الاسبوع هذا كلو ما داومت الا خمسه ساعات بس
غبت اربعه ايام


بديت اهمل عملي الاسبوع هذا لاني في مرحله انتقال لعمل جديد بأذن الله

بالعربي فليذهب عملي القديم الى الجحيم

لمن اتأمل المستصحين و هم يلعبون و يضحكون و يأكلون و يشربون و ينامون
اشعر ان هم المرضى

لان واقع الدنيا مختلف تماما عما يعتقدون و يعيشون

لا أخوي عمر ما ينفع كذا ..
لا يكون موقفك بعدين محرج لا حصلت الوظيفة القديمة و لا الوظيفة الجديدة ..
وقت خلاص ضمنت الوظيفة الجديدة و و قعت معهم عقد العمل .. ساعاتها قول ليذهب العمل القديم إلى الجحيم و لا بالطريق السريع بعد 😊😆
بس هالحين .. معليش تحمل و إن شاء الله ربي بيعينك .. و بيسرها عليك و يوفقك ربي في شغلك مع ايكيا ..
و إن شاء الله تكون مسؤول كبير فيها ..
لا .. لا .. إن شاء الله تكون لك أنت شركتك 😎الخاصة و الله على كل شيء قدير ..

طفشت من عملي القديم لي سنتين شغال فيه الفتره الاخيرة صرت اداوم بدون نفس
اداوم سعتين ثلاث ساعات و استأذن

اميرة بنصيحتك و كلامك منتهى الحكمه

لكن النفس صعب تصبر كمان


اللي مخليني استعجل استقيل من عملي مكافأة نهايه الخدمه تقريبا خمسه الاف ريال مع الراتب الجاي يصير عندي عشره الاف ريال

بشتري اغراض ليا

الله يسمع منك يا تباشير و يرزقك ضعف ما تتمنيه و يحفظك بعينه التي لا تنام

طيب أطلب إجازة مرضية .. أو إجازة ترتاح فيها شوي لكن تهمل فيه .. لا .. الوظيفة نعمة و الله كثيييير في هالوقت خصوصا يتمنوا الوظيفة و إنت ربي معطيك الوظيفة ..
و رب العزة و الجلال عارفة إيش يعني إكتئاب .. عارفه إنو الإنسان في جهاد في كل لحظة .. و الأشياء الي تبدو سهلة بسيطة للكثيرين .. إحنا نجاهد أنفسنا جهاد عظيم علشان نبدو طبعيين و يمشي يومنا ..
أنت ما شاء الله لك سنتين تشتغل .. و أكيد مرت عليك أوقات ربما أشد من هذا الوقت و مع ذلك عدت و مشت و لله الحمد ..
شوف وظيفة إيكيا شد على صاحبك و حرصه أشد الحرص و ألح عليه علشان تنتقل لها بأقرب فرصة .. و إن شاء الله راح تكون مرتاح أكثر ..
طيب ليش ما تفتح لك مشروعك الخاص طالما أنت هاوي النجارة و تعشقها .. فيه كثير جهات حكومية و غير حكومية ممكن تمولك ..
ماديا و تساعدك حتى في الإدارة و التسويق و يوجهوك كيف تدير شغلك الخاص ..
صراحة أحس بتنجح ناجح جميل لو أنت شديت على نفسك حبتين ..
بعدين يالطيب إيش تجيب عشرة الآلاف في ذا الوقت .. راح يطيروا زي الهواء و بلمح البصر ..
الله يخليك أنتبه و أحرص على وظيفتك ..
و إن شاء سحابة صيف و بتزول ..
أنت كم لك مكتئب .. ؟
و الله يشفيك أخوي عمر و يسعد قلبك و يسر لك أمرك .. و يوفقك و يرزقك ربي كل الي تتمناه بلا حول منك و لا قوة ..

والله كلام من ذهب و العقل يرضى فيه و يؤيده ايما تأييد
بس انتي عارفه المكتئب في سبيل راحه نفسه يسكت عقله اهم شي راحته النفسيه

و الوظيفه البديله بأذن الله مضمونه عشان كذا بستقيل من عملي
وغير كذا انا ابغا اجازه وفتره نقاء بين عملي و وظيفتي الجديده

ما ابغا استقيل من هنا و اداوم من هنا

المشروع مفروغ منه عزمت افتح متجر الكتروني لبيع التحف اللي اصممها و التحف المستورده القديمه و الجديده
هذا في البدايات بعدين ان الله فتحها عليا افتح محل في الواقع

اول ما افتحه لك تحفه هديه يا كوين ان شاء الله $$$

ليا تقريبا 8 سنوات مكتئب 8 سنوات من الالم و الهم و الغم
لكن بأذن الله تزول و الدنيا تبتسم لنا ويشفيك اختي تباشير و يشرح قلبك و يريح فؤادك

امس ع العشا فتحنا موضوع زواجي وكيف راح نقسم البيت قسم لي و قسم للوالده
دار نقاش عميق بيني وبين امي و اختي و اخويا

بيزوجوني واحده من اختيارهم لكن القلب يأبى ان ينصاع لهم في مثل هذي المواضيع
فالقلب وما يميل و يختار

نطت اختي وقالي تزوج عن حب
امي عارضتها و ملزمه اتزوج عروسه من اختيارها

لكن انا بخليها على الله ما تفرق معاي اتزوج عن حب او زواج تقليدي

اشعر فيوم اننا راح نلتقي

كنصيحة تزوج عن حب
وكدعاء اسال الله ان يرزقك مافيه الخير لدينك ودنياك آمين
ويأتي به لك اينما كان فلاحد يعرف اين يكون الخير ..

هذا ما يميل له قلبي و يرضاه عقلي $$$ في احلى من الحب
الله يستجيب دعائك يا دجى الجميله و يرزقك حبه و رضاه
ويحقق كل احلامك يا رب

اللهم آمين ..
طيب يا الطيب ..
أنا ما أحب أكون لحوحة أو أضايقك في موضوع الوظيفة ..
أنت أعرف طبعا مني بوضعك و ظروفك ..
هديتي إن شاء الله نجاحك ..
و أسأل الله أن يبارك لك في رزقك .. و يجعل فيه خيرا كثيرا لك و لأهلك و من تحب ..

بالعكس استعدتني نصيحتك يا تباشير و رأيك سديد اميل له بقوه
بس النفسيه مو راضيه تتحمل كمان زياده الله يحفظك

الله يسمع منك يا سائل و يرزقك الخير و الصحه و السعاده

اليوم العصر اخدت البزوره لشاطئ السباحه لمن شفت البحر اتحمست اتسبح بس قهر ما جبت الشورت معايا
قعدت العب ع الرمل مع بنت اختي

https://c.top4top.net/p_455gkv3q1.jpg


شوفوا غروب الشمس يا سلام كان منظر خورافي و مريح للنفس ويبعث السكينه و الطمأنينه و يفجر طاقات الخيال الى ابعد حد

https://d.top4top.net/p_455k1u8u2.jpg


https://e.top4top.net/p_455e60pm3.jpg


https://f.top4top.net/p_455b8zpp4.jpg

تبغى الصدق ..
كل شيء ممكن إنو الإنسان يجامل فيه أو على قولة يمشية و مو فارقه معاه ..
إلا الزواج ..
هذا مشروع العمر .. هذي حياة بإكملها إن قدر الله لها بالإستمرار ..
كثييير ناس يقولون ..
نختار عن حب و لا نختار زواج تقليدي ؟
بالنسبة لي ..
أختار عن عقل و عن حب ..
كل الأمهات تعتقد و تظن أنها أعرف من أبناءها .. و هي الأقدر على اختيار شريك حياتهم ..
لكن الحياة تغيرت .. و الناس و الشباب تغيروا ..
الأمهات تبغى بنت ناس و ست بيت مثل ما يقولون تطبخ و تنفخ و تعرف ترتب و تنظيف البيت .. بس الواقع هالحين غير .. هذاك زمان أول يوم كانت الحياة بسيطة ..
الآن فعلا تختار شريك حياتك .. و الزواج إما يرفعك أو يتعبك و ينزلك إلى أسوء حال ممكن تصير له ..
و كثيير ناس لما يفكرون يتزوجوا ..
تلقائيا يفكروا في الشكل أبغاها كذا طولها كذا لونها كذا .. شكله كذا فلوسه هالقد .. الخ ..
بس هذي ما تدوم ..
إذا الشخص الي اخترته .. ممكن يفهمك .. ترتاح له .. تفكيره من تفكيرك .. تصير الحياة صعبه ..
يعني صعب واحد يأخذ بنت متفتحة و هو إنيان منغلق يحبها بس تجلس في البيت و لا تقدم أي شيء لنفسها لا شهادة لا تعليم .. لا عمل و لا شيء ..
أو إنسان حنون ياخذ إنسانه قاسية .. أو شخص مثقف و يحب يناقش و يتفكر و يأخذ وحدة دوبها دوب
قدر الطبخ ..
إذا هم مو متفاهمين و تفكيرهم يشبه بعضه صعب ينسجموا مع بعض ممكن تسير الحياة بس بصعوبة .. و ممكن واحد يغير الثاني .. لكن دائما يبحث عن الأفضل .. عن الحياة المستقرة .. أجل ليش هو متزوج ..
إذا الشخص ما اختاره عقلي .. مستحيل أحبه ..
و علشان يصل لقلبي .. لازم يدق باب عقلي قبل ..
لا تجامل أخوي عمر .. هذي حياتك انت ..
لا تقول كيف ما جات .. تجي ..
فكر كويس و استخير ..
و عسى ربي يرزقك الزوجة الي تطمئن لها نفسك و تسعد قلبك و تريحك .. و توقف معاك .. و يرزقك ربي الذرية الطيبة .. الي تبر فيك ..