وسواس الموت..
 

أنتي من يساعد هذا الوسواس على البقاء في مربعك ويصير عايش عندك وما يفارقك

ماهو الجديد وانتي تعلمي بأننا بشر وكلنا سوف نبقى تحت التراب وتذكري الحبيب المصطفى بأنه مات وهو اعظم مخلوق عند الله

اسال الله العظيم ان يشفيك انصحك يالغاليه بالدعاء في هذي الايام والله راح تتشافي باذن الله ولا يصيبك شي دام الله مو مقدر لك ذالك واكثري من الصدقه دعواتك لي بالشفا وتحقيق امنياتي /ميمي

انا مثلك وتعذبت الى الاااان .. لي اربع سنوات .. اللي قاهرني ضيعت احلي ايام عمري وشبابي في وسوسه،، قهر ..من عمري 21 .. ولا زاااال .. الله يشفينا?

عندما يأتيك الوسواس تذكري الله وتأمل في مخلوقاته

يا اختي يا السويدي

كم من مرة جاك الوسواس و في كم مناسبة ؟؟؟

و هل انت ميتة الان ام حية ترزقين ؟؟

لا تعيشي في الاوهام

تعوذي بالله من الشيطان و عيشي حياتك بما يرضي الله

و دعي عنك هذه الافكار فلن يصيبنا الا ما كتب الله لنا

و الله يا سويدي انا في الحج و تعبانه من الوسواس و أقول هذي حقيقه

لدرجه بكره عرفه و ابغا أنام و خائف مؤ قادوه أنام الله يعين أن شاء الله ادعي لكم بكره

يالسويدي وياحبيبي زوزي ونبره حزن
كم مره الشيطان لعب علينا الى متى وحنا نصدقه ماغير جالس يعطينا جرعات من هالافكار السلبيه ويخلينا نصدق انها حقيقه ونجلس طول الوقت مالنا خلق لشئ بس فكره الموت مسيطره على عقولنا ماغير اكتئاب وهم وش استفدنا ماغير عايشين بين نوبات هلع وبين قلق وبين وساوس مشكلتنا اننا نحس هذا الاحساس حقيقي موب وسواس كلنا نشترك بالنقطه هذي نحس اللي نمر فيه موب مجرد وسواس بل حقيقه
طيب عندكم دليل انه احساس حقيقي ؟؟؟؟الجواب لا لا بس نسمع قصص ونصدقها هذا الي فالحين فيه ماغير نفتح هالمواقع ونسمع من الناس ونصدق هذا اللي نعرفه بس
ا
انا عارفه الحين تقولون يالله يالسنعه عطينا دليل انه هذا الاحساس موب حقيقي طيب ابعطيكم بس اصبرو علي طالعه لكم المحقق كونان على غفله اجيب لكم دليل


ايه فيه دليل اقولكم وشو هو الدليل اننا دايم نحس بالموت بيوم معين او قت محدد ويمر ذاك اليوم ولايصير شئ صح كلامي ولا خطاء هاه وش رايكم ياحلوين حجرتكم صح هههههههههه
كلام منطي جدا صح
الحين يجي الشيطان ويقول لاتعلب عليكم هالخبله<< ماغيرك الخبل حسبي الله عليك هههههههههههه

ترى انا ماجيت اتفلسف لا انا نفسكم وعارفه حجم المعناه
انا مثلكم خايفه والاحساس لازق فيني اربع وعشرين ساعه ماغير ضيق وافكار تضيق الصدر واذا جيت انام
تعالوا شوفوا الهبال ماغير مناقز ومطامر من الخوف اللهم ياكافي تقل داخله عروض بهلاونيه خخخخخخ
هذا غير الاحلام حلوم اعوذ بالله مرره شين هالاحساس وهذا غير اذا شفت شئ ربطته على طول بالموت وفيه اشياء كثيره


المستفاد من كلامي
خلونا مانعطي الافكار فرصه تكبر يعني اذا حسينا ان الموت قريب نوقف التفكير نقول ستوب يعني مانشغل التخيلات ولانشغل الافكار
على طوووووول نقول اعوذ بالله من الشيطان الرجيم وبصوت عاااااااااااااالي نكررها عشر مرات او عشرين مره او مليووووووون مره المهم اننا مانسترسل مع الافكار
ترى حنا نعطي الشيطان وجهه و فرصه ومجال انه يلعب ويمرح بعقولنا الى متى على هالحاله




((((و الله يا سويدي انا في الحج و تعبانه من الوسواس و أقول هذي حقيقه لدرجه بكره عرفه و ابغا أنام و خائف مؤ قادوه أنام الله يعين أن شاء الله ادعي لكم بكره))))
يازوزي هذا موب حقيقه هذي تخيلات واوهام وش فيك خايفه المفروض انك تستانسين حسبي الله على هالوسواس لاحقك حتى وانتي في الحج بكل زمان ومكان
ياقلبي لاتطاوعين افكارك تراك بتتعبين وتتعب نفسيك ريحي بالك واتركي عنك هالخرابيط قومي سمي بالله وتعوذي من الشيطان الرجيم ونامي وارتاحي
تدرين ان الشيطان الحين مستانس وفالها يبغاك تشغلين بالك بالافكار وتتعبين عشان اذا جاء يوم عرفه الناس تدعي وانتي خلاص عقلك هالك من الافكار عشان كذا قومي بس وتوكلي على الله وروحي ارتاحي وشيلي هالافكار من راسك ولاتقعدين تنكدين على نفسك لا تخافين هذا كله مجرد وساوس يبغى يلعب فيكي الشيطان لعنة الله عليه



الله يشفينا جميعا يارب

يا قلبي يا غريبة
في الحج ماشاء الله ياالله عسى الله يتقبل منج و لا تنسينا من الدعاء يا أختي العزيزة

كلامج صحيح

عاد الأحلام
اليوم ناشه مضايقة لأني حلمت كذا حلم مداخل في بعضه و كله خوف و موت و ضيقة
الله المستعان بس

الله يعافيك يا اختي السويدي

الاحلام لا عليك منها هي كثرتها حديث نفس

اعملي باداب الرؤيا و و كلي امرك لله

ما رح تضرك ان شاء الله