عليكم السلام ورحمة الله وبركاته

شهد عشان ترتاحين سوي فحص شامل بالمستوصف وفحص للانتفاخ عند الطبيب والله يطمن قلبك

المشكله ان فيه امراض كثيره تشابه اعراضها اعراض الهلع
لكن ماندري هل اللي صاير معنا نوبات هلع او مرض معين او نقص فيتامين معين يسبب نفس الاعراض
حتى لما تروح لطبيب نفسي المفروض يكون هناك اختبار يبين اذا الواحد عنده اعراض هلع او اللي معه يمكن توتر او نقص فيتامين او او او .... الخ

هلا اخوي منصور القحطاني

الهلع والهرع هواحد اضطرابات القلق ويظهر الهلع علي شكل نوبات من الأعراض الجسمية المفاجئة، المصحوبة بالخوف الشديد من الموت أو فقدان الوعي أو العقل

انا كان معاي نقص شديد فيتامين دال كنت اخذ عنه ابر بعدين حبوب كل شهر مره

انت روح من نفسك للمستوصف واطلب تحليل شامل ومعاه تحليل فيتامين دال او منظار او سونار عشان ترتاح

انا جتني نوبة واحدة قبل شهرين وكانت اول نوبة لي ووقتها ما كنت اعرف ولا كان عندي خلفية بشي اسمه نوبة هلع
توقعت ان سكري منخفض خصوصا اني مريض بالسكر لكن لما كتبت الاعراض كلها بقوقل طلعت مشابهه لنوبات الهلع وقعدت اتعمق وليتني ماتعمقت سمعت انها ماتروح واذا اخذت علاج تروح وان تركته رجعت لك فصرت اشيل هم كثير وصرت ماعاد احب اطلع مع احد خوفاً من انها ممكن تصيرلي في اي وقت وباي مكان ... وصار معي توتر شديد لدرجة اوقات احس اني ما اقدر اتحمل المشي وراجعت دكتور نفسي قال معاك قلق متوسط وعطاني علاجين ولي يومين من مراجعتي له ... انا لو فيه تحليل اقدر اسويه ويقولون لي تطمن انت مافيك نوبات هلع لو هالشي يصير واطمن داخلياً والله ان حياتي ترجع مثل اول واحسسسسسن بكثير لكن المشكله مافية 😞

زين وقت النوبه كان السكر منخفض او عادي

لاتخاف نوبات الهلع قلق وتوتر مع العلاج ان شاء الله تطيب لاتوسوس

والله ما ادري بس ما اتوقع كان منخفض لاني كنت ماكل زين

انا مشكلتي الى الان ما ادري اذا انا مصاب بتكرار نوبات الهلع ولا نوبة هلع وحدة وخلاص
لاني سمعت ان الانسان ممكن تمر عليه نوبة هلع وحدة وخلاص ماعاد تجيه

بس الوساس انا لعب فيني وماخلاني اطلع من البيت مثل اول
خصوصاً ان اكبر مشكله فيها انها تجي بوقت وبمكان ماتدري عنه

انت تقول جتك نبضات القلب سريعه ورجفه زين يمكن من السكر ماله علاقه بالهلع

يمكن انت قلق عشان السكر ينخفض معاك وتحسبها نوبة هلع عشانك قريت عنه بقوقل لاتوسوس

وكل يوم أقرأ اذكارك الصباح والمساء وسورة البقره استمر عليها تراها تحصين لك بإذن الله

وان شاء الله ماعاد تجيك هي مره عشانك قريت عن الهلع وتحسبه فيك مافيك الا العافيه

واذا مازال معاك القلق والتوتر راجع الدكتور النفسي واستمر علي الدواء والله يشفيك

اليوم بدأت معي نوبة الهلع ولكن لم ادع لها اي مجال حتى انها تتمكن مني بشكل كلي وادخل الى حالة الهلع الكلي،، اظن ان الهلع يعتمد على الجانب الوسواسي اكثر من الجانب البيولوجي الا اذا كان هنالك خلل بيولوجي فيصحح بالادوية ، لكن هنالك مشكلة بدأت اعاني منها هالفترة وهي الخوف اثناء النوم كالخوف من الاشباح او وجود اشباح بغرفتي واستيقض وانا مرعوب رغم ان هالمشكلة انتهت معي منذ زمن طويل منذ الطفولة

ان شاء الله ... الله يسمع منگ
والله اكتشفت ان المرض العضوي اهون بكثير من المرض النفسي الله يبعدنا ويشفينا

ممكن يكون القلق كمكون اساسي اعادي لي معظم مخاوفي السابقة

صحيح ملامح شفاء اكثره وسواس

حاول تسمع القرآن اثناء النوم عشان ماتفكر الله يشفيك

فعلا اذا قريت عن الاعراض ستبدأ تشعر بأن الاعراض موجودة فيك فعلا رغم محاولة انكارك لذلك لكن استجابة جسمك وعقلك يفرض عليك وجود خطر محدق ،، افضل نصيحة انك تترك القراءة في الاعراض بكل اشكالها وحتى التفكير فيها ،، او جرب الايحاء وحاول تستأصل المكون الاساسي لهذي الوساوس

كلامك جميل بس مافهمت اخر نقطة
كيف اجرب الايحاء واحاول استئصل المكون الاساسي لهذي الوساوس ؟

انا سبب الهلع اللي عندي دوران لمدة ثواني واكثر شيء لما اثني رجلي
بعدها اظل خايفه ومرعوبه

غريب وش علاقة الدوران و ثني الرجل بالهلع ؟؟؟