|
اقرا هذه الكلمات لعلها ترفع من معنوياتك اخي
نصيحتي لك قراءة القران والدعاااااااااااااااااااااااااااااء الى الله ان يرفع عنك البلاء ربي يشفيك بسم الله الرحمن الرحيم وعليه نتوكل وبه نستعين الحمد لله وحده والصلاة والسلام على من لانبي بعده صليت ودعوت .. تدهنت ورقيت .. وصمت واعمرت ..وتصدقت والخير فعلت وكل سبب بذلت وسنييا اتعالج ولم أشفى .. سنه سنتان ثلاث وأربع ويزيد من يشاء .. مهلا ألم يتردد هذا ببالك ويطرق أفكارك ويطرحها البعض حيرةً أو مستغرباً أو جزعا يُسائل به شيخه أو ينكر بها واقعه فيعود والخيبة قد توشحت بنفسه ويسمع من عدو مايغمه ويصم به أذنه أو مايحبط بها نفسه ويكسر بقية باقيه من عزيمه في جوانب قلبه المتألم تخامتها هموم المرض والسقم والوحده جراء كيدٍ كِيد له في خفاء سلمني هنا فكرك وقلبك وروحك ليس لتهدأ نفسك فحسب بل لترد على عدو الله وسوسه تكابدها جراء ماتجد منه فتغلق الباب في وجهه بقوة ايمان اعلم ان الامر لله من قبل ومن بعد وتقديره فوق كل شيء وأمره نافذ فيك وفي عدوه فحرم الظلم على نفسه وبين عباده وكما أقسم بعزه وجلاله أن ينصرك ولو بعد حين فأمن بها وثق بالله فلا تكن ظالما لنفسك _ سيأتي ولو بعد حين _ نعم ظالما لنفسك بسوء الظن بتأخر نصر الله ........................................ اعلم ان العلاج بالقران كله خير فلابد أن يستقيم قلبك وتلزم طاعة ربك وتنزل لنفسك منزلها أمام الله ليرى أنك بمقام الذل له وهو بمقام التعظيم وتنسب التقصير لنفسك وستره عليك تدلى وما أوتيت الا من نفسك ومابليت الا بذنبك وتقصيرك ليردك أليه فأن تعالجت بالقران فهو لك ومن أجل نفسك وأن لم تشفى .. لتذوق قربا وحبا ورحمات لايعرفها غيرك وتكشف من على قلبك أحجبه بينك وبينها قد سترتها الغفله وأستمرتها العافيه زمنا ما لاتقرأ القران من أجل الشفاء فقط أجمع النوايا كلها بقلبك .. فأن لم تنل عافيه الجسد نلت من فيض الرحمة والحب والسكينه والطمأنينه والقرب ومعرفة الله أضعاف ماتطلبه من شفاء قد يكون أدخره الله لاجل مسمى لاتعبد الله على حرف أن أصابك الخير اطمأننت وان أصابك الشر جزعت فتعتكف وتدعو ومن ثم تخرج بعد هذا كله متسائلا متعجا لم أشفى ! ألم يفيض عليك بالدعاء والقربه منه نعيما لايعرفه غيرك من الذي يمتحن ؟؟!! انت الذي تمتحن الله ام الله الذي يمتحنك ..!! لما رايت بذلك لسبب هو وفقك له موجباً لنيل الشفاء الجازم التام ألم تعلم أنه يأجرك عليه ويعطيك عليه ويقربك منه ولولا هذا ألوجع قد لاتقترب منه ولا رأى منك دمعا مسكوبا ولا في السحر دعاء ووجعا ترفعه له .. هو لك .. نعيما لايعرفه غيرك ... لاتمن على الله ماوفقك الله له .. وأخذ بيدك اليه ليرفعك ويعزك وينصرك ويثبتك على الطاعه بما هو انفع واجدى لك ونفذ صبرك عليه ؟ عزي نفسك أنها قد لاتنال درجه رفيعه عنده الا بصبران بصبر على مرض وصبر على علاج عزي نفسك بما عند الله هو خيرا لك مما تؤمله لنفسك فلن ينفعها جزعا يضخم الألم ويحرك حرارته بداخل النفوس المريضه فترفع صوتا بسؤالا لايفرح الا الشيطان الذي يظهر لك أنه لم ينفعك علاجا ولا دواء وقد يتمادى بكفره وغيه في وقت ضعفك وينكر عليك بقية باقيه من ايمان في نفسك اين ربك اين نصره تخلا عنك .. وكلها امورا يكابده الكثير من المرضى يعرفونها فاصبروا واعلموا انكم ستستمعون من الذين كفورا واهل الكتاب اذى كثيرا خذ بمجامع نفسك وعاهدها ان هذا طريقك الى الله شفيت او لم تشفى وذكرها بحزم وقوه حتى لو شفيت فلن تترك طريقا اذاقها الله فيه من لطفه ورحمته ومعرفته وقربه وصدق التضرع له وتعلمها لجميل التوكل عليه وحسن الظن به فلا تفرح الشيطان في حين ضعف وأجعل مثل هذا الكلام مسطرا بداخل قلبك .. وثق أن العلاج بالقران خيرا لك ولو لم تشفى وتنال المطلوب وثق ان تأخر الشفاء و اتى _ بعد حين _ كان بحجم المعاناة وطولها بحجم الوجع والصبر ودموع عانقت سجداتك الباكيه في جنح الظلام وبحجم انين في صدرك وبحجم كتم يختلج حنايا نفسك ثق انها لو فرجت حينها ستكون بطعم لايعرفه غيرك او من شاطرك مرضك وضيقك وتعبك .. فربك كريم رحيم منك قريب ... فكن على مايحب رب العالمين حتى يقضي الله في امرك بلغنا الله واياكم رمضان ووفقنا واياكم لكل خير سبحانك اللهم وبحمدك اشهد ان لا اله الا انت استغفرك واتوب اليك منقول |
بارك الله فيك اخي المشتاق الى الجنة انا دايخ شوية دابا و خا هكداك قريت هادشي و عجبني
الله يسمح ليا او صافي و دعي مع خوك راه ما عندي حد اخويا غير الله او نتوما لا اله الا الله |
الله يشافيك اخويا ويعافيك
واش ميمكنش تقولها لمالين داركووم |
لا يا اخي لا مابغيتش يردو بالهم معايا غادي يتسحابوني هبيل اولا شي حاجة لا لا لا ما نقدرش
|
السلام عليكم
فينكم اخوتي،خويا المشتاق الى الجنة،اختي وردة فــــــــــيــنـكـــــم؟؟ توحشتكم فين كا تغبرو |
مساء الخير اخي الطائر
انا موجودة ولكن راك عارف المهم يا ربي تكون انت بخير يا رب |
ليوم غير شوية لي بيخير اختي وردة لبارح راني كنت غادي نتاحر هههههه
او نتي لباس عليك اختي؟ |
ما كاين حد؟
كاين غير انا ههههه لا اله الا الله |
افين اخونا الطائر
|
ها انا اخويا المشتاق الى الجنة غير بوحدي هههههههههه
لباس عليك اخويا |
الحمد لله و انت لاباس ناري شداني الخلعة نهار السبت عندي soutenance dyal stage
دعي معانا |
انا ليوم بخير شوية الحمد لله على كل حال
و الله يعونك و يوفقك اخويا انا راني وليت كاندعي معاك ديما نتا و ختي وردة :) |
اخ مشتاق
ممكن تعطيني الرقيه الي كنت تستخدمها بعلاجك وشكرا |
لهلا يخطيك اخويا الطائر
خويا رحمتك هاك الرابط فيه شنو كنت ندير http://nafsany.cc/vb/showthread.php?t=69493 |
اقتباس:
شكرا اخوي اسفه على التطفل بالموضوع لاني مو مغربيه بس حبيت اخذ الرقيه الي كنت تستخدمها وحسيتها صعبه علي شوي يعني عادي لو اترك اشياء منه مثل السدر و المسك والزيت ؟ يعني اكتفي بالقراءه على نفسي وبس |
الله ينجيك خويا الطائر من الانتحار
يا ربي سمحلينا مقصرين معاك بزااف |
عندك الحق مقصرين معيا بزااااف هههههههه
غير كانضحك راه عندكم مشاكلكم حتى نتوما الله يعونكم ويسهل عليكم ما صعاب |
الله يخليك اخي الطائر
كيف بقيتي عاودليا |
دابا الحمد لله شوية اختي
ولاكن ولبارح كنت فواحد الحالة خايبة بزااااااااااااف حسيت باختلال الانية بزااااف او تخلعت او مبقى تايبان ليا غير نتاحر و الله او تفكرت حياتي كلها تفكرت كل الذكرايات الخايبة كنت غادي نتاحر فعلا المهم ما حسيتش براسي حتى دخلت هنا او بقيت كانكتب باش كانحس او بقا خويا المشتاق الى الجنة كاينصح فيا حتى تهدنت شوية اييييييييييه الحمد لله على كل حال او صافي او نتي اختي اش كاتعاودي؟ |
اقتباس:
العفووو اختي الموضوع موضوعك المهم سوي اللي تقدري عليه مو مشكلة و بالشفاء ان شاء الله |
الى باقي سمعتك و لا سمعت الاخت وردة قالت باغي نتحار و لا نموت مباقيش تهدروووني و لا نهدركم
فكرو معايا الى انتحرتي و لا متي درتو بعدا باش تقابلو مع الله راه الانتحار ديريكت جهنم و العياذ بالله اللهم صبر ديال المرض و العذاب و لا عذاب جهنم اوى فكرو فيهاا والى بيتو تشوفو غير ذرة من العذاب شعلا بوطه و خلي يديك فوق العافية و ردو عليهااا |
انا حالتي صعيبة شوي
ولكن حاول تفكر فشي حاجة زوينة ولا شي حاجة ضحكاتك ما تفكرش فالانتحار وفاش تحس بالاختناق توضى وصلي وبدا تسبح او قرا القران بلا ما تبقا تعدب راسك |
خويا المشتاق الى الجنة راه الله وحدو لي حاس بيا فدبك اللحضة و لاكن اش غادي نقول ليك راه داز عليك كثر مني و صبرتي هههههههه لا اله الا الله او صافي
راه الانسان فوقت الشدة ماكيبقاش يحس الحاصول الله يصبرني او صافي |
و لا اله الا الله اختي و ردة
|
انا فاهماك يا اخي ومقدرة الي كتحس بيه انا كنمر بكتر من داكشي الي كتحس بيه
ووكنت نفكر فالانتحار ولكن باش هينفعني يعني وخاك نقولها ما نقدرش نطبقها لانها صعيبة بزاف وربي دائما يحميني منو انا الي بقا فيا بزاااف هو انني ماقدرتش نصبر على الابتلاء انا دبا كنحس بدوخة خرجت كنت فدار ما بقيتش كنحس حتى بنقطة من تمتع بالحياة دائما وكنوهم الي معايا وكنضحك فوجهو حتى يقول انني بخير وما كنقدرش ندير شغل ديال دار ندير غير شوي نبغي نمووووت حتى لدرجة ان ماما ولات كتخاف عليا بزاف ولا كولشي كيحس بان فيا حاجة ماشي عادية ما نقدرش ناكل ما كنعسش وكنعيا فيساع وكنفكر ندير تحاليل ولكن علاش هنديرهوم والمرض نفسي وعارفاه نفسي وضعافيت بزاااااااااف والله حالتي ما كتعجبش وموحال واش هنقدر نطول |
ما كرهتش كون كنتو قراب ليا ههههههههه نبقى ندوي معاكم و نعاود ليكم قلبي عامر هههههههههه
|
تكلم اخي كيفما بغيتي وقول الي عندك
انا نواعدك بانه كلما كنت مستاطعة انني نقرا كل ماكتبتي ونرد عليك كل ما استطعت |
ياااااااااااااااااااااااااااارب
لا اله الا الله غادي نبقى نخمم فيك اختي و ردة و الله خلعتيني اختي ماعرفتش واش نصبر راسي او لا نصبرك الى جيت نصحك غادي تقولي فخاطرك هذا ما نصح حتى راسو صبري اختي صبري او صافي |
سمحلي تقلت عليك بزااف ابدا بدا ما نقولها تكلم وقول ليا الي بغيتي
يمكن انت الي هتقولها عليا ولكن والله يا اخي انا بزااف عليا هتشي وما نقولكش على اختلال الانية ما كنحسش براضي كنحس براصي بحال الى ميتة والجسد بوحدو الي كيتحرك الى قدر الله او شفتيني هتقدر تحس بشي حاجة ماشي طبيعية فيا انا براصي كنتسال علاش انا هكدا ما عنديش شي مشاكل كبيرة الي هتدرلي بحال هكدا ما عرفتش هدا يمكن قدر الله |
الله يشافيك اختي بااااااااارب انا راني كاندعي معاك فصلاة نتي او خويا المشتاق الى الجنة الله يشافيكم يااااااااااارب
|
امـــــــــين سمحلي تقلت عليك
|
انا كانشوف اننا خاصنا نفكرو مزيان و نعالجو ريوسنا بريوسنا
انا شحال هادي كان عزيز عليا الطب النفسي او كنت كانقرا لكتوبة ديال البرمجة اللغوية العصبية كنت كانتسحاب راسي بعيد كل البعد على الامراض النفسية المهم هادشي لي طرا ليا مؤخرا و هادشي لي طرا ليا ولبراح خلاني نمشي نقرا بعض الكتوبة و نرجع لعقل لراسي ههههههههه المهم انا كانشوف اننا قادرين ندبرو شي حاجة لريوسنا باش نبراو بيني و بينكم اشنو هو السبب الرئيسي لي كايخلي كل هاد الاِضطرابات الوسواس القهري و اختلال الانية و نوبات الهلع تكبر؟؟؟ الـــــــــخوف الخوف عندنا مبالغ فيه بزاااف مانقدروش زعما نلغيو الخوف من حياتنا؟ بمعنى اشنو باقي غادي يطرا لينا كثر من هادشي.؟؟؟ الموت؟ الجنون؟ او من بعد؟ اش غادي يوقع؟ الى متنا داكشي لي بغينا موتا من عند الله ههههههههه الى هبلنا ماغاديش نحسو بريوسنا هبال ؟ كيفاش ببساطة لو كان المجنون يعرف ما يفعل لما كان مجنون لو كان المجنون يخاف على نفسه من الجنون لما كان مجنون ههههههههههه الخــــــــــــــــــــوف خاصنا نمحييييييييييوه من حياتنا خاصنا نعاودو نرتبو افكارنا شوف تبارك الله عارف هادشي كلو او وقع ليا هادشي هههههههههههه ببساطة لاني تركت الخوف يتحكم فيا ماشي انا لي تحكمت فيه و ياربي نبقى هكذا ههههههههههههه عنداك غير ندخل غدا كانبكي عليكم هههههههه |
راه خويا الطائر كولنا غي صابرين و متحتسبين انا راه فاش عقلت راسي و انا كنعاني
فاش كنت صغير كانت ديما كدرني كرشي ديما الوجع ديماا عيان حتى وصلت الاعدادية واحد نهار كنت ناعس فقت لقيت يدي و كل جسمي عامر حبوب غي كنحك داكشي كيتزااد و تخلعت دخلت عليهوم البيت تخلعوو وجهي ولا بحال شئ وحش تغيرت الملامح و الحبوب كيخلعووو ديك ساعة مشيت عند فقيه مكنتش عارف واش حرام و دارليا شئ حجابات وليت شوية بفضل الله حتى داز عام كنت مسافر للبلاد واحد ليلة كنت كندوش في الدوش غي خرجت بدات خالتي كتحنزز و قوسو عليا و حكيت جسمي و خرجو فيا الحبوب ثاني ديك الليلة جاتني اول نوبة هلع و تقلبت حياتي الى جحيم ولله الحمد على كل حال جاني خوف اختناق و وجع رهيب و كنعرق و كنت خايف بغيت غي نرجع لدرانا و مقدرت لحقاش كنت صغير بقيت تما اسبوع و قالت ليا خالتي متقوليهوم والو وصبرت حتى رجعت و بدات المعاناة رجع ليا الوجع و الوساوس مكنتش كنعس بالليل بتاتا كنت كنخاف الضوء جيما مشعول كنت كنشوف اقزام صغااار وانا ناعس و كان كيجيني الخوف و بدات الوساوس و الاكتئاب دوزت قالو ليا معندك والو و بدات العائلة كتقول ليا انت غي موسوس و صافي مفيك والوووووووو ديما ساهي و مكنتش كنخرج من الدار غي نخرج للعتبة كيجيني الخوف و ريقي كينشف و كنجي بالجرى للدار عانيت بزاف دخلت للعام الدراسي الثامنة و نسيت كلشي حتى الباك ثاني واحد نهار ثاني حسيت بحرارة و وساوس مقدرتش نتحكم فيها ابدا جيت للدار بالجرى نعست قلت ياك مالسخانة بريت لكن الوساوس مبقيتش نتحكم فيها و جاني الخوف ثاني والوساوس و الاكتئاب و كان كيجيني الاختلال مرة مرة و جاتني الدوخة و كنت كنقول يمكن الشوف و المغص دائما و كنت كنتغيب ديماا دوزت شحال من مرة قالو ليا مافيك والوووووووووووووووووووووووو راسي كان كيدرني بزااف و مبقيتش حامل القراية بتاتا وكنت كنفكر نخرج بدات المعاناة و العائلة تتهمني و كيدورو فيا و ديما انا ساكت مكنضحكش بتاتااااااااااااااااااا كنجي من المدرسة و كنعس لاغيرر كرهت كل شئ الدراسة و حياتي دوزت الباك و من بعد في العطلة بريت من كلشئ حتى السنة الثانية في المدرسة لي كنقرا فيها عاد بديت ثاني كنطيح كيدرني جسمي كلوو و الراس و رجعات ليا الوساوس ثاني و الخوف في ديك السنة التزمت و بديت كنصلي و بعدت على البنات مبقيتش نسلم عليهوم مبقيتش كنتفرج في الاغاني و التلفزة بزاف لحقاش كنت مبلي بستار اكاديمي و اوبرا و الاغاني من بعد هدشي بريت و تعداو عليا مالين دار فاش التزمت و ربيت اللحية بداو كيسبو فيا و يضحكو عليا وانا كنت كنتعصب بزااف و كنطيح في الارض نغوت كانو ديما كيخرجو و يدورو و يخليوني في الدار كنت كنبكي بوحدي و نغوت حتى ننعس في السنتين اللي فاتووو مات الوالد نهار عيد الفطر ماشي هذا اللي فات الاخر بديت كنغوت و نصرخ ديك ساعة حسيت شيحاجة دخلت جسمي وجاني الاختلال بعد اسبوع مات الاب الجمعة و ولدات اختي نهار الاثنين حضرت السبوع و فاش رجعت واحد الليلة جاني وجع ثاني مقديتش نتحرك بسبابو و بديت ثاني كنحلم بالجنون كيجريو عليا و كيتعداو عليا جنسيا و بديت كنخاف و جاني الاختلال و الرعشة و الخفة في الجسم و الراس ديما دارني و بديت كنشوف خيالات و نسمع اصوات شهرين وانا في حلم الاختلال حتى دخلت هنا و اكتشفت المرض و تبعت الرقية فاش تبعتهاا بديت كنشوف مشاش بصاح وانا ناعس في البيت ديالي بديت كنتخلع و كنشوف الجنون مرة مرة و كنتقج بالليل و شحال من حاجة كنت كنعيا بزااف و كنصلي وانامليوح في الارض و مالين دار دوزوا ليا و والوووووووووووووووو رغم كل هدشي كنت دائما متفوق في الدراسة ديالي ديما من الاوائل و ديما محترم و الناس كتحبني جيت الاول في الباك رغم اني اتغيب دائما واللي شافني دابا يقول هنا نبات الناس كتحسدني بزاف لاني قراي ولله الحمد و كنقرا دابا في احسن المدراس في منطقتي ملتزم و عارف على الدين زوين و خلوق وحبوب و ديما ضحوووكي لكن هدشي لي داز عليا اثر على نفسيتي ببزااف مبقيتش واثق من راسي و ديما كنتفكرو مقديتش ننسى هدشي و ننسى معاملة العائلة ديالي لحد الان ديما صداع و مشاكل هذه هي المعاناة ديالي في كلمات اخويا الطائر واختي وردة هدشي اللي تذكرت و شحال من حاجة متذكرتهاش |
لا اله الا الله
و الله يا اخي المشتاق الى الجنة ماعندي ما نسالك و الله و الله تبارك الله عليك مني صبرتي برافو عليك و الله اشنو باقي غادي يوقع كثر من هادشي صافي نتا دابا لي خاصك تخلع الخوف هههههههه القصة ديالك غادي تخليني نستافد بزاااااف |
و الله ما كرهت نعنقك يا اخي حاس بيك بزاااااف
حتى انا فاش كنت صغير تعرضت لبعض الاشياء او داز عليا شي حوايج خايبين اوكن في اغلب الطفولة ديالي تحت ضغط رهيب من كل الجهات و لاكن على كل حال كاتبقى القصة ديالك صعيبة و في نفس الوقت خاصك تحس بالفخر و الله انك فعلا رجــــــل ديال بصح تبارك الله عليك يا اخي |
ربي يخليك اخويا الطائر هدشي غي لعقلت عليه
الى عقلت البقية راه نجي نكتبها هنا حوايج كثار بزااااااف و بزاف خصوصا مؤخرا لكن ربي لطف و فرجها عليا الحمد لله على كل حال واخا كنمرض ماشي بحال الاول دابا كنصبر و نقدر نسيطر على الووضع محدك انت في بداية المرض ديالك دير جميع الاسباب دير الرقية شرب العسل مرقي الحجامة داكشي ديال الاعشاب لحقاش الدواء النفسي غي مهدئ اخويا ماشي شيحاجة |
بارك الله فيك اخي المشتاق الى الجنة
انا مشكلتي الحقيقية هي الخوف انا من نهار عقلت على راسي و انا كانخاف من الامراض بصفة عامة و لاكن لي فجر هادشي لي فيا دابا هو اول نوبة هلع تعرضت ليه هادي شي 6 شهر دابا هي لي خلاتني نزيد نتوسوس او نخاف خاصني نعاون راسي نفسيا الى بغيت نبرا المهم الله عز وجل كبير او هاد القصة ديالك غادي تعطيني دفعة الى الامام بارك الله فيك اخي او انا غادي نمشي نعس دابا تصبح على خير اخي الكريم |
و انت من اهل الخير متنساش اذكار النووووووم
|
الطائر الحر
اختي الوردة المغربية تهلاو في ريوسكوم و خليكوم الى جانب الله عز وجل و غتبراو غنبقا ندعي معاكم ان شاء الله متنساونيش |
السلام عليكم
فين غادي يا اخي المشتاق الى الجنة؟؟ |
| الساعة الآن 03:35 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا