طيب يا صبري ممكن تكتب الادوية اللي استخدمت مع الجرعه والمده وهل كنت تمشي مع طبيب او لا ..

انا حاله غريبه ماعمري شفت مثلها
حتا الدكتور يقول انا تعبت معاك ههههههه
جربت ادويه كثيره جدا تقريبا ٩٥ من ادويه الاكتئاب جربتها وبجرعات مرتفعه ليما خلاص كرهت الادويه
وعندي راي مادري صح او غلط ان الي يصلي ويحافظ على صلاته بيروح منه الاكتئاب وتتسهل أمور حياته وازعل لما اشوف واحد يصلي ومحافظ على العباده يأخذ حبوب اكتئاب أحسها شينه بقوه
اش خله للي مايصلون ؟؟

صبري ترا مو شرط الجرعة العالية تكون أفضل بل العكس احيانا يكون تأثيرها سلبي ، فيه ناس يستجيبون للجرع البسيطة أكثر . جرب تبدا بمضاد اكتئاب بأقل جرعة علاجية واستمر لا ترفعها أبدا ولا تشغل بالك بالتحسن لأنه يبي وقت ويجي تدريجيا ..

غير صحيح ، أعرف شخص 40 سنه اكتئاب ما يترك ولا فرض بالمسجد ما شفي الا بعد ما تناول دواء وصار هالدواء عون له على الطاعه ،، استعن بالله وتعالج وأد صلاتك كواجب شرعي ..

وترى الافكار مب هينه ، كل ما تعتقده يصبح حقيقة وواقع بالنسبة لك ، ،، اذا فيه دوا سبق وصفه لك طبيب مثل ماقلت لك خذه بأقل جرعه واستمر عليه .

قال النبي صلى الله عليه وسلم ((يدخل الجنةَ أقوامٌ أفئدتهم مثل أفئدة الطير))([1])، رواه مسلم

قيل انهم المتوكلون على الله جل جلاله
وقيل ايضا انهم اصحاب القلوب الرقيقه

اميل للقول الثاني
اصحاب القلوب الصغيره التي لا تحتمل

وعليك السلام أخي عبد الحميد وألف لا باس عليك ..

أعتقد حالتك تحتاج زيارة طبيب ، حاول ، وبإمكانك ارسال استشارة الى موقع الشبكة الاسلامية عندهم استشارات نفسية مجانية ..

ياحظ الي مايعاني من شي عايش ملك
الامراض تهد الحيل
وصبري انهد حيله صراحه مالنا جزا الا الجنه

السلام عليكم


أسعد الله جميع اوقاتكم بكل خير


هلا بك صبري و هلا بكم أخواني و أخواتي جميعا

سامحوني على التقصير و لكني ماني مهيئة ذي الفترة على الكتابة ، استجد علي الهلع من أسبوع ، اخر مرة صابني من ثلاث سنين يوم تركت كورس البروزاك بالتدريج ذيك السنين

اعراضه يزيد في الصباح و عند النوم يصحيني مرات و مرات ، خوف شديد مع خفقان في القلب و تعرق غزير و صعوبة التنفس و بلع الريق بسبب جفاف الريق

تعبت منه اعوذ بالله غير الكوابيس

قاعدة اشرب منقوع العصفر ممزوج بماء الورد طوال الوقت ، يخفف علي في البداية لكن اثره ما يطول

ودي تنتهي الايام الصعبة ذي و تعدي و أرتاح

يارب يفرج علينا جميعا و يرزقنا العافية ، ما في زيها يارب اعطنا اياها

عليكم السلام والرحمة اي والله مثلك احس مالي خلق عالكتابه
من جد الواحد مايبي الا العافيه عشان يعيش حياته مرتاح
الشخص السوي يبي كل متاع الدنيا والمرضى مايبون الا العافيه يالله انك تعجل بها علينا
سلامتك ياعيون ويالله يريح قلبك وينزل السكينه
عيون اسمعي نصيحتي يدك على قلبك من داخل وتقولين بسم الله على قلبي 3 مرات أو أكثر وتكررين ايه الكرسي وانتي حاطه يدك على قلبك تكررينها كثير نص ساعه وفوق منها اجر ومنها يسكن هلعك

السلام عليكم

و الله انت يا صبري مدري كيف تفكر

عمرك لا تخلي البشر مقياس تقيس عليه الامور

الانسان اللي يصلي يحاول و يسعى انه يكون احسن

مو معناه انه قدوة او مثال

انسان ضعيف يحاول يحسن من نفسه و حسابه عند ربه

شي اكيد كل ما يسعى الانسان و يتقرب من ربي بيكون احسن


بس مو انت اللي تحدد كيف يكون احسن

و لا انت تحدد ايش المراحل اللي مر فيها بالضبط

هل ربي انقذه من عائلة متفككه او صحبة سيئة

لكن ربي انعم عليه و ساعدة بالدواء عشان يصلي و يقوم بعمله

انت يا صبري لا تحكم على دواء قبل ثلاث شهور و لا تزيد الجرعه

اصبر لأن كل شي يأخذ وقت

سلامتك يا عيون ألف سلامة على قلبك ❤

السلام عليكم

كثرت السلامات 😂

ابغى افضفض

آخر حل توصلت له هو اني اعطي نفسه سنه محاولة اني انقص وزني طبيعي

يعني لين شوال القادم 1440 بإذن الله

و لا بعمل العمليه ان شاء الله

السبب اللي مريحني في هالقرار

انه ارتاح من اللوم و العتب على نفسي

و اكون اخذت بالاسباب و اجتهدت مدة طويلة لأنه الموضوع تدخل فيه عدة اعتبارات

منها التعود التدريجي على نظام الاكل

و مقاومة الجسم و الهرمونات

و ظروف الحياة المُتغيرة مثل المناسبات و اضطراب النوم و غيرها

اعتقد سنة كافية اني آخذ قراري

بثقة

عندي كامل مبلغ العملية الآن و اقدر اسويها الآن

بس محتاجة انها تكون آخر الحلول

لأن العملية كذلك مو سحر

تحتاج كذلك صبر و جهاد

تحتاج عناية خاصة و مخ واعي

العملية مو معناها اهمل نفسي

بالعكس معناها العناية بس عناية خاصه

هذي فضفضتي لليوم

ادعولي بظهر الغيب