|
غريب الهواء زاد الهلع عندي ارجوك ادخل الكل ادخلو
شفت اعراض السرطان كلها فيني ووسوست ارجوكم ريحوني بكلامكم) :
|
حبيبتي لو فيك سرطان كان تألمتي جتك حرارة
توكلي على الله واحسني الظن بالله لو الوسواس قال فيك مرض كذا وكذا تجاهليه تجاهليه تجاهليه |
ترى كنت مثلك اتوهم كثير
حتى شفت بعيني كل تحاليلي طبيعيه والضغط والسكر ونبضات القلب كله طبيعيه ماعاد صرت اروح للمستشفى الا لمواعيدي انتي هدي نفسك واشربي بابونج نعناع وليمون وابعدي عن المنبهات وكثري من الدعاء والإستغفار |
اقتباس:
|
جسمك الحين مثل الخلاط من القلق والتوتر
بس شوفي نفسك لما تهدين والله حاسه فيك لاني مريت بالمرحله هذي |
هلا غاليتي روفه .
اسف امس مادخلت المنتدى الان شفت موضوعك ... روفه ياعسل ان شاء الله مافيك الا كل خير وعااافيه اول ماجاني الوسواس مافيه شي ما فكرت فيه من امراض وغيره .. الحمدلله اكثرت من الاستغفار واشغل نفسي بالخروج او لعب بلاستيشن احسها تختفي هالاعراض وهذا دليل انه وسواس لو كان مرض حقيقي ماكان يختفي فترة وفترة لا بالاضافه انه الحمدلله انتي ماتشتكين من اي عارض مرضي كل مافي الامر وسواس جربي الان وانتي جالسه استغفري الله 300 مرة او اقل او اكثر .. جربي ايضا تفتحي اليوتيوب ادخل افلام وثائقيه او مواقع تتكلم عن الدول وطبيعتها او حاولي الان تكسبي لغه جديدة بالتعرف عليهااا انا اذا جلست هكذا على النت او بالبيت لوحدي تكثر الافكار والقلق وبالخصوص الان مع جرثومه المعدة دوخه وماشابه ربما من العلاج ... حتى افكر اليوم بعد ماخرج من العمل اسافر الى جدة تغير جوو امشي ع البحر اطلع لكن مادري .. حتى اوقات اعذروني اني ادخل شات محادثه عشان اتكلم بشكل اسرع مع اي شخص لكن احيانا قليله اجد من يكون نفس حالتي اغلب الشات شباب او بنات كلهم ضحك ومبسووطين ما شاء الله عليهم ادخل غالبا باسم نفساني 1 او اي شي حتى اجد احد يفهمنااا.. ان شاء الله مافيك الا كل خير وعااافيه يارب الله يسعد صبااااحك |
اقتباس:
’’ فعلا" كلها أوهام وخيالات مالها من الصحه اي برهان .. لاكن خلي دوم ع لسان هالدعاء قولي "الحمد لله اللهم اني اعوذ بك من زوال نعمتك و فجأة نقمتك و تحول عافيتك و جميع سخطك" الله يشفينا جـــــميعا". ~ |
اقتباس:
شلون الجرثومه ؟؟الحين فيهه تحسن ولا للحين.؟؟. سألت الدكتور وقال الجرثومه مافي اسهل منها علاجها اسبوعين مع الانتظام ب الادويه راح تقضي عليها.. بس ب اقولك عن الاكل الممنوع والاكل المناسب.. اهم شي تبتعد عن المقلي والأكل الجاهز وتاكل اي اكل بس يكون مسلوق وانصحك تشرب لبن مع ثوم مرا كويس يقتل الجراثيم الي بالمعدة وتاكل على الريق عسل مع الحبة السودآ ابعد عن الدسم يتعبك اقطع ثوم حطه مع زبادي وتاكله كويس ملعقة عسل عالريق مع ماء زمزم اذا فيك مغص وغثيان اشرب بابونج لاتاكل من برا اكل المطاعم هو المصااايب و ابعد عن الاشياء الحارة و المقليه خلي اكلك كل شي مسلوق ومشوي والسلطات بس لاتكون حامضة ولاتكثر من اليمون والخل والفواكة والخضار ممتازه اذا تذكرت شي راح اقوله لكك ^_^ وطمنا عنــــك والله يشفيكك يارب ويشفـــي كل من يعاني منــــها.. |
اقتباس:
من شفت ردك وقراته حسيت ودي ابكي وربي ... ااااه كم هوا رائع عندما تشعر من يهتم فيك .. ربي يسعدك ويشافيك ويطيل في عمرك .. من اعجابي وفرحتي بردك احس ودي اكتب لك واكتب واكتب واكتب .............. اااااه ياااااارب ... رااااائعه فوق الوصف ياروفه الجرثومه ماشي معها مع ان علاجها متعب زي الدوخه او الغثيان لكن بصبر بالاضافه الى انها مضادات لازم اشرب مويه كثير يقولون افضل لاحظت خلال هاليومين صرت اروح للحمام الله يكرمك وهذا احسه ممكن كويس ان بطني يمشي افضل من قبل قليل اروح . واشعر بالالم مثل الجوع والالم اللي بعد المغص وممكن طبيعي لان المغص يسبب الالم بالبطن .. الاكل فعلا احاول ابتعد وصرت اجيب خبز واكل معه جبنه او عسل او فول سوداني او او قشطه يا "" قشطه "" تركت السندوتش من البوفيهات .. والعسل نعم اليوم اخذته على الريق وشربت مويه زمزم .. ان شاء الله اخذ الثوم مع اللبن او لو حتى بدون لبن وزبادي لو مع الماء فعلا سمعت ان الثوم مرره مفيد ومطهر للمعدة . امس شافني واحد ولي سنة ماشفته قالي ايش فيك كل مالك تنحف وبدا الوسواس والقلق اكثر ( ممكن له فترة ماشافني يشوف اني نحيف اما اللي اقابلهم دائما ماصارو يقولون كذاا .. ممكن اللي له فترة يقول كذاا )) طبعا الدكتور انا رحت له الثلاثاء قبل ثلاثه ايام وقالي اني نازل نص كيلو على اخر مرة اللي كانت قبل مايقارب 10 ايام .. قالي طبيعي لانك ماكلت ممكن ومع قلق المعدة .. سامحيني اطلت عليك ... لكن الانسان يرتاح في الفضضه والدردشة بالخصوص اللي بسرعه يرد عليك ادخل شات الشلة باسم نفساني 1 اقول ممكن احصل احد يفهمني ويهدي من حالتي ... لكن .... ربي يسعدك ويوفقك ويطيل في عمرك يااااااااااااااارب |
اقتباس:
ويـــــــــــسعدك يــــــــارب. ~ والله ادعيلك دايم وادعي لكل اللي هنا ان ربي يشفيناآ بس ب اقولك ان كانت صـــــديقتي مصابهه بجرثومةة المعدهه وكانت تاخذ قسط هندي على الريق بس امتنع عن الاكل بعدها ساعه ونص اقل شي وخذها قبل النوم ايضا وبعد 15 يوم رح اكشف .. والله يشفيكك وطمنا عنك ^_^ |
مساء الخير روفه ياعسل
كيفك اخبارك طمنينا عنك انا قبل كم ساعه جاني الم في الجبهة فجاه وبعدها دخلت في دوامه القلق كالعادة والان الحمد لله مع الاستغفار والصلاة على النبي يهدى شوي الله يسعدك يارب |
اقتباس:
الحـــــــــمدللهه “ كيــــــفك انت وكيف صحتك؟ الألم اللي ب الجبهه كله يتعلق بالقلق والتوتر .. والله انا الحين عندي خوف من الامراض واللي دمر نفسيتي زياده قوقل ابحث عن الاعراضَ وتطلع لي امراض واوسوسَ فيهاآudjdudud.. الموهيم شوف مقطعَ ف اليوتيوب “ تغلب على الوساوس المرضية بطريقةَ طبيعية ” مترجم انا استفدت منهه " الله يشفينا ياآآآرب ~. |
اقتباس:
لا تبحثي عن الامراض في قوقل وربي يتعبك بزيادة ان شاء الله اشوف المقطع ربي يسعدك دوووم ياااااارب |
شاهدت للمقطع كلامه جميل
فعلا العلاج التطنييششش وعدم البحث بالنت عن الاعراض وكذلك الانشغال بالمفيد ربي يسعدك ياروفه |
يارب تشفيكم وتفرجها عليكم
|
روفه انتي مثلي
من وسواس موت الى أمراض ومثلك اشك فيني المرض الي شكيتي فيه ربي يمدنا بالصحه والعافيه وطولت العمر |
السلام عليكم ورحمة الله وبركاته .
عن ماذا قرأتي ؟ سرطان الغدد اللمفاوية صح ؟ أذكر كنتي تتكلمين عن الغدد .. إيش يمنعك إنك تروحي تكشفي . ؟ ليش تتركي وسواسك يجلس يفرفر بمخك على كيفه ؟ روحي إكشفي ما أقول لك إن فيه شيء يخوف أو شيء مزعج بالعكس ، أنا رحمة بك أبيك تروحين للدكتور تكشفين ، راح تتخلصين من وساوسك لما تكشفين وترتاحين ، وبعدها وقفي مع نفسك وقفة صارمة ، خلاص ما تصدقين نفسك أبداً .. أنا أشجعك هالمرة وبس إنك تكشفين ، وبعدها خلااااص ، مو يلعب عليك الوسواس كل شوي يقول لك المرض الفلاني وتروحين تفحصين ويطلع كذب ، ثانياً إنتي تقولين أحس بأعراض السرطان < يعني إنك قرأتي أعراض السرطان ، أو إن أحد خبرك عنها ، لو محد خبرك عنها بتحسين فيها ؟ هاه كم طلع لك تأكيد ؟ كل سطر يؤكد لك وساوسك أكثر من الثاني ، طيب فيه شيء إسمه ( متلازمة طالب الطب ) وهذا عرض يصيب كل الناس بنسب متفاوتة لكن شائع بين طلاب الطب لأنهم هم أكثر ناس يعرفون أعراض الأمراض .. فكل ما سمع عن مرض يحس أنه فيه أو يقرأ عنه .. نصيحة ، إتركي القراءة !! نعم إتركي القراءة ، ولا تسألين عن أعراضك في الانترنت أبداً .. حسيتي بألم معين أو تبين تتأكدين روحي للمستشفى ، الانترنت هو من يزيد لك وساوسك ، مثلاً كنتي منهكة من يوم كان فيه عزيمة أو سهرة ف بيتكم ، وما نمتي اليوم الي قبله زين ، وجاتك بآخر العزيمة نعااس شديد ودوخة تبين ترمين نفسك ع الفراش ، رحتي ع الفراش ووسوس لك الشيطان أن الدوخة هذي سببها خطير ، رحتي كتبتي ( دوخة ونعاس شديد ) فتعمقتي بالمواضيع فلقيتي أن هناك أورام دماغية تسبب الدوخة والنعاس الشديد ! أو جلطة أو مدري أيش .. ووسوستي ، وذاك اليوم ما نمتي من الخوف ، جاء الصباح ، مستوى الادرينالين كل شوي يرتفع ، جلستي تحدثين نفسك الورم الحين يكبر ، وينتشر في دماغي ، الحين بفقد التركيز ،الحين بطيح ، خليني أروح عند أقرب واحد قريب قبل ما أموت ومحد يدري عني < هذا ما يدور في بالك وبال كل من هو موسوس يومياً .. طيب هي مجرد طريقة تفكير نحن فكرنا فيها .. والخوف هذا مكتسب ، والشجاعة أيضاً تكتسب ولا تأتي كموهبة ، الخوف والشجاعة أنت تكتسبهم ، فلا تقلقين ولا تخافين ، أعملي للشجاعة ، أيضاً زاحمي هذه الفكرة ، إذا كانت هي همك فاجعلي لك هم آخر أيضاً ، ولليكن هم إيجابي ، مثلا حفظ جزء من القرآن ، أو عمل شيء جميل مستقبلي ، في بداية الأمر سيصعب عليك الوسواس ، لكن مع قليل من المحاربة وانا اقول القليل وليس الكثير والتعب وما الى ذلك ، المهم القليل من المحاربة وعدم الانقياد ستجدين أنك تتحولين إلى أسعد إنسانة ، لكن داومي على هذه الطريقة ، يأتيك الوسواس كملي طريقتك ولا تخافي ، ( فكرة الوسواس هو خوف يزيد لحد عالي ويحصل معه تخيلات وتوقعات غير طبيعية ، فقط .. وتحصل للكل .. خلاص يعني إذا جاء الخوف والتوقعات بإدراكك تعرفين أنها شيء طبيعي في كل إنسان خوف يزيد ويجب علاجه ، أكملي علاجك وأنتي تعرفين أن هذا هو هرمون فقط زائد ف الجسم طبيعياً وسيرجع للطبيعي مالم تكوني تستحقرينه ) .. إرجعي لمواضيعك الجميلة والرائعةة وأتحفينا ، كنت أتوقع أنه لما يحاربك الوسواس أنك ستقاومينه ، وأنا أرى الحمد لله أن حتى في ردودك أنتي أقوى إقناعاً وإقتناعاً من قبل ، وهذا يدل على أنك تمشين بالطريق الصحيح ، اللهم إنك تخطئين بكثرة القراءة والتوقع والخوف ، .. كل إنسان طبيعي يزيد عنده هرمون الخوف يصير عنده تخيلات وتوقعات بكثرة < هذا الشيء لو يدركه أصحاب الهلع والوسواس لتعاملوا مع الهلع والوساوس على أنها مجرد هرمون يزيد وبينقص ومن دون خوف وفجأة راح يلاقونه مختفي هالهرمون والقلق والخرابيط كلها |
•لله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشئ من علمه إلا بما شاء وسع كرسيه السماوات والأرض ولا يؤوده حفظهما وهو العلي العظيم - صدق الله العظيم- البقرة:255
( مرة واحدة اما فضلها لن يزال عليك من الله حافظ ولا يقربك الشيطان |
| الساعة الآن 06:47 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا