|
ابغى اسالكم عن اشياء تكفون سعدوني الله يفرج همكم دنيا واخره`111`1`
|
اللهم امين يارب تفضل اخوي الموضوع مفتوح لك وامر بـ اي شي حيااك .. |
مراحب اخوي غالي بس كنت ابي اسالكم كم المده الي تصبح فيها الحلات مرض وبعد كم المفروض اخذ ادويه لاني رحت اخصائيه نفسيه قالت لي انوه ممكن تتعالجين سلوكي وانا بصراحه خايفه من الحبوب بس بدايه النوبات كانت تجيني بفترات متباعده بس هالوقت اصبحت شبه يوميه وكل شي ياثر فيني واوقات من غير مؤثر اصحى من النوم مفزوعه
|
انتظرت كثير فيه احد بيجواب ولا اطلع
|
صراحه اهنئك على هذا الموضوع اللي بيرفع المعنويات عند الشباب
وانا قصي كالتالي : يوم من الايام ... واذكر انه يوم اختبار القدرات ... صحيت من النوم , وفجأة احس اني مب طبيعي ... احس اني احلم ... راسي تثقييل ... وما اقدر افكر ولا اتذكر شي !! قلت عادي يا رجال تعب من قلة النوم ... ورجعت من الاختبار اللي كان يوم الثلاثاء... وكملت حياتي طبيعية الى يوم السبت ... يوم السبت رحت داومت في المدرسة ... وشوي احس انه بيغمى علي !! قمت مسكت في زميلي اللي جنبي ... وقلت له ... احس اني دايخ !! قلي يمكن تعبان من قلة النوم !! المهم وكملت الدرس ... وحالتي تزداد سوء ... وشوي وبدأ الخوف في داخلي يظهر ... المهم استأذنت من المدرسة ... وبدال ما اروح البيت , رحت لـ المستشفى ... وحالتي تزداد سوء ... وقاعد اقول لـ راعي الليموزين ... انا يموت خلاص ... ادعيلي بالمغفرة , والرجال ما قصر قاعد يطبطب علي ويقول مافيك الا كل خير ان شا الله المهم دخلت المستشفى ... ومني عارف اقول ايش لـ الدكتور... اقله عندي اختلال انية ... ولا نوبات هلع ... ولا ايش بالضبط... وانا اساساً ما اعرف ايش فيني المهم وبعد معاناة في قسم الطوارئ عشان حضرة الدكتور يكشف علي ...حولني لـ العيادات الخارجيه ... وقلي عند التهاب في الصدر ... ويمكن عند نقص في الحديد او او او ... المهم اناارتحت شوي ورجعت البيت فرحان ... وسحبتها نومة ... المهم قمت بالليل ... وآآآه يا اني اتعذبت :( الحمد لله على كل حال قمت من النوم وانا خايف ومني عارف اتصرف !! اقول انا ايش فيني ... لو كان هذا مرض كان بان ... او او او المهم قلت لـ الوالده ... وياليتني ما قلت لها ~~ سارت تفكر فيني ليل نهار ... وانا الحين سرت خايف عليها -_- وبديت اوسوس ... واتصلت على الشيوخ ... وجلست افرفر في الانترنت ومني عارف ايش اسوي الخوف بيقتلني ... وسبحان الله الكريم ... لقيت هذا المنتدى الذي كان له الفضل بعد الله في تقوية عزيمتي ومعرفة ما بي من عله وبعد ما قريت مواضيع الاخوان ... عرفت وش فيني بالضبط ...!! وتوتة توتة وخلصت الحتوتة ... واعذروني على الاطالة ... بس احب اطقطق على الكي بورد كثير <<< فايق ورايق واسأل الله لنا ولكم الشفاء العاجل بأذنه تعالى |
شفاك الله وعفاك وجميع مرضى المسلمين وجعل ماأصابنا تكفير لذنوبنا ومرفعه لمنزلتنا بالدنيا والاخره وصلى الله على سيدنا محمد والحمدالله رب العالين
|
ابي االاميل الخاص لقروب نوبات الهلع
|
اقتباس:
اهلين فيك سوري على التاخير اي اختي تاثر فيك قولي ليه لانك اغلب الوقت تكوني تفكري فيها وشاغله نفسك فيها ودايم تفكري في نفسك المفروض لا تمارسي رياضه تعيشي حياتك بطبيعه يعني لا تخليها شغلك الشاغل حتى لو جات في بالك حاولي تشتتي الفكر . وحمد لله دام قالت لك انتي ما يحتاج لك إلآ سلوكي يعني حالتك باذذن الله بسيطه ولا راح تتعبي كل يوم اقري قران لو صفحة من الكتاب الكريم واذكار الصباح والمساء وحافضي على الرياضه لانها تفيد في طرد القلق والله يوفقك اختي |
اقتباس:
القروب الي كنا مسوينه لحالات الهلع تسكر من امر من الاداره ونحنا تحت خدمتك في المنتدى وحياك اي وقت |
اقتباس:
اهلين فيك اخوي منور وحياك بيننا اي والله شي صعب يكون فيك شي ولا انت عارف وش هو يعني ليتك تعرف وترتاح لكن يبدا الوسواس يلعب في مخك انا فيني مرض لا عين لا حسد الخ .. وتجلس طول الوقت في الحياه كانك ميت انا اذكر في موقف صار لي من جد جنني اول ما بدت معي نوبات الهلع كنت في قاعة الاختبار وتخيل اختبر المهم ووقت ما انا اختبر جاني احساس يقول راح تنام الليله في القبر عاد انت دورني ما تحصلني ابي اطلع من القاعه صرت احل بـ سرعه شي كان مره فضيع بس حمد لله ما خبصت في الماده اللحين كل ما افتكر زمان اول ومن المواقف الي صارت فيني مع نوبات الهلع في منها الاشياء المضحكه بس حمد لله اللحين النوبات اختفت تماما بس باقي شوي خليط من القلق والخوف بس الواحد يقدر يمارس حياته الطبيعيه والحمد لله وطمننا عليك اول بـ اول ولا تقطع علينا جعل ربي يحميك ويحفظك لعين ترتجيـك يارب |
مشكله المنتدى الرد يكون بفتره بعيده واحنا نحتاج التوجيه بشكل سريع طبعا المنتدى راح يكون مكان للتفريغ بس الي يبي حل سريع صعبه عليه التواصل بالمنتدى وشكرا لكم
|
سؤال متى تشعرون ببرودة الاطراف .. ؟
وبس الاطراف الي تحسون فيها بروده ..؟ لو في اعضاء ثانيه .. |
انا بالنسبه لي او قات جسمي كله يكون بارد جدا واحس برعشه اثناء النوبه
|
ممكن ايميلك اخ غالي
|
اقتباس:
ممنوع تبادل الايميلات حسب قوانين المنتدى نرجو الالتزام بذلك |
`111`1`طيب انا اسفه
|
اقتباس:
لا لا ماحصل شي بس قوانين المنتدى تمنع تبادل الايميلات وارقام الهواتف ونحن والادارة ملتزمون بتنفيذها عذراً يا اختي ؛؛؛ |
اقتباس:
اغلب برودة الاطراف تجي للواحد لو كان قلقان او يشعر بخوف |
اقتباس:
واذا على ذكر الاختبار ... اليوم اختبرت الاختبار التحصيلي... وانا في القاعة مني عارف وش اسوي ... كيف اصرف تفكيري عن الموت ... وشوف عاد الوسواس كيف يشتغل معاك :( الا على ذكر الوسواس :( لمن قريت كلمة .. بتنام اليوم في القبر... بدأ يشتغل معي :) حسيت انك توجه الكلام لي <<< والله حالة ولا تنساني وجميع المسلمين من صالح دعائك وبارك الله فيك 00``00` |
اخوااانييي اخوااتي كيفكم ان شاء الله بصحه وسلامه
..<<والله انا احس اني اتحدى الكل بالنوبات احس نوبتي شيخه مرااا ماحد قدهااا الا تبي تتحدى وتطلع اقوى آهي آهي والله اني تعببببت يا اخوااااني كل يوم تجيني النوباات بشكل غيرر واقول لا ذي مو نوبه مثل امس ذي غير واكييد بموت اقول احس ان اجلي قرب واتعب والله الله يطول اعمارناا بطاعته سبحاانه افكارر والله تنسييني الفرح وعايشه الموقف مزبوط ان انا ماراح اسكن مع اهلي في بيتنا وماراااح انبسط معاااهم ومدري شنوووووو يبون يطلعون يصيفوون وانا اقول لا بموت ياااارب رحمتك وغير الالم اللي بالجسم كل يووووم بشكللللل مرا انفي مرا اذني ومرا راسي وقلبي وكل يوم يجي احساس والم غيررر والله تعبت كل ما ابي اتغلبها اقول اليوم ليييه غير وليه احساسي غييييرر تكفون ردو علي وانصحوني وهل في احد مثلي |
اقتباس:
هههههههههههههههههههههههههههههههههه لا تشيل هم يا بطل انت قدها وقدود ، يا بطططل ترى كلها خرابيط وساويس ان شاء الله فتررره وتعدي وتجلس تضحك على كل شي صار لك مثلي حمد لله وطمنا عليك اول ب اول يا عسل ربي يحميـك |
اقتباس:
اهلين فيك اختي حياك بين اخوانك على فكره لو نوبتك شيخه ترى نوباتنا كانت اساطير هههههههههه اللحين الي تمري فيه عادي جدا لا فرح لا سعاده لو واحد جاب لك اغلى شي تتمنينه اول ما راح تحسي له طعم تقول وخر ياشيخ انا بموت وانت جايب لي هديه لو مثلا نقول انك غنيه وعندك فلوس وجاك واحد قال يا فلانه نبي نسوي مشروع تبي تقولي ياشيخ اطلع من راسي انا بموت .. ترى شي طبيعي والله وغير كذا الالم الي بجسمك ترى كله هبااااااء كله وساويس انا مره اكلت اكل دسم وجاتني مثل الوغزات بصدري وشي طبيعي والكل يعرف انه من الغازات انا قلت لا قلبي تعبان واليوم مابكمله بموت ومر اليوم وانا على اعصابي يوم طلع الصباح جالس اضحك ، يعني هي كلها مسائل سهله جدا بس وش يبي لناا تمارين الاسترخاءء وياطويلة العمر اقري لك قران والمحافظه على الصلااه ، راح تشوفي انك تغيرتي حيل وبديتي تعيشي الحياه مثل اول ، والله يوفقك وطمنينا عليك |
السلام عليكم ورحمةة الله وبركاته شلون اخواني واخواتي عساهم بخير ^،* |
الحمدالله على كل حال انتا كيفك بشرنا عنك نوبات الهلع الي تجيك تشافيت منها ولاتزورك مرات اذا تشافيت الله يتمم عليك الصحه والعافيه واذا تجيك مرات اسال الله العظيم بمنه وقدرته ان يشفيك ويشفيني ويشفي جميع المسلمين
|
السلآم عليكم ورحمه الله وبركاته
أمممم قصتي كنت بآمان الله جالسه ومافيني شي و جا وقت النوم حطيت راسي بنام غمضت عيوني الا بحس بقلبي خفقانه سريع وكانه في اي لحظه بيوقف , قعدت اتنفس مني قادره جا على بالي على طول الموت واساسا اول ماقمت وانفجعت اختي صحيت معي و كنت ابغى اطلع من الغرفه وكانت تهديني وتقولي انسدحي بترتاحين وانا مش راضيه بالمره احط راسي , حطت ايدها على قلبي فكانت مره سريعه , وكنت اقولها نادوا اخواني ابغى اشوفهم قبل لاأموت نادي ماما , وهي تقول : حطي راسك وبترتاحين وبناديهم , بعدين امي جت وقعدت تقرا علي قران , بعدين قلت لها تصحي اخويه من النوم ابغى اروح المشفى , قام اخويه ورحت المشفى وطلع عندي بس تسارع في دقات قلبي و مافيني اي شي , روحت للبيت وا فكرة الموت مازالت براسي , وكنت اتشهد كل شوي , ولما زادت حالتي وكنت خلاص بتجنن من الاعراض اللي تجيني , طبعاَ الاعراض : تنميل باللاطراف حراره بالجسم كله حتى وجهي وانفي وحلقي وبعيوني اختناق بحلقي واحس انو شي ماسكني فيه خفقان سريع واحيانا بطئ صدآآع حتى ينزل على عيوني واحس بعيوني بتطلع من مكانها الم اسفل الظهر و من ناحيه القلب الم بالرقبه والاكتاف وعصبيه على طول وخزات و نار باطرفي اعوذ بالله تقريبا هذي اللي جتني بنت خالتي كانت تقولي انتي عندك نوبات هلع , مااكنت عارفه وش يعني ولا وش اعراضه ؟ لان فكرة الموت استحلت راسي كله الموهم بعدين رحت لشيخ قال عندك حسد بس حسد خفيف يعني مو قوي أعطاني زيت مقري و مويه زمزم مقري وقال لي استخدميها لمدة شهر , وكنت وقتها لو جاني صداع قلت اكيد معي ورم بالدماغ , ودمي كنت احسه مايمشي بالعروق وعلى بالي فيني سرطان بالدم , بس رحت للدكتور وسويت تحليل دم طلع كويس الحمدلله ومافيني اي شي الحمدلله ودمي تمام وطبيعي . بعدين رجع لي نفس الاحسساس ونفس الاعراض قالوا نروح بك مكة , قلت طيب , رحت مكه وفي الطواف استغفر الله جاتني الاعراض واقولهم طلعوني من هنا مابغى اقعد وكنت خايفه خلاص اني بموت , اخوي مسكني وطفنا الحمدلله وبعدين مع السعي والصفا الحمدلله ارتحت اكثر الحمدلله , ورجعت من مكه , احس بااعراض خفيفيه لمدة اسبوع اسبوعين بعدين انفجر , كأن الاعراض والالم تتجمع و بعدين تنفجر فيني , امممممممم وللان مااني عارفه وش فيني اللي قال لي حسد واللي قال نوبات هلع واللي قال وسوسه وماني عارفه يمكن كلها فيني اعوذ بالله وللمعلوميه لي شهرين من يوم ماجتني الاعراض ولا رحت لدكتور نفساني وبس هذي قصتي وان شاء الله تفهمونها لاني كتبتها على عجل متحمسه فعلوا العضويه حقتي ,, وشكرا |
اقتباس:
دوم يارب الله لا يحرمك الصحة والعافيه ونشوفك في افضل حال يارب والله الحمد لله نوبات الهلع راحت تماما بس بعض الاحيان احس في قلق ويعدي اللهم امين على دعائك ويعطيك الف عافيه ولا تحرمينا من تواجدك |
اقتباس:
وعليكم السلام ورحمة الله وبركاته اهلين فيك اختي حنان نورتي المنتدى وحياك الله بين اخوانك اولا اختي الغاليه لا تاكلي هم ولا تقولي خلاص بموت لان الاعمار بيد الله كلنا مرينا في حالتك وحمد لله شوفينا بصحه وعافيه ويارب لك الحمد يعني لو رجعتي لكم صفحة للخلف كان تشوفي ناس كثير يشكون بنفس حالك ونفس اعراض نوبات الهلع ونفس كل شي خليني اذكر اعراض نوبات الهلع وشوفي انتي كم حاله معك وراح تتاكدي من هـ الشي باذن الله اعراض نوبات الهلع .. - ضيق في التنفس. - زيادة عدد دقات القلب بشكل آبير. - مشاعر ضيق وألم في منطقة الصدر. - الشعور بالاختناق. - الدوخة والدوار وعدم القدرة على المحافظة على التوازن. - وخز وألم خفيف وضعف مفاجئ في اليدين والساقين. - إفراز العرق بشكل سريع وآثيف. - الارتجاف والقشعريرة وربما الإغماء. - القيئ، والغثيان، والإسهال. - الشعور بقرب الإصابة بالجنون (فقدان العقل) أو حتى الموت. وتحدث أمراض نوبات الهلع والذعر الشديد عادة في فترة المراهقة أو السنين الأولى بعد البلوغ، هذي هي الاعراض الي لنوبات الهلع ابيك تطمني نفسك وانتي بخير وبسلامه بس ابي منك كذا شي تسويه لطريق الى العلاج اولاا تروحي لدكتور نفسي عشان يوصف لك العلاج وممكن يكون يبي لك جلسات وحالتك ما تحتاج علااج ثانيا : التمارين الرياضيه ترى لها فائده كبيره وانا مجررب هـ الشي ثالثا : قرائة القران والرقيه الشرعيه لها دور كبير جداا في العلاج ورابعا : طمنينا عليك واي سؤال تحت امرك سواء انا ولا اعضاء المنتدى |
الحمدالله اخي غالي انك موجود ودي اسالك انا ماستخدمت علاج ومابي استخدم جالس احاول بالسلوك بس هالايام صايره اكره اجلس مع الناس الي دايم يقلون قصص حزينه او اي شي سي حصل لااحد حتى لو ماعرفه اجلس طول اليوم متضايقه وخايفه هل هل هذا الشي طبيعي
|
اقتباس:
اهلين فيك اختي . يوووه عاد ذي مرينا فيه بشكل كبير يعني لو اسمع يحكون فلان مات كذا ومدري اجلس طول يومي موسوس شكله بيصير لي مثله واتجنب هـ الشي اما القصص الحزينه لو اسمع اي قصة حزينه بتاثر وبجلس كل يومي حزين وانا مالي صلاح في السالفه ههههههه بس كذا على قولهم مشاركة وجدانيه لا الي تمري فيه عادي جدا لا تقلقي وحتى لو سمعتي حاولي تطنشي ولا فكري في اي شي ثاني ولا شغلي نفسك بالقرايه يعني شتتي افكارك وانتي بطله وتقدري على ذا الشي عساك على القوه يارب وطمنينا عليك .. |
سبحان الله . الأعراض جدا متشابهة مع اختلافات بسيطة .. بس أنا هالأيام أحس بحركات لا ارادية كأنه نبضات بجسمي خاصة بالأرجل وتزيد وقت النوم ... وصرت أشك ان عندي مرض روحي والعياذ بالله .. بس أرجع وأقول ان هذا الشك يمكن يكون مجرد وسواس من كثر ما أنبش بقصص المهلوعين والمرضى بالأمراض الروحية...
"" اللهم إني أسألك نفسا مطمئنة .. تؤمن بلقائك .. وتقنع بعطائك .. وترضى بقضائك "" آآآآآآآآآآآآآآآمين |
يعطيك العافيه غالي
امممم وعلى الدكتور النفساني العائله رافضه اني اروح ,, يقولون بيجننك على جنانك !!! ههههههه و ان شاء الله بحاول فيهم و اقنعهم . وشكرا على النصائح ^^ |
اقتباس:
اهلين فيك اختي مرام الحياة .. نورتي الموضوع ابي اقول لك شي واحد يعني حاولي ما تدققي في اشياء تصير لك لان بعض الاحيان تصير لنا اشياء ويدخل لنا الوسواس وشي طبيعي والله والي معك شوفي كم قصة نزلت في هـ الموضوع وكل الناس مثلك وكلنا بخير وبصحه وعافيه يارب يعني لا تاكلي هم ولا تخافي من شي وان شاء الله ربي يشفيك واشوفك بـ اتم الصحه والعافيه يارب واي استفسار كلنا تحت امرك من المشرف حتى العضو وان شاء الله نشوفك بخير وسلامة يارب |
اقتباس:
الله يعافي قلبك يارب .. اما يزيدك جنان ع جنانك لا وين حرام عليك هههههههههههههههه لا ان شاء الله بيفيدك يعني لو انتي رجلك مجروحه ينفع تروحي لدكتور باطنه ولا اعصاب ؟ اكيد لا : يعني كل مرض وله دكتوره الخاص والي يفهم فيك وكلنا مرينا وانا من الناس الي رحت لدكتور اول ما اعرفت ان الي فيني مرض نفسي وحمد لله انا بخيرات يارب لك الحمد يلله ان شاء الله ربي يشفيك من عنده ولا تحتاجي لا علاج ولا شي يارب وطمنينا عليك .. |
رجعت لكم من جديد الله يصبركم علي بس كلامكم يرريح بعد الله الله يشفيني وشفيكم ويجعل ماااصابنا تكفير لذنوبنا ورفعه لمنازلتنا ويجمع لنا لاجر والعافيه انه سميع مجيب وصلى الله على سيدنا محمد سؤالي هو.. هل فيه علاقه بين نوبات الهلع وانقطاع التنفس اثناء النوم ؟ولاهذا امر ثاني عضوي ليس له علاقه بالنفسي؟ ا
|
أمممممم
طيب لما تروح الاعراض كلها ! انا وسوست ليه مافي الم وليه ماجتني الاعراض لين ماجت النوبه بقوووه وبشكل فظيع ! قد حسيتم بذا الشعور ! |
اقتباس:
اهلين فيك اختي حياك ونحنا اخوانك وفي اي وقت اكتبي ونرد عليك باذن الله طيب انتي اللحين مجننك انقطاع النفس وقت النوم اوكي وتبي ترتاحي منه ابيك بس يوم من الايام تروحي لدكتور زين وتقولي له انا انفاسي تنقطع وقت النوم وهو يبي يكشف عليك وكل شي بس لو ما طلع معك اي شي اعرفي ان ذا كله وساويس تجيك يا اختي وانتي روحي لدكتور عشان ترتاجي وحياك اي وقت |
اقتباس:
اهلين فيك اختي حنان نورتي المنتدى الي ابي اقوله كل اختي ان الواحد ما يحس بـ اشياء قبل النوبه مثلا انتي قبل تعرفي نوبات الهلع كنتي تراقبي نفسك او تتابعي نفسك ! اكيد لنا مثلك مثل اي شخص بس يوم تجيك نوبات الهلع تزرع فيك الخوف + الوسوسه يعني مثلا لو حسيتي الم في بطنك ما ترتاحي الين يروح الالم حتى لو كان طبيعي تبدي تركزي في نفسك اكثر واكثر بس حاولي تطنشي لو جاك شي مرره سوي نفسك مو مهتمه يعني لا تشغلي بالك فيها فوق الازم وان شاء الله تكوني بخيرر |
شكرالردك اخ غالي الله يجعله في موازين اعمالك يارب ولا يحرمك الاجر بس ابي اعرف المفروض اي دكتور ارجع عنده واذا تعرف احد شاطر قولي الله خليك
|
اقتباس:
اللهم امين وياك اختي الغاليه والله المفروض تروحي لدكتور صدريه بس عشان تطمني روحك وان شاء الله مافيك شي وطمنينا عليك |
السسسلآم عليكم
عسسسآكم بخير وبصحه وعافيه ,,, بسألكم ... لي حوالي خمسه أيآم والحمدلله مرتأحه , يالله لك الحمد بس باليوم السادس جأني كآبوس أعوذب الله كآن عن الموت !!! امممم تجيكم كوابيس كذ1 ؟ |
| الساعة الآن 01:03 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا