السلام عليكم ورحمة الله ، اخوي الرهابي المكتئب كيف حالك اتمنى تكون بخير ، عندي استفسار انا مستمر على المكملات الي هي ترو كالم ومستخلص عشبة الأشوغاندا واللايف ووقفت الغابا وما استخدمت فيتامين ب6 لكن بصراحه اشوف مفعول الغابا لوحده معي كان افضل من الآن مادري ليه استخدمت المكملات ورجع القلق بنفس الصوره احس بتراجع في الحاله والبارح كان عندي زواج ولد عمي واخذت حبتين من الكافا بصراحه البدايه حسيت بزوال القلق والتفكير السلبي لكن بعد ساعتين من تناوله داهمتني نوبة هلع شديده جداً دخلت بسببها الطوارئ فا مادري يا اخوي الرهابي الآن وش تنصحني فيه ووش التصرف الأمثل لحالتي لأني بصراحه احترت ولا اعرف السبب .

هلا عبدالعزيز ماتشوف شر ان شاء الله .
تراي مهتم بالقلق لأني أعاني منه أما الهلع مادري بس إن لم أكن واهم إن الاينوستول مفيد للهلع بس لازم جرعات عالية يعني بالغرامات , أتمنى تبحث لنا الموضوع .
شف اللايف لاتوقفه أبد جيد جداً , الترو فيه مادة غابا بجرعة 200 ملغم والغابا عندك الأول 750 ملغم ففيه فرق بالجرعة واضح فأنت لو تاخذ حبة واحدة من 750ملغم فخذ ثلاث حبات من ترو حتى تعادل الجرعة .
فيه مسألة ثانية أحياناً الشركات والمنتجات تختلف جودته بالتعبئه وضبط الجرعة.
عبدالعزيز ترى الهدف من المكملات والأعشاب هو إننا نستغني من الأدوية النفسية المعروفة لكن لو ماستطعنا التخلص منها نهائياً فعلى الأقل نخفف منه لذلك الجميع يعرف إن أفضل علاج للهلع السيبرالكيس , لكن قل لي وش تشخيصك بالضبط ؟ لعلي أقدر أساعدك .
أخيراً خلك على اللايف حبة وحدة مرتين يومياً , أما الترو فأنصحك تتناوله مرتين يومياً كل مرة حبتين وشف وضعك لو مارتحت فارجع وتناول غابا حبة وحدة وعلاج ترو حبة وحدة مرتين يومياً , أما الكافا فالشهادة لله للقلق زين بالحيل خله بالويكند والمناسبات .
طبعاً لاتنسى تذكر لي تشخيصك بالضبط , وهل استعملت السيبراليكس قبل وكيف وضعك معاه ؟

ترى الفينبوت جيد بالحيل بس ينفع للمناسبات مايصلح استعمال دائم . ضروري تخليه عندك .

مسألة مهمة ياعبدالعزيز أي علاج للقلق لو زادت الجرعة سبب قلق فمثلاً من أعراض زيادة الغابا وجود قلق , لذلك الوسط زين .

للفايدة سيبراليكس جيد جداً للهلع لكن يُعاب عليه أمور :
1-زيادة وزن وشراهة بالأكل .
2-بطء قذف وقد يكون علاج لمن يعاني من سرعة القذف.
3-كسل ونوم .
لذلك أعتقد لو الواحد يضطر ويتناول السيبرالكس مو مشكلة ويدعمه ببعض المكملات التي تنشطه وتحفزه على حرق الدهون حتى لايزداد الوزن .
أنا يجماعة مو مشكلتي الرهاب أنا مشكلتي قلق معمم لدرجة أشعر بالنبض بجسمي واحيانا ماقدر أركز بالرؤية من قوة التوتر وللأسف لايوجد مضاد قلق قوي من أدوية الطب النفسي غير مجموعة البنزوديازبين المسببة للإدمان .

اول شي اشكرك على الرد الوافي بيض الله وجهك ، والله ياخوك انا تشخيصي كان قلق عام + نوبات هلع + رهاب ساح بسيط + رهاب السفر ورهاب القيء ورهاب الأدويه هذا تشخيص الدكتور لي ووصف سيروكسات سي ار لكن م استخدمته لأني مثل م شفت اعاني من رهاب الأدويه ههههههه احس انو رهاب جديد م قد شفت احد يعاني منه الله يفكنا بس المهم ان هذا تشخيصي يا طويل العمر والمكملات انا مستمر عليهن والحمدلله احس اني احسن الان ف مادري يا بعدي لو تشوف لي مكملات مناسبه لحالتي اكون لك من الشاكرين .

كيف رهاب الأدوية تقصد تخاف من ابتلاع الحبوب والكبسولات بأنك تختنق ؟
إذا الجواب نعم فعادي أنا كنت أعاني منه وحالياً أي علاج تكون حبته كبيرة جداً أَعه جوى ملعقة كريمة وابتلعه , تراي أقصد الكريمة الموجودة في البقالات .
هذا حل من الحلول .
أو تقصد إن الأدوية مضرة ؟
رهاب السفر تقصد رهاب الأماكن المفتوحة أو رهاب الطيران ؟
وماذا تقصد برهاب القيء إنك تخاف أو خوف واصل لرعب لايُطاق يعني باعربي متعايش معاه أو لا؟
أخيراً أيهم أقوى معاناة الهلع أم رهاب الساح؟

إذا تبي حل عاجل عطيتك بتوفيق الله إذا تقول باصبر لين ثلاث شهور برضوا ماعندي مشكلة .
تراي جالس أجرب أعشاب اللي بتفيدن بعطيك خبر عنه . لأن المشكلة النت مليان كذب وتسويق لبعض المنتجات وتكتشف أن المنتج مايستحق عُشُر ماتم تسويقه والدعاية له .

لم اجد المكلمل الفينبوت في موقع اي هيرب لي ثلاثة ايام ابحث ولم اوفق في الحصول عليه هل من طريقة له

وهل له نفس مفعول الزناكس والفاليوم كمهدئ نفسي ممتاز للقلق

يوجد بودرة وهذا رابطه http://sa.iherb.com/Primaforce-Pheni...ed-100-g/57496
لكن هذا مر ماتقدر عليه الأفضل الحبوب وهذا رابطه http://sa.iherb.com/Primaforce-Phenibut-250-mg/58656
لكنه غير متوفر يبي له أسبوع تقريباً ويتوفر لأنه مخلص حتى بالشركة المصنعة .
نعم مثل الزناكس

اخوي الرهابي اقصد برهاب الأدويه اني بمجرد ما اشوف الدواء اصاب بالهلع او مجرد م افكر استخدم دوا يجيني خوف وخفقان ورجفه وغثيان يعني هلع من الاخر اما بالنسبه لرهاب القيء فهذا رهاب معروف اي اني افضل خروج روحي على ان اتقيأ اخخاف منه بشكل جنوني رهاب السفر هو رهاب الإبتعاد عن البيت بأي شكل طيران او بر ام الأقوى رهاب الساح ام الهلع فأنا اشوف ان الهلع ما يصيبني الا لما اخرج لمسافات طويله فا ما اعرف ايهم اقوى مرتبطين ببعض بشكل كبير ، طبعاً الي شخص مرضي ثلاث دكاتره بكلام متقارب ومنهم الدكتور محمد عبدالعليم ، للتذكير انا ما اقدر اخذ ادويه كيميائيه لأني رهاب منها ثانيا لأنها تسبب غثيان وقيء وانا هالشي يقتلني ، اخيراً شكراً لك .

ربي يشفيك . بس كيف تاكل كافا والمكملات ؟الفكرة وحدة . ارجوك لاتهمل نفسك

يشافي الجميع ان شاء الله المكملات انا استغرب اني اخذهاا بس ان عندي قناعه انها اعشاب مالها اي اعراض وهذا الي مصبرني .

تم شرائه وتجربة حمض غاما من نفس الموقع الذي ذكره صاحب الموضوع

وللاسف فاشل بكل ماتحمله الكلمه من معنى ..... سيء جدا

وللمعلوميه : تم شراء نوعين واحد عادي والاخر قولد ( ذهبي)

دون فائده

هذا والله اعلم