يا جماعة الخير تكفووون الفزعه
 

انا وربي اشتركت لان حياتي صارت عذاااااب
احس اني مكتئاب لدرجة معاد اقدر اعيش ع وضعي كذا تعبت تعبت تعبت .
امراض والتحاليل سليمه.
انخفاض ضغط الدم .
تنميل في الاطراف وبورده الام في العضلات
اب لبنتين وحياتي من اسوء في اسوء .
متضايق لدرجة كبيرررره لا تحتمل .
رحت طبيب نفسي قبل 8 شهور واخذت سبرالكس واكاني ارتحت عليها.
وبعدها بكم شهر قطعتها تدريجي كنت اهتم بنفسي وبيتي والحين حياتي عذاب مقدر اسوي شي. اتجهت لسبل ترفيه اخرى قلت بسافر وانا بالمطار جاني خوف وغصبوا علي اخوياي ورحت ورب البيت ما رجعت السعودية الى خلاص بموووت من الخوف والاكتئاب كنت اروح واجي ما عندي خلاف الحين لو اروح مدينه قريبة اموت واتضايق ابي ارجع واذا رجعت يجني قلق وشي يخوف تعبت حددددددي اروح لقراء اتاثر شوي وبعدهاااا عادي الاوجاع تجيني من كل صوب عمري 33 سنه ووضفيتي زينه والحين بسوي بيت لعيالي ولاكن الاكتئاب قتلني وكلمت اخوي قال لاتروح للاطباء النفسيين انت فيك عين او حسد وودي اصيييييييح وربي تعبت يا جماعة الخير انا انسان مصلي صايم بس لابد من بعض الاخطاء وانا اعترف بس مو خراب بيوت او شي لاسمح الله.
انا اكتب ويدي ترجف واتعب بس شوي لما فضفضت كني ريحت الي عنده علاج او جرب شي تكفون افزوعوا لي والفزعه من الله ودي ادفع باقي سنيني واعيش سنه وحده مرتاح بجد تعبت تكفووووون دلوني بجد وصلت حدي بجد انا كل شي مغلبني في حياتي بنتي تجي تلعب معي متعوده مقدر بجد يا جماعة حنا لبعض واخوان والي يقرا وعنده الحل يخبرني مدري زش الي فيني بالضبط مدري عين وااالاحسد ولا مرض نفسي حتى لو تبون رقم جوالي بحطه بسس لا تبخلون علي تكفون

تكفون برقبكم لاني ما بيجيني نوم تكفووون انتضركم

انصحك تروح للدكتور سليمان الصغير مرا ممتاز وضعك تقريباً زي وضعي من ناحية الاكتئاب جرب الافيكسور مرا ناسبتني اول ماستخدمتها كنت تقريباً زيك بس انا تركتها ورجعت اسوء مع ضغوطات عندي بحياتي هي الي تغذي الاكتئاب اللعين الله يشفيك ويشفينا جميعاً وحاول تتتواصل هنا للتنفيس عن النفس انا سجلت هنا علشان افضفض وارتاح لاني من النوع الكتوم

جزاكم الله خير على التفاعل وين القى الدكتور يا غالي وليش تركت الحبوب وهل اثرت عليك بعدين الي اقصده هل فعلا فيه علاج لحالتي

بس كثير قريت ان مافي احد تشفى اذا احد تشفى يعلمنا تكفون وربي تعبت مررررره

بالرياض عياده بالملز واذا تبي رقمهم عندي بس لازم تروح له من بعد صلاة الفجر تجنباً للزحمه انت هل سبق وزرت طبيب نفسي ؟؟؟

اي زرت واحد وعطاني السبرالكس وجيته ثانيه بعد ما توقفت وعطاني نوع ثاني يقول تستخدمه اقل شي سنتين

وياليت تعطيني رقمهم وهل فعلا افاد الناس

اقاربي كلهم عنده >> عائله مكتئبه هههه

واشوفهم في تحسن والله العظيم انا فاد معي سنتين وعقبها صارت لي صدمات في حياتي ونتكست حالتي بس جد الافيكسور ممتاز بس اعراضه الانسحابيه جداً متعبه لازم يتابعك طبيب

مدري مسموح لي احط الرقم هنا او ممنوع

جزاك الله خيرا يا الريم

ويااااك

جزاك الله خير اختي ريم صراحه الله يكتب اجرك وبدعي لك ليل نهار والله يشفيكم جميع

مدري طيب مو شرط الرقم بطلعه بس اسم العيادة اقل شي او موقعها

كم المدة اللي استخدمت فيها مضاد الاكتئاب؟؟
اذا كانت المدة قليلة لا تتجاوز 6 شهور فانصح بعدم العودة الى ادوية الاكتئاب مطلقا لان هذه الادوية اشبه ما تكون بمستنقع من الوحل فاذا وقعت في هذا المستنقع فلن تستطيع الخروج

واذا كنت تريد علاج بالاعشاب والحميات الغذائية سوف اكتب لك ما تريد وسوف تخلصك من اكتئابك في اقل من اسبوعين وتعود لحياتك الطبيعية بعيدا عن الادوية الكيميائية

انت باي مدينة ؟
اذا انت من الشرقية اعرف استشاري ممتاز .
ياخي فيك مرض نفسي ولازم تتعالج وماعليك من اخوك ماعنده سالفة مع احترامي الشديد له

ماطلع الايميل ليش شلون اتواصل معك اليوم كلمت شيخ يقول عندي سحر وكانت مشابهه لنفس اعراضي بس مدري احترت المهم يبو زهره انتضر طريقه اتواصل معك فيها

اخي المتفائل اذا فيه طبيب في الشرقيه بسافر عادي وبقعد اي فتره يبيها بس عطني عنوانه

وبعدين شيل من راسك فكرة السحر لان الاعراض اللي فيك كلها اعراض مرض نفسي 100% ولا لها علاقة بالسحر نهائيا

سلام عليكم اخوي زهراني ما عرفت كل ما ارسل يقول غير مسموح لك ياليت ترسلي ايميلك..

محمد غازي استشاري مستشفى المانع الدمام بس لازم تستمر معاه لحد مايلاقي العلاج المناسب لك

سؤال ليش ماترجع للسيبرلاكس مادامك كنت مرتاح عليه ؟

ياخي ترى ماهو بلازم كل هالدوشة اكتبلي اعراضك النفسية هنا وانا اكتبلك العلاج والطريقة

اعراضي احس اني ع حافة الجنون احس بضياع احس فيني شي مقدر اوصفه معاد صرت ابي اقابل حد الي يقابلني ويقول وش في وجهك كذا اتضايق .وجعي صار مخطوف احس بعراض غريبه كاني في عالم ثاني بديت تجيني افكار بين وقت واخر اني بنجن يصبني ملل
حاولت اعدل من روتيني سافرت انا وعيالي وندمت انا الحين مسافر بس عجزت اضحك عجزت اجاري زوجتي في سوالفها معي عجزت العب مع بني احس باني ضااااااايع .
الي اشوفع يضحك احسده اوحيان اقول وش الي يضحك وش الي يسعده محافظ على صلاتي ولادعيه بس ما عطت نتيجه واااضحه احس الدنيا شكلها واحد اونها واحد طعمها واحد . اصحابي اجلس معهم ماني ع راسي احس بضيقه وكااابه زوجتي ما تحماتني وزادت الطين بله بالنقاشات احاول اوضح لها حالتي متفهمني ضروفي زينه بس احس معاد صرت احب اواجه المواقف واحس بتعب نفسي يخليني مهدود حيلي هذا وضعي يا زهراني وانا توقع بلاجاء للطب النفسي لان حالتي اخاف تتطور ويصعب علاجها او افزع لي بالحل انا الحين بالرياض جيت قلت لو تطورت الحاله اكون قريب من المستشفيات الزينه وعيالي معي .
فتكفي يا زهراني الشفاء من الله وانت الله يجعلك سبب

اضيف لك كان عندي وسواس المرض وراح الحين بدا وسواس الجنون وقبة الحيله والخوف

الله يشفيك عاجلآ غيـر آجل

مر الصيـدليـة وخذ

ليـريـكــــا / مـرتيـن بالـيـوم

بـريستيــك / حبه وحـده فقط

انا فرانيل / مرتين بالـيـوم

دوغمـأتيــل ( دوقمـاتيـل ) / ثلاث مرات

وخذها مباشره ونشـاء الله ماقدامـك الا العـافيـة

وتابـع معـى بالمـوضوع

اخوي تقدر تكتب رقم جوالك الحين وتمسحه وراح اتصل عليك

اخوي انت فيه هاه اذا كنت فيه اكتب رقم جوالك وراح اتصل عليك

ممنوع وضع ارقام الهواتف و اي مخالفة ستعرض صاحبها للتوقيف

رجاءا الالتزام ،، و اي تواصل لا يكون الا عن طريق الادارة و بعد موافقة المشرف العام

اعذرني اخي

وصف الدواء لا يكون عن تجربة بل يجب ان يكون من طرف الطبيب ، ،، قد يكون في وصفك ضرر على المريض او خطر من يدري !؟
هذه مسؤولية و اتمنى من كل مريض ان لا ياخذ الوصفات دون الرجوع الى طبيب مختص و استشارته ،،،

اختي أمل الروح
الله يجعلك على اسمك
والله حرام تشوفين الواحد قاعد يتعذب وتقولين ممنوع يكتب الواحد رقمه
طيب الحين اختي والله حرام
لو ابحاول ارسلة رسالة على الخاص لازم مشاركاتي تعدا 7500 مشاركة بالله عليك اختي متى يكمل الواحد هذي المشاركات حتى يرسل على الخاص اذا صار عمره 120 سنه

طيب اودي اعرف العنوان اختي اللي بالمنتدى اللي هو حديث الرسول من فرج كربة عن مسلم فرج الله عنه كربة يوم القيامة وين تطبيق الحديث هذا
لا نقدر نرسل رسالة على الخاص ولا نقدر نكلمه بجوال
ا

مساء الخير ،،
ليه 120 سنة ؟ ههههه انا عندي ضعفها و ما لحقت هذا السن !!

هذه قوانين المنتدى يا اخي ،، حفاظا على خصوصيتك و خصوصية كل عضو هنا ،،
اي تواصل قلت لك يجب ان يتم عن طريق الادارة و بعد موافقة الحوراني ،، يعني ما اقفلت الباب بوجهك ،، لكني ارشدتك للطريقة الصحيحة حتى تحافظ على عضويتك و على خصوصيتك ايضا ،،

ابشرك اختي انا ماراح اقوله أي علاج انا راح اوجهه فقط لا اكثر ولا اقل وبأمكانه يتواصل معكم ويقول لكم كان وصفت له أي علاج يبلغكم

اخوي استغفرك ربي تفاهم مع الادارة او شف لك طريقه اكلمك فيها

علاجك سهل انشاء الله بس طبق اللي كل شي اقوله لك..
اول شي ابتعد عن كل اكل حريف وابتعد عن الفول والعدس ولحوم الابقار وحاول تخفف قدر الامكان من الاكل المقلي والمقليات..
ثانيا عليك باستخدام عشبة لسان الثور فهذه العشبة لها خاصية عجيبة في تفريح القلب وتقويته واذهاب الوسواس والهم والغم والمخاوف والهلع وطريقة استخدامها تحطها في ماء مغلي وتتركها ربع او نص ساعة وبعدين تشربها يوميا على الريق ولمدة شهر الى شهرين
بس انتبه لنوعيتها لانه فيه بعض الانواع ما منها فايدة وهذي نوعية الوحيدة اللي لها فايدة
http://im63.gulfup.com/cuAsHh.jpg

وفي المساء اشرب شاي البابونج يوميا قبل النوم
واستمر على هذا النظام شهرين وانشاء الله بعد خمسة ايام من المداومة على استخدام عشبة لسان الثور يخف عنك الاكتئاب بشكل كبير جدا

جزاااااك الله خير زهراني ومن بكره راح ابدا بالي تقول والله يكتب اجرك ويرحم والديك وييسر امرك ويحطلك من كل ضيق مخرج اختي امل الروح طيب كيف الطريقه نتوووواصل
ارسلك رقمي تعطين ربي يحبك والزهراني ارجووووك سوي خير وارميه بحر وربي بيفرج كربتك اذا فرجتي كرربتي اطلبك يا اختي حرام تشوفين اخوك يتعذب وتسكتين ويمكن تصرين سبب في تفريج كربته اشكركم جميعا على التعاون ورب البيت اني عااااااجز عن شكركم واني بجد ارتحت يوم دخلت وطمني اخوي زهراني وياليت بس اتواصل مع ربي يحبك يمكن يدلني ع شي اختي ارجوك حاولي تشوفين حل اوصله

زهراني وش اكل حريف معرفته

يجب أن تأخذ أدوية نقسية مضادة للكآبة
الكآبة عذاب يجب التصدي للإكتئاب ونضع له حد