خفة الرأس ذبحتني ؟؟!!
 

الاخوة والاخوات اعضاء المنتدى الأكثر من رائع

السلام عليكم ورحمة الله وبركاته
انا منذ سنتين وانا أعاني من خفة بالرأس ازعجتني كثيرا لا بالعمل ولا بحياتي العادية احس اني غير متزن دائما بالعمل وبالمشيء وبالصلاة قالوا نقص فيتامين د واخذت كورسات علاج والحمدلله الحين الفيتامين بالنسب الطبيعية وخفة الراس لا زالت موجودة هل احد منكم مر بهالشيء علما اني عملت تحاليل وكل شيء سليم واشعة مقطعية للراس وسليم واخذت رنين مغناطيسي وايضا سليم اللهم لك الحمد

ولكن خفة الراس هذه عذبتني اتمنى اذا احد مر بهالشيء يفيدني جزاكم الله خيرا

وراكم محد رد وازيدكم من الشعر بيت عندي احيانا تعرق فجائي واحس جسمي يبرد ثواني ثم يرجع كل شيء سليم الا خفة الراس دائما مستمرة معاي ؟؟؟

انااا كمان اعاني منها طفشتني احيانا احس كأن في احد يدفني وانااا امشي ؟؟ اشرحلي احساسك بدقه بليز

خفة الراس
 

احس دائما كان راسي من داخل يهتز واذا انا واقف احس كأن جسمي كله يهتز وراسي غير ثابت علما اني اعاند احيانا واسوي تمارين رياضية ولا يصير فيني شيء لكن يبقى الراس كانه مو ثابت واحيانا يجيني تعرق مع زيادة خفة الراس ولا اقدر التفت بسرعه كان في ثقل بالالتفاف ولا ادري كيف ابين احساسي اكثر

انا مو فاهمه كيف خفه بالرأس بالعادة ثقل وهزه
بس جربت الحجامه؟

انا كمان اذا وقفت احس نفسي مثل المومياء ههههههه اهتزاز اوقف قدام المرايه اشوف نفسي ثابته مافي شي الاهتزاز داخل راسي احيااانا خفه واحياانا ثقل بس نااويه اسوي حجامه يقولون تحسن من الاحساس ذا

سويت العام الماضي بصراحة ارتحت كثير خصوصا بالنوم ولكن رجعت خفة الراس حتى الان وانا اكتب احس كأن شي براسي يتحرك

شاركونا بارائكم يا ايها المشاهدون الصامتون

كم مره سويت حجامه ؟؟ يقولون لازم ثلاث شهور كل شهر مره وحده ''''''انا وودي اسويها بس خاااايفه منها

سويت الحجامة مره واحدة وكنت بعد احس اني مو متوازن على سريرهم اللي حطوني عليه وقلت له بس اخلص علي بسرعه هههههههههههههه بس الحمدلله جاني نوم وراحة بالنوم ليست طبيعية احس ما اشبع نوم
بس كثرتها ما أدري والله اخاف فيها اضرار على الدم بالجسم .

يمكن عندك خلل بالشاكرات (مراكز الطاقة)

هههههههه وشي الشاكرات الله يجزاك خير

والله موضوع طويل بس هي 7 مراكز طاقة اساسية في الجسم اغلب الامراض بسببها , علاجها يبغاله شغل وتفرغ لان العلاج ماهو دوائي تحتاج تغيير في نظامك الغذائي مع ممارسة التأمل على طريقة الرهبان في شرق اسيا

معقوووله ياخوي ممكن تشرح لنا عن الشاكرات ذي .... احسها اسم حلا بصراحه

هههههههههههه حلوه اسم حلا بحثت عنها بقوقل يبغالها تمارين وشغلانه حنا يالله تستقر روسنا مو هالتمارين يبغالها يباني او فلبيني

هي مراكز طاقة لاترى بالعين المجردة او عن طريق اجهزة طبية هي مراكز تقع في النفس (النفس جسد ثاني وليست الروح)
تنظيم الطاقة :

لجسم الإنسان مسارات تمرمنها الطاقة وعلى الأغلب هذه المسارات مغلقة
نتيجة الإهمال , ويمكن فتحها عن طريق إمرار الطاقة في هذا المسار ,
وبذلك تنشط و تتقوى و تبدأ بالعمل، سيكون الأمر صعبا في الأول لكن مع المتابعة و النثابرة على التمارين سيصبح الأمر في غاية السهولة.
وأهم المناطق التي يجب أن تنظم طاقتك فيها هي الشاكرات السبع (الشاكرات الرئيسية)



شاكرا الجذر وتقع في أسفل العضو التناسلي
شاكرا العجز وتقع أسفل البطن وأعلى العضو التناسلي
شاكرا السرة وتقع أسفل السرة
شاكرا القلب وتقع في المنتصف على مستوى القلب
شاكرا الحنجرة وتقع أسفل منتصف الحنجرة
شاكرا العين الثالثة وتقع أعلى منتصف العينين
شاكرا التاج وتقع أعلى منتصف الراس

من اراد الاستزاده فليبحث في قوقل عن الشاكرات لاكن قبل محاوله التاثير على الشاكرات يجب تنشيط مراكز الطاقة الثانوية

انا عندي نفس هالمشكله كانت ملازمتني في الحمل وظلت معاي كاني ممياء مب ثابته واحس جسمي ينبض والرويا مب واضحه . شي غريب الصراحه انا اقول اكيد في خلل ما ماقدرنا نوصل له ؟

ام سيوفي تعالي لمجموعتنا

ااااه من هالاعراض اقسم بالله كانك انا الي اتكلم نفس اعراضي تماااماا

وحتى نفسك ياام شجاع والله اروح عند المرايه اطالع نفسي اشوف انا اهتز واراقب جسمي

حاليا اكتب وانا اتراجف احس بخوف لان احس راسي زايد عدم اتزانه وجسمي حتى وانا مستلقيه نفس الشي جسمي يروح ويجي

ياررررررب يشفينا والله مابي من الدنيا شي بس العافيه والاتزان وهالراس يهجد

الله يشفينااا يارب

ام سيوفي وايضا تعبت من الالم اشكر لكم مشاركتكما ولكن هل حللتوا عن نقص فيتامين د ؟ وجرثومة المعدة

بشرو ايش صار معكم


مثل اعراضي مع انو انا عندي ( نقص دال 3 ), والحين اخذت قطرة VI-DE 3

معقوله كل هذا من فيتامين د ! !!!!

والله مدري اخت ريم من فيتامين د والا من شيء ثاني بس الراس هبل فيني احس اني مو متزن ولا اقدر اوقف كثير

وش اعراضك ريم

اعراضي

- لما اكون جالسه فجاة احد يناديني راسي تلقايا يهتز ولا اعراف شو السبب

- ولو اكون جالسه احس بجلستي شويه اهتزاز لما اعرف يختفي
فجاه بعكس خارج البيت اشوف اقوى من كذا واهلي يقلون مايشوفون هالاشي
و بعد مشيتي شوي الحظ ان غير متزنه
واكثر شي يقهرني الي قدامي
مايشوف الا مشيتي كذذا انا بديت اشك بمشيتي
ولما اقول هالكلام لامي وابوي يقلووني كله اوهاااااااام
وخذوني للمستشفى قالو معي نقص فيتامين د بنسبة 3
لازم تطلع للشمس صرت كل عصر انا بالحديقة
بس المرض هذا خوووفني لحتى صرت نفسيه منه
ومو متوقعه من فيتامين د يسوي كل هذا هلع !
بس هم غصب مافيني شي وكله وهــــم بس مادري انا
اشوف مرض نفسي ولا بسبب تفكيري وكثره
وسوستي بالامراض
:) وبس

والله يا ريم نفس اعراضي بالضبط ولكن سجلي هالاحاسيس بورقة وشوفي هل تنطبق مع التفكير اللي يجي بلحظتها مثلا :
انتي تفكري ان راسك مو متزن التفكير السلبي يأتيك انك سوف تسقطي يغمى عليك هل فعلا صار كذا ؟؟؟ سجليها كذا يوم وبتعرفي انها مجرد أوهام انا بديت اطنش والحمدلله كاني احسن من الأول

انا ايضا احس بحفة بالراس وعدم الاتزان لكن بالطبيعيى كل شي سليم لكن ماسويت فحص ولاشي لان كل ماجي للدكتور يقول انت باقي صغير مافيطك شي هذي اوهام
لكن بصراحه انا اعاني من مس عاشق لكن مادري هل هذا السبب ام الا
نسال الله الشفاء لنا جميعا

الموضوع قديم اخوي ، افتح موضوع جديد ورح يردون عليك الاخوه والاخوات

قدامك العافيه

السلام عليكم
انا ماعندي خبرة كبيرة ولا سالت دكتور عن الموضوع بس من تجربتي هالشي من تأثير القلق
لانه احساس خفة الرأس و عدم التوازن وكانك تتمرجح او ماشي على موج كله صار معي مع القلق وكل ماافكر كان يجيني عرض جديد غريب
وهيك دوامة مابتخلص..لما قرأت عن الموضوع انه من القلق فورا الأعراض خفت ، مع اني رحت عند أخصائي إذن وكان كل شي سليم بس حساسية بسيطة