|
خويا الطائر ربي يخليك انا رهن الاشارة
لحقاش انا عندي تجربة معاهدشي ههههه كون كانو الرسائل الخاصة كون قلت ليك داكشي لي وقع ليا داكشي كثر من الاختلال و الهلع و الله ههه مهم بالنسبة لمراية كانت كتجرا ليا بزااااااف و عادي راه بدأ قرا البقرة كيما قلت ليك و بقا حافظ على الاذكار ديالك و الدعااء وبقا تجيب ك يوم في الصباح او اي وقت جاتك الحالة جيب كاس ماء قرا المعوذتتين القران لي حافظ مع النفث و شرب الماء و الله حتى يمشي داكشي كتجيني الحالة مرة مرة لكن ماشي بحال الاول داكشي كان مستمر معي |
خويا المشتاق الى الجنة راني بديت كانقرا سورة البقرة عرفتي اخويا اش كايطرا ليا فاش كان كون خارج كانكون عادي جدا كانضحك مع ناس او كولشي كانحس براسي طبيعي غير كاندخل لدار او لبيتي او كايبدا هادشي هههههههههه
وليت موسوس فكلشي كاتجيني فكر كاتقول ليا واش هادو هما عائلتي كيفاش او علاش ههههههههههه افكار هبيلة مسطية صافي او المشكلة كاتاثر فيا كاتخليني مخلوع ههههههه الله يعفو |
خويا نصيحة اخي مات تبقاش تشوف فالمرايا بزاف لان انت عارفا بان الشياطين كتكون فاش كتشوف المرايا وكتوسوس
بقا تشوف فيها غير الى كنتي باغي تقاد شي حاجة وانتا تشوف فيها وتقول سبحان الدي خلقني فاحسن خلقي وخلقي ما عرفتش نشكل خالقي وخولقي هكدا تقراها وكدلك تقول الحمد الله الدي خلقني وفضلني على كثير من ما خلق تفضيلا وانتا تشوف فيها وتقاد وانتا كتقول ادكار حتى تسالي لان الشياطين كتجي فهاديك الوقيتة وكتبدا توسوس هاتشي طبيعي عند اي واحد |
اختي وردة غادي تفرحي حتى فحياتك ان شاء الله قبل ماتدخلي للجنة باِذن الله هذا وعد الله لصابرين
اللهم اجعلنا من الصابرين |
بااااااااااااااااااارك الله فيك اختي عندك الحق
ههههههههههههههههه حتى انا مسطي كل شوية غادي نطل نشوف واش تبدلات في شي حاجة هههههههههههه |
لا ما تشوف فيها غير الى كانت شي حاجة الي خاصك تشوف فالمرايا
اما باش تشوف فيها غير هكداك راه بطبيعة الحال هتجيك شي فكرة ما هتعجبكش |
عندك الحق و الله عرفتي اختي كانبقى نفكر مع راسي او كانقول الى حقرت هاد الافكار او مديتهاش فيها غادي نبرا و فعلا كانحقرها كانحس براسي و ليت عادي و لاكن ماعرفتش كيفاش كاتسيطر عليا نفس الافكار الغبية المملة المسطية ههههههههههه
|
خويا الطائر االافكار ماشي ديالك لكن الشياطين توسوس لك انا نيت كنت افكر مثلك و اسئلة غريبة كنت كنحس راسي منفصل عن راسي راه نضحك مع الناس لكن لداخل ديالي جحيم احاسيس غريبة معرت كيفاش نوصفها كنحس جسمي فيه شئ حد
خويا المراية بعد عليها متبقاش تحنزز فيها بزااف راه من اسباب المس كذلك بقى تسبح كيما كنت كندير الى كنشووف راه معانا اخت هنايا في المنتدى اسمها حنين اول مرة جاءها الاختلال كانت كتشوف في المراية بزاف و حسات بحال ضربها ضووء وراء ظهرها و بقات كتجري و كتعوت و هي عندهاا مس المسكينة وبنت خالتي حتى هي ديما مقابلا المراية لكن بدون هواها عندها مس دابا فاش كتشوف في المراية القرين ديالك اقدر تعجبو ياك و يقوس عليك ولا يحسدك يمكن خلعتك ثاني عادي خويا متخاف والو انا معاك و بقا قرا الاذكار ديالك و القران القران القران و متخاف والوووووووووووووووووووووووو |
بصح خويا المشتاق الجنة المرايا حاجة خطيرة
انا عندي قصة على المرايا في عام 2009 وقعات ليا فواحد صباح دخلت الحمام ومن طبيعتي كنتعطل فالحمام وخاك ما عندي ما ندير ندخل فيه نبكي نتكلم معا راسي بحال الحمقة هههههههههه وكتير من الامور كنديرها فالحمام وخاصة مع ان فيها المراة دائما كندخل فليل فنهار فصباح ونجلس فالحمام مدة طويلة مع المرايا كتعرف البنات تبغي تغير من الشكل ديالها وندير هادي وهادي ونهدر على حياتي المهم بزاف تالحوايج واحد صباح بغيت ندخل الحمام وماما وبابا يقولولي زربي عنداكي تبقاي تما كيما العادة راه صباح هدا وكل واحد خاصو يدير شغلوا الي يقضيه المهم دخلت واحد شوي بقيت واقفا كنتشوف فراسي هههه وما عرفت كيفاش وقعلي حتى طلقت شعري وبقيت كنشوف كنشوف وما كان عندي حتى فكرة ولا حتى حاجة ماعرفت شنو بقا كيوقعلي ولا شعري مشعكك بزااف وليت كنشوف راسي بحال شي شيطانة ههههه ما تخلعش واحد شوي كنشوف فراسي ومن بعد ما بقيتش كنشوف وبقيت مطولة على هاديك الحالة كنشوف راسي فالمرايا ومن بعد نشوف ضلام من بعد فقدت الوعي ديالي وتخوا عليا الماء حيت بغيت ندوش هو الي فيقني ومنين فقت لقيت الحمام كولو تخربق وانا طايحة ومالين دار كيدقو عليا قالولي بانني غوت واحد الغوتة وسمعوني طحت ههههههههه عاد الي نضت وطمننتهوم انني بخير وجمعت الحمام ودوشت فيساع وخرجت من تما ما بقيتش كنطول الشوفة فالمرايا |
و لا اله الا الله او صافي عرفتي واحد خويا جا عندنا لدار حيت هو ماسكنش فنفس المدينة وشافني ماشي هو هاداك هو يقول ليا يكما شي بنت هادي لي مدوخاك هههههههههههههه ضحكت فخاطري وقلت كون حسيتو بهادشي لي عندي كون بكيتو ولاكن غير خليها على الله او صافي
خويا المشتاق الى الجنة قوليا انا دابا كانقرا سورة البقرة يوميا اشنو ندير عوتاني عطيني الاذكار الى تكرمتي يا اخي الله يحفضك |
ناري خلعتوني ههههههههههههههههههه مابقيتش ندخل لحمام ههههههههههههههههههه فمرة
|
هههههههههه علاش ما تدخلوش ههههههههه
لا بالعكس خصك دخلوا الى ما دخلتيليهش غادي تمرض ماديرش بحالي عوتاني ما كندخلش لحمام حتى مرضت وما نفع معايا لا دوا ولا حتى حاجة ولكن الي معروف ان هاد جوج تالحمايج تسالي علاش دخلت الحمام وتخرج منو يعني ما تجلسش بحال كما كنت كندير والمرايا كدلك تسالي منها صافي كل حاجة وعندها وقتها وما تطولش ولكن الى ما ستخدمتيش شي حاجة من هادوا غادي غير تمرض مرض ماشي غير نفسي حتى بدني وكما كنعرف ان حتى الشباب كيعتانيو بانفسهم والله يا اخي الطائر كتير من دراري كنشوفهم ما وصلت حتى شوي من الاعتناء الي كيديرو البنات و ما وصلوش حتى انتا بقا تعتاني بنفسك كيما جميع الشباب وتملا وقتك وما هيبقاوش هاد الافكار وتقول انا هو انا |
انا ولد هو الي علمني كيفاش نتعامل مع خلطات الوجه وكيفاش نغسلو
ههههه كون شي بنت والله لا شفتي منها باش تنقي سنانك البنات مسمومات ما كيبغيوش ايوريوك اشنو كيديرو الوجههوم ماشي بحال شباب حتى انتا ايمكن تستافد من صحابك |
هههههههههههههههه
كون غير كنتو خوتي و الله كنت غادي نكون اسعد انسان في الكرة الارضية |
ههههههه علاش
تعرف اخي الطائر ماما الى نوضتيها كتنوض مخلوعة والى ناضت فجاة كتنوض مخلوعة وكتدا تخربق او عاد دبا ناضت كانت فبيت اوخرا وجات قالت لي نعست قلت نعم وانا كنستغرب قالت لي واش نعاس حلا ل ولا حرام هههههههه عاد الي رجعتها تنعس |
ههههههههههههههههههه
مسكينة مالها حتى هي؟ انا ماما من نهار عقلت عليها مسكينة او هي كايضرها راسها او كايشدها بوغطاط اوفاش كاتنعس في العشية كاتجيها نوبات الهلع هي ما عارفراهاش نوبات الهلع مابغيت نقول ليها والو كاتقول ليا غير قلبي كايضرب على جهد كانقول ليها عادي راه كلشي فيه ههههههههههه او كانقول ليها غير المعدة ههههههههه واقيلا هادشي وارتينو اختي و ردة هههههههههه |
الى قلت شرحت ليها اشنو فيها غادي تولي فحالي حتى هي حسن تبقا غير هكذا صافي هههههههههه
|
اذكار الصباح
سورة الفلق و الناس و الاخلاص ثلاث مرات بسم الله الذي لا يضر مع اسمه شئ في الأرض ولا في السماء وهو السميع العليم ثلاث مرات آية الكرسي مرة واحدة اللهم بك أصبحنا و بك أمسينا وبك نحيا و بك نموت وإليك النشور مرة واحدة اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك اربع مرات اذكار المساء سورة الفلق و الناس و الاخلاص ثلاث مرات اية الكرسي مرة واحدة اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك مرة واحدة بسم الله الذي لا يضر مع اسمه شئ في الأرض ولا في السماء وهو السميع العليم ثلاث مرات اللهم إني أصبحت أشهدك وأشهد حملة عرشك و ملائكتك وجميع خلقك أنك انت الله لا إله إلا أنت وحدك لا شريك لك و أن محمداً عبدك ورسولك اربع مرات أعوذ بكلمات الله التامات من شر ماخلق ثلاث مرات اذكار النوم آية الكرسي ( الله لا إله إلا هو الحي القيوم... ) و الاية "آمن الرسول بما انزل اليه من ربه اخر السورة" من سورة البقرة مرة واحدة بإسمك اللهم أموت وأحيا مرة واحدة قراءة الاخلاص و الفلق و الناس على كفيك بعد النفث فيها ثلاث مرات و مسح جميع الجسد النوم على الشق الايمن اذكار بعد الصلاة أستغفر الله (ثلاث مرات) اللهم أنت السلام ومنك السلام تباركت يا ذا الجلال والإكرام مرة واحدة سبحان الله (33مرة) _ والحمد لله (33مرة) _ والله أكبر (33مرة) ثم يتم المئة بقوله : لاإله إلا الله وحده لا شريك له, له الملك وله الحمد وهو على كل شئ قدير مرة واحدة قراءة اية الكرسي مرة واحدة سورة الاخلاص و الفلق و الناس مرو واحدة بعد كل صلاة الا بعد الفجر و المغرب تقرا ثلاث مرات |
انا عاوتاني ماما عرفتي والله الى مشكيلة
حساسة بزاااااااااااااااف وشتي ونجيبو ناس الكون كولهوم ونشوفو اول حساس نلقاوه ماما وغير حاجة بسيطة وفكرة غبية تحسس منها ودير فيها قصة ورواية هههههه والله الى هاد الايام هيخرجلي العقل وهيخرج ليها بدات تجبد شي مشاكيل ديالي وبدات تدير منهوم شي حوايج وانا نسيتهوم وخاك باقا نتفكرهوم ولكن ما درتش منهوم داكشي الي دارت دبا بزااااف خويا بزااااااااف على عقلي وكتخلع وهي ناعسا كتنوض وتبدا تخربق علينا ونجي ونردها تنعس والبكاء البكا بزااااااف دايمن كتبكي ونخرجو ما نخرجوش بحال ناس البكاء وتقولي شي حوايج الي والله ما عندي ما نقولك صبر وصافي |
خويا الطائر يقدر يكون عندك الدار فيها شيحاجة سحر و الله اعلم
لحقاش راه الى كانت شيحاجة في الدار كلشي كيمرض انا امي دوك الايام مكنتش كتنعس ابدا بالليل و كتحس بالنمل كيتمشى فيها ههه ديما كتقوليا ديني عند شي راقي كنقول ليها حتى نلقى ليك شئ مراة ترقيك لحقاش انا منقدرش نرقيها كنمرض واحد نهار واحد المراة سخفات و يلاه صلينا العشاء من شهور و بقاو كيشوفو فيها الناس و انا نيت نقول نجرب ههه بديت كنرقيها و بدا الجن كيهدر فيها و ديك الليلة منعستش ايدي كتدرني و احلام مزعجة ههه راه حنا كنا كنلاقو سحر مرشوش جنب الباب و خواتاتي البنات يلاه متزوجو كانو مسحورات الله ياخد الحق في اللي كان السبب |
اختي وردة بقاي تخدمي القران في الداااااااااااااااار و خليها تسمعو و هي ناعسة
راه امي شربتها من الماس ديال الرقية ديالي و قالت ليا كرشي كيتمشى فيها شيحاجة قلت ليها راه يمكن عندك شيحاجة |
خويا المشتاق الى الجنة
انا دائما كنطلق القران وكانخلي مالين الدار كولهوم يسمعوه ولكن انا ما عرفتش شنو ندير خاصة لامي الي بدات غير كتخربق وتقلب على حاجة تشد فيها والبكاء دائما كتبكي |
لا اخويا المشتاق الى الجنة ماشي حتى لديك الدرجة اهم حاجة هي ان الوالدة عايشة عادي، هادشي قبل مانتزاد او هي هكذا ما عندهاش شي حاجة كاتخلع فهمتي او خوتي عادين او الوالد عادي انا بوحدي لي مسطي هههههههههههههههههههه
واحد الحاجة ما كنفهمهاش هادشي عندنا غير حنا لي مسلمين زعما في الغرب كلشي عايش بيخير او لي عندو شي موشكيلة كايمشي لطبيب كايحل المشكل حنا ما نعرف اش واقع لينا و الله |
مسكينة الله يشافيها بقاي تقراي على كاس ماء قران و عطيها تشرب منوو و بقا تقراي عليا اللي حافظة و هي ناعسة قوليهاليهاا يمكن تبغي
|
خويا الطائر الجواب على السؤال ديالك واضح وانتا عارفو والكل عارفو
هادشي من علمات الساعة هو ان العرب هيكتر عندهوم الفساد والمسلمين ما هيبقاوش مؤمنين غير الي رحم ربي وهيبداو يتبعو الغرب بزاف والفساد والفساد حتى ان الناس كولها هتمرض ومنا ينجي من هاد الفواحش والفساد غير القوي الي عندو الطاقة الكبيرة حنا عايشين فعصر الفساد وتبعو الغرب حتى مرضنا فهمتي اما بالنسبة الغرب ربي يزين لهم اعمالهم وهيوليو لاباس عليهم كتر وكتر من هاتشي وربي يزيد يزين ليهم الحياة ديالهوم مع انهم ضالين وحتى ان المسلمين يبداو يتمناو ولو شوي من هادكشي الي عندهوم وهوما راه والو هاتشي معروف اخي الطائر بلا ما نحتاجو الشرح ياك |
خويا واش ماشي ممكن ندير الرقية الشرعية فاتاي
نطيب الماء ديال الرقية الشرعية نقرا فيه سورة البقرة ومن بعد نخلي كولشي يشرب من داك اتاي يقدر تنفع ياك حيت يقدر تعارض وما تبغيش تشرب الماء |
عرفتي علاش لحقاش لان الله يحب المسلمين و الله اذا احب قوما ابتلاهم
يحبني ان نتظهر من الذنبو بالامراض حتى نلقاه بدون ذنوب ااما الكفار فلهم الدنيا ونعيمها ونحن لنا الاخرة دابا غي كيبردها عليهوم الله في الدنيا لكن داكشي كيتجمع ليهوم ولكن غي كيبان ليك الغربيين ينتحرون كل يوم لحقاش ليس لهم دين او شئ الحمد لله حنا مسلمين لولا الاسلام كنت متنا و قتلنا ريوسنا |
تنفع كثيرا اختي جتى هادا حل مزيان و الله
توكلي على الله و افعلي ذلك |
وخاك ان اتاي ما هيتشربش كولو ماشي مشكل
|
اخي ابو يوسف
بغيت نعرف انا بغيت نسيق الدار بالماء الرقية الشرعية واش ماشي مشكيل الى ضفت عليه ماء عادي مامقريش عليه |
فرقيه علىى الجيران لووول
|
احنا جيرانا ما معاشرينش معاهم بزاف غير شوي
ما نقدرش |
ماشي مشكل اختي زيدي ليه الماء و حتى الملح كيقولو مزيانة لطرد الشياطين
|
شكرا بزاف خويا
|
واش تيقثيتي غي شاد فيك وصافي
|
ديري لملحة او لبزار ههههههههههههه او زيدي كنور
|
عنط الحق اخي المشتاق الى الجنة الله يصبرنا او صافي
|
ههههههههههههههههههههه ضحكتيني شوي ما تشوفني ماما
هههههههههههههههههه وزيت الحم ونخليه يتقلا |
هههههههههههههههه
|
العفو اختي وردة ~
|
| الساعة الآن 01:53 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا