هل هذا بسببي ؟
 

السلام عليكم ورحمة الله


طبعا صايره من فتره طفشانه و ملوله طووووول الوقت
ومالي خلق اي شي
مزاجي دايما متعكر و اعصب واتنرفز بسرعه
والسبب اني ما اطلع واغير جو
ما اتمشى و اشوف الناس والدنيا
طول الوقت بالبيت
محد متفرغ لي للأمانه
كل ما اخطط لطلعه او تمشيه او تسوق
مالقى احد وما عندي سواق
و احس بخيبة امل واكتئاب
حتى بالويك اند اغلبه اقضيه بالبيت لنفس الاسباب
احس قعدة البيت هي سبب رئيسي للإكتئاب اللي فيني
حتى معالجي ملاحظ ان مزاجي دايما متغير
اشوف الناس طالعين ومبسوطين ويغيرون جو
وانا مقابل ذا الجدران
ولو طلعت تكون الطلعه سررريع سررريع وما استمتع فيها 😕
شرايكم انتم توافقوني الراي ؟!

كويس عندك رغبه تطلعين تشمين هوا ،،، انا حتى الهوا عفته

حاولي تشغلين وقتك بقراءة كتب علشان ما يسيطر عليك المزاج المتعكر

والله مو من شي ابي اغير من مزاجي فقط
حتى الكتب والافلام اطفش منها
طول الوقت على الجوال وحتى هو طفشت منه 😣

الفراغ مشكلة هو يزود الطفش حاولي تشغلين وقتك بأي شيء مفيد فتشي جواتك واكتشفي ميولك

بسيطه اذا هذي هي المشكله اطلعي لو مكان قريب لو تلفين حول البيت منها رياضه مشي ومنها تشمين هوا لاتنتظرين ان احد يحن عليك ويوديك روحي حتى لو البقاله القريبه اهم شي تطلعين تشوفين الناس برى لين الله يفرجها
انا اطلع كثير بس ماحس يتغير الوضع بالنسبه لي الله يشفينا جميعا

ياليت البقاله قريبه
حتى هي بعيده حبتين
حطي هدف ببالك انو تبين تنبسطين بالطلعه

اكيد قعدة البيت تسوي اكثر
طيب حاولى تشغلين نفسك بشي
اقري قران
مثلا اطبخي شي
ارسمي
اكتشفى مواهبك
المهم تنشغلين وماتحسي بالوقت ان شاء الله

اشغل نفسي
بس لسى الطفش موجود ما يروح
زي كأني بس اقضي وقت
مو استمتع بالوقت اللي اشغل حالي فيه

انعكاسات ياحلوة شكلك زي حالاتي اتخرجت وجلست ف البيت، هذا الفراغ اللي احنا فيه هو سبب زيادة الوسواس والحالة المزاجية المتعكرة وانا الاحظ هالشي أحيانا لما احس مافي شي يشغلني أفضل بين سندان القلق ومطرقة الضيق والكآبة. لكن بسألك هل لما تخرجي وترجعين بسرعة بسبب الوسواس أو أنك تضايقي وترجعين علطول
بببس في كلا الحالتين انت ماعليك اعملي مثل مايقولون لك اخرجي ومشي لمدة نص ساعة لو مع وحدة م صديقاتك ويوم روحي مكتبة جرير واتسوقي فيها علطول ينزلوا كتب حلوة، اتعلمي لغة جديدة فرنسية مثلا، دوري على وظيفة تنشغلين بها
لديك خيارات متنوعة حبيبتي المهم تخرجي من المزاج المتعكر
لك تحياتي

وعليكم السلام ورحمة الله وبركاته اختي ، اكيد الطلعة برا البيت فيها متنفس وكما قالت ام سما حاولي تروحي للاماكن القريبة المهم تغيري جو ولو لمدة 15 او 20 دقيقة وان شاء الله تتحسن النفسية

افعلي الاشياء اللي تستمتعي فيها طيب
انا زيك ترا قاعده بالبيت
والبيت مافيه الا انا وامي الله يحفظها واختي
ويغلب عليه الهدوء بس اشغل وقتي باي شي
واحيانا اطلع اقضي اغراض بالبيت
فلما اطلع احس غيرت جو

ايوه حتى هذي المشاوير الصغيره ما اطلعها
بس كذا جالسه بالبيت
وقلت السبب انو محد متفرغ لي
وماعندي سواق
وصديقاتي اللي مسافره واللي اختبارات
يعني مالي الا الحوش وطفشت منه كمان
صدق الخرجه تغير النفسيه 😞

الوحدة والبقاء في البيت والروتين هي مثل البنزين بالنسبة للواسواس والامراض النفسية
وشخصيا الاحظ تحسنا كبيرا في حالتي عندما اخالط الناس واشعر بحافز كبير للحياة والنجاح والمقاومة

ايوه صح
ماشاءالله كويس
طيب كيف نفسيتك بعد ما تطلعين وتخالطين الناس ؟
في خوف وقلق والا عادي ؟