وعليكم السلام ورحمه الله وبركاته
هلا السميري كم صار لك تستخدم السيروكسات وكم نسبة التحسن

والله فكره حلوه الراديو في برامج بالاي فون مسليه وحلوه بالنسه للسوق مدري احس تروحين افضل لك من باب التمشيه عاد طمنينا لرحتي وش حسيتي فيه جاك شي او الامور طيبه

حمدلله ابو عبادي دامها نويبه بسيطه لكن بلاك لكانت بوبه كبيره ههههههههههههههه
هلا نبع لك من دعاء ان الله يشفيك يااارب ليه شكلك تعبانه اليوم سلامات ؟

السلام عليكم اخوي ابو هلع،،،كيفك اخبارك ،،بسالك لماكانت عندك الجرثومه بعداستخدام الادويه يجيك مغص ،،معليه عالاسئله لاني قلقانه

هلا اخت ام جميل اي والله لما استخدمت الاديه كان يجيني مغص قوي لانه يقضي على البكتيريه الضاره والنافعه فكان يجيني مغص ومروره بالفم والم بالقالون ولوعه بس حمدلله بعد الكورس تحسنت

الله يسعدك اخوي ويطمن قلبك تسلم ماقصرت ،،بس انا مع الوسواس خوفت وقلقت لاني الاحظ بعدالاكل والعلاج يجيني مغص ،،الحمدلله على كل حال ،،وشكرا

الله يجزاك الف خير اخي ابو هلع خلها على ربك
اليوم صار لي موقف في الدوام بجد حسيت بتعب لحظتها ماتحملت الموقف وصار لي صداع غريييب
طبعآ الموقف مع مديرتي كنت مع بعض الزميلات في المكتب انتظرت المديرة لين خرجت ولحقتها كنت احاول امسك اعصابي وأرتب افكاري
بديت بدفاعية وقلت لها انها احرجتني بهالموقف وهي تبين لي انه عادي ورفعت صوتي وهي بكبر امي. .
وطلعت شي الأ اشياء كانت بقلبي من اول بس كنت اتكلم معها بعقلانية ورجعت الى مكتبي احاول اهدي نفسي
وبعدها كملت شغلي
ورجعت الى البيت واحداث الموقف يتكرر علي وانا اكلم نفسي في المرآة ان الموقف عادي مايستاهل كل اللي سويته بس عاد خلاص مسك معي هالموقف
معليش حبيت افضفض بجد زائد علي الأرق والقلق من كم يوم يارب لك الحمد على كل حاااااااااال

ام جميل ماعندك اي مشكله دردشي وسولفي كلنا بالهوى سوا وكلنا نعاني ولاحد يستحي لطرح مشكلته احنا هنا اخوه وكل شخص يحس بالي نمر فيه والقلق سبحان الله مرض غريب ومتخفي

نبع اختي خليني اوصل وارد لك زين لاني اكتب ونا اسوق السياره اوكيشن انا بعد ودي افضفض وكتب شصار لي

هلا توني راجعه اول مارحلت السيارة جاتني حالة خوف ورجفة وجلست استغفر ربي واسولف مع صديقاتي على البلاك بيري طول الوقت وانشغلت ونسيتها تماماً والطريف توقفت بنا السياره نص الدرب هههههههههههههههههههه اتعطلت وجا اخوي وأخذنا الحمدلله وكنت مأخذهم الراديو معاي والحين النفسيه عال العال الحمدلله واضحك على الي صار لنا جد لما تشغل بالك بشي وانشغل تختفي

المهم انبسطت بالطلعة الحمدلله

باك رجعنا لكم

طيب نبع الحين افهم من كلامك ان ضميرك مأنبك لان المرا كبيره وبنفس اللحظه تقولين تكلمت بعقلانيه معناتها ماشوف فيها شي ليه تتضايقين
بس مالومك ترا الي يعانون من القلق تكون الحساسيه عندهم زايده بكثير ويفكرون بسباب عاديه انا اشوف ردت فعلك طبيعيه ومافيها شي
واشوف ماشاءالله عندك ثقه وهذا شي روعه
يمكن بالنسبه لرفعت الصوت كلميها بعدين واعتذري بسلوب من رفعت الصوت فقط واخي الموقف بشكل فكاهي والقلق والارق من كثر التفكير واضح ان تفكرين كثير ونا نصحتك تستغلين تفكيرك بالاشياء الايجابيه مثل الرسم والرياضه وغيرها
الله يشفيك ويعافيك

حمدلله على السلامه والحمدلله كانت رحله موفقه وعرفتي تستغلي وقتك لما جتك حاله الخوف بس سالفه السياره لما وقفت ههههههههههه شكلكم خفتم خوف بس واضح كانت مغامره حلوه والاهم انك انبسطم والحمدلله نفسيتك عال العال عكسي اليوم دماااااااااااار النفسيه

مثل العاده اليوم جيت من الدوام والنفسيه نص و نص حاولت اطنش رحت ونمت وصحيت المغرب صليت وجلست شوي الا دقت علي اختي تقول رح المطاااار الشنطه ضيعوها الخطوط قلت يالله بروح وبشوف شسالفتهم وفعلا ركبت السياره والمعده عندي توجعني ومو مرتاااح مره المهم ونا اسوق جتني كتمه وضيييييق نفس جلست اشغل نفسي المهم ماحسيت براحه وقفت سيارتي وتمشيت شوي برا ارتحت بعدين كملت طريقي للمطار ولما دخلت المطار مثل العاده العسكري حق المطار نفسيه دخلت وهو يكلم ويضحك بالجوال ونا حطيت اغراضيودخلت وهو يعصب ويقول من سمح لك تدخل قلت الله يسلمك انت تكلم جوال وتارك عملك من داخلي مقهور اسلوبه جدا همجي قال ارجع وخذ عفشك وخلك ورا قلت طيب ورجعت وهو رجع يكلم جوال ويضحك ويسولف ومطنش الموضوع ضليت ساكت بعدها قفلت وقال لي خلاص ادخل وبعدين دخلت وهو يطالع ويقول احترم الانظمه وعطاني محاضره حسيتني ارهابي وهو مو محترم وطنيتي امحق وطنيه عاد ههههههههههههه المهم حصلت الشنطه وعدا الموضوع على خير
لكن الغريب ان الاعراضوالم المعده ونفسي مسدوده للحين حتى رحت كوفي اغير جو ومع ذلك مافي اي تحسن الم الم بالمعده
والقرار الي اتخذته بتوكل على الله ومن بكره باخذ البروزاك والله يكتب الي فيه خيررررررررررر
لاني حسيتوضعي بادي ينحدر والنفسيه كل مالها تسوء ومابي الوضع يطور بريح راسي وابدا بالعلاج