طلاق
 

مدري من فين ابتدي زوجي قرر انه ينفصل عني اليوم ماادري خلاص انا تعباااااانه ماني قادره اتحمل ماابغى اسم مطلقه خلاص قرار نهائي مافي حل والسبب اني اتعب اذا جيت له ماادري وش وضعي عندي اطفال وانا لسه بالعشرينات ماادري اكتب وانا منهاره

انا لله وانا اليه راجعون ،،

يا اختي استعيني بالله وحاولي تهدي الأمور القرارات هذي مصيرية ويجب التروي فيها
على الأقل اطلبي منه يوديك بيت اهلك فترة وتهدأ النفوس

استغفرك يارب

اهدي اختي..ان شاءالله في حل

الطلاق مو بالساهل..يمكن كان معصب ومتوتر

ما تاخدوا قرار في لحظة عصبية

حاولي تهدي الوضع

شوفوا حدا كبير بالعيلة يتفاهم معكم

وان شاءالله ما يصير الا كل خير

لاحول ولا قوة الا بالله

لاحول ولاقوة الا بالله
لي سنه عند اهلي خلاص اليوم قرر نهائي

والله مادري شنو أقول لج يا اختي

بس دامج تاركه بيتج اكيد بيقولج هالقرار

حاولي ترجعين بيتج وتتكلمون وتتصالحون

ادري صعبه بس كل شي بايدج والله كل شي بايدج

من بعد رب العالمين طبعا

وكلمي أهلج اكيد لهم راي بالموضوع ويتدخلون و تنحل الأمور وتهدى

لاحول ولاقوة الا بالله
ان شاء الله مايصير طلاق اهدي انتي
والجئي لربك ادعي له ان يرجع زوجك لك
او ارجعي لبيتك زي ماقالت الاخت
ربي يكتب لك الخير ويسهل اموركم

مدام تاركه البيت اكيد بيقولك هذا الكلام كاتهديد عشان ترجعين اختي كانت تعبانه وزياده زوجها انسان صعب المعشر وكانت كل شوي تروح عند اهلي تجلس لها كم شهر واخر مره راحت جلست سنتين ويحاول يرجعها وترفض وقال بسوي لك كل الاشياء اللي طلبتيها بس ارجعي وبرضه رفضت وتزوج وهي اصرت على الطلاق والحمدلله على كل حال قبل كم شهر طلقها وماندمت ابدا على قرارها لانه وهي بعز مرضها خذلها وتخلى عنها وهي معها اطفال الله يعوضها خير
انتي حاولي ترجعي بيتك ادري صعب وانا جربت هالشي بداية المرض جلست 3شهور بيت اهلي لكن لاننا انا وزوجي تعودنا على بعض وكان بمنطقه بعيده مره ودوامه صعب فكنت لما اتعب اتصل عليه حتى لو خميس وجمعه يروح وتعب وانا تعبت وقررت ارجع معاه لان ماقدرت اجلس عند اهلي زيادة وهو بعيد عني فتوكلت على الله ورجعت في البدايه كنت اخذ معي احد يعني اختي اخوي اخت زوجي لين اخذت العلاج وبديت اتحسن الحمدلله مشت الامور وانا في بداية الامر كنت افكر فعلا بالطلاق عشان ارتاح ويرتاح زوجي لاني تعبته معي وعوضنا الله نقلنا قريب من اهلنا
انتي ياختي استخيري برجعتك لبيتك وان شاء الله ربي ماراح يخيبك والله اول ماقريت موضوعك نزلت دموعي بدون شعور لاني حسيت وش كثر حنا ضعاف والمرض النفسي اثر على حياتنا لكن كله باجره ان شاء الله وماتضيق الا وتنفرج باذن الله
ان شاء الله قريب نسمع منك اخبار طيبه بشفاءك ورجعتك لبيتك ولمتكم انتي وزوجك واولادك
ونصيحه ارقي نفسك وتحصني بالاذكار خصوصا انك قلتي انك تتعبي لما ترجعي لزوجك.

والله اني ماابي اتطلق وقعدت اترجاااااه لكن خلاص قررر والقهر يقولي مستحيل ألقى مثلك ... يارب تفرجها من عندك

طيب ليش ماقال بتزوج ليش فكر بالطلاق على طول خصوصا ان بينكم اولاد يعني الطلاق ابد مو سهل
عشان كذا اتوقع انه مجرد تهديد وخصوصا انه قال مابلقى مثلك

ليش انتي مافكرتي ان اللي بينكم ممكن يكون حسد او سحر عشان كذا زوجك قرر الطلاق مع انه يقولك مابلقى مثلك

مستحيل يلقى مثلك ويبي يطلق

انا ك رجل اقولك انه بس يبي يقولك ان يبيك في بيته

حركاتنا هذي ما نبطلها


وانتي ترجيتيه للاسف والمفترض ما تترجينه ..... خلي شخص من اهلك كبير يتكلم معاه ويفهمه وضعك واذا هو متفهم ارجعي البيت وكملي علاجك هناك


اذا تبين تعيشين عادي تعانين من مرضك ولا تحملين اسم مطلقه ف هذا الشي بكيفك


انا ما اكتب بمشاعري اكتب بعقلي ،، وكلامي دايم جارح مدري ليش


لكن ان قررتي تتحملين معاناتك المرضيه عشان تحافظي ع زواحك ف انتي اخر شي بتطلبين الطلاق

وان قررتي تعالجين نفسك ف هو رح يطلب الطلاق

بالحالتين النهايه وحده


وانا سبق وقلت وما بغير كلامي

الي ما يبيني بالشده مابيه بالرخاء


المهم هي حياتك وهو قرارك ،، الاغلب الحريم بيساعدونك ف انا اشوف اكتبي موضوعك بقسم النساء لان احنا الرجال مختلف وضعنا بالنسبه للطلاق وغيره.

لكن أأكد لك قطعا سواء اني رجل او امرأه الي ما يبيني ما ابيه ونقطه انتها

لا حول ولا قوة الا بالله

والله دام قالك مالقى مثلك يعني يبيج فهمي عاد شفرات الرجاجيل

المفترض انه اذا شاف منك تقصير بحياتكم الزوجيه
وانك مو قادرة تلبي مطالبه..
ع الاقل يتزوج ..لان بينكم اطفال انتي اطرحي
هذا الرائي عليه اذا شفتي انه مصمم ع الطلاق
ع شان الاطفال ..
يدري بالحاله اللي معك ولا لا..?
له الحق يتزوج لو حالتك ماتساعدك ع تلبية احتياجاته
اما طلاق احس انه تسرع...طبعا يتزوج اذا عنده قدرة
ع فتح بيتين..وع قولهم يتزوج عليكي ولا يطلقك