تحسن 60 في المئه ولله الحمد
 

السلام عليكم ورحمة الله وبركاته

ولله الحمد انا في تحسن وعلاجي هو
انتابرو 30 في الليل 20 والظهر 10
طبعا انتابرو هو نفس السيبرالكس لكنه مطور
اعلم يااخوان ان الأحاسيس الي تجينا مؤلمه وقويه ومتعبه
لكن لابد اننا نصبر ونحتسب الأجر
طبعا انا كنت أعاني من نوبات هلع مع مخاوف واكتئاب بسيط
بديت العلاج من شهر ونص والتحسن بدا بعد شهر
انا اكثر شي كان متعبني هو أكون جالس في أمان الله وفجاه يجيني احساس بالقلق والضيق والخوف
وكأن في شي بيصير لي الان <--- عجزت اعرف وش هالاحساس
والله ياجماعة الخير أني اذا جا هالاحساس شعور مرعب مخيف كأني بعالم ثاني وكأني بيغمى علي او بيصير شي شين
هذا غير الحراره اللي تجي بالوجه والإحساس هذا يفرق عن الهلع ان مافيه خفقان
بشكل عام الحمد لله اول جحيم والآن أفضل
اي شخص عنده أي سؤال انا تحت أمره
شفانا الله واياكم

ممتاز اخوي الله يوفقك ويتمم لك الشفاء
انا اخذ انتابرو 20.. الدكتور قال لي ارفعه الى 30 .. رفعته يوم وبعدين رجعت نزلته الى 20
احس ان عشرين مناسب.. بديت فيه من رمضان.

تحياتي

الحمد لله على سلامتك ,, الشعور المفاجئ الذي تشعر به خوف وحرارة وتغير في الجسم هذا هو الهلع وهو قلق وسيبرالكس او انتبرو علاج جيد له ,, اذا كانت لديك اعراض اخرى مثل خفقان او رجفة ممكن تستعمل اندرال 10 جرعة بسيطة بشرط انك تكون سليم من مرض الربو ,, هل انتابرو احسن من سيبرالكس ؟؟ ومن اي ناحية هل في الفعالية او في قلة الاعراض الجانبية ؟

انا استخدم اندرال 20 مره اول مااصحى

بس معقوله اخوي هلع من غير خفقان ?

انا اتابع عند استشاري معروف
وجرعة 30 سليمه وممتازه
انتابرو هو نفس السيبرالكس بس مطور
الله يشفيني وياكم

شنو اعراضك اخوي .. تحس بنبضات بجسمك ؟

اخوي دايم هل معك دوران وثقل بالراس وذهب مع انتابرو

نعمه النسيان تحسين بثقل بالراس ودوخه وودج تنامين ؟

انا جاتني فتره احس بالنبض الطبيعي بااي وقت
وكتبت موضوع بهالشي
يارجل كنت احس فيها وانا ماشي وانا جالس
وقت النوم كثير اللي يحسونه واعتقد طبيعي
والسبب القلق النفسي
عالجه تختفي
انصحك رح دكتور وأبدا علاجك

نعم
وصدقني السبب القلق النفسي يأثر على العصب اللاودي
وغير كذا تركيزنا على الأعراض

انا اللي مجنني ودي اعرف
الإحساس اللي يجي فجاه احس بتوتر وقلق وخوف ويزيد لدرجة
احس أني بيغمى علي او بموت احساس مخيف ومؤلم
والإحساس هذا يجي من غير خفقان
هل الهلع ممكن يجي من غير خفقان ؟

ايوة اخوي دايما دوخه ودوران وترنح بالمشي ..،وسالفة النوم اعتقد من السيروكسات لاني اخذه حاليا لكن دون فايدة

هل اختفت الدوخه اخوي بعد انتابرو

الله يتمم عليك الصحه والعافيه

نعم بنسبة 80 في المئه ولله الحمد