الخوف والهلع اتعبني .
 

اخواني انا اصبت بنوبه الهلع منذ مايقرب 8 سنوات وقبل شهرين وديت الاهل لحالي ورجعت لي النوبه مثل اول استخدمت السيروكسات 20 منذ ذاك الوقت وكانت ممتازه الان احس مافيه اي فايده لها علما ان القولون العصبي مشتغل معي .. والله ان الاهل يطلعون للاستراحه وماطلع منهم خوف شديد تعرق باليدين عدم اتزان تعرق تعبت الصراحه انقطعطت عن شغلي مادري وش الحل .. اذا ركبت السياره ماحب ابعد عن البيت .. الان وانا اكتب احس بدوخه وعدم اتزان مالحل بعد الله افيدوني

مازلت تتناول السيروكسات أخي؟

اذا مازلت ارجع للطبيب ممكن يزيد الجرعة او يغيره لدواء آخر هناك الزولوفت جيد للهلع وخفيف الآثار الجانبية

نعم اخوييعني رايك اروح للعياده

اكيد هذا افضل حل المهم اختار طبيب جيد وتابع معه

أخي الكريم من الأفضل لك مراجعة طبيبك السابق واذا كان ذلك صعبا فلتذهب لطبيب آخر هو يحدد الدواء والجرعات لتستفيد وتتحسن باذن الله باسرع وقت،اسأل الله العافية لك.

إياك أن تففد الشجاعة

الزاناكس هذا وقتها لابد تحصل زاناكس
ولا تقنط قسما بالله نفس اﻷعراض معي وأشد ما معنا الا الصبر ونسأل الله انه ما يحرمنا اﻷجر ويعوضنا بصبرنا الجنه

الادوية ماراح تفيدك وانت قلتها بعظمت لسانك مافي نتيجه كلها كيماويات تضر البدن
علاجك يكون تقوي نفسك وتوثق ف ربك وتحافظ ع اذكار المسا والصباح .. انا كذا تعافيت ولله الحمد .

هذا اللي صلحته علاج سلوكي وهو اﻷنفع ﻷنه يغير سلوك وفكر المريض ولابد من اﻷدوية النفسية لتدعم الجانب الكيميائي في المخ والحمدلله العلم تطور وصارت الادوية النفسية اكثر امانا

الله يشفيك
فعلا هالاحساس مرعب ومتعب
الله يشفي كل من ابتلي به

انظر هذا الرابط للاخير

http://www.nafsany.cc/vb/showthread....726#post848726

الله يكتب لنا ولك الشفاء ولجميع الاخوان الاخوات
ياخي متانق الجأ الى الله ربي وربك ورب كل شي ومليكه عليك بالدعاء والالحاح وخصوصا في الثلث الاخير من الليل بعد الوتر (وقال ربكم ادعوني استجب لكم ) ليكن املك بالله قوي ولاتستعجل الاجابه والله ارحم بعبده من الام بوليدها
الله يرزقنا واياكم الطمأنينه والسعاده وراحة البال ان يعيننا على ذكره وشكره وحسن عبادته

افحص فيتامين د واتحداك اذا ماكان ناقص عندك :)

بالشفاء والعافيه يا بطل ...