قلق وخوف اتمنى تساعدوني :(
 

مساء الخير ..
اسأل الله أن يمن علينا بالشفاء ويجعل مااصابنا تكفير لنا ويطمن قلوبنا ويرزقنا الراحه والسعاده .. اللهم امين 🙏🏻
اخواني واخواتي بدأت قصتي آخر رمضان اصبت بطنين ودوار مفاجئ
بعدها اصبت بخوف شديد واتصلت ع زوجي عشان يرجع البيت !

يومين وانا خايفه وانتظر واترقب عودة الدوار لكن وضعي طبيعي
اليوم الثالث قلت خلاص ابغى اروح المستشفى لاني حسيت الم خفيف ف اذني وخفت يشتد والعيد كان باقي عليه يومين واجازه مستشفيات وكذا مالكم بالطويله حت المستشفى وطلع عندي مشكلة ف الجيوب الانفيه والاذن طبعاً الغريب اني مازلت خايفه واكرر للدكتور يعني مافيني شي الدوخه طبيعيه عادي ..... الخ
وانا ف العاده هذا مو طبيعي ☹
والاغرب انه الدوار من بعد اول مره ما رجع لي الا ف المستشفى عاد يقولون انه بسبب التوتر وانا مااقتنعت وعدى عليّ العيد وذو القعده وذو الحجه ف حاله نفسيه الله يعلم بها وتذبذب ف المزاج فضيع بكاء قلق خوف مراقبه جسمي وشك انه فيني شي مو طبيعي ..
للعلم طول الفتره هذي كنت مااخذ الا ادوية اذن وجيوب انفيه بخاخات بيتاسيرك وكذا وكنت احس اني ف دوامه ليه مازلت خايفه ليه احس فجأه اني بدوخ وقلب يدق بسرعه طبعاً الشعور مزعج جداً شي غريب سريع يصير ف الراس يخليني اغمض احس بدوخه لثواني معدوده وتفك عني واجلس اترقبها وراجعت طبيب عام ودكاتره اذن وحنجره يقولون واضحه عليك اعراض القلق والوسوسه ومايهتمون لكلامي
وقتها طبعاً يجيني كوابيس واحلام احس اني صاحيه ودايخه و خدر وقت النوم ..

بعد كذا بفتره بسيطه جاتني اول نوبة هلع كنت ف السياره واقرا ف جوالي فجأه حسيت شعور غريب مثل النغزات متتاليه وسط الصدر وقتها حسيت ريقي نشف وبروده فضيعه ف وجهي واطرافي وتعرق واخس بدوخه وصرت اصرخ بموت بموووت ومعايه ولدي رضيع فكيته مااقدرت امسكه وزوجي يهديني بس مافي فايده رحنا اقرب مستوصف وفحصتني الدكتوره وقالت مافيك شي نوبة هلع هدي نفسك لانه الضغط ارتفع شوي بسبب الخوف وعطوني مغذي وطلعت وانا ف حاله مايعلم فيها الا الله :(
مع الاسف الضغط صار من مخوفاتي بعد الحادثه الاخيره الله يحفظنا ويكفينا شره
المهم قلت خلاص بروح لدكتوره مخ واعصاب مازلت مو مقتنعه انه القلق يسوي كذا وفعلاً حجزت موعد ورحت بعد الفحوصات والكلام الكثير مع الدكتور وصف لي سيبراليكس 10 ملم نصف حبه ف البدايه لمدة 10 ايام بعد كذا حبه
استمريت شهرين ووقفته بدون تدرج ..
اول شهر بعد ماوقفته طبيعي صح فيه خوف بس اشغل نفسي
الان ليا اسبوع احس الخوف والقلق راجع لي ترقب الدوخه وسوسة ارتفاع الضغط
وكمان احس شعور ف اذني غريب ومزعج جداً فجأه تقفل واحس فيها صوت مثل الصفير خفيف ثانيه ويختفي يترافق معاه شعور بالخوف ودقات قلبي تزيد امس كنت ف عيادة اذن وحنجره وفحصت قالوا مع الجيوب الانفيه تنقفل الاذن وتسبب الصفير بس مااقتنعت خايفه منه جداً مادري هو شعوري نفسي صحيح كان يجي مع السبراليكس بين فترات متباعده وكنت ماهتم له انساه الان تركيزي عليه :(
مادري الا انا فيه نفسي عضوي انتكاسه ولا انا من الاساس ماعطيت السيبراليكس فرصه وضعي جداً ملخبط ارجوكم الي عنده فكره يفيدني وجزاكم الله خير

خوفي الحالي الاذن الشعور الغريب الي يجي فيها وكمان ترقب الدوخه
لا اله الا انت سبحانك اني كنت من الطالمين

العلاج الاستمرار في السبرالكس باذن الله. الموضوع جدا بسيط والله

حياك الله
طبعا انتي اخطيتي في ترك العلاج لانك لو صبرتي كان شفتي الفرق
لازم ترجعين للعلاج مثل ماوصف لك دكتورك بالظبط
القلق واضح في كلامك وكل اللي تعانين منه هو القلق النفسي
واذا استشلمتي لفكرة الوسواس ان اذنك فيها شي راح تعانين
لذلك توكلي على الله وخذي علاجك وانتبهي تتركين العلاج بدون تدرج واستشارة دكتورك
بالتوفيق

الله يجزاك خير ..

اخوي انا بس ابغى اعرف القلق والهلع يسبب الصفير وضغط الاذن كانها مملؤه هوا لثواني معدوده طبعاً مااقصد الطنين الصفير شي مختلف ماقدر اوصفه صوت مزعج ومرعبني الدكتوره قالت اذا صار مستمر طول اليوم لازم فحص اذن دقيق وكلامها زادني وسوسه صرت اترقب واتحسس اذني
بالنسبه للسبراليكس زوجي رافض ارجع له بحجة انه يسبب ادمان وممكن مااستغني عنه بعد كذا

اقسم برب العرش العظيم سبرالكس ما يسبب ادمان ابدا ابدا
فقط استشارة الطبيبة حال حمل او رضاعة

غير الصحيح السيبرالكس لايسبب ادمان نهائيا
وخوفك دليل على وجود القلق داخلك

اختي مونترو والله العظيم انك وصفتي حالتي وصف دقيق بالذات ترقب الدوخه والدوخه السريعه اللي بالراس والصفير اللي بالاذن شي زي سسسسسسسسسسس باذني ماعرف اوصفه اما الدوخه كانها تيار كهربائي لمدة كم ثانيه احس اني راح افقد الوعي .
كل هذا من القلق الحاد والقلق له مراحل عديده والحالات الشديده تحصل هالاعراض اخر مره كنت عند الدكتور قالي المخ يمر بموجات الفا وبيتا وثيتا اللي هي مراحل الاسترخاء الى حالة النوم العميق ومع القلق الشديد تصير لخبطة بادوار الحاله يعني الانسان يمر اول شي بحالة الفا وبعدين بيتا وبعدين ثيتا بحالتنا تتلخبط الادوار تجي الثيتا قبل الالفا .. يعني عمليه معقده لكتها مو مخيفه والمسبب هو القلق .
انا بعد الدواء لله الحمد ارتحت كثير بعد ماكنت بدوامه وحاله نفسيه منهاره .
لاتخافين ابدا بس ياليتك استمريتي على الدواء كان وصلتي لمراحل الشفاء المتقدمه .
زوجك مايحس باللي انتي تحسين فيه ومو من حقه يمنعك عن العلاج اعذريني .
الادويه النفسيه ثلاثة انواع ادويه مخدره وادويه علاجيه وادويه مهدئه والسيبرالكس دواء علاجي لاهو مخدر ولا مهديء .
طمنينا عليك ومالك شر ان شاء الله

فضفضه من جديد و بن دايم .. الف شكر جزاكم الله خير

قطرات الندا
يسعدك ربي طمنتيني وبالنسبه للسبراليكس رفض ويقولي قاومي لا تتنازلين للوسوسه لانك بتتعبين طول عمرك من غير ادويه اذا تعودتي :(

حبيبتي مونترو وانتي حتتعبي والمقاومه تاخذ من راحتك وعمرك ومزاجك انا كنت كذا رافضه الدواء واقاوم تعبت جدا ضاعت ايامي وانا بعزله وخوف وترقب يحصل لي شي هذا غير المستشفيات مابقى دكتور ولا تخصص في الانف والاذن والمخ والاعصاب والقلب والاوعيه الدمويه الا زرتهم غير تحاليل الدم الشامله عشت في قلق وتوتر ودخلت اكتئاب بعدين استخرت ربي واخذت الدواء والحمدلله رجعت لطبيعتي ..
انا ماقولك خذي الدواء والا لاتاخذينه كل شخص ابخص بحالته و ظروفه لكن اقولك اذا انتي مقتنعه بالدواء خذيه لاتنتظرين موافقه من احد واذا مو مقتنعه لاتاخذينه وربي يكتب لك العافيه .
وارجع اقولك لاتخافين من هالاعراض كلها بسبب القلق الحاد جدا قالي الدكتور يسوي اكثر من كذا .
انا بصراحه اخذت الدواء لأن صارت اعراضي جسديه لانوم ولا اكل ولا تركيز و دوخه وعدم توازن وتوتر وترقب لكن اذا قادره تتحملي وتقاومي كملي .
الله يكتب لك الشفاء التام يارب

سبحان الله ماكنت حاسه اني قلقه زيادة عن اللزوم و اخر شي توصلت له مع الدكتور انه ممكن اي انسان يتغيير مزاجه ويكتئب او يهلع بس اذا زاد الموضوع عن اسبوع وسيطر عليه لازم علاج

في حالة التحقق من وجود مرض نفسي يجوز أخذ العلاج دون علم الزوج

اخوي هو مو رافض العلاج كجهل انا استخدمت سيبرالكس شهرين عادي بس تاركته من شهر واسبوع والاعراض الاسبوع ذا بدات احس فيها خوف واعراض نفسو جسديه وهو يقول قاومي مفكر المسئله بتتحول لادمان دوا 😅
والله يشفينا جميعاً

انا استخدم سبرالكس ٢٠ للتوتر والقلق وهو طيب لأنه نقي ويؤثر بشكل غير مباشر علي مستقبلات السيروتونين السبعة الكاملة وهو انفراد حصري لهالدواء. .

الدواء لايت اي خفيف
وخفيف الآثار الجانبية ويفضله الرجال عن سيروكسات علي الرغم من أن سيروكسات اقوي منه وافيكسور اقوي منه