|
بين يوم وليله لو سمحت
اخوي عندي سؤال انا اللحين اليوم الرابع من استعمال الجنسكين لاكن احس بثقل براسي والم بعيني زياده عن اول ممكن يكون السبب العلاج ؟؟سؤال ثاني هل اذا وقفت العلاج ترجع الدوخه مع العلم انها مااراحت لاكن احسن من اول بكثير وهل التحسن يكون بشكل افضل مع طول الاستخدام يعني التحسن يزيد والا الوضع بيبقى كذاا ارحو منك الرد
|
أم شجوعي كلمتي دكتورك عن هذه الاعراض؟
|
ام شجاع مادامك تحسنتي على العلاج فهذا شي جيد ولا توقفين عن العلاج من تلقاء نفسك الافضل انك تمشين على كلام الطبيب لكن انا ابي اسالك الدوخه اللي عندك هل هي مستمره انا من اسبوع تقريبا وانا احس بدوخه شديده تخف وقت النوم بس
|
اخوي هااادي لي سنتين مع الدوخه المستمره مع عدم التوازن لدرجة اني كرهت الدنيا ولاعاد اهتم حتى بنفسي ماتتركني الدوخه الا وقت النوم الظاهر كانت تنام وتصحى معاي هههههههههه...... اختي زهور مااكلمته اساس زوجي بالعافيه وداني لانه راااافض تمام والدكتور لمن رحنا عنده حلس يسب الادويه النفسيه وزاااادت قناعة زوجي يقول اذا هو الدكتور يسبها كيف تبيني اقتنع
|
هذا ماهو دكتور
شلون دكتور نفسي ويسب الأدوية النفسية واجنكسين إف ماله أي أعراض أبدااا مافيه مواد كيميائيه علشان تسبب أعراض جانبيه حبه صباح وحبه مساء ماتنفع أبدااا خوذي حبتين صباح وحبتين مساء وبعد 10 أيام تبان النتيجة |
اخوي ع ضمانك بااخذ حبتتين بس سؤال محرج شوي اناا اخذ منع حمل يمكن يضرني مع الجنسكين
|
والله مدري يا ام شجاع
اقري النشرة حقته لكن بالنسبة للجرعة على ضمانتي خوذي الحبتين انا لي شهر استخدمه حبتين بعد الفطور وحبتين بعد العشاء ماراح اقولك شئ إلا وأنا مطبقه ومجربه وأنا اخوووك |
ام شجاع كرما
شنو سبب استخدامك له وشنو الاعراض اللي تجيك وخلتك تستخدمين هالدواء |
والله ياامحمد اعراضي ذكرتها بهالمنتدى لين تعبت هههههه بس من شانك بذكرها لك تبشر .... يااطويل العمر اعراضي مالتالي دوخه عدم توازن طبعا مستمر طووول الوقت لي سنتين ع الحال صداع بجهه واحده من راسي وثقل وزغلله بعيوني ودايم متوتره وقلقه وخااايفه وافكار سلبيه وسواس بكل شي خاااصه بالامراض وسواس مثلا اخاف زوجي يموت او ولدي او واحد من اهلي كذا يعني لدرجة لو اتصل ع واحد من اخواني ولااقي جواله مقفل اجلس ابكي واسوي زحمه ههههههههه الله يحفظهم ياااارب
|
طيب سئلتك بالله سنتين
هل صار شي من اللي فكرتي فيه ؟ هل مات احد لاسمح الله هل هل هل ؟ لا انا واثق انه لا ومتاكد بعد لانه مجرد اشياء تجي وتضايقك بس سؤالي المهم متى اول فكرة مزيفه جتك وسببت لك هالشيء متى جتك اول مره بالضبط وبالنسبه للدوخه وانا احوك ترى العلاجات تسبب الدوخه -الجيوب الانفيه -التهاب الاذن الوسطى او فقع بالطبله -خفيف الفقع جدا ويبيله فحص دقيق وترى يام شجاع العين تسبب كل هالاعراض ترى العين مقرونه بشيطان يبقى قرين معك عشان تثبت العين فهمتي ويسبب لك هالدوخه والامور اسمعي بداية ابيك تجربي نصيحتي ومن واقع تجربه 8 مرات وراح تدعي لي باذن الله راح يصير فيه تحسن واثق ميه بالميه ابيك تسوين حجامه تقدرين تسوينها ثلاث مرات متتاليه كل شهر مره او كل شهرين حسب ماتحدد لك حقت الحجامه ادخلي يوتيوب واكتبي عيادة ام يوسف للحجامه لاتقولين ماقدر انتي لك سنتين صح ابي منك شهرين بالكثير بس وش خسرانه اوكي |
ربما اجتمع معك عضوي خفيف التهاب اذن او ضيق بالجيوب الانفيه
وجت فجاه مع الوساويس وجمعتيهم مع بعض يعني لاتربطينهم ببعض ثقي بكلامي باذن الله |
مااعندي اي مرض عضوي ... اخوي بين يوم وليله اخذت اليوم الصباح حبتين احس بتعب مش دوخه بس متوتره واعراض القلق زايده عندي
|
حبيبتي ام شجاع الله يطمن قلبك ويشفيك
ي قلبي افضل تكلمين الدكتور وتقولين عن اعراضك او خلي زوجك يكلمه ادري الرجال الله يهديهم مو اي شي يوافقون عليه بس بالتفاهممم |
اسال الله ان يشفيكى
هقولك على معلومات لعلى اقدر اساعدك فى مشكلتك
1- مشاكل مصاحبة للعينين 2-إلتهاب في الخلايا العصبية المسؤولة عن توازن الجسم. 3-?انخفاض نسبة السكر في الدم 4-فقر الدم الناتج عن نقص في نسبة الهيموجلوبين في الجسم 5-?إضطراب هرمونات الجسم 6-التهاب أحد أعضاء جسم 7-انخفاض ضغط الدم 8-تورم في العصب السمعي 9_ التهاب الاذن والتهاب او حساسية الجيوب الانفيه افحصى كل هذه الاشياء لانها تسبب الدوخة المستمرة وطمنينى |
سويت رنين ماافيني شي
|
اقتباس:
بل هو دكتور شريف صادق عارف فاهم بحقيقة السموم النفسيه المسميه بالادويه لم يرض أن يكون كغيره من الدكاتره الشياطين الذين ينصحون باستعمال مالايشفي بل يؤذي |
اي اخوي صواب قال ان الادويه النفسيه ماتشفي بالعكس تهد جبال هذي كلمته ووقال لزوجي ماانصحك تجيبها عند دكتور نفسي لانه راح يدمر صحتها ويعطيها مهدئات ومسكنات فقط ولا رايح تشفى .. فقط تخدير ... وكمان قال هي تقد تتغلب ع حالتها لانها سهله ليه تعيش دوامه الادويه النفسيه وهي لسى بداية حياتها وعطاني علاج للدوخه وبس وقالي تعالي بعد عشر اياام
|
كيف وضعك يا ام شجاع
ممكن الأدوية النفسية تخفف بس وتزيل الاعراض ولاتنهي المرض لكن غيرت حياة ناس بعد ماكان طايح بالفراش صار يقدر يروح ويجي ويعمل هي زي العكاز ماتشفي لكن تساعد اذا ارتحت وراحت الاعراض او خفت تقدر تمارس حياتك تروح دوامك تواجه مشكلاتك لكن اذا كنت دايخ ومصدع وطايح بالفراش ماراح تقدر تساعد نفسك على الشفاء لانك تعبان وطايح |
ماشاءالله معلومات قيمه
طيب كرمآ ممكن أحد يثبت لنا كيف العلاجات النفسيه تكون مهدئة وليست شافيه باذن الله وكذلك تدمر الانسان وتزيد من حالته ياليت الدليل يكون موجود اهم شي عشان نستفيد وشكرآ لكم .... |
وبعدين الله يهديكم بردودكم المحبطه لنفسيات اكثر الذين يأتون لهذا المنتدى لكي نخفف ضغوطاتهم ونبحر بهم الى بحر الطمأنينه وازالة الافكار والمخاوف المزيفه من عقولهم للاسف بردودكم السلبيه واتفاقكم على عدم الاستفاده من الادويه قد تزيد من الضرر النفسي لأكثر الزوار الذين يبتغون العلاج ارجوا التأني قبل اضافة اي رد على اي موضوع ولنقل خير او نصمت |
اخي محمد كل اللي تعبانين نفسياا وياخذون الادويه مااهم جهله وعارفين كل شي اخوي بين يوم وليله الصداع والم عيني جنني تتوقع من العلاج ويزيد الوجع اءا نزلت راسي او التفت يمين احس مثل العرق من عيني لين اسفل راسي ورقبتي ارجوووك رد
|
وسؤالي هل الجنكسين يرفع الضغط انا من اخذته زاد علي الصدااع مرره
|
اختي ام شجاع كلامك صحيح
لكن هذا انا وانتي واكثر الاخوه اللي يستخدمون الاوديه من فتره لكن في ناس جديده تدخل هذا المنتدى قبل الذهاب الى دكتور لقوله ربما اجد هنا العلاج بس لما يقرا ان الادويه ماتفيد وهيك ومجرد مسكن ييئس اكثر ويصير بدائره من الوساوس والاحباط والهم كل اللي اقصده ان اخواني هنا يحاولون يرفعون من معنويات الشخص ونعطيه لو بصيص من الامل ويكون كلامنا تفاؤل وايجابي وتبسيط جميع افكاره وتصغيرها بنظره ترى هذا الشيء حلو والله وماتشوفين شر يارب |
طيب محمد ترااا انا ماقد اخذت ادويه نفسيه نهائي
|
ماشااءلله عليك
الله يوفقك ويبعد عنك كل شر يعني ماشاءالله عليك سنتين متحمله الافكار اللي تجيك ؟؟ اهنيك على قوتك والله وتحملك ماشاءلله وربي هذا لوحده اقوى دواء وانا ولله الحمد لي اسبوعين تارك العلاج واجرب جهاز الفا ولله الحمد كبداية حلو ونبي نشوف يارب يتمم على خير ويجيب افضل النتايج |
اخوي محمد ايش هي اعراضك ... ومعليش ايش هو جهاز الفا مااعرفته 😆
|
اعراضي كتبتها طال عمرك بموضوع لي ونزلت عن جهاز الفا موضوع كامل وكم لي استخدمه ونتائجه -
واعراضي كتبت عنها وشنو الادويه اللي استخدمتها موجوده الله يحفظك شوفيها بمشاراكاتي ومواضيعي موضوع الجهاز اليوم نزلت عنه كامل المعلومات والتجربه امس كتبتها بموضوع عموما تراني حولك مو بعيد عنك كاأعراض ونوبات وساويس بس اختصرت الوساويس قدر الامكان عشان لانه ممكن شخص يجي تعبان ويقرا الموضوع وافتح له مجال فكره وسواسيه جديده يقعد يفكر فيها فهمتي قصدي ههههه وسلامتك اختي |
ودي اقولك وش الاعراض واكتبها لك بس مقصدي ابيك تقرين بهدوء وروقان وتعرفي كل شيء افضل
وعن تجربتي وادويتي وكيف ولله الحمد الان تحسنت من فضل ربي بنسبة 60 بالميه ومستمر مع العلم انه برنامجي الحالي جهاز الفا حجامه (اهم شي ) صلاة الوتر التفكير الايجابي ومواجهة الافكار وتعلمتها عن طريق العلاج السلوكي وبصراحه خيال ولو اقولك عن شخصيات شفتها قدامي وكنا نسوي علاج سلوكي جماعي ياشيخه اللي عندنا هنا بالمنتدى مافيهم شيء على حالة اللي شفتهم واللحين ماشاءلله عليهم فوق الخيال الله يديم عليهم النعمه والعافيه مثال شخص ماشاف اهله بمدينة حائل 3 سنوات من الخوف والهلع والوسواس جلس 7 جلسات سلوكيه بعدها يكلمنا من حايل وهو يدق الباب على اهله وطاير من الفرح حرمه 7 سنوات تخاف تطلع السوق وتخاف يغمى عليها وتطيح ووووووو ..... 9 جلسات متواصله ودقت ع الدكتور وموجودين احنا راحت ل 12 مول بيوم واحد لوحدها ماشاءلله عليها واحد سنتين مايطلع من باب بيتهم والله من الخوف اللحين اهله يقولون له تكفى ارجع البيت وينك اربع وعشرين ساعه تدوج ومسافر كلهم بعد السلوكي والمعرفي تشافوا بفضل الله سبحانه وتعالى السلوكي يعلمك شنو طبيعة اللي فيك وعباره عن ايش ويجيب لك ادله مقنعه وقدامك تشوفيها ويعلمك كيف تواجهينها وشنو اسلحتك وكيف تتجنبيها ومتى تتجنبينها وووووووووو....... مختصر الكلام 70 بالميه من العلاج سلوكي 30 بالميه علاجي اذا اخذت العلاج لوحده تعتبر كاانك اخذت مهديء اذا اخذت السلوكي والعلاجي المعرفي والدوائي انا اضمن لك باذن الله 3 شهور او اقل بعد انك راح تترك العلاج بالتدريج وتبدا تعيش حياتك وشي انا مجربه وشفت غيري كثير لما كنا نسوي علاج سلوكي مشترك جو ناس كثير يخافون من السفر اجتمعوا سواء وطلعوا بسياره وحده من عند العياده وسافروا للمجمعه وارجعوا كبدايه طبعا مسافه قريبه بعدها باسبوعين كل واحد بديره مسافر لوحده مابالغ ولا اجيب من راسي شي وقفت عليه وجربوا وراح تشوفون بس مشكلتنا هنا ناس تبي الشي بين يوم وليله وشوفي انتي ام شجاع عارفه ان كثرت اسئلتك عن العلاج اللي تستخدمينه وشنو اعراضه انتي عارفه انك قاعده تزيدي القلق بدون ماتدري خذيها نصيحه اذا مشيتي بطريق علاج لاتوقفين مو كل شوي تمسكين طريق وتوقفين بالنص وترجعي للطريق الثاني وتوقفي بالنص على كذا ماراح تعرفي طريقك ولا راح تعرفي تعرفي شنو علاجك نصيحتي اخذتي علاج خلاص كملي وخلي اعراضه تجيك عاري مهما كانت ولاتسألين اي دكتور ثاني ولا تدخلي نت وتقري عن العلاج وهيك خلاص كملي بطريقك وخليه هو الطريق الواضح الثابت اللي راح تلاقي نهايته العلاج باذن الله بس مشكلتنا الاستعجال بالنتيجه والتحسن السريع اللي نبيه وكثرة اسئلتنا والبحث عن كذا طريق بنفس الوقت هذا اللي سبب فشل العلاج او تأخره والسلام عليكم تعبت وانا اكتب ههههههه |
اقتباس:
هل تعتقد ان الأدويه النفسيه شافيه وليست مهدئه ؟ |
اقتباس:
قصدك تبحر بهم الى بحر الوهم الادويه النفسيه مجرد مهدئات تتركها تعود كما كنت |
اخوي بين يوم وليله الدكتور يقولي خلاص ووقفي العلاج اذا راحت الدوخه كلمه زوجي احسه مب صااحي
|
| الساعة الآن 03:59 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا