|
السلام عليكم ورحمة الله وبركاته
بقولكم قصتي ... كان يا مكان في قديم الزمان قبل سنتين تقريبا >>> هههههههه وه بس يا جدتي كنت أساعد الوالده في المطبخ فجأه حسيت بشيء غريب حسيت بحراره غريبه في رجولي واختناق سرت أمشي ورا الوالد أقولها حاسه بحاجه غريبه ... طنشتني ..وقفت ابكي بقوه وبصوت جاتني اختي اللي اصغر مني وسألتني ايش فيكي قلت لها ماأدري صرت أبكي أكثرما كنت عارفه ايش اقولهم حاسه إني حموت خلاص ....وأخذتني لغرفه وشغلت التلفزيون وعلى قناة مجد القران" تجلسني وأنا أطلع من الغرفه وترجعني للغرفه.. راحت أختي الصغيره كان عمرها تقريبا 3سنين راحت تنادي بابا يا بابا أختي كبت على نفسها مويه حاره وهي تبكي دحين ..جااا بابتي وسألني ايش فيكي قلتلو ما أدري حاسه بحاجه تخنقني قالي نامي قلت ليش انتا تبغاني أموت يا بابا ؟؟؟؟ قال لا يا بنتي انا ابغاكي ترتاحي بس انتي باين عليكي تعبانه .... قلتلو لا يا بابا انا بروح للحرم وكنت وقتها بقول في نفسي لو مت حموت في الحرم ... رحنا للحرم وكان اليوم هادا صب فيه مطر وساحه الحرم مليانه موية المطر وأنا مع ماما وبابا وأختي الصغيره اللي أصرت تروح معانا وصلنا للحرم وكانت الساعه عشره تذكرت صلاة العشا وكنت ما صليتها دخلت صليت العشا وركعتين بعدها ..صليت وانا ارتجف وجلست بعدها ادعي" يارب اشفيني" ... وبعدها قمت وشربت موية زمزم وخرجت من الحرم خفت النوبه بدرجه بسيطه رجعنا ركبنا السياره .. وبابا قال لأختي الصغيره أدعي لأختك الكبيره راحت قالت بكل برائه وهيا رافعه يدها " يارب ينزل مطر" انا مع الخوف اللي فيني خلتني اضحك مشينا ورجعت النوبه مره تانيه قلت لبابا يا بابا بروح المستشفى .. رفض رجعنا البيت وانا داخله سميت بالرحمن وبعدين دخلت لقيت كل اللي في البيت يستنوني وأخواتي اللي أصغر مني يبكو .. أخدني بابا للغرفه وقرا عليا وقرا لي في موية زمزم وقال اشربيها كل ما حسيتي بتعب .. بعدها راحت النوبه ..ورجعت بعد يومين قريت على نفسي وصرت أشغل نفسي وراحت ..بعدها بأسبوع سافر باباتي .. رجعت النوبه وكانت اقوى من أول بكيت وأخدني اخويا الكبير بسيارتو يمشيني وصرت بعدها كل ما تجيني النوبه اخرج من البيت أتمشى أروح المكتبه أي مكان ... وإذا ما عدي احد يخرجني ارسم اكتب اي حاجه تشغلني عن النوبه بس بعدها ما عرفت شيء اسمو نوبة والأحلى من كدا اني تبت وبعدها بسنه رجعت النوبه ما كنت اقدر انام الليل من الخوف رحت فتحت الجهاز قلت في نفسي.. اكتب اعراض الحاله اللي فيني لين رمتني أمواج الى المنتدى الغالي وعرفت انو اللي فيني نوبه هلع بس الحمد لله حياتي احسن مع العلاج السلوكي |
الحمدلله احاسيس طفله ..عموما اغلب قصصنا متشابها من حيث الطوارئ والاسعاف والاحساس بالموت ..والوسواس بالمرض ...وفجأة الحاله ...يا رب لك الحمد ...
يارب خفف علينا |
كأنكم تتكلــــموون عنــي ..
نفس القصص ولكن باختلاف الشخصياات والتفااصيل... دعوااااتكم بالشفاااا .. |
اللهم شافنا اجمعين
|
آمين ... يااارب العالمين
|
الوسواس خلاني مااقدر انام وانا ميته من النوم مجرد مااحس بنغزه في القلب او في الحلق اقول شكلي راح اموت تعبت والله الحمدلله ادعولي بالله وطمنوني هل تجيكم الافكار الوسواسيه انا الحين قبل شوي حسيت بنغزه في حلقي كنه شي ناشب واقف خفت قلت يمكن راح اموت بالله عليكم مو ماني طبيعيه..
|
كيفكم اليوم عساكم بخير ان شاء الله
|
الحمدلله علي العفو والعافيه
ديما تجيني لها اكثر من شهرين مارتحت ابدا الحين بادي بعلاج سيروكاست بس خفت عن اول كثير الحمدلله |
اقتباس:
بخيـر يا بعدي انت شلونك عسسآك بخيـر |
اقتباس:
الحمد لله على كل حال : الله يعينك هي تطول بس ماعليك ، كل شي سهل بـ اذن الله وان شاء الله نشوفك بخيـر وبصحه وعافيه يارب |
اقتباس:
صحيح اختي غموض الي تمري فيه يتعب الواحد نفسيا لا الشي الي تحسيه في حلقك شي عادي ومن اعراض نوبات الهلع وشي طبيعي تحسي فيه : شي مدري وش يبي في الحلق والله انتي طبيعيه بس الوسواس هو الي يلعب فينا هههههه بس ماعليك اصبري واحتسبي عن ربك ونشوفك بخيـر وعافيه يارب |
اقتباس:
|
على فكره يا حلوين / اللحين تحسون ان شي ماسك قلبكم يعني من الخوف وتحسون غثيان بعض الاحيان !؟ |
اخبارك بعد ماوقفت العلاج................؟ لاني لسه استنى ما اخذت دواء
|
ياريت كل اللي يقرأ القصص دي يحط في دماغة ان الناس اصحاب هذة القصص مماتش او محصلهمش حاجة وهم كويسين جدا وصحتهم بمب لدرجة ان كل واحد فيهم فاتح النت وعمال يحكي ها مش عايزين الوسواس يشتغل ماشي
|
مساءالخير
انا تعبانه جدآ |
ايش هي الاعراض اللي تحسيها بالظبط
|
غالي الاثمان
مشكور على موضوعك محتاجه افضفض |
نحن هنا في نفساني نساعد بعضنا البعض
|
قصتي طويله فيها شبه كبير من القصص الي قراءتها محتاجه تسمعووني
انا في السنه الماضيه في شهر سته كنت متعشيه مع وماعندي اي مشكله لاكن فجاْه حسيت بااختناق وضيق نفس شديد وتنميل بااطرافي يدي اليمين ورجلي ووجهي ومااقدر اوقف كنت منهاره جدآ وابكي بصوت علي واصرخ وحسيت اني بمووت امي خافت وصحت ابوي ورحنا للمستشفى وكنت اطلب منه بسرعه لانه وربي مااقدر ارد انفس نهائيآ يعنيفيه شهيق بدون زفير دخلت على الطوارئ واغمي علي لمدة دقايق بس وحطولي كل الاجهزه تخطيط قلب وضغط واكسجين قالو مافيها شي يمكن نقص املاح بعده بساعتين هديت شوي لاكن مازال فيني صعوبة التنفس وطول هالمده وكان تفكير الموت مسيطر علي رجعت البيت وكنت تعبانه ودايخه نمت وصحيت من بكرا وكان جسمي تعبان وبس افكر بالموت ومااكلت شي وسبحان الله بنفس الوقت بالليل رجعت لي النوبه وتعبت منها وتكررت الماساة وروحة المستشفى المهم قريت على نفسي وهديت شوي وحاولت اشغل تفكيري بااي شي المهم جلست كم شهر ومااحس بشي الحمد لله وبعد عيد ذي الحجه رجع لي التعب اكثر من قبل وانهرت مررره حسيت اني فيني شي خطير رحت للمستشفى وسويت تحاليل دم شامله وتخطيط قلب واشعة مقطعيه للراس وكهربا للدماغ وكل شي سليم الحمد لله لاكن دكتور مخ واعصاب احتار بحالتي وعطاني علاج وقال تاكلينه لمدة سنتين وانا لما رحت البيت تفاجات انه علاج لصرع بصراحه بكيت مره انا قلت بجرب واكله اكلت نصف حبه وربي احس تعبت منها وتركيزي ضعف ومعدتي تالمني وماطولت يمكن 3 او 4 ايام وقررت اغير الطبيب فعلا غيرته وشاف الطبيب التقارير وسوالي كم تمرين للتركيز قال انتي تركيزك ميه بالميه مشاءالله وحرام الدكتور ظلمك وقالي انت ماعندك مشكله الا مشكله نفسيه لانك انسانه كتومه يتبع ..... |
ومن بعد النوبه الاخيره تعبت مرره حسيت جسمي تعبان والامراض تتنقل من عضو لعضو فيني والوسواس واللتفكير بالموت والاحلام المزعجه وربي حتى الضحكه اقول ليش اضحك وانا بموت وربي وزني نقص 13 كيلو وصرت انسانه ثانيه اهلي مو مقتنعين اني اروح لطبيب نفسي يقولون مافيك شي كلها وسواس من الشيطان ياربي انا تعبت مرره كرهت اليل والنهار تكفون ساعدوني مع العلم الدكتور الي قلت لكم صرفلي علاج للاكتاب اكلته لمدة شهر وقالي وقفيه خلاص
تكفون ابي ارتاح |
المشكله كل القصص الي قراتها مافي تشنج مثل الي صارلي وتنميل
لاكن اغلب الي ذكرتوه موجود فيني بسرعه ردو علي احس بديت انهار |
اولاً مرحباً بك في نفساني
اختي العزيزة مشكلتك صغيرة جداً في ناس عندهم نوبات هلع اقوى من اللي انتي تحسيها والله اعلم المهم اطلب منك بعض الاسئله من متى وانتي تعاني بالظبط من هذه الحاله ثانياً هل سويتي فحوصات شامله لا عضاء جسمك بالكامل |
سنه وكم شهر اعاني منها
وسويت تحاليل دم شامله وسويت اشعة مقطعيه على الراس وسويت اشعه تلفزيونيه للبطن وسويت كهربا للدماغ ومكان عندي شي كله سليم الحمد لله وتخطيط القلب سليم بس لما تجيني النوبه يكون ضغطي مرتفع الشاكر فيني شي |
أختي ما فيك شئ
قصتك مطابقه لقصصنا، فتطمني اللي تعاني منه قلق ونوبات هلع............ومرحباً فيك إنضميتي لملتقانا.......كلنا هنا نعاني.....وفي حال مايعلم فيها إلا الله...........تجولي أختي عذوب في المنتدى وحتشوفي إنك مو بس أنتي الوحيدة أختي أنصحك أنك تبادري نفسك بالرقية وطبقي البرنامج اللي ذكرته للأخ رائد أتمنى لك الشفاء والعافية قريباً |
اول شيء اختي مافيك الى العافية
|
ثانياً دام انك سويتي فحوصات المفروض تكوني مبسوطه لانه لا وجود اي مرض عضوي
المرض اللي فينا هو الهلع واعراضه كثيرة فوق ما تتصوري ومتنقله من مكان الى مكان الحاله النفسية تلعب دور كبير علاج الهلع من الضروري زيارة اخصائي نفساني كي يوصف لك بعض العلاجات وبعد كم يوم راح تشوفين الفارق وراح تقولين الله يستر عليك يا اخي الشاكر وان شاء انا سوف اكون متواجد في المنتدي غداً صباحاً من الساعة السابعه الى الخامسة عصراً وتابعي المواضيع اللي في نفساني في نفس القسم حق نوبات الهلع وراح تقرائيها وترتاحي وفي ناس كثير نفس حالتك توكلي على الله وقومي صلي علشان ربنا يشفيك |
تحياتي للجميع
|
جزاكم الله خير
|
بأي وقت اختي العزيزة لاي استفسار
|
اللي يعاني من الهلع يراجع دكتور نفسب سريع
الله يعافينا و ياكم .. |
سؤال عاجل
انا فيني شي بحلقي احس مو مرتاحه موالم بس كانها غصه كانت تجي وتروح والحين كم يوم مستمره من اعراض الهلع او مرض انتظر اجاباتكم |
اقتباس:
|
هلا أختي عذوب......الله يطمن بالك ويشرح صدرك أختي الغصة بالحلق شئ طبيعي......نتيجة توتر الأعصاب......وتلاقين نفسك حاسه بكتمه......وتنميل في إجزاء في جسمك......غير الخفقان وجفاف الحلق ووووو....... أختي لا تخافين كل هذا شئ طبيعي من أعراض الهلع...... وخوذيها مني بادري نفسك بالعلاج بالرقية والعلاج السلوكي دامك في بداية المرض وما صارلك فترة طويلة....قبل ما يتطور الموضوع ويصير علاجه صعب.....ونصيحة لا تأخذي أي دواء الحين، خلي الدواء الحل الأخير وإن شاء الله ماتضطرين له......قوي الجانب الإيماني عندك وقوي توكلك على الله، وحسن ظنك فيه ويا أختي مايشرح الصدر غير الدعاء والتسبيح وذكر الله مهما جربتي(ألا بذكر الله تطمئن القلوب) وهذا البرنامج نقلته لك، الله يمن عليك بالصحة والعافية ويكفيك ما أهمك ويعجل بفرجه عليك صلاة الفجر في وقتها- وأدائها في جماعة- وتذكر كما في الحديث (من صلى الصبح في جماعة فهو في ذمة الله) إيش أفضل من إن تكون في حفظ وذمة الله. - أقرأ الورد بعد صلاة الفجر - تلاوة أي حزب من القران بعد صلاة الفجر (إن قران الفجر كان مشهوداً) - تصبح بسبع تمرات ويفضل عجوة المدينة إذا كانت عندك وكأس موية زمزم وأقرأ عليها الرقية - قبل العصر تستحم بخلطة الرومي موجودة عند العطارين. - بعد المغرب الورد وتلاوة أي حزب من القران - في الثلث الأخير من الليل صلاة القيام وقراءة سورة البقرة وصلاة الوتر والبكاء وطلب الشفاء والعون من الله - قبل النوم دهن في زيت مقري فيه- الشيخ عبدالله السدحان يوزعه في مراكز توعية الجاليات مجاناً - كن على طهارة دائمة وأكثر من الاستغفار والصدقة ولو بالقليل بنية الشفاء هذا رابط رقية الشيخ السدحان أستمع له قبل النوم http://www.shefaa.org/alroqiah.rm أسأل الله بحق هذه الساعة التي تتنزل فيها الرحمات أن يجعل ما أصابك تكفيراً لذنوبك وزيادة رفعة لك في الأخرة........اللهم أمين |
موقادره انام
خايفه عندي سؤال هو صحيح هذا المرض من تجربه او لحظة خوف شديييده عاشها الانسان في فتره من فترات حياته |
مرض الهلع نتيجه صدمه او حادث او فراق احد الاقارب العزيزين لديك
وخصه الحلق كلنا جاتنا لا تخافي اختي قلت لك امس وبطلي وسواس |
اذكر اول ماجتني النوبة كنت اصلي بالحرم حسيت بقلق وتسارع نبضات القلب وهذا الشي خوفني لاني قلت بااطيح
على وجهي . ثم راحت وانا راح ارتاح قلت يمكن تعب وبعدها يوم رجعت لرياض وانا في الجامعة حسيت بقلق ودوخة وعدم توازن في المشي راحت للبيت وانا خايف ما ادري وش السبب واخت راحة يومين . وبعدها بفترة طلع مع واحد من زملائي واعطاني ادخن وانا ادخن حسيت بخوف وقلق ورجعت للبيت ومن هذي الفترة إلى ان بقى على اختبارات الجامعة وانا با=باتخرج اسبوعين بديت اخاف من الشاوير البعيدة حتى اني خذفت ترم ماقدرت اروح للجامعة وصرت بوضع صعب من ناحية نفسية واجتماعية لان اهلي كل يوم يقولون فيك شي لا فيك شي ثاني لا ... ثم راجعت طبيب نفسي وتحسنت ثم تركت الطبيب ورجعت ثانية اسوء من اول حتى اني اخاف وانا في البيت إذا كان مافي احد وماكنت اقدر اطلع اصلي إلى مع احد كبير وبعض المرات مااقدر اطلع نهائيا وبعدين راجعت طبيب وبديت اتحسن لكن المشكلة ما اقدر على البعيد؟ |
الله يعطيكم العافيه في كل من طرح قصته والحمد لله على كل حال ونحنا بخير يارب لك الحمد ^*
|
كيف حالك اخوي غالي الاثمان........... رجعت للعلاج
|
ليش الموضوع موقف !!
احسه كان حلو ووين الناس؟ اكتشفت انه واجد مثل حالتي تقريبا يعني كل 10 اشخاص يمكن 3 فيهم الخوف من الموت؟؟ الله يشفينا يااااارب ويبعد عننا الشياطين اذا شفت الموضوع رجع زي اول بكتب قصتي لكم والله يكون بالعون مع اني مو عارفه الي فيني هلع او وسوسه بس الله يشفي الجميع |
| الساعة الآن 04:32 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا