|
+ تعــــالواااا ,, نحس ببعـــض +
السلام علييكم ورحمة الله وبركـــاته ,, شلوونكم اعضاء.. عسااكم بخير ان شاء الله :) الموضوع واضح من عنوانه هو انه نحس في بعض نواسي بعض يعني كل وااحد يطرح مشكلته سواء نفسية / فالبيت/ فالمجتمع ,, اي شي حتى لو كانت بسيطه .. بس يكفي يحس ان في ناس معاه مو بس هو عنده مشاكل .. وان شاء الله الاعضاء راح يواسونه ويعطونا اقتراحاتهم .. وحلولهم وتجاربهم ,, وبهالطريقـة.. راح نحس ان الكل واقف معانا ,, : ) ,, |
عزيزتى / الدُنيا حلوه ....
شكر واجب توجيهه لكِ لهذه الروح الحلوه التى تريد الخير لإخوانها وتُحب أن تُشارك فى مواساة المهمومين ؛ ورفع المُعاناة بقدر الإمكان عمن يُعانى وهذه صفات وخِلال لا تصدُر إلا عن نفس راقيه آدمية حقاً ..... لذا وجب توجيه الشكر لكِ .... |
(( اسامة السيد )) اشكـرك على هذي الكلمات الراقيــة .. وبانتــظار مشاركتك ... معانا ,, :) |
مووووضوووع حلووو
وفعلا خل نتناقش في مشاكلنا ونعرف الحلول وآراء ناس اكبر منا واكثر حكمه يعطيييج العااافيه وابتدي انتي عشان تشجعين باقي الاعضاء <<حكرت لج خخخخ |
في شي مضايقني ماعرف شلون ارتب نووومي تعبت : ( |
الحل اتوقع سهل
يعني في ايام الاجازه كان اخواني الصغار نومهم معتفس يسهرون بالليل والصبح يتمون نايمييين المهم قرب وقت الدراسه فالحل كان انه في يوم قعدناهم من الصبح وماخليناهم يرقدون من عقبها وديناهم دحل الحماام لين ما انهد حيلهم فردوا البيت تعباانين ورقدوا في الوقت الملائم للنوم ومن عقبها تسنع نومهم الحكمه من الهذره اللي فووق انه اضغطي على عمرج مره من المرات ولا ترقدين اول ماتردين اشغلي عمرج بشي مثل الدراسه قراية قصه او اي شي تحبينه او حتى على سبيل التغيير روحي العبي كوره مع اي حد انشالله خدامتكم بس المهم شي يهد الحيل ولا تقربين صوب غرفتج وفي حزة النوم بتجووفين نفسج مهدود حييلج وبترقدين في الوقت الصحييح ويتعدل نومج "انشالله" |
انا وحده مااحب اضغط على نفسي
والله اقوووم من النووم.. ماعرف شاسوي ماعندي شي اسوويه من جي ارقد ودوني دحل الحمام ههههههه والله الفراغ قااتل علشان جذي نومي مايتعدل لانه دوامي يوم اي ويوم لا |
بنسوي لج رحله ونووديج
ونخليج تركضين ركض الين صج ينهد حيييلج السؤال اللي يطرح نفسه وانتي متملله مافكرتي تطبخين ؟ ترا صدق او لاتصدق الطبخ يروح الملل |
انا احس اني طفشانه وزهقانه مااعرف ليه
|
الطبخ.. مااحب اطبخ كللللش ,, .. اتشجع اذا حد وياااي مب بروحي ادش واطبخ واخبص,, همس انثى.. لانج ماتشغلين نفسج بشي عشان جي متملله سجلي بدورة تحفيظ قران.." وايد بترتاحين" بنادي ريااضة.. " الرياضه تودي القلق " معهد لتعليم الانجليزية.. او اي شي.. اشتغلي.. وتعرفي على ناس وصديقات بتحبينههم وبتتمنين تبقين في الدوام وماترجعين البيت .. جرربي .. ماانتي خسرانه شي : ) |
عندي امتحاان يوم الاحد وتعتبر فرصه ذهبيه واخر امتحان لي .. علشان ارفع معدلي بس متكيسلة .. وعيزانه ادررس : ( |
همس انثى
حبيبتي جربي تسوين اشيا ماسويتها من قبل والله بتستمعين مثالا الطبخ << ازعجتكم في هالطبخ خخخخ بس اقولج مثال عن نفسي انا يمكن ما اطلع من البيت بالشهر والشهرين والله من ماكثر الملل اصييح بس لقيت الحل طبعا الملل مايجي الا ايام الويكند فقلت بشنو اشغل نفسي وقت الظهر ومافيه الا الطبخ والله ونااسه واستمتاع حتى لو كان طبخج اي شي بس بعد تحسين انج انجزتي وعندج بعد وسائل تروح المللل حطي ميك اب وجربي شدو يديد شي جي اطلعي بالحوش والعبي مع اليهال الصغار رتبي غرفتج من اول وجديد |
الدنيا حلووه
حرام تضعييين مثل هالفرصه اضغطي على نفسج وروحي درسي اجووف وسوي اقل شي ملخصات زين بعد شنو ؟ امممم هيئ لنفسج الجو الدراسي المريح وتمي جابل الكتب الين الله يفتحها عليج وتبدين تدرسين وقوووود لك يارب ويارب اتييبين فل مارك |
مشكلتي النووم =(
ما ارتاح في نوومي كلش ومن تطلع الشمس اصير اتقلب بفراشي واحاول انام ومحتاجه النوم يعني هالاسبوع اللي طاف كله انام الساعه ثلاث او اربع واقعد الساعه سبع اما اليوم عندي اجازه ومع هاي مب قادره ارفد مع اني محتاااجه النووم بس الله كريم شكلي بعوض العصر |
عاادي انا جي..
ماارقد الا 3 او 4,, بس هاي لانه مخج بزي.. تفكرين باشياء وايد فيطير النووم.. حتى لو كنتي هلكانه تبين تنااامين ,, تدرين .. شربي يانسون او بابونج بتحسين بنعاس وتبين ترقدين والجاي الاخضر بعد يرقد ,, نوووووووم العوافي حبيبتي ,, |
| الساعة الآن 01:51 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا