لي أسبوع تعبان
 

اليوم كملت 8 أيام طايح
تعب
شئ كاتم وضاغط ع صدري وراسي
الم بالوجه والجبهة والخشم
غشاوة بالنظر
يالله اتنفس
كل جسمي تعبان
احس ما اقدر اوصف اللي فيني

يارب رحمتك

مع اني مستمر على السيروكسات
والدوجماتيل والاندرال من 7 سنوات

بس اجلس شهرين متعافي ومرتاح
حتى انسى المرض

ثم فجأة تبدأ الاعراض بدون سبب
وتجلس أسبوع 10 أيام
وتختفي شهرين
وهكذا

عجزت افهم ايش السبب
ليش ترجع الاعراض

اذا كنت لا تقطع علاجك طول هذه السنوات فلابد من تقييم الحالة من طرف الطبيب وإعادة النظر في الأدوية والجرعات

طيب طول ها ٧ سنوات علاجك معاه رقيه

لا والله اني مقصر بالرقية

اكثر شئ متعبتي
طوال ال 7 سنوات
هو راسي
االالم اشكال وانواع

مرات شد
مرات ضغط
مرات ثقل
مرات زي الامواج براسي

مافيه الم ثابت
يتشكل ويختلف

اجل عليك بالرقيه وكم جرعتك فالسيروكسات

الله يجزاك خير اختي
ويكتب لنا الشفاء جميعا

الجرعة حبة 25

انا نفس حالتك بس انا 13سنه عالعلاج وتروح الاعراض وترجع وكل فتره شي جديد واحس الامواج الي بالراس هاذا اخر شي بدا فيني احس بشد وضغط مع صوت امواج في اذاني لين كرهت العلاج وخففته من نفسي الحين اخذ 5غرام بس واستسلمت للقلق ماعاد ابغا علاجات تعبت ولا فيه فايده

هاذي الي قلتها كنت احس فيها اول شهرين من بداية العلاج والان اخف بكثير ولله الحمد بس معاه الرقيه وسورة البقرة الصدقه الدعاء

اسأل الله العظيم رب العرش العظيم أن يكتب لنا الشفاء أختي أميرة

بإذن الله راح نتشافى وننسى كل شئ مر فينا

بس ثقي بالله وتوكلي عليه وتفائلي

وماخاب من توكل على الله

اسأل الله العظيم رب العرش العظيم أن يكتب لنا الشفاء أختي مبتلاه بالهلع

وبإذن الله نفرح بشفائنا وننسى الهلع وايامه

الله يجزاك خير امين يارب العالمين
انا عندي ثقه بنسولف قريب في ملتقى المتعافين

اختي ١٣ سنه علاج !؟ ليه ماتراجعي طبيب ووينك عن السلوكي لابد منه وايضا لابد من مراجعة طبيب للتقييم المستمر

يااارب ياكريم 🌸

والله مافيه دكتور مارحت له وكل مارحت لوتحد يقول نجرب نزود الجرعه واستمري واستمر عليها وارجع له بعد فتره يقول دام العللج زين خليك عليه طيب الى متى والاعراض الجانبيه للعللج متعبه من كسل وخمول وتبلد المشاعر شي يتعب اقوى من الهلع
والله اني زرت دكتور بمصر وبتركيا وحتى الهند ماسلمت مني وكلهم نفس الشي ماعدا الي بتركيا قال سيبي العلاج وكل شي وركزي في افكارك وحلليها شوفي وين المشكله المهم جلس يبربر علي ساعتين واخذ ٣٠٠ دولار وطلعنا ولافيه جديد
والحمدلله على كل حال