وضعي طبيعي؟
 

السلام عليكم ورحمة الله


مرات انسى النوبات و الوساوس بس احس بغرابه من كل شي
استغرب نفسي كأني ناسيتها استغرب الناس والدنيا
ويكون فيني خوف وقلق من مشاعري انو ليه احس كذا ؟
بعدين فجأه ترجع الوساوس والخوف
واصير بس ابغى لحافي اجلس تحته عشان احس بالامان
مرات احس بكتمه بعدين فجأه تروح
وفجأه احس ببرد و اتلحف بعدين احس بحر وخنقه
ماعرف ليه كذا مشاعري متضاربه !
وكمان اجازه وتعرفون وقت المناسبات وكذا
ماحس بحماس لأي شي
الناس تروح وتطلع وتجهز و عزايم
وانا جالسه ماعرف احدد وضعي
وقتي كله يروح افكر بنفسي
ما استمتع بالاوقات ولا احس فيها 😪
اضغط على نفسي و اقول معليه عشان اتشافى
بس ما ألقى نتيجة ! مدري مابغى أيأس و اتراجع
بس بنفس الوقت تعبت من المحاوله
اللي احس فيه طبيعي و مر عليكم والا فيني شي !

انت تعاني مثل ما اعاني انا الله يشفيييييييييييينا ي اختي هل راجعت طبيب نفسي انت و انا نعاني من الوسواس القهري و القلق و هدا المرض يتحول الي اختلال الانية و الي الاكتئاب

امييين يارب
ايه راجعت
يقول لي قلق نفسي واكتئاب
ولازم اطنش اي شعور احسه
ولا ادقق فيه
مقدر اني ما ادقق ! لأنه شعور احس فيه

فعلا انا احس احيانا تختفي ومن ثم ترجع بقوة واحس بكتمة شديدة واحيانا تخف يعني مجرد احاسيس وقلق

ايوه صح
تختفي وترجع
تحس نفسك خلاص متماسك
وفجأه يجي شي يخرب عليك

صح انا يوم تركت الحبوب كذا مرااات احس براحه ومرااات اتوتر لكن العلاج هو التطنيش والانشغال بمواضيع في الحياه

طيب كيف اطنش وانا احس بذي المشاعر
لأن يرافقها تعب جسدي
خمول وتعب وكسل

صح مشكلة لما يرافق القلق شعور بتعب
ربي يعيننا على التجاهل

امين يارب
مختفيه 🙊!

الوضع جدا طبيعي ...

لكن الي مو طبيعي انه توهمين نفك انك ماتقدرين تطنشين
لأن كل ماتحسين بشي من التعب بيزيد التفكير السلبي
و لو جاتك فكره سلبيه او وسواسيه بيرافقها تعب
و لو بتجارين نفسك اكثر و اكثر بتتعبين اكثثثر و اكثر

اضغطي على نفسك و اعصابك و عليك بعد الله بقراءة الاذكار يوميا و بانتظام و في اسبوع تلاحظين الفرق
فيه شي مهم جدا جدا جدا لا تتهاونين فيه :
الرقيه الشرعيه , المعوذات و سورة الفاتحه
استغفري و سبحي كل ماحسيتي انه بدأت اعراض النوبه و هذا الكلام اقوله عن تجربه بعد معاناه
من القلق و التعب و الواسواس و كل مره حقري الفكره و صغريها و فعلا ترامافيييييك ولا شي ولا ماكان قدرتي تسجلين معاناتك و تردين

ربي شفيك و يعافيك و ما يوريك مكروه

التطنيش صعب ف البدايه بس عودي نفسك والاعراض الجسديه ممكن فيتامين انا عن نفسي ماتحملت رجعت للحبوب

الحمدلله اقرا الاذكار بس عادي مافي فرق
واخذت كورس علاج سلوكي معرفي
الحمدلله فادني كثير
بس مشكلتي كل شوي انتكس
وهذا اللي خرب علي و بطلت اكمل
لأن المعالج يقول لي مافيك شي وبس ادور في حلقه مفرغه
قاعده احاول اكون عادي
بس الاعراض تخوفني

اي فعلا صعب
ويبغاله عزيمه و صبر
الفيتامينات ناقصه عندي
واخذ حبوب لهم

تجاوزي الخوف و كل فكره تجيك واجهيها و قومي من المكان و تحركي و سوي اي شي
صدقيني مافيك شي بس لا تستسلمين لتتبّع الأعراض و التفكير فيها ذا اقل شي ممكن افيدك فيه عن تجربه

يمكن سبب الغرابة هو شي يسمونه اختلال الآنية (نوع من القلق) وسبب عدم الإستمتاع هو الإكتئاب وسبب التفكير السلبي هو الوسوسة الله يرفع عنك وعني وعن المسلمين وأنصحك تراجعين طبيب نفسي ممتاز.