راك خلعتيني وتا فين غادي اصحبي؟؟؟

شفت واحد الموضوع بعنوان اريد اقاف عضويتي لا لا لا يا اخي ماتقولهاش


و الله حتى غادي يبقى فيا الحال

ولفتك اخويا

لا اله الا الله

باغي نغادر المنتدى اخويا الطائرر

واش صافي مابقيناش غادي نتواصلو يا اخي

المهم شكرا اخي بزااااف على كل حاجة درتيها معايا و الله يجازيك بيخير اخويا

اختي وردة فينك هادي مدة ما شفتكش ياربي تكوني بخير او على خير

الى دخلتي كتبي شي حاجة

علااااااااااااااش اخي ابو يوسف يا ربي خير ان شاء الله

يا رب يكون معاك ماعرفت شنو هو السبب الي خلاك ترحل على منتدانا العزيز

ولكن هده هي سنة الحياة انا هنبقا ندعي ليك


الطائر الحر انا معاك دائما كيف راك دبا يا رب تكون حسن وحسن

اما انا المرض نفسي اتر على الكبدة ديالي

انا ماعرفتش راسي واش حسن او لا لا الحمد لله على كل حال

المهم هو نتي اختي عاودي ليا اشنو واقع ليك،كيفاش اثر ليك هادشي على الكبدة اختي؟ واش مشيتي لطبيب؟؟

لا يا اخي ما مشيتش لطبيب

ولكن وليت صفراء بزاااف ولا لون ديالي شاحب والملامح ديالي ما تقدر تشوف فيا

والعيا بزااف بزاااااف ما كنقدر نتحرك حتى خطوة

يعني جاني بوصفير

ما كتقدرش تمشي بزاف وخاصك تبقا غير جالس

والدوخة وكتشدني الخلعة فيساع وحتى الى ماكان والو

والقلق والاكتئاب نمشي لاي بلاصا والو

وقالوليلي فيا بوصفير والكبدة ديالي تاترات بزاف بالحالة نفسية ديالي

ومن بعد خديت العلاج ديال بوصفير هو الكويان

ومن بعد وليت لاباس وتاخدت بان الكبدة هي الي وقع ليها هتشي

يعني بوصفير


والان انا الحمد الله بزاااف ما بقاش فيا العيا والدوخة بزااف

وخاك باقي القلق ةالاكتئاب الا الحمد الله

عاودلي انتا كيفاش ماعرفتيش واش لاباس ولا لا مافهمتش

انا بخير وليت مكتأب ههههههههه مابقيتش عارف راسي اش باغي نهائيا حاس براسي غير زايد فهاد الدنيا او صافي مابقيت حاس بوالو او مابقيت باغي والو ههههههههههه المهم الحمد لله

نتي اختي هي الاهم دابا انا لبارح بقيت كانفكر فيك بزاااااف او ليوم عاوتاني كل شوية كاندخل نشوفك واش كتبتي شي حاجة او لا لا او كندعي معاك فينما تفكرتك ياربي تبراي اختي

بنسبة لبوصفير اختي انا ما عرفش ان هادشي كايتعالج بالكويان خاصك اختي طبيب

المهم نتي لي عارفة راسك دابا كي بقيتي او كانتمى تكوني بخير اختي و اقسم لك بالله الى كاكنتب ليك او كانحس براسي اني ماكرهتش نقدم ليك شي حاجة ماكرهتش نعونك كانحس براسي فحال شي طائر مقطوعين ليه لجناوح ديالو و الله وخا نكتب ليك حتى نعيا ماغاديش نوصف لمكانة ديالك نتي او خويا المشتاق الى الجنة فقلبي و خا هو مشا و لاكن غادي يبقى فقلبي دائما،برغم اننا كانتعرفو غير كتابيا الى انني كانحس بيكم فحالة كانعرفكم من شحال هادي

لا اله الا الله او صافي

نعم اختي هل انا موجودة كلامك صحيح

بنسبة لخويا المشتاق الى الجنة غادي يبقى ديما فقلبي

او هاد الفكرة لي قلتي ديال نبقاو نكتبو في المواضيع ديالو ديما هي فكرة زوينة باش يبقى ديما حاضر بيناتنا

مساء الخير اخي الطائر مساء الخير اختي هل انا موجودة مساء الخير اخي مشتاق الى الجنة

بالنسبة لاخي مشتاق الجنتة وبكل تلخيص انا متأكدة انه الان معانا وكيدخل نفساني

هاد الحالة الي جاتوا كتجيني كل مرة على نفساني واغلب اعضاء الي مشاركين في نفساني كتجيهوم نفس الحالة


وانا ان شاء الله هنحاول ندير شي حاجة على الاقل الى كان بجهدي ان هديك اقاف العضوية ما تبقاش

لان هاد الحالة الي جاتو عادية وجاتني قبل منو وطلبت بايقاف العضوية الا ان ربي وقف جنبي وماخلاش عضويتي توقف


هاد الحالة عادية بزاااف الا ان اخي ابو يوسف اترت عليه كتر من الازم


بالنسبة ليك اختي هل انا موجودة واش كتعرفي شحال انا كنتمنى تكوني قريبة مني خاصة والله

ما عرفت شي حاجة تجبدني ليك خليكي قريبة مني الله يخليك


الطائر نقولك واحد الحاجة انا كما وعدتك هنبقا كل ما تاحت لي الفرصة ندخل ونقرا داكشي الي كتبتي على نفسك

غير تكلم بكل طلاقة على ما كتحس بيه وانا بالقرب دائما نجي نقرا الي وقع ليك كان خايب مزيان

الاحوال مع المرض ديالك

المهم كتب الي عندك وانا هنقرا وتاكد انني هندخل وهنقرا الي كتبتي وخاك شي بعض المرات كنتاخر في الرد

لاسباب الا انني كنقرا

بارك الله فيك اختي وردة

الله يبارك فيك اخي الطائر عاودلي دبا شنو وقع ليك باش كتحس

عاودلي

انا دابا بخير شوية غير كنت مكتأب هاد الايام و لاكن دابا حسن انا في تحسن و لله الحمد

او نتي اختي كي بقيتي انا الى بريتي نتي باركا عليا و الله

الله يخليك كتفرحني بكلامك الطيب والله

انا الحمد الله بخير دبا


عرفتي نقولك واحد الحاجة فاش تحس بالكابة قلب على شي حاجة الي كتفرحك وكتنشطك

متلا الى خرجتي مع صاحبك كتحس بالفرحة ولا كتلعب شي لعبة كتبعد عليك الكابة

دير شي حاجة الي كتنشطك

ومن بعد هتحس بالفرحة وهتنشط بزااف والكابة هتمشي وهتبدا تطير تطير

بجناح ماشي بلا جناح هههههه

جرب النتيجة مضمووونة

عندك الحق انا اختي و ردة بديت كانحس براسي حسن او كانشوف هادشي لي طرا ليا كلو ناتج عن الخوف دابا وقفت الخوف صافي ما عندي اش نخسر اش بغا يوقع كاع ههههه هادشي لي قلت فخاطري او مابقيتش خايف لا من اختلال الانية و لا والو الحمد لله و لاكن كيفما قلت ليك هاد الايام حسيت براسي مكتأب و لاكن ماشي لشي درجة كبيرة كانشوف هادشي لي فيا دابا غير بقايا المرض لي بقا فيا هادي شهور الحمد لله على كل حال

حتى نتي اختي خاصك تبراي ماشي غير ليك ولاكن لكولشي كولشي باغيك تبراي العائلة ديالك الطائر الحر كولشي كولشي خاصك تديري جهدك و ترتبي افكارك من جديد و تسولي راسك سؤال و هو الى متى؟

تالين غادي نبقاو ندورو في دائرة كلها خوف في خوف عينا ما نخافو ما طرا والو هاد المدة غير صحتنا لي كا نهلكو فيها او صافي

انا بديت كانقرا لكتوبة و روايات او كانعمر وقتي باش ما كان او مابقيتش كانقرا المواضيع ديال الامراض النفسية لانها ماكتهمنيش اصلا اختي و ردة خاصنا نبراو صافي راه ما كاين حتى واحد لي غادي يعطينا شي حاجة من غير الله هادي الاجسام ديالنا و كل جزء فيها ديالنا او كيفما تعلمنا الخوف خاصنا نتعلمو الشجاعة

خويا قريب وهتولي بخير هداكشي امر عادي اخي

فاش كيتسالا المرض ديال الخوف كيبقا تاتير ديال القلق

وكيمرض نفسية ديال الانسان

لهدا قلب على الحاجة الي كتستمتع بيها ومتع راسك بيها وكتر من الصلاة

وانا دائما بالقرب نسمع ليك


انا مريت بضروووف صعيبة بزاااف مشاكل شخصية اترات عليا


وهادشي هو السبب ان شاء الله هنكون بخير وهتكون بخير

وهيكون المغرب كولو بخير ونعيشو هانيين

وينتصرو المسلمين كولهوم وتحرر سوليا وفلسطين وجميع بلاد المسلمين يا ربي امين

امين اختي انا لي بغيتك تعرفي هو الهم الوحيد ديالي دابا هو نتي هههههههههههه اقسم بالله الى بصح ههههه انا مابقاش شغلي فراسي هههههههههه و الله عادي صافي

بغيتك نتي لي تكوني بخير او تهلاي فراسك او تعيشي حياتك

شوفي بداي تاكلي مزيان او بقاي دائما تبتاسمي او خرجي يوميا تمشاي وخا غير 30 دقيقة فنهار او قراي لكتوبة انا كانوصيك قراي لكتوبة اي كتوبة روايات اي حاجة راه ممكن تقرايهم غير في الانترنيت حسن ليك او بداي تقراي الشعر حتى هو زوين هادشي غادي يخلي الانسان يجدد التفكير ديالو او كيفما كايقلو ان المطالعة هي غداء العقل

هههههه ضحكتيني والله
الله يخليك


ان شاء الله هنكون بخير خويا ربي يحفضك


هههههه ضحكتيني شكرا

هههههههه

المهم انا غادي نمشي ننعس تصبحي على خير اختي وردة

ليوم باغي نحلم براسي انا هو رومبو ههههههه

السلام عليكم خووتي نتمنا تكوونو بخير وعلى الخير
الإخوان ماعليكم غي بصبر وهدآ إبتلاء من عند الله عز وجل معاد بنادم ميدير وأكيد كل ماصبر الواحد كل مخدا الأجر والله يجعلها مغفرة للدنوب عندي واحدد سؤال شكون فيكم الإخوان تحس بضربات قلب عندو قوية أنا عندي هاد مشكلة دايرة ليا خوف ووهلع تنحس بجسم ديالي تهتز مع كل ضربة من لي تنحط يدي فوق شي عرق تنحس بنبض واش هاد شي من أعراض هلع

اهلا اخي الياس

عادي يا اخي كلنا فينا هاد القضية ماتبقاش تديها فالاعراض كيفما كانت لاحقاش الاعراض ديال الخوف بزاااف او متنوعة

الله يبارك فيك اختي انا موجودة

بنسبة ليا اختي انا الحمد لله حسن من شحال هادي بزاااف و لله الحمد و الشكر او بديت كانعمر وقتتي قدر المستطاع

وشكرا ليك اختي مني سولتي عليا

السلام عليكم ورحمة الله تعالى وبراكته

اختي هل انا موجودة واخي الطائر الحمد الله تحسنات حالتي بزااايااف والحمد الله
وخاك اختلال الانية موجودة ولكن الحمد الله على كل حال


الحمد الله وانتم ؟

اهلا اختي لعزيزة وردة

الحمد لله فرحتيني ياله زيدي براي ماتستسلمي لوالو

انا بيخير شوية كاتجيني وساوس و لاكن كانقضي عليها بفضل الله عز وجل

عموما انا بخير و احسن من شحال هادي وهذا كل بفضل الله عز وجل

الحمد لله و شكر لله

الطائر الحر اي حاجة قلقاتك كتبها هنا انا هنجي نقراها

ونشارك ونطمنك بانني قريتها

وخاك هتضحك هتقول هادي ما قدرات على راسها تحل المشاكل ديالي

يا رب يكون معاك اخي

ههههه تضحك علينا اليوم كولشي شاك فدار واش رمضان اليوم واش كلينا رمضان

هههه الموت ضحك والبعض بدا كيصوني فتيليفون يسول

تخربقنا مزيان

وليت خايفة حتى الى خديت ناكل شي حاجة كنقول عنداك لنكون كناكل رمضان

هههههههههههههههههههه لا لا رمضان حتى لسبت

بارك الله فيك اختي وردة انا غادي نبقى ندخل هنا مرة مرة نكتب او نسول فيك او حتى نتي دخلي مرة مرة صافي؟

او ديري فبالك ديما انك نتي و باقي الاخوان دائما فبالي و وسط دعواتي لله عز وجل

رمضان مبارك مسعود اخواتي واخواني .للّهُمَّ اجْعَلْ صِيامنا فيهِ صِيامَ الصّائِمينَ وَ قِيامنا فيِهِ قِيامَ القائِمينَ ، وَ نَبِّهْنا فيهِ عَن نَوْمَةِ الغافِلينَ ،اَللّهُمَّ قَرِّبْنا فيهِ اِلى مَرضاتِكَ ، وَجَنِّبْنا فيهِ مِن سَخَطِكَ وَنَقِماتِكَ ، ووَفِّقنا فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ.

الله يبارك فيك اختي المغربية

كاين شي شباكية؟ هههههههه

مساء الخير خويا الطائر الحر يا ربي تكون بخير يا رب

مساء الخير اختي وردة

الحمد لله انا بخير

او نتي اختي؟

انا بخير والحمد الله

قولي كيف الحالة نفسية ديالك

يا رب تكون بخير وتحسنات

اش غادي نقول ليك اختي هههههههههههههههههه ليوم ماشي هو هداك

مانعرف كيفاش كايسيطر عليا الخوف مرة اخرى ولاكن عموما احسن من شحال هادي

شنو وقع ليك عاود ليا

علاش ما شاركتيش في غرف الدردشة اجي تشارك معانا

و الله ما عرفت اختي فصباح بديت كانفكر في اختلال الانية او بديت كانحس باني ماشي انا ههههههههههه و لاكن الاحساس كان اقل من شحال هادي

او بقاو كايجيوني وساوس كانتخيل راسي هبلت او لا شي حاجة هههههههههههه هاد القضية ديال الجنون هي لي دايرة ليا المشكل انا من نهار كنت تفرجت فواحد البرنامج هادي مدة طويلة على الحماق او بقيت متأتر بداكشي او فاش جاني هادشي الحاجة الوحيدة لي خفت منها هي الجنون لو كان الموت كان احسن ههههههه

المهم اختي وردة ما عرفتش علاش كايبقى هادشي يجيني لاحقاش كانبقى نهدر مع راسي او كانلقى ان هادشي غير تخربيق و مع ذالك كايعود يجيني هادشي عجيب ههههههه

خويا الى الهضرة مع راسك هادشي عادي كولنا كنتكلمو مع راسنا

بني ادم كلو كيهضر مع راسو ايما يخربق ولا يهضر على مشكل شخصي

ضروري ما بنادم يتكلم مع راسو وبلا ما يشعر شي بعض المرات

وشحال من مرة كنخرج البرا وكنلقا ناس غادة بوحدها تتكلم مع راسها


ماشي معناها انه مجنون ولكن هادشي عادي

اما المجنون كيدير تصرفات خارجا على النطاق العادي للبشرية

وفاش كيتكلم كيتكلم على حاجة غريبة او كيبدا يغوت وكيسمع ناس اخرين

اما داكشي الي وقع ليك عادي

وكيوقع ليا حتى انا وهدا دليل انه ما عندكش شي واحد كتعاودليه

كتر من الاصدقاء وبدا تكلم معاهم بزاف

ولا غير صديق كما انا وصاحبتي

كل ما حسيت براسي باغا نحماق نمشي عندها ونتكلم معاها بزاف

وهي كدلك