ابشري يا حبيلك يا قطرات الله يسعدك ويوفقك يارب

الله يعيني ويصبرني يارب تكفين قطرات ابيك معاي بعد الله ولا تتضايقين مني الحمدلله انا مستمره العلاج بس على رفع الجرعه من ١٠ الى ٢٠ لي اسبوع بس وعلى الرقيه الشرعيه لان كل الادويه مره الا القران بس مقلقني موضوع انه جاني الهلع مع زياده وصرف لي الدكتور منوم خفت انه هو الي جاب لي الهلع وتجيني افكار اقول ان العلاج ماله فايده وان سيروسكات قوي واعراضه قويه وانسحابه قوي واقول اخاف يزيد الدكتور الجرعه وتزيد الاعراض علي وانا ما ابي وافكار كثير ومخيفه

خوف وقلق وترقب مو طبيعي

ما فيه رد 😢

اعتذر منك مبتلاه توي اشوف مشاركتك..
شوفي بقولك عن طريقة شغل الدواء النفسي انا اول مره استخدمته كان بالاواخر من رمضان يمكن في ٢١ رمضان وتعبت دوخه وقلق وغثيان وجاء صبح عيد الفطر ومافيني الا العافيه قمت وتحممت ولبست فجأه كذا ماكن فيني شي واتبخر واتطيب واطلع اعايد الصبح المهم رجعت بيتي الظهر كنت مواصله طبعا ونمت وصحيت بعد المغرب بحاله غريبه غثيان اكثر من اول دوخه وتشويش وعدم توازن اكثر من اول خفقان غريب رعشه بجسمي غريبه خوف وترقب اني بيصير لي شي حتى الناس معيده وانا ساكنه هنا بالمنتدى ماغير اسأل الاخوان وش قلب حالتي بعد ماتحسنت المهم دكتوري كان باجازه ومسافر بس قالي اي مشاعر جديده او اعراض بلغيني بالواتس اب وارسل له رساله قلت له انا تعبانه اكثر من اول بعد ماتحسنت وفرحت جاني احباط قالي لاتخافين ابد هالتذبذب شي طبيعي يوم كويسه ويوم لا المهم اصبري لحد مانعدي شهر وبتشوفين التحسن ان شاء الله واقعد اعاني يمكن عشره ايام كل يوم اعراض جديده لكن كنت اقول لنفسي هذا الدواء بصبر عليه والحمدلله كلها عدت وصرت اتحسن شوي شوي لحد ما ارتحت .
ليش اقولك هالكلام ؟ مو بس عشان اطمنك انا اقولك هالشي عشان تعرفين طريقة شغل المخ والتفاعل مع الادويه النفسيه .
الدواء النفسي مو زي المسكن اول ماتاخذينه تتحسنين لاتنسين انه يشتغل على هرمونات وعلى نواقل عصبيه بالمخ مو سهله ابد وانا اشبهه بالفيتامينات لازم تاخذ اقل شي شهر عشان تساعد المحتاج مثلا لفيتامين دي او بي يعني الدواء تراكمي يبيله فتره .
كل اللي ابيه منك هالفتره الاسترخاء كل ماحسيتي بهلع او اعراض جسديه استسلمي وانسدحي ووقفي اي نشاط بدني وفكري استرخي الى اقصى حد وتعلمي تمارين التنفس راح تساعدك كثير موجوده باليوتيوب وانصحك بالتنفس البطني رائع وصدقيني راح تعدين هالمرحله وتتذكرينها وتضحكين عليها .
طمنينا عليك واكتبي يومياتك هنا ولاتخافين .

❤️❤️❤️❤️❤️❤️

اختي قطرات اليوم نفسيتي ماش مره احس اقول هالعلاج ماراح يفيدني لي يوم الاحد الجاي بكمل اسبوعين الدوخه وشد الراس القوي فيني فيني احباط ما ادري ليش واقرا عن العلاج السيروكسات الي يقول يسبب انتحار والي يقول مافاد واقول بقعد طول عمري كذا على العلاجات خوف ترقب ما ادري وش اقول الصراحه ما ادري 😢💔

اسف على التأخير

اولا يجب أن تعلم ان الامراض العضوية ك الجرثومه وما شابه ليست هي مسببة للامراض النفسي ... الامر ببساطه ان لك قابليه للقلق ولهذا قد يؤثر المرض العضوي سلبا ... مثال: لو انك جرحت بيدك ورأيت النزيف ستشعر بقلق وخوف قد يجعلك تتقيأ و دوخه .....الخ

هذا كل ما بالامر

موضوع المس وما شابه استبعده عن نفسي لانها احدى الشماعات المنتشره لإيجاد سبب لما نعاني منه


بالنسبه للادويه ايا كانت سيكون لها اثار جانبيه بالبدايه وقد يكون اسوأها زيادة القلق ولكنها تزول مع الوقت لانه دواء بنائي اي يأخذ فترة ليبني بالجسم وليس دواء سريع المفعول ك المسكنات للصداع وما شابه

اتمنى لك التوفي

الله يحييك اخوي ماندوزا انا من المتابعات لك في يومياتك مع الباروكسات ومن بداية ازمتك الى نهايتها كان تفائلك وقوتك وصبرك وكلامك يهون علي الكثير ايه والله وادعي لك من قلبي كيف الحال بشريني عنك وعن صحتك

يا هلا وسهلا والله فرحت ولاتلومني ولا احد يلومني بكلامي لك اخوي ماندوزا لانك طاقه ايجابيه لي في عز ازمتي 😢 اصب لك قهوة 😂 روح لملتقى محمد البدراني علشان تعرف سالفة صبتي للقهوة 😂

الحمد لله صحتي جيده ولله الحمد

اتمنى انك استفدت بما قرأته والمواضيع دائما للفائده والتفائل امر جيد خصوصا عند شعورك بالوحده وانه لا احد حولك يعلم ما تعاني منه لذا نحن هنا جميعا

اتمنى لك دوام الصحه