نفساني

نفساني (https://www.nafsany.cc/vb/index.php)
-   ملتقى أصحاب نوبات الهلع (https://www.nafsany.cc/vb/forumdisplay.php?f=58)
-   -   يامن حارت بك السبل تفضل ولن تندم باذن الله (https://www.nafsany.cc/vb/showthread.php?t=72828)

فلها وربك يحلها 19-11-2011 07:19 PM

يامن حارت بك السبل تفضل ولن تندم باذن الله
 
السلام عليكم ورحمة الله وبركاته

اخواني واخواتي انا متابع لكم كل فتره اقرا المواضيع ويؤلمني ما اجد من ازدياد في المهلوعين

انا اخوكم المعتبر سابقا (شيخ الهلع)

اقسم بالله العلي العظيم ماكنت اتوقع ولا 1% اني ارجع طبيعي بسبب الاشياء اللي كنت احس فيها

عايش في حلم - الام متفرقه - وساوس - توهم رؤية ملك الموت - اضطرابات في الجهاز الهضمي - صداع - حزن - عدم الخروج من الغرفه وليس المنزل لاني اعتبر الخروج بمثابة الموت ......الخ اعراض يطول شرحها ووصفها

وهنا حبيت ابين لكم سبب تسمية (شيخ الهلع) لاني من يوم كنت صغير وطفل ماعرفت ولا ذقت طعم براءة الاطفال لان نوبات الهلع كانت تحوسني حوس وماكنت اعرف وش فيني ولا اهلي يعرفون حتى الاقارب مايدرون

مرت الايام والسنين وكانت تنقطع كم سنه وترجع بشكل جديد وانا ياغافل لك الله مادري وش السالفه

وفي عام 2008 رجعت لي وبشكل جنووني والحمد لله كانت بداية النهايه لهذا المرض التافه والحقير

تصفحت النت بحثت في جميع المواقع وتحديدا المواقع الاجنبيه نظرا لاجادتي للغه الانجليزيه ولله الحمد وماستفدت الا دوامات متتابعه من الوساوس والهموم

طرقت ابواب الطب النفسي ولم استخدم العلاج الا لفتره بسيطه لعدم قناعتي به

اتجهت للرقيه الشرعيه وكانت نهاية هذا المرض التافه ولله الحمد

طبعا كتبت اكثر من موضوع في طيات هذا المنتدى الرائع وكتبت قصة شفائي ولله الحمد وقصة المرض ومراحل المرض وكل شي

ونظرا لكثرة المواضيع حبيت اجدد المشاركه والتذكير بان المرض نهايته بالرقيه الشرعيه باذن الله مع خطوات وقد ذكرتها في احد المواضيع

الخلاصه من الموضوع كله ( لا تخافون ولا تحزنون والله ثم والله مصير نوبات الهلع للزواال وتصبح من الماضي باذن الله مهما اختلفت قوة الاعراض وطبيعتها )

ومابي منكم الا الدعاء لي ولوالدي

ولو فيه احد من الرياض انا مستعد اساعده باذن الله ((اسال مجرب ولا تسال طبيب ))

والسلام خير ختام

مانسيت الجرح 19-11-2011 07:41 PM

اسال الله إخي الكريم لك تمام الشفاء والثبات والاجر وان يجعل ماكتبت من نصيحه فيهإ خير لنا في موازين حسناتك. إخي انا اعاني من ضيق التنفس الشديد الذي لم اجد سببه طبيا لكن تيقنت انه عين هذإ غير التقلبات النفسيه الفضيعه التي تمر بي حتى انهكت جسدي. فارجو منك اخي ان تخبرني عن طريقتك في الرقيه. وانا اكتب لك الان وليس في بالي الا سؤال واحد هل ياتي يوم واتنفس مثل بقية البشر. وتقبل مني دعوة من قلب متعب ان يجعلك من السعدا ء في الدنيا وألاخره09`1`01`01

الكرار 19-11-2011 07:45 PM

شكرا على الموضوع المفيد

جزاك الله خير

فلها وربك يحلها 19-11-2011 07:51 PM

الله يتقبل منك دعواتك اللي تشرح الصدر يالغالي ولك بالمثل ان شاء الله

اخوي مانسيت الجرح

انا قعدت مايقارب 3 سنوات ماتنفس مثل العالم احس اني مكتوم ماخليت ولا مستشفى مارحت له والنتائج سليم احترت كثير في الاخير راحت من نفسها ولله الحمد باستخدام استبدال الافكار السلبيه بالايجابيه

طبعا الكتمه راحت قبل لا ابدا في استحدام الرقيه

بالنسبه لسؤالك طريقة الرقيه راح اوضح لك الطريقه اللي استخدمتها

اولا ماء مرقي استحمام وشرب بالنسبه للاستحمام في وقت مو مشكله

ثانيا الصبر واستبداال الافكار وعدم الاسترسال معها يعني تجيك فكرة انك بتموت لا تسترسل معها غير الفكره في راسك باي شي مثلا تذكر ايام حلوه مرت عليك حاول تستعيد الذكريات الحلوه السابقه

ثالثا الصدقه بنية الشفاء ترا لها مفعول عجيب باذن الله

هذي اللي كنت اسويه باختصار شديد

وفي الختام اسال الله العلي القدير ان يشفيك عاجلا غير اجل

فلها وربك يحلها 19-11-2011 07:52 PM

اقتباس:

المشاركة الأصلية كتبت بواسطة الكرار (المشاركة 729950)
شكرا على الموضوع المفيد

جزاك الله خير


وياك ان شاء الله

وهذا حقي تجاهكم

مانسيت الجرح 19-11-2011 08:50 PM

اخوي حلهإ الله ييمن كتابك ويذهب شقاءك ويعطيك لين يرضيك انا فتاة ولست رجل. دعواتي لك

فلها وربك يحلها 19-11-2011 09:12 PM

اسف اختي ما نسيت الجرح

ولكي بالمثل

غموض انثى 19-11-2011 10:01 PM

اخوي فلها الله يسعدك دنيا واخره ربي يوفقك ساعدني انا من الرياض

فلها وربك يحلها 19-11-2011 11:08 PM

اختي غموض حياك ربي

اول شي الشفاء من الله سبحانه وتعالى وليس بيد احد

انا قصدت باللي في الرياض من الشباب علشان اقدر اقابلهم وباذن الله مايشوفون الا كل خير

لاكن ابشري اختي باذن الله تنسين شي اسمه هلع

لاكن عندي سؤال
هل طبقتي الاستحمام والشرب من الماء المرقي + تغيير الافكار السلبيه واستبدالها بايجاببيه + الصدقه بنية الشفاء ؟

كلهها اموره بسيطه والله بس تحتاج لصبر ومثابره

وماقدامك الا العافيه اختي ولا تخافين من اي عرض مهما كان حتى لو حسيتي ان قلبك وقف لانك ماراح احد يموت قبل يومه

في حياتي كلها ماقد شفت مهلوع مات بسبب الهلع وانا اولهم مريت بحاله كنت اصارع سكرات الموت وبدون مبالغه لو سميتها سكرات الموت
وفي الاخير الحمد لله كل شي انتهى بالخطوات اللي ذكرتها فوق

اسال الله العظيم رب العرش الكريم ان يشفيك

ملكة السكوت 19-11-2011 11:48 PM

بارك الله فيك اخي
هل انت المعتز بالله سابقا
انا اذكر عضو بهذا الاسم كان مريض
على كل سررنا بعودتك و الحمد لله على شفائك ربي يعافيك اخي و عقبال كل المرضى
ربي يحفظك و يحميك و والديك
شكرا اخي


فلها وربك يحلها 20-11-2011 12:38 AM

هلا بك اختي ملكة السكوت

اسال الله ان يتقبل منك ويجازيك بمثل دعوتك

اسمي سابقا كان المعتبر اختي

واتشرف بمساعدتكم

ايس لاند 26-11-2011 05:08 PM

السلام عليكم .... مانسيت الجرح انا الان وع بدايه السنة الجديده 7 سنوات نفس طريقتك مكتوم دائما لدرجه اروح الطوارئ وسويت اشعه صدر وفحوصات قلب لدرجه انهكت قواي وماقدر اسوي اقل مجهود واللى انا الهث لاكن دائما اقول في نفسي يمكن راحتي وسعه الصدر ماهي مكتوب لي في الدنيا استغفر الله والى هذه اللحضه وانا على هاذي الحاله قلت يمكن عشان الوضيفه توضفت وتعبت اكثر وفصلت قلت عشان يمكن الزواج تزوجت ومافي فائده زي ماانا حسبي الله ونعم الوكيل والحمد لله على كل حال والحمد لله

شمعة وفاء 26-11-2011 07:53 PM

يالله كلامك هذا طمني بعد ماكنت يائسه
لاني كنت اقول ماراح اشفى الا بعلاج وانا داخلي لاارغب فيه
الله يجزاك خير انت والدك
ياليت اخوي تعطينا رابط موضوعك بخصوص العلاج

فلها وربك يحلها 27-11-2011 05:55 PM

اقتباس:

المشاركة الأصلية كتبت بواسطة ايس لاند (المشاركة 731710)
السلام عليكم .... مانسيت الجرح انا الان وع بدايه السنة الجديده 7 سنوات نفس طريقتك مكتوم دائما لدرجه اروح الطوارئ وسويت اشعه صدر وفحوصات قلب لدرجه انهكت قواي وماقدر اسوي اقل مجهود واللى انا الهث لاكن دائما اقول في نفسي يمكن راحتي وسعه الصدر ماهي مكتوب لي في الدنيا استغفر الله والى هذه اللحضه وانا على هاذي الحاله قلت يمكن عشان الوضيفه توضفت وتعبت اكثر وفصلت قلت عشان يمكن الزواج تزوجت ومافي فائده زي ماانا حسبي الله ونعم الوكيل والحمد لله على كل حال والحمد لله

اخوي ايس لاند

اول شي احب اقول له ياخوي اذكر ربك وتعوذ من ابليس وجيب لك كاسة شاهي

ولاتهتم بكلام ان الشاهي يزيد النوبات وركز معي شوي

اخوي ايس لاند شوف يالغالي اذا انت 7 سنوات وتحس انك يائس انا قعدت مايقارب 19 سنه او اكثر بشكل متقطع كل سنه نوع وشكل وتختفي كم شهر وترجع تحوسني وتستمر لمدة سنه او 9 شهور الخلاصه من الموضوع اليأس اول طريق لاستمرار المرض

حط هالقناعه في بالك زين مافيه شي يستمر على حال واحد مهما كان

كل شي في هالكون لازم يمر بمرحلة التغيير اما من الاسوا الى الاحسن او العكس

ودام انت تعتبر حالتك سيئه تاكد انها راح تتغير للاحسن باذن الله

شوف يالغالي انا بحط لك رابط موضوع وذكرت فيه بعض الخطوات اتمنى تطبقها

وبتدعي لي ان شاء الله
تفضل
http://nafsany.cc/vb/showthread.php?t=51786

وعيش حياتك


فلها وربك يحلها 27-11-2011 05:56 PM

اقتباس:

المشاركة الأصلية كتبت بواسطة شمعة وفاء (المشاركة 731744)
يالله كلامك هذا طمني بعد ماكنت يائسه
لاني كنت اقول ماراح اشفى الا بعلاج وانا داخلي لاارغب فيه
الله يجزاك خير انت والدك
ياليت اخوي تعطينا رابط موضوعك بخصوص العلاج


الله يتقبل دعواتك اختي

تفضلي الرابط

http://nafsany.cc/vb/showthread.php?t=51786


الساعة الآن 08:53 PM

Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا