يبدو وصلت لأشدها. يعني عشان اقرب الصوره، كأنك يا ابو زيد ما غزيت وهذي اقرب صوره لشدة نوبة القلق حاليا. دوخه، صداع، ثقل بالراس، ضيق تنفس بدا من شوي، الارتجاف شكله بيبدأ لاني احس بقشعريره ..... شكلي اليوم رح استلم نوبة مكتملة الاركان فـ عسى ربي يعيني عليها.

معليش ، تنتظرون اخبار حلوه عشان احمسكم لكن للاسف هذا الحاصل .... لكن ان شاء الله غدا افضل

تصبحون على خير

نصيحه: مخي فاضي حاليا لكن بكره ان شاء الله نصيحتين ابشروا.

تصبح على خير وأن شاءالله تكون أيامك الجاية أحسن

لايصيبك فتور او تضعف اصر على الشفاء
اآنت عندك هدف ولازم تحققه هدفك هو الشفاء
يعني تحتاج صبر وعزيمه و قوة الإرادة و الثقة انك راح تتغلب ع نوبة القلق ورهاب الساح ،هذا حال نوبة القلق تشتد وتفتر لازم تكون اقوى ممن كذا وقربت من الشفاء الكامل باذن الله
وشدة الاعراض قبل تكون من العلاج دليل ع زوال المعاناهه |
وانت اكيد عندك قوة ارادهه وتقنيآتك تهد جبال ههههه ماشاء الله عليك قريبآ بتزول كل مخاوفك بعون الله
الله يحفظك ونوم العآفيه ..

الله يعييييينك ي رب ...
وان شتء تقوم وتبشرنا بالشفاء

ان شاء الله تسلم ي خيي


امين يا رب وشكرا لتشجيعك يا فرح



امين يا رب ، شكرا لك والجميع ان شاء الله رح يشفى

اليوم 6 يناير 2016

اول شي نسمي بالله

بسم الله الرحمن الرحيم

بالضبط !! جتني نوبتين هلع بسبب القلق اليوم ...... وصلت لمرحله يا جماعه اني لو جتني نوبة هلع ما عاد تفرق ( لا حول ولا قوة الا بالله ) صحيح اخاف بس مدري كأني صرت بليد او شي ..... يعني اللهم صرت اروح لمكان اقعد فيه او اي شي لحد ما النوبه تروح. طبعا الشعور بعدها معروف دوخه وتعرق وارتجاف وعلى كثر ما تجيني مازالت تأثر فيني. والله احيان الشخص يفقد الامل لكن لسه العلاج ما وصلت لمدته المطلوبه. ما انكر انه فعلا خلاني اتحسن لكن برضو لسه لازم اكمل الجرعه لين توصل اقصاها. ف لو شفتوني خرتها وصرت اتشكى وابكي عادي لا تواخذوني من هالحين اقولكم.


المهم ان اليوم ايضا كلمت الطبيب عشان يعطيني تقرير طبي للعمل لان بدأ ينفذ صبرهم وصرت بمعضله مؤلمه لكن ما همني، واهم شي الصحه والتركيز عليها والرزق مقسوم من يوم انخلقت وصحتي اهم من اي شي ثاني. طبعا قلتله على النوبتين وقالي ( يا راقل، معناها لا تسوق سيارتك حاليا، قلتله انا لسه اصلا ما اطلع من البيت ف قالي ، يل راقل !! المفروض بعد رفع الجرعه باسبوعين تكون طبيعي ،، ف قلتله مو مشكله بس اعملي تقرير ف قالي طيب التقرير بخمسين ريال على العموم قلتله لحووول )

المهم، اغلب الاطباء يفكرون ان المكتوب بالنشره هو الي بيصيؤ لكن لولا الله ثم بعض الاعضاء هنا والمنتديات الاجنبيه الخاصه بالدواء حقي لكنت فعلا فاقد الامل. والمنتديات الاجنبيه الخاصه بالدواء قالولي ان مفعول زيادة الجرعه تاخذ واقت مابين 3 الى 8 اسابيع وقد تصل الى 12 اسبوع.

قلت جزاكم الله خير ( طبعا مو حرفيا هههههههه)

الان في قلق ، واليوم بشكل عام قلق من اوله لكن ما زلت صابر وعسى يا رب ان بعد الصبر ذا القى الفرج ان شاء الله


لا تيأسو ، ف والله اني اشوف ايام سوده باستخدام الدواء لكن هو العلاج الي بيطلعني من الي انا فيه باذن الواحد الاحد


والان حان وقت النوم، نراكم غدا


كما وعدتكم نصيحتين

نصيحه 1 - لا تشغل نفسك وانت تاخذ الدواء متى بتشفى ، فقط دائما خذ الدواء بانتظام وخله يعمل براحته

نصيحه 2 - خذ حمامين يوميا بعد الفطور بساعه لان تبدى الافكار تطلع وقتها وبين المغرب والعشاء لان هذا اعتبره وقت ذروة القلق

واصل ياصديقي راح تخرج من هالحالة قريب بإذن الله ، بالاضافة كلم الدكتور اذا في امكانية يضيف لك الريفوتريل مؤقتا جدا مفيد لنوبات الهلع

تسلم يا صديقي والله اني مواصل بإذن الله
شكرا للتشجيع

والله انا مابي استخدم المهدئات الا في حالة اني خلاص وصلت لمرحله اني لازم اخذها بس حاليا لسه مقاوم،، ادعيلي ي خيي

اليوم 7 يناير 2016


استيقاظ بمزاج سئ جدا لكنه تعدل تدريجيا الى الساعه عشره ولكن رجع المزاج ينزل. بشكل عام يوم مو جيد كثير و الدواء يعطيني اوقات جيده واوقات سيئه وانا كنت متوقع هالشي. طبعا نوبتين الهلع لسه مأثره علي ولكن ما جاني شي اليوم غير قبل ساعه تقريبا او من هالقبيل دوخه مفاجئه مدة ثواني لكنها راحت من نفسها لما كنت امشي بالغرفه. وترتني هالدوخه لانها جت مفاجئه وقويه مدري شلون اوصف وكأنها ( اذا تعرفون لعبة حرب الشوارع الي يقول هدوكن ) زي كذا جت مفاجئه.

الحمد لله على كل حال ما اعتبر اليوم من الايام الجيده لكنها افضل من امس اكيد.


والان حان وقت النوم، نراكم غدا بإذن الواحد الاحد


نصيحه: لا تأخذ الدواء الا بعد الاكل مباشره لانه يسبب غثيان على معده فاضيه واصطرابات هضميه وانت مو ناقص. خذه بعد الاكل مباشره وانت على السفره وبيتحسن القولون. انا لي الان فتره قولوني خلاص صار ميه ميه الحمد لله و نسيت معاناة القولون يا رب لك الحمد.

اليوم 8 يناير 2016

كان يوم كئيب من صحيت من النوم لين الان ..... طبعا السبب اني اعاني من الوحده بالبيت لان اهلي كلهم راحو وانا اصلا عندي رهاب وخوف ف اليوم كان شي جدا مقلق ومرعب.... اشعر اني طفل فعلا لكن هذا هو المرض لا حول ولا قوة الا بالله.

استطعت ان انجو اليوم طبعا وانا عارف ما بيحصل لي شي بس فهم المريض النفسي عاد ما يفهم تنح ..... نوبات هلع !! حدث ولا حرج ..... ذقت اليوم نوبات بسبب الخوف وانا عارف انها بسبب الخوف واكلت هوا بصراحه. ولا عاد عرفت عددها من كثر ما جت لدرجه اني كنت ناوي اقعد جد بالحوش لان ما عاد في هوا داخل البيت. اااااه بس فعلا يوم شاق، واقوى نوبة جتني قبل صلاة العشا وجتني من خوف شديد واعتقد لام الدنيا صارت ليل وخفت بزياده.

يا رب انه يفرجها علي لاني ما عاد صرت اتحمل

لكن لا بأس هذي ابتلينا فيها ولا في مفر الان


نراكم غدا بإذن الله، تصبحون على خير

نصيحه : لا تغلط الغلطه الي غلطتها ولما تحس بخوف شديد لا تركض ولا تتنفس بقوه لانها قطعا رح تجيبلك هلع واسأل مجرب وانا اخوك