مقدر اجبركم بس اقدر اطلب أنكم تقرون موضوعي
 

سلام عليكم " ف البدايه أنا عمري 23 قبل سنه ونص تحديدا كنت انسانه مرحه اجتماعيه بس كان من صفاتي أني حسااااااسه وارحم اي شخص عَلى طوووول وأصيح .الموهم بدت حالتي قبل سنه ونص حلمت حلم ومن بعدها حياتي انقلبت رأسا عَلى عقب صرت أتوهم المرض ومره شكيت ف راسي ومره ببطني ومره بصدري والحين مستمرة في الخوف من المرض طبعا الوضع يصير اول شي الم بسيط بعدين أصب كل فكري فيه وأقول آيه أكيد كذا وبعدها أصير فعلا احس باللالام ساعات أقول طبيعي لأنك قمتي تهوجسين فيه وتوسوسين يووووه كل وقتي ياصيح ياالمسس ف جسمي .ساعات احسها عين وحسد لان ماكنت كذا أبدا . امممم صرت مااحب أكلم غرباء اخاف يقولون لي يوه حاره ولا وش فيه وجهك اصفر.واخاف ، ادري الشفاء بيد ربي بس تكفون لاتحرموني دعواتكم والله أني اكتب والدموع في عيوووووووووني .😭😭😭😭 الي عنده نصيحة يقولي مشكورين أسفه طوولت عليكم

حياك أختي _حبيبتي هذا وسواس حاولي لاتفكرين فيه كثير لاتعطينه أهمية_طيب قبل أن أقول لك هذا مرض نفسي ولو أنا لست بمختصة ولكن من تجربه_هل جربتي أنك تداومين على أستماع الرقية_أسأل الله أن يشفيك ويرفع مابك

مرتين قرو علي مشايخه وأهلي يقرون علي ساعات.ورحت لنفساني وعطاني بروكسات ولا فادني مره ساعات اتحسن بس مااقدر استمر شهر او اقل الا وانا راجعه لي حالتي وأصيح كل الوقت وكل اليوم أفكر بالمنطقه تعبت تتتتتتعبت كثير وحتى اهلي احس تعبو بسببي.ساعات أقول لو اقراء 7 ايام عند شيخ وبعدها أقول هذا شي نفسي يمكن مو عين ! والله أني ماعرفت لنفسي ، مغير أصيح واناظر الناس أحسهم في عالم ثاني . واخاف مرررره مابي احد يروِّعني ولا يقول سوي تحاليل مره مابي ...

يوه يازينكم يكفي أنكم رديتو علي جعلكم ف الجنه "وان شاء الله ربي بيشفيني.بس مدري أنا الحين فيني نوبه هلع ولا وش السالفة أنا احسني طبيت في عالم مدري وشو.

وش شخص حالتك الطبيب؟ليه ما أستمريتي على العلاج؟ماجربتي أنك ترقين نفسك؟وش بتحسي الأن؟

حبيبتي استهدي بالله
اولا اللي عندك مجرد قلق عام وترجم الو وسواس توهم المرض
اني مافيكي الا العافيه كوني قويه وتغلبي على هذا الوسواس
لتدخلين نفسك في متاهات العلاج بيدك انتي حاولي تطنشين وتشغلين وقتك
واهم شي حافظي على صلاتك بوقتها وصلاه الوتر قبل النوم رجوالاستغفار والاذكار
الله يشفيج حبيبتي

أنا في مكان مافيه ناس يقرون كثير بس واحد .يقول وسواس وتوهم مرض.ويقول مابي اعطيك حبوب إنّو توك صغيره ومقبله ع زواج وانا بعد ماحس هالحبوب زينه .والقرائه عجزززززت استمر عليها.بس جالسه احاول اقرأ البقره .مع العلم أنا قبل فيني صفات مثل اجتماعيه وإنكت وكذا واحسني فتحت عيون الناس علي لأَنِّي كنت بارزه اجتماعيا. وكانت بنت تقولي احس ماعندك هموم لأنك تضحكين لو تدري الحين وقتي ف غرفتي ييااصيح ولا احاول انام ولا صرت أحب اجتمع وكلما اجتمعو اهلي ف الأعياد تزيد حالتي وأصير مابي اروح للاجتماع ، الله يشفيني ويشفي كل مرررريض يشتكي،

حبيبتي الله يسعد قلبك ويببعد عنك المرض والهم

انا زيك وربي اتوهم المرض واحس بالاالم ولارحت مافيني شي تعبت نفسيتي ماكنت كيذا ابد صرت احي اعتزل لحالي مابي اروح لاحد اخاف من كل شي

بس لازم نتغلب ع هالوساس لاننا بنمرض اكثثر واحنا طيبين حبيبتي الله يفرج همك ويسر امرررك

والله كلامكم خفف عني ان شاء الله بحاول بس كلما قلت انسي قلت ليه تنسين وإنتي أصلا ضايق صدرك وكذا وكلام ماودي أقوله .."والله يافي قلبي حزن ووالله يافي عيني دموع.😭😭كنها عطايا من مزن.☁️وكنها بقايا من خشوع.لو كان لإحساسي وزن !تهشمت منه الضلوع 😭😭😭😭😭

ام حنين اجل إنتي مثلي يعني تحسين بالالام صدق؟ إنّو فعلا احس بالم مع ان الدكتور يقول لا وسواس لاتخافين😢😢ودي أصيرررر قوووويه وأنسى ولا عاد يهمني شي ...بس بقولك شي ام حنين داكنا زي بعض أكيد الي فينا وسواس خلينا نحاول مره وندعي لبعض اليوم وكل واحد مريض فينا مراح أنساكم😢😢احبكم ياالهي الثانين الله يخليكم لي

وأنا إيضآ أنصحك زي ماقال الطبيب لاتدخلي في دوامة أخذ الحبوب_حالتك ماأقولك سهله مره بس والله مقدور عليها وهذه تعتمد عليك أنت أخيتي أتشجعي وحاولي تتجاهلي هالوسواس والله أحسن طريقة التجاهل _

بس ساعات أقول ليه مااكل حبوب وارتاح يمكن فعلا فيه حبوب تؤخر هالتوهم مره وتبعده، والله أني في حيره ان شاء الله عندي أمل ان ربي بيشفيني وبرجع مثل ماكنت وكلنا بنطيب مهما حسينا بيأس لازم نقوي توكلنا عَلى ربي .اهم شي أني احاول انصحني وانصحكم😬كل شخص رد علي جعله ف الجنه والله يخليكم لي ولا يحرمني منكم ياااااااارررررب ويحقق كل امنياتكم

خلي أملك بالله كبير_ربي يشفيك ياأختي ويرزقك السعاده والراحه_‏

اهلين أن كنت صابره بدون حبوب أفضل لك نا جربتها شهرين ورميتها . وفيه ناس لقوا فيها العافيه كلن وحظه. . بس الأفضل لك الصبر ومحاولة أشغال النفس والرقية العين حق ترا وخصوصا لمن ينقلب حاله من حال إلى حااال

مشكورين والله ونويت ابدء بالرقيه ان شاء الله مشكووووورررين من كل قلبي الله يسعدكم😘😘😘😍

احسني في بيت اهلي اول ماسجلت بالمنتدى مع اني اضحك على ايام المنتديات بس سبحان الطنزه بطرف الثوب..يازين عائلتي الجديده النفسيه 😝😍😍

هههههههه ضحكتيني من جد حلوه يا زين عائلتي الجديده لا والنفسيه بعد ههههه

اسال الله لك العافيه والراحه و السلامه ويديمها عليك يا رب

حياك الله يا اختي في عالمك الثاني

اي والله الحمدالله لقيت اهلي الثانين قبل اشكي للي موب فيهم زي مشكلتي ولا يفهمون اما هنا مره حلو كلنا زي بعض 😍وان شاء الله كلنا نطيب ونتباشر بشفاءنا ونقلب اسم المنتدى من "نفساني" الى " فلاوي" ههههه axsaxs😍

أحسن مافي المنتدى

أعضائه تحس أنك بين أهلك وناسك

وتلقى ناس تشكي لهم

ويسمعون لك

ويشجعونك

ويعطونك نصايح

وأنتي يا أختي

والله العظيم مافيك شئ

والله كنت سنتين ما اقدر أوقف من عدم الأتزان

والدوخه والصداع والخفقان وصعوبة المشي والقلق والتوتر

والحمد لله قمت أطنش أعراضي واتجاهلها وأخذت علاج وخفت



وأنتي أختي دامك ماتحسي بالأعراض الجسدية
فأنتي في نعمة
ولاتحتاجي أدوية


أهم شئ اطردي عنك الوساوس والتفكير السلبي

ولاتجلسي لوحدك كثير

اختلطي باللي حولك واطلعي

صدقيني اللي فيك شئ تافه

وشوفي غيرك وتهون عليك مصيبة

واحد من اصحابي قبل كم شهر صدم وصار معاق

رحت وزرته ودموعه ماتوقف

يقول ماني مصدق حتى لو اقضي حاجتي لازم يساعدني احد


حمدت ربي

صح اني اعاني وتعبان

بس الحمد لله قادر اخدم روحي بروحي ولاني محتاج احد

دايم شوفي اللي أقل منك

صدقيني بترتاحي

وبالقرآن والرقية والذكر والأستغفار وقيام الليل والصدقه

صدقيني بتحصلي راحة البال ورضى الرحمن

وماقدامك إلا العافية إن شاء الله

بين يوم وليله 🌹انا جدا ممتنه لك كان كلامك يدخل القلب وكنت اقراه بتأني واحاول استفيد من كل شي فيه .بالنسبه لاحساسي بالالم فانا احس بالالم واحس فعلا بس يمكن هالاحساس ناتج من تفكيري المطلق بمكان محدد في جسمي لان ساعات كثر التفكير بمحل يخليك تحس بالوجع فعلا.انا فعلا مااادري يمكن هالشي نفسي واحتاج دكتور ويمكن سببه عين واحتاج رقيه الي اعرفه ان لي سنتين وانا كل فتره تجيني حاله صياح ماانام يعني اجلس بالساعات متواصله اصيح لدرجه امي ماتنام لا هي ولا ابوي يقرون علي وتجيهم غلقه اذا شافوني كذا بس الحمدالله ان شاء الله انه تكفير وان ربي كاتب لي ولغيري الخير 🌺مره ثانيه اشكرك انك عطيتني من وقتك وكل شخص نصحني والله لكم دعوه بظهر الغيب كل شخصه باسمه ....

الله يشفيك يارب العالمين ويشفيني ويشفي جميع المسلمين يارب العالمين



دعاء المريض

المريض هو أي شخص بحاجة لعناية الطبية أو الرعاية الصحية أو العلاج الطبي. وغالبا ما يكون هذا الشخص مجروح او عليل وفي حاجة للعلاج بواسطة الدكتور أو أي شخص مختص بهذا العلاج . ويكون الشخص الذي يزور الطبيب من أجل الفحص اليومي مريض.

من ادعية المريض :

لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
إلهي ..
أذهب البأس رب الناس اشف و أنت الشافي لا شفاء إلا شفاؤك شفاء لا يغادر سقما ..
إلهي ..
أذهب البأس رب الناس بيدك الشفاء لا كاشف له إلا أنت .. يارب العالمين آمين ..
إلهي ..
إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..
إلهي ..
لا ملجأ و لا منجا منك إلا إليك .. إنك على كل شيء قدير ..

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار . و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين.


قال النبى صلى الله علية وسلم : "ضعى يدك اليمنى على على ما يؤذيكى وقولى بسم الله اللهم داونى بدوائك وأشفنى بشفائك وأغننى بفضلك عمن سواك واحدر عنى أذاك"

عثمان بن عفان رضى الله عنة قال : مرضت فكان رسول الله صلى الله علية وسلم يعوذنى فقال:"بسم الله الرحمن الرحيم أعيذك بالله الأحد الصمد الذى لم يلد ولم يولد ولم يكن لة كفوا احد من شر ما تجد" ثم قال "تعوذ بها فما تعوذت بمثلها" .

ليون أنتي طول الشهر تحسي بضيقه ولا فترات من الشهر ؟
وآنا مع كل الأعضاء اللي قالولك لازم ترقي نفسك وحاولي تضغطي عليها مره على مره بتشوفي نفسك تقدري ترقيها وانتي مرتاحه

معليش بسالك ليش اسمك لين وصبا ؟

مشكووور على الدعاء جعله بميزان حسناتك يارب ويوفقك لكل خير ويشفيك ويشفيني عاجلا غير اجلا...ام لبنتين هلا بك اختي يعني يمكن الشهر اخذ منه اسبوعين ونص فيني هالحاله وبعدها اشوا شوي .اجلس مثلا اسبوعين وترجع لي الحاله ....بالنسبه للاسم واحد منهم اسمي وماقبلوه فخليته اسمين

ايه هالايام صرت ادهن بزيت زيتون بس يبدو ان الالم تخيلي مرتبط بالتفكير 😰

صباح الخير
مرحبا بك يا أختي لين وصبا بين أهلك وأخوتك....وبإذن الله سنمد لك يد المسااعده لتكوني سعيده في حياتك
أرى أنك في ريعان الشباب ....وطيبه وحبوبه وحساسه جدا
هذه الفئه الجميله من الناس تكون معرضه لبعض الإضطرابات النفسيه نظرا لإحساسهم المرهف ....فلا تقلقي عزيزتي أنتي بخير
كل ما في الأمر أنك تمرين بما يسمى بالقلق الشديد من ناحية أمر ما...
القلق هو عدو ثقيل ...يحط رحاله فتره ثم يرحل بلا عوده إن شاء الله ....فحاولي أن تكوني قويه أمامه كل يرحل سريعا وداومي على قراءة القرآن وخليه شغال يم راسك حتى في وقت نومك
واذا قررتي اخذ الأدوية فهناك أدوية مفعولها خفيف وغير إدمانيه ممكن يوصفها لك الطبيب النفسي....لتجاوز هذه الفتره بسلام
أنتي بخير ....وستكونين أفضل بإذن الله ...وإلى أن تصلين لبر الأمان .....نحن بجانبك
دمتي سالمه

ختي لين وصبا

انتي تحسي بألم معين

يعني صداع دوخه خفقان ضيق تنفس .. الخ

او تحسي بقلق وتوتر وخوف

او تتوهمي المرض وتفكري فيه

او حاسه بحزن ونظرة سوداوية للحياة ورغبة بالبكاء

او تحسي بوساوس وتفكير وخوف من الموت


لازم تشرحي أعراضك بالتفصيل

علشان نقدر نساااعدك

زهور وبين يوم وليله وانا اقراء كلامكم جلست اصيح لاني تعبت فعلا ولا عاد اتحمل اكثر الي فيني انو حسيت بالم خفيف بعدين رجعت حالتي صرت اتوهم المرض وصار كل وقتي افكر بهالمنطقه وليش يوجعني وكل الافكار السيئه تجيني وكلما وجعني اكثر انهرت زياده احسني تعبت ماعاد فيني تحمل ...والله اكتب لكم وانا اصيح مدري شسووووووووي ..دكتوري النفساني يقول انها توهم مرض وممكن جتك بسبب عين بس مدري متى خلاص بشيل هالفكره ..اهلي مجتمعين وانا لوحدي بغرفتي احسهم ملو مني ومن شكواي .بس حتى انا وش اسووووووي انا تعبت من التفكير مااجلس 5 دقايق بدون مافكر ماااااقدر يااااااارب ترحمني برحمتك ياااااااااااارب

زهور انا الحاله تجيني شهريا ولي اكثر من سنه ونص ياااارب والله مدري وين اروح يوووه ماكنت احس بالعافيه النفسيه الا لما فقدتها............

اللله يشفيني ويشفي كل مرريض يشتكي...ياااارب تهون علينا وتجلي كل هالافكار السيئه من عقلي ياااسميع الدعاء..

واضح اللي تعانين منه هو توهم مرضي والتوهم المرضي يجعلك تفكرين ان فيك مرض بجسمك ولكن بالحقيقة لايوجد شيء
هو فقط مجرد وهم والعلاج الافضل هو السلوكي بمعنى طنشي هذه الافكار التي تنتابك لأن لو جلستي تتوهمين ان فيك كذا وكذا راح تتعبين اكثر
وماتشوفين شر

جعلك بالجنه كلامك جميل اللله يفرج لك كل همومك يااااارب 🌺