|
فرج الله قريب
انا الحمد لله بخير والانسة لولو بخير وامها كمان تمام لكنهم ما يعرفو شىء عن المنتدى وانى مشترك فية اما سفرنا مكة الحمد لله رحنا مرتين لكن مكة اصبحت فعلا تعب شديد وخصوصا بعد التغيرات الحاصلة والزحمة فى المسفلة رهيبة انشاء الله نروح المدينة ممكن الجمعة الجاية مش بكرة الجاية قبل رمضان\ والزحمة وبحاول اشوف مركز تأهيل لعلا عرفت مركز اسمة سأكون ممتاز لكنة بعيد علينا جدا فهو فى السلامة واحنا فى الحمراء يعنى مشوار جامد جدا على علا وانتى عارفة انها مركبة جهاز فى رأسها ولا تتحمل الحر ومازلنا نبحث واذا اقتضى الامر بننقل البيت الى حى السلامة وماشيه الحياة والحمد لله اخبارك انتى واخبار اولادك وزوجك انشاء الله تكونوا بخير افتكرتك عند تشكى تشيز لكنى فضلت اروح بيهم الردسى وانبسطوا جدا هناك مركز ممتاز لكن يجب توعية الناس للنظافة وعدم استخدام الاشياء مثل الكراسى وسلات المهملات والحمامات استغلال سىء جدا يمكن نكون هناك بكرة اذا مرحناش مكة عماد فرج الله كنت عاوز اتكلم معاكى فى موضوع خاص جدا ممكن تراسلينى على الميل بتاعى عماد |
مرحبا للجميع
مااحد رد على سؤالي هل تحسون بنضبة قوية واحد فقط مرة او مرتين باليوم؟ وزاد اليوم سؤال ثاني من استخدم الجنكة للدوار ؟ |
اقتباس:
كيفك تهااااني بشرني عن صحتك انا والله توي واااصل الحين من القاااهر ه قضيت بعض الاجازه هنااااك اكثر من 10اياااام انتي كيفك حالك بشرني عنك ان شاالله فيه تحسن قصدك انتي نغزه في الصدر جهة اليسااار صح ايه ياااختي لاتقلقي هذه كلها اعراض قلق واعصاااب بسيطه ترووح ان شاااالله اتمنى لك الشفاء العااااجل لك ارق تحيه بندر سعد |
اهلين بالجمييييييييع
اخوي بندر لا اقصد نغزة بل نبضة مثل نبضة القلب العادية بل هي نبضة قلب لكن قوية وليست على رتم النبضات كأنها نزلة مصعد قوية بالضبط نفس هذا الشعور من يحدث له مثل كذا |
السلام عليكم ورحمة الله وبركاته
عندي سؤال . ماتلاحظون النوبة صارت تجي بعد زعل وتوتر وعصبية ؟ |
اختي لحن الاماني
ايه اكيد بعد الزعل والتعصب تزيد الحاله ولو مافيك شي بيجيك عشان كذا لا تعصبين ولاتزعلين ودائم تعوذي من الشيطان وخليك ريلا ?? انتي منتي ناقصه عشان كذا انا الحين كل شي عندي اخذه بساطه حتا اخر ها اليوم عيالي تهاوشوا وانا قاعده اتفرج عليهم لو عصبت انا اللي بتعب عشان كذا دائم كوني هاديه الله يهدينا جميعا |
لحن الأماني
وأنا كمان وايضا تأتيني اذا شلت هم شي !! او اذا تصربعت ههههه مدري تفهمون المصطلح ولالا يعني اذا تأخرت عن خروج مثلا وبدأت ألبس بسرعة أو اذا طلب مني زوجي شي بسرعة مايحتمل التأخير واذا بذلت مجهود ايضا عشان كذا مثل ماقلا اختي فرج الله احاول اصير باردة ويارب اقدر |
سلام عليكم
كيفكم ان شاالله بخير انا استخدمت عشبة جونز بالشكل الصحيح 3مرات باليوم الى مرتين ولكن احس في ضيقه والام بالصدر بعد استخدامها بااسبوع الام بالصدر ونغزات في اليدين ونوع من الخوف هل لها تاثير او تسبب اعراض ومن اللي استخدمها وجابت نتيجه معه لكم ارق تحيه بندر |
اقتباس:
أنا تقريبا مثلك دائما يؤلمني قفصي الصدري من الامام والخلف لكن اسبوع مو كافي ياخوي تبان بعد 3 اسابيع تقريبا وأنا جابت معي نتيجة الحمد لله بنسبة 80% |
كل الشكر لك غاليتي على الموضوع المتميز
جميل أن يشعر الإنسان أن هناك أناس يشاطرونة معاناته وليس وحيدا وهناك الكثير يمر هذه التجربة بصمت حقيقة الخجل وعدم تفهم من حولنا لمثل هذه النوبات يجعلنا نحتفظ بهذا الألم لوحدنا لانريد زيادة هموم الآخرين بذعر يشاطرنا الحياة الى حد الصداقة نعم تعلمت على مر السنين الصداقة مع هذا الشعور بداية النوبات عندي منذ الطفولة بداية لم أفهم هذا الشعور لكن قرأت كثيرا عن هذا المرض وتعلمت التعايش معه أفادني الإسترخاء والتأمل كثيرا فالنوبة اصبحت تخف في وقت أقل قرآة القرآن ومحاولة ترديد بعض العبارات تفهم الشعور وعدم مقاومتة جعل من مدة النوبة تخف بالعادة تأتي هذه النوبة في اوقات متأخرة من الليل تقض مضجعي تؤرقني توقضني من سباتي تستمر ساعات وتبداء تخف تدريجيا احيانا يحصل انتكاس وتزداد ولكن تبداء تخف حتى استسلم للنوم كل الشكر لك غاليتي على مشاطرتنا تلك المعاناة بالحب والإششراق |
اقتباس:
انا عانيت مرة من هذا المرض احساس بالدوار والخوف الشديد الغير طبيعي من امر متوقع....وتوتر .... بالله المستعان... |
السلام عليكم اخوانى اعضاء نادي الهلع
انا عضوة قديمه لكم بسبب ضروفي انشغلت عن النادي وايضا ضيعت ايملي القديم وسجلت من جديد وحبيت اسلم على الاعضاء القدامه والاعضاء الجددعلى النادي واسلم على الخت نادرهواخوانى عماد وينك واختى فرج الله والخت دموع الشموع وكل الاخوان ..واقولكم وين وصلتم مع نوبات الهلع وبسأل الي جربوا العشبه (سان جونز) كيف صرتم انا ستخدمتها في فترة النفاس وبدل مااكل 3 صرت اكل 6 مرات (ابي النوبات تروح ..؟؟؟؟بدال ماتروح الا زادت) والضاهر انى اخذت الدواء غلط؟؟ بسال الي خذو العلبه كيف شكلها (هل العلبه بنى بستكر اخضر) وتحياتى للجميع |
محتاج الى مساعدة ؟
السلام عليكم ورحمة الله وبركاته
اخوانى الاعزاء احبكم لله والله جزاءكم الله الف خير على كل شى على المعلومات وعلى االمساعدات التى تقدمونها لاخوااننا المسلمين وان شاء الله فى ميزان حسناتم اخوانى اخوكم محتاج الى مساعدتكم ، باختصار انا مريض مرض الرهاب الساحه + الوسواس القهرى محتاج الى استشارتكم وتوصياتكم ماذا افعل ؟؟؟؟؟ احس بأعراض خفقان القلب + عدم التنفس اينما اذهب خارج البيت سواء ذهبت الى السوق او الى اى مكان اشعر بارتياح عندما اكون مع اشخاص ارتاح منهم واحس بالامان المشكله ليس فى ذلك بل ايضا تأتينى افكار عندما تحدث لى النوبه اننى سوف اموت ولا يوجد احد يسعفنى وبالتالى تحدث الاعراض مالحل جزاءكم الله ؟ وما افضل عيادات النفسية فى الكويت ؟وفقكم الله اخوكم المريض نفسيا |
اختي المبتلية حياك الله
نعم العلبة بني زجاج واللصقة خضراء وفي ايضا ابيض بلاستيك بغطاء بنفسجي ولكن تركيزها اقل وانا راتحت معها الحمدلله واخذ منها حبه الى حبتين باليوم تركيز 500 اسمها st.jhons wort |
مشكورة نادرة على الموضوع النادر؟؟؟
الكل يقول تجربته ونتبادل الاراء مصائب قوم عند قوم فوائد.............. انا عانيت من الرهاب من بدايتي يعني مدة طويلة عانيت لدرجة ان صابني الكثير والكثير من الامراض النفسية كنت اخاف من العزائم والاعراس ومن القططـ وفي هذي اللحظات ابتلع ريقي وينشف حلقي ورجفه بالرجلين وتسارع في ضربات القلب عانيت من هذا المرض حتى ذهبت الى طبيب نفسي لكي اتعالج من الاكتئاب والقلق الشديد وتعالجت من هذا المرض لان بعض مضادات الاكتئاب والقلق تعالج الرهاب ولكن رجعت لي بنوبات شديدة والله المستعان |
رد على اخوي KPTC د/عصام الانصاري
واسال الله الشفاء للناس اجمعين |
رد على اخوي KPTC د/عصام الانصاري
واسال الله الشفاء للناس اجمعين |
اخواتى ف الله
مش عا |
ياناس وينكم؟الاحظ مافيه صفحات جديدة ؟يالله ياحلوين الكل يعلمناوش صارمعه؟ فيه تحسنات؟فيه احداستخدم علاج؟فيه احدعالج نفسه بنفسه؟محتاجين لتجاربكم؟ فرج الله وينك من زمان عنك؟المعتبروينك مشتافين لنصايحك؟تهاني الرياض وشخبارك؟وش اخرماصارمعك؟اتعبني الهلع وشخبارك فيه تحسنات؟
اناالحمدالله تحسنت شهرين والحين بدت ترجع لي الوساوس اللي تقلقني احس اني برتاع وبموت احس بيجيني خبران احدمن قرايبي مات وبرتاع وبموت اخاف مره من الروعه وماودي ارجع للحبوب احس فايدتهابس وقت الواحدماياكلها واذاتركهاالواحدرجعت له الحاله لاني مجربتهااحاول اقوي نفسي وعساني اقدر الله يشفيناوجميع مرضى المسلمين |
السلام عليكم
وها هو المعتبر يعود اليكم من جديد وفي جعبته بشارات رائعه ان شاء الله اول شي يا اخواني الحمد لله اني تحسنت بنسبة 98% بدون علاج وانتم عارفين حالتي اللي مرت علي والله كنت قاطع الامل في الشفاء ولاكن اللي خلقني ماضيعني والله ثم والله ياخواني ستعودون كما كنتم وافضل ان شاء الله عليكم بالصبر والمقاومه والدعاء والصدقه بنية الشفاء فهي الحل لحالتنا الغامضه جربوا اللي قلت لكم عليه وماراح تندمون ان شاء الله وعلى فكره انا كل فتره اشيك على النادي بس انا مستغرب صراحه سبب غياب بعض الاخوه اتمنى تطموننا عليكم ربي يحفظكم ان شاء الله اخوكم المهلوع سابقا المعتبر |
ماشاءالله الله عليك الحمدالله على سلامتك وشفاءك وعقبال الجميع بس ياليت تعلمنا وش اللي ساعدك على مقاومة المرض ؟ لاني انااتحسن فتره وفتره ترجع لي الحاله لكن الحمدالله بشكل بسيط مو زي الاول بس انااكثرمايزعجني الوساوس اللي تعبتني عن الموت واذاوسوست احس ان الحين بيجيني خبرموزين واحس اني اشداعصابي واصيربالجلسه ماني مرتاحه الله يعين ويشفي الجميع؟انت الحين مستمرعلى الرقيه؟
|
هلا بك اتعبني القلق وعقبال مايكون اسمك هزمت القلق ان شاء الله
والله اللي ساعدني الدعاء والماء المقري عليه والتوكل والصبر والله اللذي لا اله الا هو اصبحت الوساوس شي مضحك بعد ماكانت مرعبه والحمد لله على كل حال ربي يحفظكم من كل مكروه |
السلام عليكم
اخوى المعتبر حمد لله على السلامه(الله يعافيك ممكن ترسل ايميلك لي) لاننى ودى استفيد منك واخوانى نادى الهلع وينكم عسى ماشر |
اختي المتبليه
حاظر من عيوني بس المشكله الاداره تمنع هذا الشي اذا انتي موجوده الان ياليت تقولين لي ربي يحفظك |
اختي المتبليه
حاظر من عيوني بس المشكله الاداره تمنع هذا الشي اذا انتي موجوده الان ياليت تقولين لي ربي يحفظك |
|
اتمنى انكم تساعدوني انا بحاجه لكم
|
بسم الله الرحمن الرحيم
السلام عليكم كيفكم جميعا انشاالله بخير بقولكم قصتي عمري 20 سنه ومتزوجه وعندي ولدين ولله الحمد المشكله عندي اكتئاب مع نوبات الهلع بداية النوبات وانا بالصف السادس وانا بالفصل حسيت اني مكتومه ومحبوسه بين اربع جدران والمدرسه قاعده تشرح الا وان اصيح ماقدرت اصبر تجمعوا علي البنات وخافت المدرسه على طول اخذتني للاداره وكلمت امي وقالتلها الحقي بنتك بتموت مكتومه مادري وشفيها عاد امي جت طايره من الخلعه وعلطول عالمستشفى المهم كشفو علي قالو مافيها الا العافيه عطوني اكسجين لمدة ربع ساعه وطلعوني المهم نسيت من هالحاله ومرت الايام والسنين وصرت باولى ثانوي وجا يوم من الايام وخرجنا تمشينا وفلينها مع اقاربنا واستانسنا وبعدها كلن راح لبيته وانا قاعده ارتب غرفتي الا واحس بنفس الحاله حالة كتمه وخوف واحساس غريب فصحت وجاء ابوي يسالني وشفيك شي يعورك وانا اصيح جلس يقرا علي على باله ان فيني شي ويقول اطلع منها <<<<<<بسم الله عليaaaaaaaaac.. شوي الا وهديت بعدها طلعني ومشاني ونسيت الي صارلي مرت الايام وفي موسم الصيف تزوجت وخليت دراستي لاني حملت ومدة حملي كثرت المشاكل بيني وبين زوجي وساءت نفسيتي لابعد درجه المهم مرت تسعه شهور وولدت بسلامه قعدت بالمستشفى يومين وخرجت وهذا الكلام وانا عند اهلي ماقصرت امي معي الله يطول في عمرها المهم في ليله من الليالي وامي جالسه تسولف معي وتقولي عن مشاكلها مع ابوي ومعاناتها مع اهله الا وتجيني نوبة على اصولها مستحيييل مابي اتذكر ذاك اليوم وقمت اصارخ وابكي وامي المسكينه تهدي فيني وصحت ابوي عشان يوديني المستشفى وانا في الطريق خايفه وبردانه وارجف من البرد وضربات قلبي سريعه وصلنا للمشفى عملولي تحاليل وفحوصات طلع كل شي سليم المهم هديت ورجعنا للبيت ونمت على بالي كل شي انتهى وابتتكرر لكن للاسف عاودتني الحاله واكثر من مره وش اسوي مامعي الا اني ابكي تعودوا اهلي على حالتي تطورت الحاله الى ان حسيت نفسي كاني بعالم ثاني عالم غريب كاني بحلم بكابوس الله لايوريكم وحملت وزادت الاعراض عندي وبعد الولاده جاني اكتئاب النفاس على النوبات ياسلام سلم بس وش اسوي مامعي الا ربي سبحانه وصارلي سنتين تقريبا على هالحال مع العلم اني مارحت لدكتور نفسي خايفه ماتفيدني الادويه قولولي وش الحل تكفووون ساعدووووني شايله هم زوجي وعيالي وتربيتهم مابي اقصر معاهم بشي مابي حالتي تاثر عليهم لدرجة كرهت الطلعه والناس واهلي وصرت كتومه ماتكلم كثير نادر ماضحك ملو مني صديقاتي واقاربي وزوجي تكفوووووووون ساعدوني والله مليت اتمنى اني ماطولت عليكم لكن اعذروني حبيت افضفض لكم واستفيد منكم راجيه ربها |
هلاومرحبافيك انابصراحه من رايي تروحين لدكتورنفسي بترتاحين ان شاءالله على الحبوب اناكنت زيك ورحت لدكتور وصرفي لي حبوب وماشاءالله مره ارتحت وصرت طبيعيه استشيريه اذاتنفع لحالتك حبوب السبراليكس مره مريحه اذاقالك ينفع شئ اقوى من السبراليكس فهو اعلم مني بس قوليله وش رايك انايمدحون لي السبراليكس اناودي فيها تناسبني اولا؟مع اني انامااستخدمتهااستخدمت شئ ثاني بس اعرف كثيراستخدموهاارتاحواعليها نصيحتي روحي لدكتور صدقيني بتعيشين حياتك بتقولين ياليتني رايحه من زمان لان القلق يعيقك عن اشياء كثيره اناصبرت بعدين مليت حسيت انه القلق تعبني عاقني عن اشاءكثيره ابغى اعيش حياتي زي الناس ابغى انبسط مع عيالي اناالحين تركت الحبوب واتمنى لواني ماتركتهابس الحمدالله على كل حال رجع لي القلق بس بشكل بسيط جدا الله يشفيك ويشفي جميع المسلمين
|
مشكوره الف شكر اتعبني القلق وانا بصراحه جربت السبير اليكس لكن اليوم الثاني الله لايوريك جتني سخونه وحاله غريبه حسيت نفسي مريضه كأن عندي فلونزا مادري يمكن مانفعت لحالتي اخذت حبه وبعدها تركتها خفت من مضاعفاتها ايش تنصحيني به؟
|
هلابدلولا انصحك تستمرين تاخذين السبراليكس انااول مااستخدمت العلاج كذاحسيت بس مادامك تحسين بس بسخونه ماتحسين بشئ ثاني استمري لان اصلاماتحسين بمفعول العلاج وبالراحه الابعداسبوعين بالتمام انااول ماستخدمت العلاج حسيت بسخونه والقلق والخوف زادعندي بشكل موطبيعي وماكنت ادري انه من العلاج على بالي من نفسي لاني اول مره استخدم وماعندي خبره واستمريت الى مافرجهاربي من عنده الحمدالله استمرررررررررري صدقيني بعداسبوعين ان شاءالله بتشوفين الراحه ان شاءالله ومااوصيك بالدعاء والصدقة بنية الشفاء والاذكار
|
الله يجزاك بالخير( اتعبني القلق )وراح اتبع نصيحتك واستمر لمدة اسبوعين انشاالله ويااارب انه ينفعني ولايضرني وتتحسن حالتي يارحم الراحمين لاتنسيني من دعواتك
|
السلام عليكم
عضوة جديده تنضم للمهلوعين اعاني من الهلع بشكل فضيع والقلق تعبت بشده هرمت بشبابي |
اقتباس:
عزيزي انت عندك مايمسى باختلال الانية حيث يشعر المريض كأنه في عالم غير حقيقي وكأنه غير موجود بالدنيا او يشعر باللاواقعية انت ماعندك فصام او ذهان والدليل انك واعي لما تكتب وواعي للتغيير اللي حصل لمشاعرك احذر انو تروح لطبيب يعطيك مضادات للذهان او الفصام لانها رح تزيد حالتك وحط كلمة (اختلال انية بالجوجل) واقرى عن مرضك زيادة انا حاليا اعاني زي معاناتك واسأل الله تعالى انو تكون انتهت من عندك وانصحك دائما وابدا بالرقية الشرعية وعافاك الله وشفاك |
مرحبا اخواني واخواتي
عدت من جدددددديد لكم لاني اضعت كلمة المرور والحمدلله استرديتها اتمنى للجميع الصحة والعافية وعشر مباركة للجميع وحج مبرور لمن نوى الحج مقدما |
اقتراح يااخواني
خلينا كلنا نقوم الليل بهالليلة المباركة بين صلاة وتلاوة قرآن ودعاء لبعضنا بظهر الغيب ترى الدعاء مستجاب بهاليوم بإذن الله ويويله وياسواد ليله اللي اعرف انه تباطأ منكم :) وتوكلوا على رب العالمين هو نعم المولى ونعم النصير انا رح اقوم ان شاءالله لاتنسوا اختكم سليلة الورد من دعاءكم وخلونا نتواصل عالنت طول هالليلة وخلوا قيام الليل عادة يومية عندكم اول شي رح تتكاسلوا ومع الوقت رح تتعودوا ادعولي الله يخلصني من حالة الانفصال عن الواقع :) الله يوفقكم http://www.tohajj.com/Display.Asp?Url=adia00007.htm |
السلام عليكم ورحمة الله وبركاته
كيفكم اخواني واخواتي وحشتوني واشتقت لا خباركم مانساكم ابد معليش طولت عليكم عشان كان النت عندي مقطوع اشخباركم جميعا وتقبل اللله منا ومنكم الطاعات الحينا حنا بافضل الايام عند الله اكثروا من لدعاء ومثل ماقالت اختنا الجديده سليلة لورد اليله اكثروا من الدعاء وغدا يوم عرفه حتا اللي موحاج يصوم ويدعي للفروب لان الله ينزل فى السماء الدنيا نهار يوم عرفه الله يفرج كربنا جميعا ويشفينا جميع اخوي المعتبر الحمدلله عل سلامتك بشره خير انا بعد ابشر كم فى تحسن ولله لحمد مثل ماقلت ياخوي الدعاء والصدقه والرقيه الحمدلله وعقبال الخوان والخوات طمنونا عليكم اخوي عماد وش اخبارك طمننا عليك اختي دموع وينك انتظرك عل المسنجر اختي المبتليه ادعي لك دائم مانساك اختي نادره وينك اخبارك بعد الزواج نحن فى انظار اخبارك |
فرج الله قريب
حياك الله بعد الغياب كيف حالك طمنينا عليك اشكرك على التواصل ولاتنسوني من دعاؤكم غدا في يوم عرفه (بالشفاء وبالولد الصالح) وأنا كذلك لن أنساكم وابشرك دموع الشموع طيبة وبخير وسأوصل لها سلامك اذا شفتها على الماسنجر :) |
السلام عليكم جميعا
الحاله باازدياااد هذه الايام دعواتكم |
الله يعافيك ويشفيك ويفرج عنا وعنك وعن الجميعـ :)
|
| الساعة الآن 10:38 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا