هل في احد جرب الصبخه
 

هل في احد جرب الصبخه على الراس واستفاد منها





علما اني ماقدر انام وعندي صعوبه بالنوم ولاني عارف ايش السبب

حياك الله


نعم سبق وذكرت لك هالشيء .... استفدت منها بعد الله سبحانه وتعالى إستفادة كبيرة

اخوي عبدالله وش استفدت منها





انا عند بكي غير طبيعي وحزن. وعيوني. داايم فيها دموع هذا من ايش

هلا فيك يالغالي

والله مدري ياخوك عن سبب اللي معك


لكن انا كنت ما انام ... وسوسه شديدة وتفكير وضيقه ... الاحساس بالبرد ورجفة .. دوخة وزغلله بالنظر والدنيا تظلم ... دوشه بالراس ... اذاني مفتوحة والأصوات اسمعها دبلات ... الخ


الله يجمع لك بين الأجر والعافية ياخوي

اخوي الفدعوسي. سبق وقلت لك ان اعراضك احتمااال كبير تكون فتق بالراس او مايسمى بالفري

هالمرض مزعج جدا. يسبب صداع تشتت بالانتباه ضيقه بالصدر بكاء بدون سبب الم بالعيون تحس راسك مفتوح
وبالمراحل الاخيره اذا ماتعالج الشخص يسبب هلوسه ووساوس وجنون لاسمح الله


قبل هالمره تكلمت لك عن الفتق
وان له 3 علاجات بعد الله
الكوي
والربط بعقال عند طبيب شعبي متخصص
والثالث الصبخه
الصبخه تسحب الهوا من الراس
وتصك الفتق
وتريحك باذن الله
انا جربتها
وارتحت بنسبة60 /بالمية من الصداع
اخوي
انت بالكويت
الحفر قريبة منكم
في حرمة كبيره بالحفر ينقال لها ام مناور
ممتازه بالطب الشعبي
رح لها
تقيس راسك بخيط. وتقولك اذا فيك فري ولا لا

في ناس اصبعين في 3
انا 4 ونص
تقول فوق 6 اصابع ينجن الانسان


واراهنك ان فيك فتق الا ماشاء الله

رح لها تصبخ لك يمكن تخف معاناتك
والله ارتحت بعدالصبخه
وخفت التكه على صدري
وخفت الوساوس
واساسا عقب الصبخه اضمن لك يتعدل نومك
وترتاح

انا سبق وحرصت عليك قلت لك لاتهمل الموضوع وجرب الطب الشعبي
وجرب الرقية
لكن انت مانت مساعد حالك



لاتهمل نصيحتي
اطلع لام مناور

اذا تبي اجيب لك حتى وصف بيتها

وهي مشهوره بحفر الباطن اي واحد بالشارع يدلك ع بيتها


توكل على الله واعزم

هذي الاخت على قيد الحياة عطتك الزبدة الله يجزاها خير


رح للي قالت لك لأنها نفس اللي أنا رحت لها ..... 99% من المعالجين ما عندهم الا الخرطي اما هذي موثوقة ... ربط العقال والكوي صحيح انه سريع ولكن ما انصحك فيه ونتائجه ماهي مضمونة ... عليك بالصبخة عندها

انا جربت الكرب بالعقال اكثر من مره
يتسكر الفتق. لكن سبحان الله فتره بسيطه ويرجع ينفتح

مع ان المعالج قال لي قليل اللي يرجع لهم الفتق


بس الصبخه تريح حيل

وانا اخذت من ام مناور صبخه مطحونه من فتره
وان شاء الله بس يخف البرد بعجنها واصبخ على راسي

والله من رأيي إنك تعمله انت بالبيت بنفسك ...
ما أتوقع صعبة

هذا الرابط راح يساعدك ان شاءالله

باذن الله ما تحتاج تسافر

https://www.youtube.com/watch?v=v4StQu2haEc

انا صراحه اخذتها مره من ام مناور وعملتها بالبيت

ومره جبت صبخه جاهزه من العطار وسويتها بعد

الله يبيض وجهك بروح اصبخ وبشوف

شكرا لكم جميعا

العفو. المهم انك تروح تدور طبيب شعبي ويقيس راسك واذا محتاج صبخه يصبخ لك




مو ننفخ بقربة مشقوقه^ ههه

انشالله بروح 🌹