ايش الي قاعد يحصل معي ساعدوني
 

اخواني واخواتي الهلوعين
لي اسبوع وانا منقصة جرعة سيبراليكس من 15الي 10
مادري هو السبب بالي صار معي ولالا
امس جاني احساس فضيييع بضعف في جسمي كله مع رعشه وخمول قعد معي طول اليوم لين نمت وقمت وكان احسن وخف الخمول
لاكنه غريب مو دوخه لا كان خمول مع رعشه زي نوبة البرد خوفني مره تتوقعون من تنقيص الجرعه ولا ايش ياخواني

حياك الله اميره
ليش نقصتي الجرعه ؟

نعم اعرف شعورك جيداً , وما ذكرتيه حصل معي عدة ايام وهي : ( تعب شديد . خمول شديد . رعشة بالاطراف . عدم تركيز . نعاس . )

علماً بأنني اتناول سيبرالكس 10

ايام قليلة ثم ذهبت عني هذه الاعراض ثم تحسنت بعدها كثيرا وحسب تجربتي يبدو ان هذا الامر هو تذبذب للاعراض وهي بداية للشفاء . اصبري وباذن الله سوف تشعري بالتحسن كثيراً بعد أيام .

مادري خفت والقلق زاد ماتحملته في البدايه

الله يطمنك ويشفينا يااارب

لا يااميره غلطانه
انتي مثل اللي مسافر 100 كيلو
يوم مشى 70 كيلو قال ماراح اوصل ورجع
نصيحه لوجه الله ترا العافيه قريبه باذن الله استمري استمري

الدواء يحتاج صبر ومواظبة حتى يعطي نتائجه ..

أما تغيير الجرعة بين الحينة والحينة يعمل اطاقة للوصلات العصبية وتبلد وعدم تجاوب من الادوية في المستقبل ..

وفالك العافية ..

يعني ارجع ل15
الحين كملت اسبوع على 10
نصيحتك ايش اسوي

نصيحتي لك كملي مثل ماقال دكتورك
اتعبي شوي وارتاحي طول عمرك
لازم تتعبين في البدايه وفي رفع الجرعه

اميره مفترض تعلمتي من تنقيص الجرعات والانتكاسات اللي حدثت لك سابقا مفترض مانقصتي حتى لو زاد القلق تحملي تدرين انا ازيد كل ماقال طبيبي زيدي اول العلاج لدرجه زاد علي كل شي ووصل اني ماانام 3 ايام واحيانا يومين لكن تجاوزت هذي المرحله ، خطأ كذا تنقصين من كيفك

المشكله انا دكتوري مارحت له من 6سنين يعني استمريت على الجرعه الاولى العشره الي قبل سنه ورفعتها من نفسي لاني تعبت والحين نقصتها لاكن باذن الله بروح للدكتور واشوف ايش يقول وانتظم معاه باذن الله

قدامك العافيه باذن الله 👍🏻

خطوة موفقه لابد من دكتورك حتى يتابع معك الحاله 🌹🌹

الله اعلم ولكن من تجربتي الشخصيه لما خفضت الجرعه من 20 الى 15 ثم الى 10 لم تحصل معي اي اعراض ولله الحمد

كم كانت مدة اخذك لكل جرعه وكيف كان التدرج
انا ماوصلت للعشرين وال15كانت بس لمدة شهرين ورجعت للعشره